منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
مذكرات حتة قماش Support


    مذكرات حتة قماش

    امير صيام
    امير صيام
    عضو مؤسس
    عضو مؤسس


    النوع : ذكر
    عدد المشاركات : 721
    العمر : 37
    تاريخ التسجيل : 12/08/2010
    المهنة : مذكرات حتة قماش Unknow10
    البلد : مذكرات حتة قماش 3dflag23
    الهواية : مذكرات حتة قماش Readin10
    مزاجي النهاردة : مذكرات حتة قماش Pi-ca-46
    مذكرات حتة قماش 30

    مذكرات حتة قماش Empty مذكرات حتة قماش

    مُساهمة من طرف امير صيام 27/11/2010, 7:18 pm

    فى المحل و ع الرفوف مرصوصين زى الجبال


    ادى نايلو وادى صوف وادى فضلات للعيال


    اما انا حتة قماش قطن من طينة بلادى


    غاب على ابن الحلال اللى هيبدل سهادى



    نفسى ارتاح بين ايديه نفسى أتفصل عليه


    عشان أسيب المرمطة بين الأيادى والرفوف والمنفضة


    " Laughing يابيه "


    قالها على عامل ريون المنسوجات


    ولقيتنى ف ايدين اللفندى جوه لفه من ورق


    مش حاسس انى باتخنق



    خادنى معاه من بعد ما دفع التمن ادى الزمن


    =============


    وشويه ويفك الرباط القى نفسى ف بيت كبير


    واد يقول للبيه : يا أونكل ايه ده ورينى حرير


    رد عليه الأستاذ أونكل لأ ياحبيبى دا غيره بكتير


    قاله ياسوسو روح نادى دادى علشان أشوف ايه رأيه ف ذوقى



    =====


    أونكل دادى وسوسو كمان بالذمه دى أسامى ياناس


    طب دا أنا كنت ف غيط عم أحمد ومراته خضرة وعارف الفاس


    كنت صغير سمونى لوزة


    ولما انفتح الغطا وكبرت قام عم أحمد لمنى قطن


    جابو بنات وولاد وعيال



    بت يا زهرة خشى الخط طب وحياة راس سيدى هلالى لخصم منك نص اليوم


    واد يا إمام مش وجت حديت شهل ياله فز وجوم


    واتحطيت جوه الكياس واترحلت ورحت المصنع


    سبت الكفر وسبت الناس "حلوة أوى امتى هتتفصل"


    قالها عجوز انما متلمع زى الخوجه ف كفر العلو


    "بكره أروح للسطى محمد راجل جنتل تفصيله حلو"



    ======


    وانطفى نور القصر وناموا ناموا فوق ريش النعام


    اللى نام يحلم بفيفى والميعاد


    واللى سافر يشترى عربية مرسيدس وعاد


    واللى طول الليل بينقل حاجته م البيت الكبير


    نفسه ال ايه يوم يهاجر فوق بساط الريح يطير



    ادى أحلام ناس تعيش ليله واحده بألف عام


    شفت عم أحمد زمان ف الغيطان ع الأرض نام


    ومراته خضره جايه فى القياله وف ايدها الرغيف


    الرغيف اللى انعجن ويا العرق لكن نضيف


    شفت تانى ف دنيتى جوه المصانع


    اللفندى اللى فوق هوه دا البيه المدير



    كان مروره كل يوم لجل يخصم م الفقير


    رزق العيال


    اللى سمعوا ف الجوامع ان من جد وجد


    وان ربك لما يرزق يعطى لاينسى أحد


    بس انسان الزمان دا قلبه قاسى ياولد


    واترميت جنب المقص



    اللى راح يقطع لسانى لجل ماسكت للأبد
    امير صيام
    امير صيام
    عضو مؤسس
    عضو مؤسس


    النوع : ذكر
    عدد المشاركات : 721
    العمر : 37
    تاريخ التسجيل : 12/08/2010
    المهنة : مذكرات حتة قماش Unknow10
    البلد : مذكرات حتة قماش 3dflag23
    الهواية : مذكرات حتة قماش Readin10
    مزاجي النهاردة : مذكرات حتة قماش Pi-ca-46
    مذكرات حتة قماش 30

    مذكرات حتة قماش Empty رد: مذكرات حتة قماش

    مُساهمة من طرف امير صيام 28/11/2010, 6:35 am

    سبحان الله
    هو فيه حد يعرف مصيره فين ولا ايه
    اهو كل واحد بيتمنى اي حاجه وانتا وحظك او بمعنى ادق انتا وقدرك
    ولا ايه....؟

      الوقت/التاريخ الآن هو 16/6/2024, 2:43 am