اخر قفشات الشباب فى مصر بعض الجمل واختصاراتها

يبدأ يوم الشباب عندما تتجمع (( العصابة ))
يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إليه مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها

يعنى لو البنت حلوه يطلق عليها (( أوكشة )) (( فى الزيف )) يعنى فى الجون

ولو لابسة جزمة كعب عالى (( ألآستوك بيتوك )) أو
حتة (( شامبو )) يعنى ريحتها حلوة ومستحمية !!!


ولو البنت صغيرة يطلق عليها (( أووزى ))

ولو كانت البنت الاجمل فى الشلة يطلق عليها (( النتفة ))

أما لو كانت قبيحة الشكل تبقى
(( صندل مقطوع أو ضاربها طبنجة ))

ولو البنت تخينة تكون (( اتوبيس ))

ولو كانت غير متناسقة القوام او الملامح تسمى
(( سلعووه ))

ولو كانت لعوباً يطلق عليها (( هشكة ))

ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة ))

ولو كانت بنت من مكان شعبى تسمــى (( بيئة ))....

وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...

ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....


وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف
(( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك
(( تاكسى )) يعنى انت لافف وداير وبتاع بنات ..
ولو قالت (( سكامونى )) يعنى جميل و أمور ...
(( ملسكوبيتش )) يعنى بخيل ...
(( شامورتى )) يعنى خنييق ..

(( توت فروت )) مظهرجى ...
(( خفشاوى )) غير واضح وهايف ...
(( شنيش )) يعنى لامؤخذة هفأ .. !!!

ولو الولد تعبان فى المذاكرة يعنى
(( جايب جاز والشراب هوى ومتخرتق )) !!!

وأكثر مصطلحات متداولة هذة الايام

(( العب باشكا )) يعنى العب على المكشوف !!

(( حطيت إيدى على البلف )) يعنى فهمت الموضوع !!!

(( أدعك الفانوس دلوقتى )) يعنى ممكن تمشى وترحل !!!

(( أرحلك )) أخرجك من الشلة !!

(( الجوند )) فلوس !!

(( مكيش القفف )) معاه فلوس كتير !!

(( يا صباح المظلات )) للمتقدمين للكليات العسكرية !!

(( فهمـى )) يعنى نفض وكبر الجمجمة !!!

(( أحلق )) طنش !!!

(( انت حتزاولنى )) انت حتشتغلنى !!!

(( مهييس )) عامل دماغ وطاير قووى !!!

(( يا صباح اللى بتغنى )) صباح الخير !!

(( يا مساء الليل )) يعنى يا مساء الخير !!!

(( فوكك )) سيبك من الموضوع دة !!!

(( أراك أمس )) يعنى مش عايز اشوفك تانى !!!

(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!

(( كل معرفتى بيه .. هاى باى )) يعنى مش صاحبى قوى !!!

(( شوليطى . موليطى )) يعنى مش معايا فلووس .. مفلس !!

ومن مصطلحات الاغانى المنتشرة بكثرة هذة الايام الاتى :

(( انا رايح ألعب مع روبى )) يعنى انا رايح الجيم !!!

(( تعالوا نحصل ماريا )) تعالوا نلعب شوية !!

(( انت بتقلد روبى ؟ )) يعنى بتخبى وبتدارى !!

(( أنت كدة تعجب بوسى سمير )) يعنى انت حطيت النقط على الحرووف

اكيد انت تعرف حد كده وانت عارف الكلام ده منه

أما لو كانت قبيحة الشكل تبقى
(( صندل مقطوع أو ضاربها طبنجة ))

هه


والله هو دا الى بيحصل فعلا .

هههه

يا ريت يا استاذ ابو تريكه ترد علينا جوه الموضوع

ايه الكلام الغريب دا................والله أنا أول مره أسمعه.........

انا عمرى ماشفت بنات بتقول الكلام دا مش عارفه حضرتك جايب الكلام دا منين.........

ده لو بنت بتقول الكلام ده يبقى هيه اصلا ما تربتش

أنا مش عارف طيور الجنة وسحر الشرق زعلانين ليه كده ....الاخ أبو تركيه مش جايب حاجة من عنده بصراحه ... زى ما فيه بنات كويسه زى حضراتكم ..

فى بنات مش كويسه ....بس هو فعلا كلام يهلك من الضحك ...لانه كلام بصراحة ما أفيش حد يقوله ... بس فيه شباب بيقلوه ..

لاتعليق ...سبحان الله اللى هايعيش ياما هايشوف ..وعجبى

الله عليك كلامك سيكى بيكى وجامد
ومش عارف البنات زعلانة ليه زى ما فيه بنات مؤدبة فى بنات كده وزى مافيه جدعان محترمة زى كده فى جدعان نص كم

سيكى بيكى

يا مساء الليل
يا شباب البنات لالالالالالالالالالالالالالا
كل سنه وانتم طيبين

كل الاسف والحزن لما وصل اليه الشباب والشابات من انحطاط لغوى وتفاهة وانحطاط فكرى هودة اللى هخلينا نربى اولادنا عليه هل سيكون لكل جيل ثقافته حتى ولو كانت بنفس المستوى وهل الخلاف يصل لحد ان البنات مابيقلوش كدة ولا لا المشكلة ياسادة ان الكلام ده فعلا موجود واصبحت لغة للتخاطب بين الافراد ولكن هل يقبل احد بتلك اثقافة
اعتقد لا والا يبقى على الدنيا السلام
الحياه ياسادة غير
لكم تحياتى فارس الكلمة وملك البيان
وحكيم هذا الزمان[img][/img]

[quote][كل الاسف والحزن لما وصل اليه الشباب والشابات من انحطاط لغوى وتفاهة وانحطاط فكرى هودة اللى هخلينا نربى اولادنا عليه هل سيكون لكل جيل ثقافته حتى ولو كانت بنفس المستوى وهل الخلاف يصل لحد ان البنات مابيقلوش كدة ولا لا المشكلة ياسادة ان الكلام ده فعلا موجود واصبحت لغة للتخاطب بين الافراد ولكن هل يقبل احد بتلك اثقافة
اعتقد لا والا يبقى على الدنيا السلام
الحياه ياسادة غير
لكم تحياتى فارس الكلمة وملك البيان
وحكيم هذا الزمان[img][/img]/quo

اكيد الكلمتين اللى فى الاخر دول يا استاذ علاء من الكلمات الستحدثة فى ايامكم الجيل بتاعكم هوة اللى كان طلعها (لكم تحياتى فارس الكلمة وملك البيان
وحكيم هذا الزمان) صح
ذى ما فيه دلواتى (الكينج والجوكر والدانجرس ....الخ) تلاقى الشاب من دول كاتبلك كلمتين على الحيطة وماضيلك تحتهم مع تحيات الجوكر مش عارف اية
اكيد كل وقت وله اذان ذى ما بيقولوا ولا داعى للاستعجاب ..
على الرغم من انى لم اسمع كل هذة المصطلحات اللى تعب فى تجميعها الاخ ابو تريكة بس لية لا جايزززز

انت قديم اوى يا ابو تريكة0 عايزن الجديد

انا عمرى ماشفت بنات بتقول الكلام دا مش عارفه حضرتك جايب الكلام دا منين.........

عادى وبعدين انتى تقريبا من امياى مش من اكتوبر ولا القاهرة انا عن نفسى سمعت الكلام كتير بحكم وجودى فى الكثير من المدن