منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
من الاخر .. ألبوم اعتزال ياهضبة Support


2 مشترك

    من الاخر .. ألبوم اعتزال ياهضبة

    ايمرى شووو
    ايمرى شووو
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 1549
    العمر : 41
    تاريخ التسجيل : 26/02/2009
    المهنة : من الاخر .. ألبوم اعتزال ياهضبة Profes10
    البلد : من الاخر .. ألبوم اعتزال ياهضبة 3dflag10
    الهواية : من الاخر .. ألبوم اعتزال ياهضبة Sports10
    مزاجي النهاردة : من الاخر .. ألبوم اعتزال ياهضبة Pi-ca-38
    من الاخر .. ألبوم اعتزال ياهضبة Sport-1

    من الاخر .. ألبوم اعتزال ياهضبة Empty من الاخر .. ألبوم اعتزال ياهضبة

    مُساهمة من طرف ايمرى شووو 2/10/2011, 7:10 pm

    ... محدش يستغرب العنوان و يدخل فيا شمال قبل ما يقرأ المقال كله
    الله يكرمكوا ..

    بالفعل هو البوم اعتزال .. اه بتكلم على البوم الهضبة هو فيه غيره اصلا ؟!


    فكرت كتير قبل ما اكتب المقال ده .. مش تردد مني, لأنى لما أجى اتكلم عن عمرو دياب عشان اقول
    رأيى الأقل من المتواضع بحس إني عاجزة عن الكلام زى ما تقولوا كده هو نقطة
    ضعفي على مدار عمري.


    بس قلت أنا مش هعرف أعبر فى ستاتيوس ولا بوست ولا تعليق و لا تويت

    أصل المرة دي غير كل مرة .. المرة دي فى صدمة لسه مش عارفة افوق منها
    وأعتقد أن محبي دياب   هما كمان
    مش عارفين يفوقوا منها .. يعنى م الأخر الحال من بعضه !


    ليه البوم دياب ؟

    لأن  عمرو دياب ينافس نفسه و
    يتفوق على نفسه !


    هبدأ معاكوا واحدة واحدة كده من الأول

    ..
    البــوستــر


    البوستر اللى نزل فى الأول و قالوا ده مش البوستر الرسمي

    طلعنا فى القطط الفاطسة, ده كله فوتوشوب يا عم, ده بوستر عادى جدا, ده
    بوستر كده على ما تفرج.


    البوستر الرسمى بقى حكايته حكاية !!

    الدنيا اتقلبت و تعددت الأراء و معجبش ناس كتير وأنا أولهم

    ناس تقولك ده وشه جرافيك

    و ناس تقولك دى ضحكة مصطنعة

    و ناس تقولك ايه الخلفية الغريبة دى

    و ناس تقولك هو قاعد على ايه

    و كان فيه اعتراضات كتير و اتفاقات اكتر

    السامبلز

    بالصلاه ع النبى نزلت السامبلز و كل الناس سمعتها و تعدد الاراء مرة اخرى و
    قالك لأ لحن مش عارف اغنية ايه كانت احلى من ايه و اصل و فصل و دوشة
    كتيــــــــر.


    لما نزل الالبوم على مواقع الإنترنت و الناس سمعتوا

    البوستر الأولانى بقى تحفة و البوستر الرسمي بقى وهمي

    و الكل اقلع عن النقد فجأة

    البوستر فعلا احلو فـ عين معظم الناس اللى كانت بتنقده و أنا اولهم برضه !

    عرفت ساعتها أن هو ده عمرو دياب و مش هيتغير
    لأنه عارف هو بيعمل ايه كويس !


    الألبـــــــــــــوم


    صدمة .. وعكة صحية .. حالة ذهول .. قشعريرة مستمرة .. تركيز تام مع عدم
    الاستيعاب بعض الشىء .. تكسير ما هو أمامك .. الخ


    مش عارفة ابدأ منين و لا منين !!

    اكتب المجمل العام ولا اكتب بالتفصيل اللى عمره ما هيكون ممل لأن الكلام
    عن الهضبة !


    عشان كده قررت أنا العبدة لله إنى أوصف كل اللى جواك و جوايا و جوا أي حد
    بيحب دياب.


    تعالوا كده نمسك أغنية أغنية و فى الأخر نقيم الألبوم..


    1.
    بناديك تعالى



    مجرد الانترو اللى سمعناه فى موقعة الرسمى جنن الناس !

    العوود اشتغل لمده 20 ثانية و Embarassed على كده و سابنا نتخيل العـود ازاى
    ممكن يدخل على مزيكا ترانس ؟!


    لما نزلت فى الاول لوحدها الفيس بوك و تويتر و جميع المواقع المجاورة
    مبقاش ورارها شغلانة غير بناديك تعالى.


    صوت عمرو فيها يخليك
    لازم تجيلو فعلا و هو بيقولك تعالى


    2.هلا هلا


    اغنية فيها لعب بالمزيكا غير طبيعى و انت بتسمعها تحس انك فى الملاهى و
    مبسوط و متكيف لأنه رجعك الى الطفولة البريئة و نفس الوقت للنضوج.

    تحية حاره جدا لعمرو مصطفى اللى ابداعه ميختلفش عليه اتنين.


    3.مقدرش أنا


    هنا بقى عمرو بمنتهى
    الحكمة بيقولك متنساش تملى معاك و نور العين

    و البوماتى فى التسعينات يا حلو !

    احساسه فى الاغنية دى فوق الفظيع و تحت المريب .. من كتر حنية صوته فيها
    تحس انه بيقولك انت ( مقدرش انا ع اللى عينى شايفاه )

    هو بيحبك انت ياللى بتسمع خللى بالك .. هو بيوجهلك انت الكلام ده .. اه
    والله !

    تامر حسين ابدع فى الكلام و جاب المفيد و سلمه لدياب و دياب شاف ان عمرو طنطاوى انسب
    واحد هيعرف يرجعه للتسعينيات بالحن العبقرى ده.



    4.الومك ليه


    الاغنية دى لازم يتعملها وقفة بقى عشان الكلام فيها عمره ما يديها ربع
    حقها !

    خير ؟!!!
    عمرو عايز ايه
    فى الاغنية دى ؟!

    عايز يقولك انا مش بتاع ( سنيو ) واحد ؟

    عايز يقولك انى بلحن 4 الحان فى أغنية واحدة ؟

    عايز يقولك انا بروح و اجى و اعلى و اوطى بصوتى و انت قاعد بيتسمع كده
    عادى و المفروض تبقى طبيعى ؟

    الحقيقة هو مدناش فرصة حتى اننا نسيب نفسنا و نتأمل الاحساس لأنه فى لحظة
    بيوديك حتة تانية بعيدة كل البعد عن خيالك و تأملاتك !

    ( يا خسارة محدش فينا نفذ وعد ) بتتقال مرتين

    اول مرة بيحسسك انه موجوع اوى من علاقته الغير مستقرة بحبيبته

    و تانى مرة بيقولك و يأكدلك انه موجوع اكتر و اكتر .. بيقولك خد بالك انا
    بحبها بس مش قادرين ننفذ الوعد مش خايفين من البعد و مش حاسين بقيمة بعض
    .. بيأكدلك انه خايف من البعد و مستعد ينفذ الوعد بس يا خسارة !!


    اغنية للتاريخ شكلا و موضوعا ..

    أيمن بهجت قمر ابدع فأمتع !

    عادل حقى نفذ بعبقرية
    دياب لحنه تاريخى
    فى الاغنية دى


    5. معاك برتاح


    ساحل ستايل كان لازم تنزل فى صيف 2011

    توزيع اكثر من رائع لازم ترقص عليها غصب عنك

    و اعتقد لو الدى جى العالمى ديفد جويتا سمعها هينفسن وش !

    تجربة جريئة و جديدو من احمد صلاح حسنى الملحن و قمة الابداع من عادل حقى و
    عودة قوية لأمير طعيمة بعد غياب ليس بقصير فى التعلمل مع دياب.


    6. ياريت سنك


    فكرتنى علطول بـ البلو ميوزك فى أغنية ( انسى قلبى ) البوم راجعين
    كلام قوى جدا و
    جديد جدا من الشاعر العبقرى بهاء الدين محمد

    خصوصا و هو بيقول : و انا من كتر اعجابى بعينى ختلك صورة !
    عمرو بيدلع فيها
    دلع رهيب و بيبنلنا امكانيات صوته الحنين الرزين

    و كأنه هو اللى اصغر منها بسنتين !


    7.مالى عنيا

    دياب مش مكفيه
    يرجعنا للتسعينيات بس .. ده بيرجعنا للخمسينيات و اوائل الستينيات ..
    بيرجنا لزمن الفن الجميل, للست شادية الدلوعة و محمد فوزى و نجاه الصغيرة !

    لحنه هنا من كتر ما هو قديم .. جديد !!

    تامر حسين فرغ كل طاقاته و ابداعه فى الاغنية دى و عادل حقى بيقولك زمن
    الفن الجميل موجود شبيك لبيك.


    8.هى حياتى


    هى اكيد مش اغنية عادية

    هو بيخلينا نتخيل هى هى هى هى ايه بالنسباله !

    بيعرفنا مدى حبه ليها من كلمة واحدة : هى ..

    مجرد ما قال بصوته و احساسه : هى .. توقعنا الباقى !

    و هو ده العادى نت الشاعر مجدى النجار.

    اصلها بتفرق من هى لـ هى !


    9.يوم ما اتقابلنا


    الرومانسية .. الاحساس .. الابداع ..

    اول مشاعر قلبنا حسها !!

    لما بيقول : و هعمل اللى يريحك و هخاف عليك .. انا اللى برتاح !!!!

    كلمة بحبك و هو بقولها بيقولهالى انا و انت ...

    لو عوزت نجمة من السما هجيبها ليك ..

    و كأنه هو الوحيد اللى سهل جدا يجيب اى نجمة من السما !

    تامر حسين ودانا لمكان بعيد بابداعه.


    10.أغلى من عمرى


    من اروع اغناى الالبوم شكلا و موضوعا .. هو ده عمرو دياب

    الراجل المفترى ملحن اربع الحان فى الاغنية دى .. حرام عليك !

    عايز تقول للملحنين اقعدوا فـ بيوتكم.

    اغنية فوق الوصف لحن و توزيع و كلام و احساس ..

    و هو بيقول : حبيبى أغلى من عمرى و الله اغلى من عمرى ..

    كلمة حبيبى دى بتوديك بعيد اوى و يسيبك مع نفسك عايش اللحظة و الاحساس ..
    يا راجل انت اللى اغلى من عمرنا و ربنا !


    11.عارف حبيبى


    الوقفة التانية عند الاغنية دى !

    اه من الفراق الجزء التانى
    كلام الاغنية
    ميتقألش عليه غير كلمتين .. اعجاز فنى

    و ارفع القبعة لأيمن بهجت قمر للمرة الثانية.

    و كأنى عدوك و سعادتك فـ عذابك ليا ..

    بذمتكوا حسيته بأيه و انتوا بتسمعوها ؟!

    مبقتش قادر اصدقك و بقيت بخاف .. عمرو هنا طلع كل
    ما يملك من احساس عشان يوصلنا انه فعلا مش قادر يصدق !

    لحن عبقرى .. كلام
    اعجاز .. توزيع خرافى.


    12. تجربة و عدت


    مسك الختام ..

    بيقولك فيها انا جمعت كل اغانى الالبوم فى الاغنية دى !

    ايه التوزيع ده يا عادل يا حقى ؟

    ايه الكلام ده يا مجدى يا نجار ؟

    ايه اللحن ده يا دياب ؟

    ايه الفوكال ده ؟!!!!

    ازاى كلام
    حزين يفرحك للدرجة دى وانت بتسمعها ؟!

    يعنى ايه المزيكا تبقى ماشية هاوس و لما يقولك : بالعربى محدش يستاهل
    تتقلب رق و طبلة على واحدة و نص كده ؟

    لأ و الافترى اللى فى الموضوع كله المزيكا فى اخر الاغنية بتتقلب موال فى
    ثانية !!

    ايه يا راجل ده حرام عليك .. نستوعب ازاى طيب كل ده فى اغنية واحدة ؟

    براحة علينا شوية مش كده !


    أعتقد إنكم دلوقتي بس عرفتوا يعنى إيه البوم اعتزال ..

    هو اعتزال لكل
    من هو موجود ع الساحة الغنائية ..

    مش اعتزال
    بالمعنى الصريح ..

    لكن كناية عن أن لسه كتير اوى على مطربين الجيل الجديد عشان بس يفهموا
    اللى حصل فى الألبوم ده !

    و كناية ايضا عن أن
    عمرو دياب عمل البوم
    مفهوش غلطة بمعنى الكلمة و من كتر ما هو البوم تقيل جدا حاسة ان مفيش حاجة
    ممكن تيجى بعده عشان خلص فيه كل الكلام و الابداع و الاعجاز الفنى.

    من الاخر ده البوم للتاريخ و هزة أرضية اسقطت الجميع امامه و ده العادى من
    عمرو دياب.


    نداء الى كل من تسول له نفسه التفكير فقط فى ان هناك ما يعيب هذا الألبوم :
    اثبت مكانك افتح السى واسمع دول وهى اختيارات عشوائيه

    الأغنية رقم 10 من اول الدقيقة 3:31

    الأغنية رقم 6 من اول الدقيقة 1:07

    للأغنية رقم 8 من اول الدقيقة 3:53


    وهنا سؤال ها كنت بتسمع ايه بقالك سنتين ونص ؟

    الاجابه : ولا حاجه



    ام محمد
    ام محمد
    مشرف


    النوع : انثى
    عدد المشاركات : 372
    العمر : 49
    تاريخ التسجيل : 19/09/2011
    المهنة : من الاخر .. ألبوم اعتزال ياهضبة Unknow10
    البلد : من الاخر .. ألبوم اعتزال ياهضبة 3dflag10
    الهواية : من الاخر .. ألبوم اعتزال ياهضبة Painti10
    مزاجي النهاردة : من الاخر .. ألبوم اعتزال ياهضبة Pi-ca-11

    من الاخر .. ألبوم اعتزال ياهضبة Empty رد: من الاخر .. ألبوم اعتزال ياهضبة

    مُساهمة من طرف ام محمد 3/10/2011, 1:00 pm

    لا حولة ولا قوة الا بالله
    الى هذة الدرجة اقتحمت الموسيقى والغناء عقول البشر
    ان لله وان الية راجعون

    الفتنة الكبرى التي بدأت منذ عشرة قرون،وبلغ خطرها مداه في عصرنا هو الإنحراف في الحب وسماع الاغانى والموسيقى فتجد الأفراد يحبون أشخاص لايعرف منهم إلا ماشاهدوه عنهم في التلفاز أو غيره من دون أن يولو إهتمام لأخلاقهم أو دياناتهم وتجاهلو ما قاله النبي الكريم.
    (يحشر المرء مع من أحب يوم القيامة)
    ايمرى شووو
    ايمرى شووو
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 1549
    العمر : 41
    تاريخ التسجيل : 26/02/2009
    المهنة : من الاخر .. ألبوم اعتزال ياهضبة Profes10
    البلد : من الاخر .. ألبوم اعتزال ياهضبة 3dflag10
    الهواية : من الاخر .. ألبوم اعتزال ياهضبة Sports10
    مزاجي النهاردة : من الاخر .. ألبوم اعتزال ياهضبة Pi-ca-38
    من الاخر .. ألبوم اعتزال ياهضبة Sport-1

    من الاخر .. ألبوم اعتزال ياهضبة Empty رد: من الاخر .. ألبوم اعتزال ياهضبة

    مُساهمة من طرف ايمرى شووو 3/10/2011, 3:51 pm

    اختى المحترمة ام محمد ..

    لاعلاقة بين هذا وذاك ..

    انا بتكلم عن عمرو دياب من موضع تانى خالص .. لكن ما علاقة اللى انا كبتة بدينى .. ااؤؤكدلك انى متفهم كلامك لكن صدقينى نهائيا بالنسبالى مافى ادنى علاقة بين هذا وذاك
    ام محمد
    ام محمد
    مشرف


    النوع : انثى
    عدد المشاركات : 372
    العمر : 49
    تاريخ التسجيل : 19/09/2011
    المهنة : من الاخر .. ألبوم اعتزال ياهضبة Unknow10
    البلد : من الاخر .. ألبوم اعتزال ياهضبة 3dflag10
    الهواية : من الاخر .. ألبوم اعتزال ياهضبة Painti10
    مزاجي النهاردة : من الاخر .. ألبوم اعتزال ياهضبة Pi-ca-11

    من الاخر .. ألبوم اعتزال ياهضبة Empty رد: من الاخر .. ألبوم اعتزال ياهضبة

    مُساهمة من طرف ام محمد 3/10/2011, 5:59 pm

    لا اقصد فرد بعينة
    عمرو دياب وامثاله افات التصقت بقدر كبير من المجتمع وتفشت فيه
    لا من رحم ربى

      الوقت/التاريخ الآن هو 28/3/2024, 10:55 am