مادا تقول للرئيس..... عندما تكون احد الارقام العشوائيه التي يتصل بها

اقوله كل شئ تمام ياريس وربنا يخليك لينا .... مفيش بطاله بين الشباب ...بيشتغلوا ومرتباتهم زي الفل وبيحوشوا كمان منها علشان العروسه والعربيه والموبايل والشقه....والشوارع واسعه والارصفه نظيفه زي البفته بدون صرف صحي ولا مياه ضاربه ولا ...زباله ولا اي حاجه...والمواصلات فاضيه والكراسي مش لاقيه حد يقعد عليها ...والشقق متوفره للشباب وواسعه خالص وبرحه وكمان بنصف الثمن يعني الشاب مش عارف يختار من كثره المعروض....وكمان بيشكروا حضرتك جدا علشان شايفين الاسعار رخيصه خالص مش معقول كده الدوله مش مخليه علي جهدها جهد ياحرام....الاهم ياريس ان المستشفيات بقت حاجه مش ممكن مباني جميله واساتده محترمين بقابلوك من الشارع يرحبون بحضرتك ويدوك الدواء ببلاش وكمان وانت خارج لازم يعطوك هديه واحسن حاجه ياريس الممرضات حاجه تهوس تشوفهم من هنا نشفي علي طول ...ومابقاش فيه امراض لاكبد ولاكلي ولاسرطان ولااي حاجه حتي البرد مش موجود ولانفلونزا ولاخنازير ولايحزنزن ربنا يحفظك ياريس ...وربنا يخلي لينا الحزب الوطني ورجالته مش عارفين نشكرهم الزاي وخصوصا احمد عز مش عارفين هايعمل ايه تاني الحديد مش لاقي اللي يشيله واللي يشتري طن حديد يعطيه طن عليه زي البيزا ....والتعليم ممتاز وبدون دروس خصوصيه احسن المدرس مرتبه تمام ومش محتاج حاجه وكل مدرس بيروح المرسه بعربيته الشروكي افتري بقه ماهو هايودي مرتبه فين ...والطلبه كل طالب قاعد علي مقعد اوحده مش لاقي حد يقعد جنبه ...والجامعات مش لاقيه طلبه وبتدلل عليهم باقل مجموع وبتديهم حوافز كمان كل طالب العربيه بتيجي لحد بيته ومش بعيد يصحوه من النوم وكمان بيخرج الكليه يلاقي الشركات بتخطفه خطف ماهو مؤهل بقي واصبح عالم كبير ينافس علماء العالم .....والغاز وصل للقري واصبح الفلاح مفتري غاز وصرف صحي ومياه وتليفون وكهرباء وكمان عربيه علي الباب بيروح بها الغيط...واول مايزرع الزرعه يلاقي اللي يشتريها علي طول وباعلي سعر امال ايه ماهي بدون هرمونات ولامبيدات حاجه حلوه خالص ...ومفيش مظاهرات ولااحتجاجات ولااي حاجه ماهي الناس استريحت ....بس لي رجاء ياريس وهو انك تبلغ الحكومه تتعب الناش شويه احسن افتروا خالص وانا خايف ياخدوا علي كده ....يالهوي هو انا لسه نايم وزي كل مره الغطاء مكشوف ياكسوفي ياولاد...هه

الرئيس مش محتاج لرأينا هو بيعمل للصالح العام وربنا يقويه على فعل الخير لمصرنا الحبيبة

اقول ياؤيس البلد فوضى جدا وعاوزين حاجه واحده
تطبيق الفانون بحزم على الجميع عاوزين القانون البلظجه زادت حتى فى الوزارت
وتحسم القضايا بسرعه

هاقوله ياريس انا حاليا بابحث عن عقد عمل بره ولو خرجت من البلد دى مش هارجع تانى

احب اقول للرئيس

انت فين والشعب عندك ملوش لازمه عندك ليه هوانت مش عارف اننا ضيوف على الدنيا

والا يمكن انت ناسى ان ربنا مش هيحاسب الكل والا ايه

فوق عند ربنا مفيش واسطة لا غفير ولا رئيس