منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
اسعار الحديد Support


2 مشترك

    اسعار الحديد

    صلاح محمد حسانين
    صلاح محمد حسانين
    المدير العام


    النوع : ذكر
    عدد المشاركات : 6402
    العمر : 59
    تاريخ التسجيل : 28/06/2009
    المهنة : اسعار الحديد Profes10
    البلد : اسعار الحديد 3dflag10
    الهواية : اسعار الحديد Writin10
    مزاجي النهاردة : اسعار الحديد Pi-ca-10

    اسعار الحديد Empty اسعار الحديد

    مُساهمة من طرف صلاح محمد حسانين 3/8/2009, 1:25 pm



    أسعـــار الحديــــــــــد

    ليه يا ناس يغلـَىَ الحديد ... ليه نشعلِل فيها نــــــــار
    هيه ناقصه السوق يزيد ... كل ما بيطـْلع نهــــــــار
    لمّا سِعرُه يزيد كتيــــر ... يبقىَ ده شـُغل احتِكــــــار
    واللي لازمُه سيخ حديد ... يشتريه من غير خيـــار
    ـــــــــــــــــــــــــــــــــ
    ناس ف عِز وناس أكيد ... عاوزه لـُقمَه وكوز خيار
    أيه هينفع أو يفيد ... ياكلوا عيش من غير خـُضار
    كان زمان الخير وفير ... لون حياتنا كان خـَضــار
    النهارده الجوع شديد ... والفقير ملهوش قــــــرار
    ـــــــــــــــــــــــــــــــــ
    لو تقول له بُكره عيد ... يبقى يوم ملهوش نهـــار
    يشتري منين الجديد ... والعيال بقيُّم كـُتـــــــــــار
    يبقى زي المُستجير ... والصمود يبقىَ اختِبـــــار
    لو تقول لـُه عيد سعيد ... يجري مِنك زي فــــار
    ــــــــــــــــــــــــــــــــ
    المُرَتبْ لو يزيد ... برضه يبقى السِعْر نــــــــار
    تاخدُه م الصراف بإيد ... تلتقاه رفرف وطــــار
    تِبقىَ في موقِف عَسِير ... تِشكِي هَمَّــــك للحُمار
    جنب ودنـُه تعيد تزيد ... والحُمار يفضل حُمــار
    ـــــــــــــــــــــــــــــــــ
    تِمشي زي الطور شريد ... قرَصُه جُوعُه قام وثار
    مهما تِشقىَ مِن جديد ... متلاقيش أبدًا عَمَــــــــــار
    عيش بهَمَّك موت فقير ... في بلد ملهاش نهــــــار
    وانسى شـُعلِة خير تقيد ... تبقى شمعه لكـــــل دار

    abdooo
    abdooo
    عضو فعال
    عضو فعال


    النوع : ذكر
    عدد المشاركات : 69
    العمر : 36
    تاريخ التسجيل : 16/07/2009
    مزاجي النهاردة : اسعار الحديد Pi-ca-51

    اسعار الحديد Empty رد: اسعار الحديد

    مُساهمة من طرف abdooo 3/8/2009, 10:17 pm

    ناس ف عِز وناس أكيد ... عاوزه لـُقمَه وكوز خيار


    بجد كلام جامد حدييييييييييييييييييييد

      الوقت/التاريخ الآن هو 4/6/2023, 8:28 pm