المنتديات العامة 
من طرف الموجى 30/12/2009, 11:01 pmممكن ياجماعه واحد يكون بيعرف يفسر الاحلام يفسر حلم واحد مصرى غلبان (خير اللهم اجعله خير أل ايه مصر تفتتح اول مصنع فى الشرق الاوسط لتصنيع اللقاحات والامصال زى انفلونزا الخنازير والطيور والمعيز وغيره اه وبعدين وخير ياسيدى أل ايه مصر بتصدر قمح لدول كتير مش ملاحقين تصدير والدولار ب85 قرش مصرى ودخل الفرد فى مصر اعلى دخل فى العالم وبنوك سويسرا كلها قفلت بسبب الاهلى والوطنى وبنك مصر وبنصدر لليبان لابتوبات ماركة ايجيبتيكا لان السونى والتوشيبا راحت عليهم وسفينة الفضاء المصريه تحتمس هبطت على كوكب المريخ بسلام والجيش المصرى للمره العاشره بيجرى اختبارات نوويه فى قليوب المحطه بنجاح مبهر وجيشنا فى تل ابيب من يوم الجمعه الى فات بيوزع على الاسرى الاسرائليين اطباق كشرى من جحا بتاع بنها شوف الكرم والمعونه المصريه لامريكا خفضناها السنه دى عشان الاتحاد الاوروبى طالب مننا سلفه كبيره شويه اما الاتحاد العربى بسم الله ماشاء الله العمله بتاعته عارفينها العروبو ياه سوقها عالى قوى اليورو ب3شكلما حاجه زى القرش عندنا يعنى تمام قوى ومابقاش عندنا ولا شبر من الصحرا ما انزرعش ولا شاب عاطل ومتوسط اعمار المتزوجين من الشباب 18 سنه يا سلام عليك ياريس يا مظبطنا اما بخصوص امياى الحبيبه ياسلام تم افتتاح مبنى مركز الشباب الجديد امس لسه طازه ويا سلام على الملاعب اشى قدم وسله وطائره وغيره من الانشطه وبطولة امياى للبلاى استيشن بكره للى عاوز يسجل اسمه وعضو مجلس الشعب بتاع بلدنا شفتوه فى التلفزيون اوعو تكون فاتتكم الحلقه والمرحله الاخيره منرصف الطرق بالبلد خلاص وصلنا عند كوبرى الرشاح خلاص والغاز فى كل بيت بنقول للناس ارتاحو من طرقعة بتاع الانابيب خلاص والمجارى خلو بالكم هايتعملها صيانه من الاسبوع الجاى الله يجازى الى كان السبب الى رمى فى البلاعه الى عند جامع قنديل شوية خوص ولا شطف او اىحاجه من الورشه سورى المصنع ونقابة القفاصين فى البلد قدمت اعتذار رسمى )ياه لو كل ده يحصل كان يبقى ايه حالنا اسف لو طولت عليكم اعذرونى كنت بصحى الاخ من النوم وياريت كل مصر تصحى من النوم
هههه...تقريبا الانسان الى كنت بتصحيه ..كان مش متغطى كويس... 
