منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
انا والبطيخ وقفاك مع اسامه Support


+2
محمد مسعد ابوطه
عبدالعزيز الحنفى
6 مشترك

    انا والبطيخ وقفاك مع اسامه

    عبدالعزيز الحنفى
    عبدالعزيز الحنفى
    صاحب مكان
    صاحب مكان


    النوع : ذكر
    عدد المشاركات : 1589
    العمر : 36
    تاريخ التسجيل : 18/07/2009
    مزاجي النهاردة : انا والبطيخ وقفاك مع اسامه Pi-ca-52

    انا والبطيخ وقفاك مع اسامه Empty انا والبطيخ وقفاك مع اسامه

    مُساهمة من طرف عبدالعزيز الحنفى 2/12/2009, 8:45 pm

    انا و البطيخ وقفااااك.. برنامج .. للحب.. و عن الحب
    مع اوووسامة سمير

    الحب
    ذلك الشعور السهلبيسي الذي يزغزغ عقول البشر

    و يهشك قلوبهم


    مستمعينا لسه بنتكلم عن الحب وحلقتنا النهارده عن

    الاستهبال في الحب
    معاكم اسامه سمير علي نجوم fm مزيكا علي كيف كيفك

    في.. انا و البطيخ و قفاك

    من دلوقتي ولمدة ساعتين
    مستنين تليفوناتكم علي 6066
    او علي 8555022
    او علي ايميل البرنامج
    علي قفاك ات نيل راديو بروداكشن دوووت كوووم
    برعاية ابليس كومباني و ان تاتش و كريمات زحلقها

    موضوع حلقتنا النهاردة الاستهبال فى الحب
    ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
    وخصوصا اننا جيل موبايلات و انتوا عارفين ان انا عندي 16 سنة فحاسس بيكم و حاسس بمشاكل الجيل كلها ...


    اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك امموووه
    تقولك انت بتستهبل يا حبيبي اتلم لحد يشوفنا


    و حبيبك اللي ييجي في اوقات يعمل فيها عالم فلك و يقولك انا بقرا الكف
    و يفضل يفعص في كف ايدك ولا كأنه شاف ايدين قبل كدا
    و في الاخر تقوليله
    انت بتستهبل ؟؟ حد يشوفنا
    و انتوا اساسا قاعدين في الشارع

    مستمعينا مستني تليفوناتكم علي 6066
    او علي 8555022
    او علي ايميل البرنامج
    علي قفاك ات نيل راديو بروداكشن دوووت كوووم
    برعاية ابليس كومباني و ان تاتش و كريمات زحلقها ياما زحلقها



    نستقبل اول اتصال تليفوني و نقول الوو

    الوو


    الووو


    الووووو

    واضح ان الخط قطع

    - الوو ايوا يا اسامه

    اهلا نتعرف بيكي ..

    - بسمه من بنــــــــــــــــها

    اهلا بيكي يا بسمه ياريت تعلي صوتك شويه

    - معلش يا اسامه اصل انا بتكلم من تحت البطنية...

    مفهوم طبعا عشان محدش يقفشك و انت بتتكلمي
    بثمة بنتكلم النهارده عن الاستهبال في الحب... تقدري تقوليلي يعني ايه الاستهبال في الحب و بيمثل لك ايه

    - بص يا اسامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث
    و سلملي علي الشقي الحكروت موت موت حتومه و قوله انه لذيذ اووووي و بنحبه مووت موووت..


    هو بيضحك وفاتح بقه زي الحمار اهوه و بيقولك
    ميرسي ليكي يا بسمه


    - يا اسامه انا بكلمك عشان الحلقة بتاعتك النهارده مخصوص عشاني
    انا كنت بحب واحد و انا في 2 ابتدائي و فضلنا نحب بعض للجامعة


    - اهـء اهـء اهـء


    لا اهدي يا بسمه و قوليلي ايه اللي حصل

    - يا اسامه اخد كل حاجة كل حاجة

    اححمم
    حتى الموبايل


    - يا اسامه بقولك كل حاجة
    اهـء هـء هـء

    طيب اهدي يا بسمه
    بصي يا بسمه
    الحب شعور متبادل بين اتنين
    مينفعش طرف واحد من غير الطرف الاخر و لازم الاتنين يكونوا متفاهمين و متعاونين
    هو دا الحب اللي هايدوم طول العمر و بكده نحل كل المشاكل اللي تقابلنا حتى مشكلة غسيل الالوان مع الابيض .. لان تايد
    برغوته الجديدة حل المشكله
    مستمعينا نسينا نقول ان تايد من رعاة البرنامج
    مع تاااااايد في الغسيل مفيش مستحييل
    بشكرك يا بسمه علي اتصالك و بهديلك اغنية السوبر ستار عمرو دياب ....


    يا قاعدة علي الترعه و بتغسلي المواعين
    جاتك ستين وكسه دا شرفك بقا في الطين

    نص ساعة اعلانات ..

    انا و البطيخ و قفاك برنامج للحب و عن الحب
    مع اوووووسامه سمير

    مستمعينا لسه بتكلم عن الحب و لسه بنسأل عن الاستهبال في الحب
    مستني تعليقاتكم علي 6066 او علي 8555022
    او علي ايميل البرنامج
    علي قفاك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..



    الوقت بيمر معاكم بسرعة و حاتم بيضحك مش عارف علي ايه بس تقريبا عشان البت اللي بتبيع ترمس علي كوبري ابو العلا حولت له 5 جنية رصيد ..

    هاه ؟؟ عشره رصيد

    طيب اشطه يا حتوم .. اخوك بقا هاه


    نستقبل اتصال تليفوني و نقول الووو

    الووو

    الووو


    الوووووو

    الظاهر الخط قطع

    الوو ايوا يا اسامه

    اهلا نتعرف بيكي
    ياريت تعلي صوتك لان الصوت بعيد اوي

    _معلش اصل انا بكلمك من الحمام

    انا اسماء من القاهرة

    اهلا بيكي يا اسماء


    سمر بتكلم النهادرة عن الاستهبال في الحب
    انت ايه رأيك في الاستهبال عامة و خصوصا في الحب

    _اسامة انا عاوزه اقولك في الاول انت انت احلى و اجمل اعلامي و صوت شفته في حياتي و انا بسجل كل الحلقات بتاعتك و بحبك اوووي يا اسامه

    ربنا يخليكي يا سماح ..

    انا كنت بحب واحد نجار مسلح و بعدين كنت في يوم ماشية في الشارع لابسه باضي جديد و ديق موووت و بعدين واحد عاكسني فحبيبي شلحف

    مين يااسماء ؟؟

    _شلحف هو اسمه شادي بس انا بدلعه شلحف
    قام ضارب الواد اللي عاكسني بالعتله الحديد شاقق له دماغه
    هو دلوقتي في السجن
    و انا بحبه اوي يا اسامه و مش عارفه اعمل ايه
    و اهلي بيضغطوا عليا مووووت مووووت عشان اتجوز واحد قد ابويا
    اسامه انا مش عارفه اعمل ايه

    بصي يا سيدة

    _اسماء

    اه سوري

    بصي يا اسماء

    بنقابل ناس في حياتنا بنحبهم و بيحبونا و ديما كتير بنكون شبهم و زيهم .. حتى الحب نفسه سعات بيحب انه يتكون على حبيب و حبيبه
    و حبيبك بيحبك و ان شاء الله يطلع بالسلامة
    بس تعرفي هو لو كان العتله الحديد مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي لان حديد عز يتميز بالصلابه والقوة و السيخ مظبوط و بالتمام ..

    Embarassed يا ساره على اتصالك و بهديلك اغنية السوبر ستار محمد فؤاد
    يا مسجون في لومان طره
    نفسي اكل معاك كوز دره

    مستمعينا للاسف الوقت عدى بسرعة معاكم
    مستني تعليقاتكم علي 6066 او علي 8555022
    او علي ايميل البرنامج
    علي قفاك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و برسيل وتايد

    الو
    ايوه ممكن نعرف اسمك
    انا سميرة من الوايلى
    اهلا يا سميرة اتفضلى قولى مشكلتك
    اناممكن اقولك مشكله يااسامه انا كنت بحب ابن الجيران وكان علطول بيطلعلي بالفنله وفي الاخر ابويا شافوا وقالوا لازم تصلح غلطتك هزلوا تاني يوم اعمل ايه يااسامه
    ياه كل ده عشان ما يصلحش غلطته ويلبس قميص
    شفت انتي بقي قولي اعمل ايه بقي اهىء اهىء اهىء خاين وحش ملهوش امان رغم ان فلانته يعني مكنتش اللي هي
    عارفة لو بيغسل ببرسيل كان أتجرأ وصلح غلطته ولبس القميص طبعا انتم عارفين ان برسيل من رعاة البرنامج
    وبهديلك اغنية حماقى الجديدة
    يا لابس الفلنة
    كفاياك اتبهدلنا
    مه خلاص عزل من غير مااقوله اغسل الفانله ورجليه كمان اهىء اهىء اهىء راحت عليه
    لا يا جميل ولا راحت عليك ولا حاجة من دلوقتى اشترى علبة تايد وروحى على حمام الشقة وسيبيها عشان اللى ييجى جديد يسكن فيها ما يغلطش نفس الغلطة وبرضه عشان ما تزعليش وليكى انتى بس اهديلك اغنيىة شيرين الجديدة
    عملت اللى عليا عليك جبت المسحوق والكوز
    يا رب ال جاى جديد يكون معاك فانلة مش بلبوص
    مستني تعليقاتكم علي 6066 او علي 8555022
    او علي ايميل البرنامج
    علي قفاك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و برسيل وتايد
    ساعة اعلانات
    الو الو
    ايوه مين معايا الصوت ده انا بشبه عليه انتى فاطمة اللى لسه مكلمانا
    برافو عليك يا اسامة انا فعلا سميرة اللى لسه مكلماك انت قفلت ونسيت اقولك ان
    احنا كمان عزلنا وفي واد في البلكونه اللي قصادنا مش بيلبس فانله خالص مرريحني يعني
    مستمعينا لسه بنتكلم عن الحب وحلقتنا النهارده عن

    الاستهبال في الحب
    معاكم اسامه سمير علي نجوم fm مزيكا علي كيف كيفك

    في.. انا و البطيخ و قفاك
    ولسه معانا عيشه اللى جابت لشباب البلد برد من وقفتهم ادامها بالفانلة
    بتقولى انكم عزلتو وسكنتوا ادام واحد مريحك ومقضيها اسكين طيب وفين كلام أبوكى عن الشرف الرفيع اللى ما بيسلمش من الاذى حتى يراق على جوانبه الدم عموما الحل بسيط انتى تشترى عبوة زحلقها وتفضيها على السلم صاحبنا اكيد
    اول ما يمشى عليها اكيد طبعا هيتزحلق يقع طهره كله هيبقى تشوهات يستر نفسه منها على الاقل بفانلة تستخدمى الخطة اياها بتاعة برسيل
    وبكده يبقى انتى حليت مشكلة البرنامج فى تنشيط مبيعات الرعاة بتوعنا بغض النظر عن مشكلتك
    Embarassed يا اخت شيماء لمشاركتك وبهديلك اغنية مصطفى قمر الجديدة
    انزلك على الوكالة امانة تروح هناك تبص
    هاتلك حاجة تسترك من شاله بجنيه ونص

    مستمعينا للاسف الوقت عدى بسرعة معاكم
    مستني تعليقاتكم علي 6066 او علي 8555022
    او علي ايميل البرنامج
    علي قفاك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و برسيل وتايد
    البطيخ و قفاك برنامج للحب و عن الحب
    مع اوووووسامه سمير

    مستمعينا لسه بتكلم عن الحب و لسه بنسأل عن الاستهبال في الحب
    واحب اقولكم ان حاتم بعد ما كان فاتح بقه من السعادة زى الحمار دلوقتى شايفه بيتنطط ادام الازاز بتاع الشباك زى القردعشان بتاعة الدرة ترضى تحوله رصيد على الخط التانى وبكده تبقى قضت النهاردة وفل الفل وبقوله ماشيه معاك جنينة حيوانات يا عم حاتم
    نستقبل اتصال تليفوني و نقول الووو

    الووو
    انا Mo Ron Tu Kika
    مشكلتى انى بحب واحد عنده 70 سنه
    وأهلى مش موافقين نتخطب غير لما أخلص كلية
    تفتكر ياأوس أوس اضرب ورقه عرفى
    ولا استنى لحد ماأخلص؟؟؟؟؟؟؟؟

    طبعا الصوت مش واضح ومش محتاج اسئل عن السبب اكيد بتتكلمى من المقابر فى حالتك دية بص يا مو رع دو هو فيه ايه بالظبط انا شايف ان مشكلة اسمك اكبر بكتير من مشكلتك
    بص يا قمر الحب ما بيرتبطش بسن ولا وقت صحيح بس فى حالتك ديه صعبة حبتين عشان انتى لو ضربتى حتةعرفى هتخسرى اهلك والعريس من فرحته ممكن يروح فيها تخسرى الاتنين وما تكسبيش حاجة ما فيش غير انه يسيبها على الله ويستناك وانتى ساعديه بكم كرتونة لايز وكام قزازة كوكا يضرب فيهم ويتسلى ووصيه عزرائيل لو جاله يعمل فيها عيل ويقوله انا بكل مم بس حاسبى ليروح مع عزرائيل باى عموما يبقى نفعتى الرعاة طبعا عارفين ان لايز وكوكا من رعاة البرنامج
    وبحب اهديلك اغنية اليسا
    العقل زينة فى الفترينة
    والنبى ما تفيص يا بن القديمة
    مستمعينا لسه بتكلم عن الحب و لسه بنسأل عن الاستهبال في الحب
    مستني تعليقاتكم علي 6066 او علي 8555022
    او علي ايميل البرنامج
    علي قفاك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا ولايز و تايد و برسيل و اومو و اريال ..
    محمد مسعد ابوطه
    محمد مسعد ابوطه
    عضو مؤسس
    عضو مؤسس


    النوع : ذكر
    عدد المشاركات : 750
    العمر : 36
    تاريخ التسجيل : 16/09/2009
    مزاجي النهاردة : انا والبطيخ وقفاك مع اسامه Pi-ca-10

    انا والبطيخ وقفاك مع اسامه Empty رد: انا والبطيخ وقفاك مع اسامه

    مُساهمة من طرف محمد مسعد ابوطه 2/12/2009, 10:10 pm


    لا تعليق يا زيزو
    nabawy
    nabawy
    عضو مشارك
    عضو مشارك


    النوع : ذكر
    عدد المشاركات : 18
    العمر : 35
    تاريخ التسجيل : 07/08/2009
    مزاجي النهاردة : انا والبطيخ وقفاك مع اسامه Pi-ca-10

    انا والبطيخ وقفاك مع اسامه Empty رد: انا والبطيخ وقفاك مع اسامه

    مُساهمة من طرف nabawy 2/12/2009, 10:55 pm

    ذلك الشعور السهلبيسي الذي يزغزغ عقول البشر

    و يهشك قلوبهم





    منين الكلام ده يا زيزو


    (اى كلام فاضى معقول)

    ولا سمير غانم فى زمانه Very Happy
    أسامة عبد العزيز
    أسامة عبد العزيز
    الشخصيات الهامة
    الشخصيات الهامة


    النوع : ذكر
    عدد المشاركات : 429
    العمر : 36
    تاريخ التسجيل : 29/08/2009
    مزاجي النهاردة : انا والبطيخ وقفاك مع اسامه Pi-ca-46

    انا والبطيخ وقفاك مع اسامه Empty رد: انا والبطيخ وقفاك مع اسامه

    مُساهمة من طرف أسامة عبد العزيز 4/12/2009, 11:49 pm

    جامد يا بنى ...........Very HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery HappyVery Happy
    saber
    saber
    صاحب مكان
    صاحب مكان


    النوع : ذكر
    عدد المشاركات : 1246
    العمر : 36
    تاريخ التسجيل : 13/07/2009
    المهنة : انا والبطيخ وقفاك مع اسامه Accoun10
    البلد : انا والبطيخ وقفاك مع اسامه 3dflag21
    الهواية : انا والبطيخ وقفاك مع اسامه Joggin10
    مزاجي النهاردة : انا والبطيخ وقفاك مع اسامه Pi-ca-10
    انا والبطيخ وقفاك مع اسامه 11201022982

    انا والبطيخ وقفاك مع اسامه Empty رد: انا والبطيخ وقفاك مع اسامه

    مُساهمة من طرف saber 5/12/2009, 4:53 pm

    يابنى استرجل واشرب بريل

    استرها على الرجالة
    avatar
    mr:sayed
    عضو نشيط
    عضو نشيط


    النوع : ذكر
    عدد المشاركات : 48
    العمر : 36
    تاريخ التسجيل : 21/06/2009
    مزاجي النهاردة : انا والبطيخ وقفاك مع اسامه Pi-ca-14

    انا والبطيخ وقفاك مع اسامه Empty رد: انا والبطيخ وقفاك مع اسامه

    مُساهمة من طرف mr:sayed 5/12/2009, 6:12 pm

    الاستهبال في الحب يا
    يا سهلبيسي
    اين الادارة فى كل هذا لو الناس دى ناسية القوانين ممكن تفكرها.
    ده كلام كان في موضوع ليك في قسم الشكاوي والإقتراحات
    وانت ناقل الموضوع يا زيزو يا وحش انا والبطيخ وقفاك مع اسامه 755490
    عبدالعزيز الحنفى
    عبدالعزيز الحنفى
    صاحب مكان
    صاحب مكان


    النوع : ذكر
    عدد المشاركات : 1589
    العمر : 36
    تاريخ التسجيل : 18/07/2009
    مزاجي النهاردة : انا والبطيخ وقفاك مع اسامه Pi-ca-52

    انا والبطيخ وقفاك مع اسامه Empty رد: انا والبطيخ وقفاك مع اسامه

    مُساهمة من طرف عبدالعزيز الحنفى 5/12/2009, 6:16 pm

    انا هسيب الادارة هى الى ترد
    avatar
    mr:sayed
    عضو نشيط
    عضو نشيط


    النوع : ذكر
    عدد المشاركات : 48
    العمر : 36
    تاريخ التسجيل : 21/06/2009
    مزاجي النهاردة : انا والبطيخ وقفاك مع اسامه Pi-ca-14

    انا والبطيخ وقفاك مع اسامه Empty رد: انا والبطيخ وقفاك مع اسامه

    مُساهمة من طرف mr:sayed 5/12/2009, 6:41 pm

    الحب
    ذلك الشعور السهلبيسي الذي يزغزغ عقول البشر



    بما أن عبد العزيز يقصد ب ( الحب هذا الكلام السهلبيسي)
    أن تساوي = (الحب هذا الكلام الجميل )
    إذاً السهلبيسي = الجميل

    وهو المطلوب إثباته (ه ط ث )  يا سهلبيسي


    ومحدش يلومني 
    وEmbarassedً





      الوقت/التاريخ الآن هو 18/6/2024, 6:19 pm