منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
الفرق بين بابا وجوزك Support


2 مشترك

    الفرق بين بابا وجوزك

    abotreka
    abotreka
    عضو فعال
    عضو فعال


    النوع : ذكر
    عدد المشاركات : 57
    العمر : 37
    تاريخ التسجيل : 12/09/2009
    مزاجي النهاردة : الفرق بين بابا وجوزك Pi-ca-51

    الفرق بين بابا وجوزك Empty الفرق بين بابا وجوزك

    مُساهمة من طرف abotreka 19/11/2009, 11:54 pm


    مع بابا.. دخلتى المطبخ ما دخلتيش .. كله واحد وممكن باباكى يساعدك
    انما مع جوزك ..مش بمزاجك .. ها تدخلى .. هاتدخلى

    مع بابا .. فى العيد بيديلك العيديه وفوقيها بوسه ..
    لكن مع جوزك .. بيقول انت خلاص كبرتى على الحاجات دى

    مع بابا.. بتنامى وتصحى وقت ما انتى عايزه ..
    مع جوزك .. وقت ماهو عايز .. او مع مواعيد شغله.

    مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى
    مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

    مع بابا لو حصل حاجه مثلا و كنتى زعلانه .. بيزعل عشانك ..
    مع جوزك .. بيزعل منك .. ويلومك ازاى تزعلى اصلا

    باباكى .. كلمه حلوه ترضيه ..
    وجوزك .. طول الليل تحايلى فيه

    باباكى وانتى عيانه .. سهران جنبك طول اليوم
    انما جوزك بيروح ينام فى الاوضه التانيه.

    بابا .. لما تدلعى عليه .. بيفرح بيكى
    انما جوزك .. بيقولك ..اكيد عايزه حاجه

    باباكى.. لما تقولى له .. ده حصل كذا وكذا .. بيهتم ويصدقك
    انما جوزك .. بيقولك .. الموضوع دا وراه ان .. ويشك فى كلامك

    بابا .. لو شافك بتعيطى ها يمسح دمعتك
    انما جوزك .. ها يقولك يادى النكد

    مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص
    لكن جوزك .. ها يقولك شكلك زى عروسة المولد

    مع بابا .. لو طلبتى دوا من الصيدليه . جرى ها ينزل يجيبه
    لكن جوزك ها يسالك بكام الأول؟

    بابا .. لو طلب منك كوباية ميه .. بيقولك لو سمحتى عايز ميه
    انما الباشا يقولك قومى هاتى ميه

    لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه
    لكن المحروس .. مافيش قدامك غير يا الاخبار يا الكوره .. يا ميلودى

    بابا لو نازل مشوار .. بيعمل ليكى اعتبار ويديكى خبر
    لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه

    لو محتاجه فلوس فى حاله طارئه .. بابا ها يديكى من عينيه
    لكن جوزك .. ها يقولك خدى من بابا

    لو جالك مكالمه غلط على موبايلك.. بابا ها يقولك حصل خير
    لكن جوزك .. ها يتهمك بالخيانه ...

    لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
    لكن جوزك ها يقول معلش انا لازم ابلع او ها يقسمها معاكى

    لو اتزحلقتى على الارض ..باباكى ها يجرى يشيلك
    جوزك ها يقعد يضحك ويقولك ما انتى اللى مش منشفه الارض كويس

    لو نفسك تغيرى مكان السجاده ..باباكى ها يقوللك عنك دى تقيله عليكى
    لكن جوزك ها يقولك مش ضرورى وجع القلب دا

    لو العربيه عطلت بيكى .. بابا.. ها يقولك اقفليها وتعالى وانا ها اتصرف
    جوزك .. ها يقولك متركبيش العربيه تانى

    لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله
    انما جوزك .. ها يقولك انتى اللى ماشيه مش محترمه

    لو مقدمه على شغل ..باباكى.. ها يوصى عليكى طوب الارض
    لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

    باباكى لو لاحظ انك متخانقه مع اختك .. ها يصالحكوا على بعض
    لكن جوك هيقولك خليهم يولعوا دول عيله عجب

    مهما باباكى كان متضايق .. لا يمكن تكلميه وتلاقيه مكشر
    لكن جوزك.. لو متضايق .. مصر كلها هتنكد عليكي استحملى بقى



    Embarassed Embarassed عيد مبارك

    وده اخر كلام
    ارجو الرد
    engineer
    engineer
    عضو مؤسس
    عضو مؤسس


    النوع : ذكر
    عدد المشاركات : 925
    العمر : 45
    تاريخ التسجيل : 06/09/2009
    المهنة : الفرق بين بابا وجوزك Engine10
    البلد : الفرق بين بابا وجوزك 3dflag23
    مزاجي النهاردة : الفرق بين بابا وجوزك Pi-ca-10

    الفرق بين بابا وجوزك Empty رد: الفرق بين بابا وجوزك

    مُساهمة من طرف engineer 20/11/2009, 9:09 pm

    إنت ضيعت الأزواج خالص

    عموما الكلام دا فعلا بيحصل ودا بس من قلة تحمل المسؤلية من ناحية الأزواج وقلة التمسك بنهج النبي صلى الله عليه وسلم لأنه كان أفضل من عامل زوجاته وكان بشهادة زوجاته أنفسهن من أفضل الناس
    ولا ننسي أنه القائل قبل وفاته مباشرة (الصلاة الصلاة وما ملكت أيمانكم)
    وهو القائل (إستوصوا بالنساء خيرا)
    أسأل الله تعالى أن يهدى الناس الى ما فيه الخير
    وجزاكم الله خيرا

      الوقت/التاريخ الآن هو 1/3/2024, 7:21 pm