من طرف صلاح محمد حسانين 17/1/2012, 10:27 am
[size=24]أنا العاشق
وعمري في يوم ما
هأتحول
دا انا إللي عشقتك الأول
وليه حطاني في الآخر
وانا إللي أرجع وأتاخر
وأنا لما أقول عاشقك
بتتفسر وتتأول
دا انا إللي عشقتك الأول
أنا إلي كنت في أرضك
غلام ويا النبي موسى
خدوني الكهنة على فرعون
وأنا إللي لسة في اللفة
وقلولي إزاي هاتتخفى
حتخدم في بلاط القصر
وأنا كنت بتمنى
أكون في خدمتك
يا مصر
زلون لحد ما بان شعاع النور
وقام موسي يقلب
في القلوب البور
ولقى قلب الحجر أرحم كتير
من الظالم المغرور
وراح فرعون غرق في اليم
وحطيتك في شرياني بدال الدم
ودعت النبي موسى
وحرستك
لما من كثر الأمان
سموكي محروسة
ومن يومها
وأنا واقف على البيبان
ولا تقدرت
ولا يلزمني في حبك أخدلي نيشان
انا عايزك تبصي بس للشباك
وتبتسمي
وأسمع فوق شفايفك دي
حروف إسمي
تقولي فينكم يا ولادي
أقول يا مصر
خدامك
لكن ألقى الجبان يامصر
قدامك
وألاقيني ورا القضبان
أعاني يا مصر نسيانك
وأعاني قسوت السجان
أنا عيزك تثوري على
إلي سرق العشق والأحلام
وشربنا الألام مواويل
وبكى علينا نهر النيل
وضيع جيل
وسكن في ظلام السجن
كل أصيل
وأنا من السجن بندهلك
أنا ناسك وأنا أهلك
وأنا سعدك وأنا سهلك
وأنا العاشق لأحبابك
وأنا نوبك وأنا نابك
وشاوري يا غالية
تلاقيني على بابك
وخلي حد يتعدى
وأنا أوزن دم بترابكfont>[/size]
الصالون الأدبي
