المنتديات العامة 
من طرف Ahmed Ragab 24/11/2011, 6:44 amرصد | أقوال و آراء | الزائر أحمد عبد الوهاب #RNN
ده اللى حصل معايا بالظبط النهاردة .. وبيمثل عن شخصى وليس كيان أخر..
----------------------------------------------------------------------------------
النهاردة اثناء وجودى بشارع محمد محمود العصر .. لقيت الجيش والشرطة
والشعب إيد واحدة .. إفتكرت إن الدنيا هديت .. الثوار بينضفوا الشارع
ومرة واحدة لقيت ناس عمالة بتزق فى الشرطة العسكرية و كان واقف وراهم
الأمن المركزى .. و عمالين يقولوا هتافات مسيئة .. وحسيت إن فى شعللة هتحصل
. أخدت زميلى أسامة طلبة و قولتله يلا عشان هيحصل ضرب ، الناس بتستفز
العساكر جامد .وقبل ميكون فى ضرب لقيت بنات بتقول إلحقوا الجيش بيضرب الناس
جوا .رغم إنى جيت بعديها ومكنش فى ضرب و لا حاجة.. و بعديها بعشر دقايق
سمعت أول صوت ضربة خرطوش والميدان هاج تانى
