المنتديات العامة 
من طرف Eng.sanoo 8/9/2009, 4:31 pm
كلام علي المصطبه.
- الحكومة خلاص .. فهمتنا
الحمدلله الحكومة بدات تدخل الغاز في مناطق كتيرة
ان الحكومة بدأت تعاملنا معاملة اليهود 
يقال إن87%من الشعب المصرى ساخطون على الحكومة المصرية.. ما تعليقك؟
ـ ال 13% الباقيين فى بورتومارينا
هل صحيح ان كتر السلام يقل المعرفة؟
ـ صحيح فيما عدا السلام مع اسرائيل، كتر السلام معاها يعمق المعرفة والبيزنس يهود بقى نعمل ايه
القيادة السياسية تدرس مع القادة العرب فرص احياء عملية السلام؟
ـ أهى دى بالذات حاجة محدش يقدر يحييها غير اللى خلقها*******
تقرير :45% من الشعب المصرى مصابون بمرض السكر.. ما تعليقك؟
ـ آدى اللى خدناه من "الحلوانى" اللى بنى مصر
ليه الحزب الوطنى بيعمل اعلانات لنفسه مع ان البلد كلها بتاعته؟
ـ زى ما شبكة الأوربت بتعمل اعلانات لنفسها على شاشة الأوربت
ما الفرق الأهم بين مصر وأمريكا؟
ـ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .. وعجبي
ما أهم قاعدة موجودة فى مصر؟
ـ ان مفيش قاعدة لأى حاجة*******
ما وجه الشبه بين السد العالى وقانون الطوارىء؟
ـ الأثنين مصدر للكهرباء
لماذا يطلق المصريون على زوجاتهم لقب "الحكومة"؟
ـ لصعوبة تغييرها مهما تسببت فى كوارث 
أين يمكنك أن تلاحظ سوء نية المصريين؟
ـ لم يغنوا للطفل البرىء بمنتهى الخبث قائلين.. يارب يا ربنا تكبر وتبقى زينا .. لية بس بتدعوا عليهم ؟ قال يعني مش عارفين حالكوا ؟*******
ليه أكتر ناس بياخدوا مواقف معارضة جريئة هم الناس بتوع الغزل والنسيج؟
ـ علشان بيشتغلوا فى القطن, و "القطنة ما بتكدبش" زى ماقلت مدام نظيفة
امتى بتحس ان البلد حلوة؟
ـ ماباحسش ان بلدنا حلوة غير لما داليدا تقول: حلوة يا بلدى.. بغض النظر انها قالتها وانتحرت
امتى هناكل جوافة من انتاج مزارع توشكى؟
ـ لما نلاقى المشمش*******
ما العلاقة بين عصام الحضرى وسمن روابى؟
ـ الطعم فلاحى وتحدى
هل لك أقارب استشهدوا فى الحرب؟
ـ لأ عندى أقارب استشهدوا فى السلام... السلام 98ستين في المية من الرجال المصريين يشخرون وهم نائمون... 
ما تعليقك على أن المصريين لا يتحدون الا لما يكون المنتخب بيلعب؟
ـ الاستاد هو الحل
ما الدليل على أن مصر بلد الامان؟
ـ الدليل ان الواحد بيتردد كتير قبل ما يدخل أى قسم شرطة
ايه الكلمة اللى ما بتحبش تسمعها وانت فى أوضة
العمليات؟
ـ يا خسارة*******
من المستفيد من الزحام الذى يسيطر على شوارع القاهرة؟
ـ شركات المحمول، كله واقف فى الاشارة ماسك الموبايل، بيخلص شغل أو بيعتذر عن التأخير أو بيسلى نفسه على الأقل، وبالتالى تعتبر الادارة العامة للمرور هى المستفيد الثانى.. مخالفات استخدام المحمول أثناء القيادة.. المستفيد الثالث هى الشركة الشرقية للدخان حيث يتزايد معدل الحرق على سبيل التنفيث.. المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية.. المستفيد السادس المعلنون على اذاعة نجوم اف ام وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات علي وعلي*******
ليه بيقدموا الساعة ساعة عندنا فى الصيف؟
ـ علشان البلد تتقدم بينا
ايه اكتر حاجة بتجمعنا كمصريين؟
ـ حبنا للكابتن ابوتريكة
ـ حبنا لأبو تريكة بيخلينا ندعى له من قلوبنا يارب يخف يارب يلحق ماتش المنتخب يارب أبوتريكة ينزل دلوقتى، ما أظنش ان فيه حد فينا دعى لمصر بأى حاجة من زمان
ـ حبنا لأبو تريكة خلانا نصفق له ونقف وراه لما رفع فانلة عليها "تعاطفا مع غزة "، لكن لما الغزاوية دخلوا عندنا شوف بأه
ـ حبنا لأبو تريكة خلا معظمنا يمشى فى الشارع لابس تى شيرتات عليها رقم 22،
حد فيكم فكر يعلق علم مصر فى البلكونة عنده؟
فى الماتشات بس وتحيا مصر دول احسن جنود فى العالم يابنى
*******
ما الفرق بين الزوجة المصرية والزوجة اللبنانية؟
ـ 40 كيلو جرام على الأقل
لماذا يقال عن الشعب المصرى انه شعب فوضوى؟
ـ علشان بيكره النظام
اه كمان نسيت اقولكوا على حاجة
ادارة المرور بتدرس انها تبعت للمخالف رساله عالموبايل
يعني الواحد من دول يكسر اشارة مثلا يتاكل مخالفة .. حبة كده ويسمع مسدج عالموبايل
يقرا الماسدج
وهو بيقراه يتاكل مخالفة استخدام تليفون محمول اثناء القياده اللي اكيد هيتبعت بيها رساله تانية على نفس الموبايل بتاع نفس الرالجل
اللي بردة هيتصرف نفس التصرف الاولاني ويمسك الموبايل
واكيد بردة هيتاكل نفس المخالفة وهتتبعتله رساله تانية
صدق اللي قال .. عايش فــ سباق
ماتزعلوش دي مصر بردة هي امي .. ومش محتاجه اكمل
انتوا عارفين الفولةوبرضه
حكومه علي ماتفرج
