ماذا يخطر في بالك ان تفعه في رمضان‏

يا جماعة كل مره
نفاجأ ان رمضان جه وبعدين نقول يااااااااااااه هنفضل شهر بنصوف وفجأه
تلاقي نصه عدي وقبل ما تقول صومنا نص رمضان تلاقي الشهر كله خلص
ومستدناش حاجه

سيبوكوا من الى بيقول هنعطش والدنيا حر والكلام ده
انا عندي يقين بأذن الله ان الشهر ده هيبقي ربيع علينا كلنا وربنا يكرمنا

نيجي للمهم........يا ريت كل عضو يدينا اقتراحات نعملها في رمضان وعازم انه يعملها
كتير مننا معندوش افكار وكتير مننا عنده افكار بس بيكسل يعملها

يلا نشجع بعض وهبدأ انا بفضل الله

1-
في جمعيات خيرية محتاجه ايدي عامله واموال عشان الأفطار الى بيعملوه
ومتستهونوش بالنقطة دي لأن فيها المجاهدة بالنفس والأموال وانتوا اعلم منى
بفضل الجهاد في سبيل الله
والله اعلم

2- من المغرب للعشا مش
عاوزين نقضيها مسلسلات واكل لأن الشهر ده مش معمول عشان كده ده معمول عشان
تتعبد فيه ولو خلاص لازم تتفرج هتلاقي كل المسلسلات بتتعاد تانى بعد رمضان
ده غير انك هتكون عرفت ايه حلو وايه متتفرجش عليه وربنا يهدينا كلنا

الوقت ده لازم نقضيه صلاة سواء كانت عشا وبعدها تراويح وبعدها قيام وتهجد حتى الفجر
يا جماعة متضيعوش الفرصه بين ايديكوا

3-فترة من الفجر للشروق اتمنى انكم بعد صلاة الفجر تفضلوا في مصلاكم حتى طلوع الشروق وتصلوا ركعتى الضحي فهى في مقام حج وعمرة تامتان

4-بعد
الشروق الى تعب من الصلاة وعاوز ينام ممكن ينام لحد الظهر بس لازم يصحي
ويصلي الظهر في وقته وياريت الشباب او البنات ميضيعوش صلاة الجماعة ممكن
البنات تصلي جماعة في البيت بس الأولاد ملزمين بالصلاة في الجامع

5- من الظهر للعصر قرائة القرأن وياريت تختموا وتجمعوا اكبر دد من الختمات

6-
من العصر للمغرب انا بحب اسميه وقت الدعوة بمعنى ان ربنا هداك في رمضان
يبقي لازم تشكر نعمته عليك وتشوف مين امن اصحابك غافل عن رمضان وتاخد
بأيده وتساعده
وبدل ما كنت بتاخد ثوابك فقط هتاخد الثواب الضعف ده حتى ممكن انت تكسل وهو الى يشجعك

اخر
حاجه بالنسبة للأكل ياريت محدش يثقل في الأكل قبل العشا وخلوا الأكل
الجامد بعد التراويح عشان بشوف مهازل في الجامع والى هيقع ومش قادر يشيل
نفسه من كتر الأكل

اكرمنى واكرمكم الله ويارب تكونوا استفدتوا وتفيدونى بأشياء اخري
اللهم بلغنا رمضان