من طرف فايز مع الله 22/7/2010, 9:38 pm
السلام عليكم ورحمه الله وبركاته
موضوع حلقه اليوم بعنوان " الشباب ومصطلحات الروشنه "
ايه رايكم نعرض بعض هذه الكلامات وبعدين ندوس فى الموضوع اه عارف هتقول ايه
( روشنه ،هندوس ) دى من مصطلحات الروشنه ماشى ياعم الحاج ...
يبدأ يوم الشباب عندما تتجمع (( العصابة)) يعنى الشلة ، كل (( مورنينج )) عند
((
ناصية الرمش )) وهى عبارة عن مكان تتوافد إليه مجموعة من بنات النادى أو
الجامعة معظمهم بنات (( إستبن )) يعنى غير أصحابهم الآساسيين وكل بنت لها
المصطلح الخاص بها
يعنى لو البنت حلوه يطلق عليها (( أوكشة )) ، (( فى الزيف )) يعنى فى الجون
ولو لابسة جزمة كعب عالى (( ألآستوك بيتوك ))
أو حتة (( شامبو )) يعنى ريحتها حلوةومستحمية !!!
ولو البنت صغيرة يطلق عليها (( أووزى ))
و أه لو كانت البنت الاجمل فى الشلة يطلق عليها (( النتفة))
أما لو كانت قبيحة الشكل تبقى(( صندل مقطوع أو ضاربها طبنجة ))
ولو البنت تخينة تكون (( اتوبيس ))
و شوف بقى لو كانت غير متناسقة القوام او الملامح تسمى((سلعووه))
ولو كانت لعوباً يطلق عليها (( هشكة ))
ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!
أما بقى لو كانت البنت سمـراء البشرة تسمى (( ضالمة من قارة افريقيا )) أو (( مزرقة ))
ولو كانت بنت من مكان شعبى تسمــى (( بيئة ))...
وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))
وممكن الحكاية تكون فى السليم وتقلب صحوبية وتقول للولد (( خلينا فى الفيوتشر ))...
ولو الولد زهق (( اتخنق )) من البنت أو العكس يقولها (( سمعينى بودعك )) أو
(( حديها الدبلة))....
وعندما
تريد البنت معرفة رأى أصحابها فى ((البوى فريند )) بتاعها تعطية ميعاداً
وتطلب من صديقاتها رأيهم بدون أن يعرف ((الموكوس )) الغلبان ....
..... خدوا بالكم يا شباب من المصطلحات اللى جاية دية للأهميةالقصوى عندما تقول لها صديقتها انك :
((تاكسى )) يعنى انت لافف وداير وبتاع بنات ..
ولو قالت (( سكامونى )) يعنى جميل و أمور ...
(( ملسكوبيتش )) يعنى بخيل ...
((شامورتى )) يعنى خنييق ..
(( توت فروت )) مظهرجى ...
(( خفشاوى )) غير واضح وهايف ...
((شنيش )) يعنى لامؤخذة هفأ .. !!!
أما بقى لو الولد تعبان فى المذاكرة يعنى
((جايب جاز والشراب هوى ومتخرتق))!!
........ وأكثرمصطلحات متداولة هذة الايام:
(( العب باشكا )) يعنى العب على المكشوف !!
((حطيت إيدى على البلف )) يعنى فهمت الموضوع !!!
(( أدعك الفانوس دلوقتى )) يعنى ممكن تمشى وترحل
((أرحلك )) أخرجك من الشلة !!
((الجوند )) فلوس !!
(( مكيش القفف )) معاه فلوس كتير !!
((شوليطى . موليطى )) يعنى مش معايا فلووس .. مفلس !!
(( فهمـى )) يعنى نفض وكبر الجمجمة !!!
(( أحلق )) طنش !!!
(( فوكك )) سيبك من الموضوع دة !!!
((انت حتزاولنى )) انت حتشتغلنى !!!
((يا صباح اللى بتغنى )) صباح الخير !!
((يا مساء الليل )) يعنى يا مساء الخير !!!
(( أراك أمس )) يعنى مش عايزاشوفك تانى !!!
(( مهييس )) عامل دماغ وطاير قووى !!!
((أحنا عيال قادرة وكفأة .. ودكتوراة فى الحداقة )) يعنىاحنا شباب 100 / 100 !!!
((يا صباح المظلات )) للمتقدمين للكليات العسكرية !!
(( كل معرفتى بيه .. هاى باى )) يعنى مش صاحبى قوى !!!
...................ومن مصطلحات الاغانى المنتشرة بكثرة هذة الايام الاتى :
((انا رايح ألعب مع روبى )) يعنى انا رايح الجيم !!!
((تعالوا نحصل ماريا )) تعالوا نلعب شوية !!
((انت بتقلد روبى ؟ )) يعنى بتخبى وبتدارى !!
(( أنت كدة تعجب بوسى سمير )) يعنى انت حطيت النقط على الحرووف
هي دية مصطلحات اليومين دول اللي يعرف جديد يقولنا
وطبعا الكلام ده كله منقول لانى بصراحه انا مش عارفه كله
نيجى بقى نعرف ايه هى الروشنه من وجهة نظر الشباب ......
( الروشنة ) مصطلح عامي دارج ومستحدث علي المجتمع ويعني الحركة السريعة والظرف
واتفرج يا سلام على الروشنه والشباب التمام يعنى بعيد عن الدين يا معلمى اللى المفروض نلتزم بيه
والله
ده انا وانت خايبين اوى بنجرى وراء تفهات ولا ليها اصلا قيمه متخليك راجل
ياعم الحاج انت ومتكونشى عيل سيس هو ده كلامى لو عاجبك
تعرفو انا وكتير
من الشباب ابويا فى البيت كان بيعلمنى حاجه طووول عمرى وكنت ببقى مخنوق
منه خانقه ياعم انا مالى ومال الحورات بتعتكم دى تعرفو ايه هى الاصول خلاص
مافيش حاجه اسمها اصول، الروشنه والبنات وسلاسل دى بديل الاصول
اه عارف انت هتقول ايه ما انت بتلبس سلاسل ياعم ما خلاص بقى ربنا تاب علينا عقبالك يا معلم ، كفايه كده اصل مخنوق ولو كملت هعك اوى
يلا سلام عليكم
المنتديات العامة 
