المنتديات العامة 
من طرف saber 22/5/2010, 4:57 pmمندوب الشركة: : مساء الخير يافندم
العميل : وعليكم السلام ورحمه الله وبركاته
مندوب الشركة: مع حضرتك يا فندم سامح
مدحت من شركه موبينيل
العميل : لا النمره غلط هنا مش موناليب
مندوب الشركة:انا يا فندم اللى بكلمك من شركه موبينيل
العميل : ايوه مانا بقولك النمره غلط هنا مش موناليب
مندوب الشركة: يا فندم ممكن
استعفر الله العظيم يعنى تحاول تفكر وتفهمنى
العميل : عايز ايه يا عم انت هتقلب دماغى روح يا
سعد هات الجموسه من الزريبه
مندوب الشركة: يا فندم بعد اذنك
جموسه ايه وسعد مين
العميل : يا بيه دا الواد سعد
لمؤاخده ابنى اصلى هجوزه النهارده وعقبال عندك لولولولولولولول
ولولى
مندوب الشركة: ألف
يا فندم بعد اذنك يا فندم ممكن تساعدنى اسجل بيانات خطك حضرتك ف الشركهالعميل : خط ايه يا بيه
مندوب الشركة: خط الموبايل يا فندم
العميل : موبايل ايه
مندوب الشركة: يا فندم الموبايل بتاع حضرتك
العميل : وعايز ايه يعنى
مندوب الشركة: أسم حضرتك الثلاثى
العميل : أسمى أنى
مندوب الشركة: أيوه يا فندم يوووووووه
العميل : أنى اسمى سعيد
مندوب الشركة: ايوه يافندم سعيد ايه يا فندم بقيت الاسم لوسمحت
العميل :مأنى باقولك سعيد سعيد يابيه
مندوب الشركة: انا قصدى اسم
والدك يا فندم وجد حضرتك
العمبل : ليه يابيه هو فى
حاجه هوانتوا عرفتوا ان جدى هربان من التار لما قتل جموسه ابو العلا ف العاركه وعايزين تمسكوه يا سنه سوده يا ولاد
مندوب الشركة: لا يا فندم انا
قولت لحضرتك بنسجل بيانات الخط عشان الخط مايتوقفش تار ايه يا
فندم اللى بتقول عليه
العميل : أحب على يدك يا بيه أنى جدى ماعملش
حاجه والله دا الواد عليوه هوه اللى سم البهايم
مندوب الشركة: يا أستاذ سعيد
بقيت الاسم لوسمحت
العميل : أسمى سعيد مسعود سعد
الدين ابو السعد
مندوب الشركة: العنوان يا فندم
العميل : أنى ساكن فى مصر
مندوب الشركة: ماشى يا فندم فين فى مصر
العميل : فى مصر ذات نفسيها
مندوب الشركة: ايوه يا فندم انا عارف فين بالظبط
العميل : فى الخصوص
مندوب الشركة: فين يا فندم الخصوص
اسم المركز والشارع والمحافظه
العميل : أيوه فهمت أنى ساكن ف
الخصوص جنب دوار العمده أمام الفرن بجوار محل اشرف الكهربائى
مندوب الشركة: يا
استاذ سعيد لوسمحت اسم المحافظه
العميل : باين بنى سويف أقولك
استنى انده للواد سعد يقولك العنوان
العميل : ياواااااااد يا سعد تعالى امسك
النوبايل وكلم الراجل اللى بيسأل على اسم جدك ده وأديله
العنوان
مندوب الشركة: ايوه يا استاذ سعد العنوان لوسمحت : مركز القليوبيه - محافظه المنار - قريه السعدااااا
مندوب الشركة: يا استاذ سعد انت
متأكد من العنوان
سعد ابن سعيد : أيوووه متأكد جدا يا باشا أقولك يا
فندم اللى انا متأكد منه ف العنوان ده اسم القريه
قريه السعداااااااااا
مندوب الشركة: استاذ سعد ادينى بابا...
حاضر بوى بوى كلم
مندوب الشركة: أيوه يا استاذ سعيد ملينى رقم
البطاقه بتاعت حضرتك يا فندم
العميل : بطاقتى أنى
مندوب الشركة: ايوه يا فندم هوانا كل ماكلمك على حاجه تستغرب وتقولى أنى ايوه يا فندم مش الخط اللى بكلمك عليه بتاع حضرتك
العميل : خط ايه يا بيه
مندوب الشركة::اااااااااااااا ااااااااااااااا ااااه يا فندم ركز معايا شويه
العميل : حاضر مأنى مكرركز أهوه
مندوب الشركة: رقم البطاقه لو
سمحت يا فندم ال14 رقم من الشمال لليمين
العميل : يا حلاوه ياولاد هما بقوا 14 رقم (
عمار يا مصر عمار يا مصر
مندوب الشركة: يا فندم البطاقه
طول عمرها 14 رقم والا بطاقه حضرتك بطاقه قديمه
العميل : لا أستنى أعد الارقام كده
العميل : هى اصلا فين الارقام دى
مندوب الشركة: تحت الصوره ع
الشمال يا فندم
العميل : صورتى أنى
مندوب الشركة: ايوه يافندم مش
بطاقتك
العميل : أيوه بطاقتى أمال ايه دى كمبيوتر يا
باشا هيه هيه هيه
مندوب الشركة: :ماشى يا فندم ربنا يزيد
ويبارك مالينى الرقم بقى يا فندم
العميل : أكتب عندك 5489213
مندوب الشركة: :لا يافندم ملينى بتاريخ الميلاد بس أوعى تسألنى وتقولى تاريخ ميلادى أنى
العميل : أنى
مندوب الشركة: ايوه يافندم
العميل :25502220100985
مندوب الشركة:
يا فندممندوب الشركة: اخر حاجه لو سمحت
العميل : ايه تانى
مندوب الشركة: فى تليفون ف المنزل
العميل : ماله تليفون البيت والله دا كان جاى
هديه من العمده لما انقذت ابنه لما وقع ف الترعه
مندوب الشركة: لا يا فندم مافيش مشكله ملينى رقم التليفون
العميل : 022588664
مندوب الشركة : لا يا فندم كده غلط
هوحضرتك محافظه ايه
العميل : مانى قولتلك محافظه مصر
مندوب الشركة : ماشى انا متشكر جدا يا استاذ سعيد
العميل : ممكن سؤال يابيه
مندوب الشركة : أتفضل يا فندم
العميل : هو أنت طالب مين بالظبط
