حسام حسن: يكفيني أن أكون مشجعا في مدرجات الزمالك

أكد حسام حسن المدير الفني للزمالك عدم تبليغه رسميًا من قبل إدارة النادي بالتجديد لعام إضافي، غير إن هذا الأمر لا يهمه لأنه سيخدم الفريقه دون حاجة لمنصب.

وقال حسن في تصريحات خاصة لـFilGoal.com بعد مباراة المنصورة عصر الاثنين "مجلس الإدارة لم يخاطبني في أمر التجديد كما تردد، لكني أعشق هذا النادي وجمهوره العظيم".

وأضاف "حتى إذا افترضنا وجود قرار بعدم استمراري مع الفريق، فأنا موجود لخدمة هذا الجمهور ولو من داخل المدرجات".

وكان مجلس إدارة الزمالك قد أعلن عبر FilGoal.com قرار التجديد للجهاز الفني بالكامل، قبل أن يؤكد ذلك ببيان رسمي عبر موقعه الرسمي، إلا أن أبراهيم حسن المنسق العام للفريق نفى اجتماعه أو شقيقه مع الإدارة.

وأتم العميد "سأخدم الزمالك لأني مشجع زملكاوي يعشق هذا النادي".

وتولى العميد قيادة الزمالك فنيًا قبل نهاية الدور الأول من دوري هذا الموسم بثلاث مراحل، ليحوِّل مسار الفريق من المركز الـ12 إلى التأهل لدوري أبطال إفريقيا.


مباراة المنصورة "الودية"

ويعتقد "العميد" أن مباراة المنصورة التي انتهت بالتعادل السلبي في ختام مباريات الدوري، لم تتعد كونها مباراة "ودية في إطار رسمي".

وأضاف المدير الفني للزمالك "كانت أشبه بالمباريات الودية، لذلك أشركنا تسعة لاعبين من غير الأساسيين لتجربتهم قبل مباريات الكأس، ومنحنا راحة إجبارية للأساسيين".

وأتبع "سياسة الجهاز الفني ثابتة وهي الاعتماد على جميع اللاعبين في جميع المباريات، حتى لا تحدث مشاكل عند وجود إيقافات أو غيرها".

وأعلن العميد "الناشئون أيضًا ضمن حساباتي، فمن يؤدي بصورة جيدة سيكون مع الفريق، ومن لا يظهر بمستوى مناسب فلا مكان له بين صفوف الزمالك".

وبدأ حسام حسن مباراة المنصورة بإشراك شريف أشرف وأحمد عبد الرؤوف ومحمد عبد المنصف وأحمد مجدي ومحمد رفاعي وعمر جابر، قبل أن يدفع بأحمد جعفر وحسين ياسر ومحمد إبراهيم كبدلاء

انا احترم حسام حسن رغم انا اهلاوى فهذا الاعب لم يأخذ حقه اعلاميا وذلك بسبب الخلافان بينه وبين الاهلى
حسام حسن افضل لا عب مصرى واحسن مدرب مصرى الان
ربنا يوفقه ويدر بالمنتخب

ياااااااااااااااااااااااه اخيرا لقيت هنا حد اهلاوووووووووووي حيادي

ربنا يكرم حضرتك وبجد زي ما انت قولت وحسام معروف اصلا وواخد دوره الاعلامي كويس وهو فعلا كووووووووويس

جزاك الله عنا كل خير يا فندم

اختى المهندسة نور
فأنا من عشاق العميد حتى وهو يلبس القميص الابيض
تقبلى مرورى

هههه

ما احنا كنا بطلنا الكلام فى الكورة هنرجع نتكلم تانى ولا ايه ..................مبلاش احسن ..

@الاستاذ فارس :انا متقبله مرور حضرتك طبعا وجزاك الله عنا كل خير

@محمد مسعد:ما احنا كنا بطلنا الكلام فى الكورة هنرجع نتكلم تانى ولا ايه ..................مبلاش احسن .. نو كومنيت يا محمد بس عجبني المقااااااااااااال هه و لمرورك السعيد

@محمد الكومي :اولا لو حصل اني ابني سبني يبقي تربيتي كانت غلط وانا مربتهوش في طاعه ربنا علشان يطيع ولدته والده وده انا مش هسمحه وطبعا زي ما انت قولت مفيش علاااااااااااقه خالص بين كده وكده

@احمد الله : بلاش يا احمد تقول ع احمد حسن كده ده مش بيعرف يلعب اصلا وكفايه انانيته وديه حاجه وحشه لغايه بس قبله عملها حسام حسن ومن احسن اللاعيبه اللي جيبتها مصر احمد حسن مش لعيب هو حماسي واناني



واشكركم جميعا وجزاكم الله عنا كل خير

@محمد الكومي :اولا لو حصل اني ابني سبني يبقي تربيتي كانت غلط وانا
مربتهوش في طاعه ربنا علشان يطيع ولدته والده وده انا مش هسمحه وطبعا زي
ما انت قولت مفيش علاااااااااااقه خالص بين كده وكده

معلشى .. بلاش نفسر اى موقف على هوانا
مش معنى ان الابن ساب الأب ان التربية غلط ... يمكن ما طمرش

..........

@احمد الله : بلاش يا احمد تقول ع احمد حسن كده ده مش بيعرف يلعب اصلا
وكفايه انانيته وديه حاجه وحشه لغايه بس قبله عملها حسام حسن ومن احسن
اللاعيبه اللي جيبتها مصر احمد حسن مش لعيب هو حماسي واناني

هو مش هنتكلم كتيير هنا
أولا الكورة بتعترف بالسجلات .......... وحتى لو أحمد حسن سورى فى اللفظ معوق دا مايمنعش انه العميد
وكمان ما يمنعش انه كابتن مصر والناس بتشيد بيه فى قيادة المنتخب أحسن من حسام نفسه لما قاد المنتخب .... ولو هنقول أحسن اللاعيبة اللى جابتها مصر ما أعتقش ان حسام بردوو اللى فى المقدمة بالرغم من اللى عمله

@احمد الله :معلشى .. بلاش نفسر اى موقف على هوانا
مش معنى ان الابن ساب الأب ان التربية غلط ... يمكن ما طمرش

لاءه طبعا معلشي انت واعترض بشده وازاي هفسره ع مزاجي يافندم انت لو ربيت ابنك ع اسس دينك والام والاب وكل الحاجات ويكون مقتنع بذلك وبدينه هتقولي عاق لاءه طبعا يافندم ياريت حضرتك تراجه تاني لو واحد عنده اساسيات الدين صح وبقووووووول صح مش نص نص وياريت تجيبلي من الشيوخ اللي انا بحبهم حد عمل ذلك لاءه طبعا بيحبوه ابوهم وامهم معذره اخي احمد لا يجوز انا تقول ذلك وبلاش نشبه ذلك بذلك وانا عارفه انكو عايزين نقول ما طمرشي فيه بس اللي اوضحه الاساسيات غلط يا اخي الفاضل


وانا كمان مش هتكلم كتير بس برضه حسام حسن احسن من احمد حسن كتتتتتتتتتتتتتتتتتير بجد وطبعا مصر جابت ناس كويسه غير حسام زي الخطيب من الشخصيات اللي بحترمها حازم امام الناس المحترمه دول وابوتريكه بنقول الحقيقه


تقبل فائق تحياتي اخي الفاضل

ممكن انتى تصنعى برنامج على أساس وكل حاجة صح ... وبعد فترة البرنامج يبوض
ديه انا معااااااااااك فيه صح جدا اصل انت مش هتعمل برنامج لطول العمر لازم يطلع اكسبشن هههه بس فعلا انت فكرتني بس برضه اللي عايزه اقوله مدخلش الحوارات ديه في الدين بس الاهم التربيه الصح يطلع الواد صحححححححححححح انا مقتنعه بكده اما لو فيه تفاوت حتي لو بسيط خالص ممكن يؤثر ع التربيه


فعلا افتخر اني زملكاوووووووووووووويه واحب اقولك اوووووووووووووووووووووووووووووه زملكاوي وان شاء الله هيبقي جامد في التدريب ويمسك منتخب مصر هو القادم

حسام حسن واخوة ابراهيم رمز للمشاكل فى مصر

محمد احمد كتب:حسام حسن واخوة ابراهيم رمز للمشاكل فى مصر

  

بلاش يا احمد تقول ع احمد حسن كده ده مش بيعرف يلعب اصلا وكفايه انانيته
وديه حاجه وحشه لغايه بس قبله عملها حسام حسن ومن احسن اللاعيبه اللي
جيبتها مصر احمد حسن مش لعيب هو حماسي واناني


خلااااااااص يبقي حسام حسن اللي بيعرف يلعب بس مش كوره

عفوا يا دكتور،،،،

العميد (( حسام حسن )) عميد رسمي مكرم من الفيفا ،، وحضر بلاتر بنفسه و قلده (( عميد لاعبيييييييييي العالم))

احمد حسن مش فاضي علشان بلاتر ييجي يسلمه الجايزة بتعته،، اصله في اوقات عنده بتتلع اوت عنده.

و انا عرفت من مصادري الحاصة جدا داخل الاتحاد الدولي ،، إن بلاتر وعده إن أول ما هيكون احمد حسن فاضي ،، ها ييجي ياخد منه خط فودافون و يشرب معاه بيبسي و يكرمه على طول ،، و تقبلوا مروري و تقبلوا الاختلاف في الرأي و .

@محمد احمد واحمد الله : حسام وابراهيم حماسييييييييييييييين جدا بجد مش احسن من الناس البارده اللي معملوش حاجه مع الجزائر


@اسلام:لاءه طبعا يا اسلام جت من بره ديه

@الاستاذ جوده:بجد مش عارفه اشكرك ازااااااااااااااااااااااااااااي واخيرا تاني واحد محياد هنا في المنتدي وفعلا لما بفضي احمد حسن يبقي بلاتر يوظفه

بس بصراااااااااااااحه جاااااااااااااااااامده هه

السلام عليكم ورحمة الله ،،،،

الأخوة الأفاضل / جميع المشاركين في هذا الحوار.

لو سمحتم نعرف ازاي نختلف مع بعض في الرأي ،، ممكن واحد يكتب كتابة ساخرة و كلنا نضحك مع بعض فيها،، فيه كتاب كتير جدا بيكتبوا يسخروا حتى من نفسهم ،، و باسلوب غاية في الروعة و الشياكة.

بس من غير تجريح ،، و خصوصاإذا كان كاتب الموضوع أصلا أخت غالية علينا كلنا.

اسلام رجب كتب
خلااااااااص يبقي حسام حسن اللي بيعرف يلعب بس مش كوره

برجاء يا اخ اسلام (احبك في الله )،، حتى لو كان الكلام يحمل اكثر من معنى ،، فليس هذا و لا هنا مكان المحسنات البديعية.

و تقبل مروري يا استاذ اسلام و
لو لم اكن زملكاوي ، لتمنين ان اكون اهلاوي ،، لأني في الآخر مصراوييييييييييييييي.

مين حسام حسن ده

شغال ايه

مش ده اللي كان بيلعب في ماتش الاهلي والزمالك وقت 6\1 وطبعا كلنا عارفين الموقف الشهير اللي عمله الجزمه هههه


[size] متعرفوش اللي حصل لحسام العمييد مش اللواء احمد حسن علقه في محطه مصر وكان عقابه انهو نزل تاني عسكري درجه اولي وهيبقي حارس عقار اد الدنيا[/size]

يا جماعة انا عمري ما كان عندي اعتراض على الاراء الشخصية،، انا مثلا في ماتش انترو برشلونة (( اعتقد اني كنت الوحيد في ال اعرفهم و احترمهم باشجع انتر)) .

انا كل ال قلته نعرف نختلف مع بعض ،، و ما نجرحش في بعض (( تعرف تقولي يا دكتور الجملة بتاع اكثر واحد بيعرف يلعب بس مش كورة)) انا شخصيا فهمتها بصورة غير صحيحة ،، بس هو ده ال انا قلته.

لكن كل واحدله ناديه يشجعه و يشجع لاعبيه بكل حماس ،، و يحترم المنافسين ايضا بكل حماس.

مسألة العميد دي مش محتاجة شرح ،، لو جبت اي حد و سألته ها يقول ان حسام عميد شرعييييييييييي مكرم من الفيفا و بصورة رسمية،، اما كلمكم عن (( عسكرية أحمد حسن )) ده شيء عاطفي لا دخل له بالرسميات،، زي تمام متعصبي الزمالك لما بيقولوا (( الزمالك بطل القرن الحقيقي )) و لكن لا ادري من اين اكتشفوا هذه الحقيقة تماما،، يعني يرضيك يا دكتور كلامك يكون زي كلام المتعصبين ،، يا عمي في حاجات رسمية.

لما الحارس السعودي كرم (( محمد الدعيع)) كلنا شوفنا بلاتر و هو بيكرمه ،، كما هو جه مصر وكرم حسام حسن كعميد خلفا للدعيع .

كل ال قلته و متأكد منه تماما ،، ان احمد حسن لم يكرم رسميا و ليس هناك اي صفه رسميه له تتعلق بعدد المباريات التي لعبها.

يمكن يكون جم يكمونه كان بيعمل اعلان ال**** ،، يمكن ،، بس رجاءا خليك موضوعي يا دكتور. و تقبل مروري

حسام عميد شرعييييييييييي مكرم من



ههه        هههه        

    هههه

ههه        هههه  هههه


حلوووووووووووووووووووووووووه

قال الشافعي رحمه الله ،،،،

رأيي صواب يحتمل الخطأ ،، و رأي غيري خطأ يحتمل الصواب .

رحمة الله على الامام العلم محمد بن ادريس الشافعي ،، كل الدنيا و افهم البشر كيف يختلفون. في حالة من الحوار غابت عن كثير من متحضري القرن الواحد و عشرين.

لكم جميع على حالة الحوار الجميلة التي انتهت (( إلى الان )) بحاله من الحب و الاحترام.
مهندسةنور،، إسلام ، فارس الرومانسية ، محمد الكومي، دكتوراحمد الله ، للتعايش في حالة خاصة من الحوار الجميل.

محمد الكومى كتب:واضح اننا عودنا مرة اخرى الى التعصب الذى يعمينا عن الحقيقه
ساقوم بسرد حقائق لامجال لننقاش فيها
اولا حسام حسن كان عميد لاعبى العالم وحط خط تحت كان
ثانيا حسام حسن عندما كان بيلعب للاهلى كان متحمس جدا ودائما بيعلن انه اهلاوى
ثالثا لما طرده الاهلى وده كلام مفيهوش جدال ان الاهلى رفض التجديد له بعد المشاكل اللى كان بيعملها راح الزمالك واعلن حبه للزمالك ورفع الجزمه لجماهير الاهلى
وشوف فرحته فى ماتش 6/1 بعد ما جاب جون وقارن بينه وبين محمد بركات لما جاب اربع اجوان فى الاسماعلى (اعتقد مفيش مقارنه فى الاخلاق)
رابعا لما راح المصرى اعلن حبه للمصرى واكثر من ذلك انه تعصب واتخانق فى احد المباريات علشان المصرى ونفس الامر لما درب الاتصالات ويمكن حدثت مشادات بينه وبين الزمالك اثناء تدريبه للمصرى والاتصالات
وعندما تولى تدريب الزمالك اعلن حبه وولاؤه للزمالك ورفع التشرت لجماهير الاهلى فى ماتش الزمالك الاخير هل هذه تعد من الاخلاق
خامسا احمد حسن اصبح عميد لاعبى سواء اتفقتم او اختلفتم فهو عميد لاعبى العالم وتكريم بلاتر له ماهى الا مساله وقتيه وياريت حضراتكم تقولو حسام حسن اتكرم بعد كام سنه من اعلانع عميد
اختلافنا او اتفاقنا على مهارات احمد حسن لن تغير شيئا فى تاريخه الكبير
وزى ما دائما بنقول فى المدارس التربيه قبل التعليم
فنفس المنطق يطبق فى اكبر نادى فى مصر وافريقيا بطوله وجماهير وبلا منازع
حيث ان التربيه والاخلاق قبل كل شئ وسجلات الاهلى مليئه بهذه المواقف
ياريت نشوف موضوع تانى نتكلم فيه لان دى حقائق لا جدال فيها

هه

--------------------------------------------------------------------------------
حسام حسن: أنا عاشق لتراب الزمالك.. وسأستمر فى خدمته ولو مشجعاً من المدرجات

كتب بليغ أبوعايد وإسلام صادق ١٩/ ٥/ ٢٠١٠

حسم حسام حسن المدير الفنى للفريق الكروى الأول بنادى الزمالك الجدل الدائر حول تجديد عقده لموسم جديد، وما تردد عن اعتراضه على قرار مجلس الإدارة بالتجديد له موسماً واحداً.

وأكد استمراره فى قيادة الفريق، وقال: أنا عاشق لتراب الزمالك، وليس لى سواه، وسأستمر فى خدمته ولو مشجعاً فقط من المدرجات، وما يهمنى الآن هو إسعاد جماهير القلعة البيضاء التى ساندتنى طوال الفترة الماضية وإهداؤها بطولة الكأس.

وقال حسام حسن: لم يفاتحنى أحد من مجلس الإدارة بشكل رسمى فى مسألة التجديد، لكنى علمت بالقرار الجديد من خلال وسائل الإعلام، وهو ما لم ينل استحسانى.

واعترف حسام بأن الفترة المقبلة ستشهد جلسة مع حازم إمام عضو مجلس الإدارة لبحث التقرير الفنى عن الموسم المنتهى واحتياجات الفريق واللاعبين الذين سيتم الاستغناء عنهم، ومناقشة تجديد عقده والجهاز المعاون. ونفى حسام حسن وضعه أى شروط أمام الإدارة لتجديد عقده.

وأوضح حسام حسن أنه عندما تولى المسؤولية والفريق فى المركز الثالث عشر لم يضع أى شروط، ولم يتحدث فى تفاصيل مالية لأن هدفه فقط كان إعادة الفرح والانتصارات للفريق، وبناء فريق قوى قادر على حصد البطولات، وهو ما نجح فيه باحتلال المركز الثانى، فضلاً عن بناء فريق قوى يحظى بثقة الجميع وقادر على تحقيق البطولات.

وأكد حسام حسن تمسكه باستمرار اللاعب شيكابالا ضمن صفوف الفريق، وأنه يسعى لإقناعه بتمديد عقده، ومساعدته على تحقيق حلم الاحتراف فى حالة تلقيه عرضا جديا يليق بإمكاناته وموهبته.

يأتى ذلك فى الوقت الذى أكد فيه أحمد جلال إبراهيم أنه حرص على الجلوس مع حسام حسن المدير الفنى عقب لقاء المنصورة لنفى كل الشائعات التى ترددت عن محاولات بعض أعضاء مجلس الإدارة تطفيشه من النادى.

وأكد أن هذا الكلام عار تماماً من الصحة، وأشار إلى أن مجلس الإدارة اتخذ قراراً مبدئياً بالتجديد لحسام وشقيقه إبراهيم موسماً واحداً مع تفويض حازم إمام فى الحديث معهما عن الأمور المالية وإمكانية التعاقد موسمين.

وقال إن أكبر دليل على تمسك مجلس الإدارة بحسام حسن هو تفويضه فى اختيار الجهاز المعاون، مؤكداً أن حسام حسن هو المدرب الوحيد الذى حاز تأييد مجلس الإدارة واللاعبين والجماهير فى وقت واحد، حيث لم يحظ أحد بمثل هذا الإجماع من قبل.

وفى سياق متصل، أكد حسام حسن رضاه عن أداء الفريق أمام المنصورة، واعتبر المباراة تجربة ودية فى إطار رسمى، مشيراً إلى غياب ٩ من العناصر الأساسية.

وأشاد بالناشئ محمد رفاعى «ويا» الذى ظهر بمستوى جيد، وقال: لا مكان فى الزمالك للمجاملات، واللاعب الجيد هو الذى سيحجز مكاناً ثابتاً فى التشكيل الأساسى والبقاء مع الفريق،

واعتبر حسام حسن المباراة بمثابة إعداد جيد لمواجهة الفيوم السبت المقبل فى بداية مشوار الفريق بكأس مصر، وأنه سيسعى لتصحيح الأخطاء التى ظهرت فى لقاء المنصورة، وأهمها كثرة إهدار الفرص خاصة من الثنائى شريف أشرف وعلاء على.

من جانب آخر هددت رابطة «الألتراس» ومحبى الزمالك بتنظيم مسيره ضد مجلس الإدارة، وتعليق لافتات للضغط على المجلس لزيادة مدة عقد حسام حسن، ووفقا لحسن شاكر رئيس جمعية محبى الزمالك فإن الرابطة سيكون لها دور فى هذا الأمر، وستساند التوأم مهما كانت العواقب، مشيراً إلى أن الرابطة ستسلك جميع الطرق الودية وغيرها فى حالة إصرار المجلس على تجديد عقد حسام حسن لمدة عام واحد فقط.

وأوضح شاكر أنه سيتضامن مع رابطة «الألتراس الأبيض» لتعليق لافتات تؤيد استمرار حسام حسن لمدة موسمين أو أكثر، وقال حسن من رابطة الألتراس «نريد استمرار حسام وإبراهيم حسن مع الزمالك مدى الحياة».

من جانبه نفى رؤوف جاسر نائب رئيس النادى، المتواجد حاليا فى قطر لرئاسة بعثة اليد المشاركة فى بطولة العالم للأندية قيادته حملة ضد التوأم حسام وإبراهيم حسن وتجديد عقديهما لمدة موسم واحد فقط، وأكد أن المد] لم تحدد ولم تناقش فى الاجتماع السابق، مشيراً إلى أن المدة قد تزيد إلى عامين وفقا للاتفاق الذى سيتم بين المجلس والمدير الفنى، وطالب جاسر بالتهدئة، مؤكدا أن المجلس سيتخذ القرار الأنسب لمصلحة الفريق فى السنوات المقبلة.

بينما رفض هانى العتال عضو مجلس الإدارة المتواجد أيضا فى قطر، اتهام المجلس بالتآمر على التوأم حسام وإبراهيم حسن، وتساءل: كيف نتآمر على مدير فنى ومدير كرة صنعا إنجازا للفريق وأسعدا الجماهير الزملكاوية فى كل مكان.

وأكد العتال أن حسام البدرى المدير الفنى للأهلى تم التجديد له لمدة عام، ولم تثر حوله كل هذه الضجة، رغم أنه حصل على بطولة الدورى، مؤكداً أن البعض يرغب فى إثارة المشاكل داخل النادى لضرب الاستقرار.

يأتى هذا فى الوقت الذى علمت فيه «المصرى اليوم» أن ممدوح عباس أبدى استياءه من التصريحات التى أدلى بها إبراهيم حسن المنسق العام ضد المجلس.

استاذ فاااااااااارس

وجزاك الله عنا كل خير وبجد لحد معااااااااااااااااااااايا واخيرا