افهم الأول وبعدين اتكلم

السلام عليكم ورحمة الله وبركاته

كتيييير اوى بتسمع واحد يقول ايه : كله الا المادة دى مادة حفظ وانا مابعرفش احفظ

وحد تانى يقول : مابعرفش احفظ حاجة الا لما افهمها الاول

ازاى يعنى احفظ حاجة مش فاهمها ؟؟؟ لازم افهم الاول بعد كده الحفظ بيبقى سهل

سبحان الله !!!!!!!!!!!

بنسمع الكلام ده فى كل مجال الا ...........الدين

كله بيتكلم فيه عارف مش عارف دارس مش دارس

تلاقى كل واحد بيتكلم فى مجال تخصصه

بتوع الطب يتكلموا فى الطب بتوع الهندسة يتكلموا فى الهندسة بتوع الاقتصاد يتكلموا فى الاقتصاد و................و........و.................

الا حاجة واحدة كله بيتكلم فيها

الدين

بكل اسى واسف وحزن تلاقى حد قرا كلمتين او دخل ع الشيخ جوجل وجاب شوية معلومات ولم يتحرى الدقة والمصادر الثقة

تلاقيه دخل فى موضوع لقى كله بيتكلم قالك اشمعنى انا يعنى هما احسن منى فى ايه ؟؟؟

ما هو محدش بيحب يعترف بجهله مش عيب انك تكون جاهل لكن العيب انك تفضل جاهل وماتحولش تتعلم الصح

ولما حد يسألك تتكسف تقول ماعرفش او استنى عليا شوية هادور وابحث وبعدين اقولك لأ يروح خابط كلمتين قراهم فى اى حته او شافهم فى اى موقع من غير ما يكون فاهم حاجة

وكم قتل الجهل اناس بلا ذنب

يروح داخل ع الشيخ جوجل وياخد الكلام كوبى من غير ما يفهم الاول الكلام

وجاب كلمتين من كتاب

طب افهم الكلام الاول هايقول مانا قريت اه وفهمته ومقتنع بيه ..........

ايه ؟؟؟؟؟؟؟؟؟؟

مقتنع ؟؟؟؟؟؟؟؟؟

طب مين اللى قالك ان الكلام اللى حضرتك مقتنع بيه دى صح اصلا ؟؟ عرفت منين

وبكل أسف والله أي واحد طلعله شعرتين في وشه او لبست حجاب شرعي افتكروا نفسهم الحسن البصري

يغتي ويحلل ويحرم بمزاجه

كان الامام أحمد يتورع عن كلمة حرام

عارفين يعني ايه الامااااااااااام أحمد مش بيقول كلمة حرام

اي حاجة حرام كان بيقول ( أكرهه ) ، ( غيره أحب إلي ) ، ( لا تفعله )

والكلام اللي زي كده

ولما سئل عن ده تلا قوله تعالى : "ولا تقولوا لما تصف ألسنتكم الكذب هذا حلال وهذا حرام لتفتروا على الله الكذب"

وكذلك برضه الشافعي

فأصحابهم طلعوا مذهبهم ان اي حاجة يقولوا عليها اكرهه تبقى حرام على مذهبهم

يااااااااااااااااااااااااااالله

شوفوا الفرق بيننا وبينهم

سبحان الله العظيم

وعشان كده قرر العلماء: أن من أفتى وليس بأهل للفتوى فهو آثم عاص، ومن أقره من ولاة الأمور على ذلك فهو عاص أيضا.
ونقل ابن القيم عن أبي الفرج بن الجوزي رحمه الله قال: ويلزم ولي الأمر منعهم، كما فعل بنو أمية.
قال: وهؤلاء بمنزلة من يدل الركب وليس له علم بالطريق، وبمنزلة من لا معرفة له بالطب وهو يطب الناس، بل هو أسوأ حالا من هؤلاء كلهم.

ولقد كان السلف الصالح ينكرون أشد الإنكار على من اقتحم حمى الفتوى ولم يتأهل لها، وخاصة في مسائل النوازل المتعلقة بأحوال المسلمين وشؤونهم العامة ويعتبرون ذلك ثلمه في الإسلام،ومنكرا عظيما يجب أن يمنع

وخدو بقى الحتة دي

رأى رجل ربيعة بن أبي عبد الرحمن ـ شيخ الإمام مالك ـ يبكي، فقال: ما يبكيك؟ فقال: استفتي من لا علم له، وظهر في الإسلام أمر عظيم! قال: ولبعض من يفتي ههنا أحق بالسجن من السراق!

طب خلاص

يفتح اي ملزمة زي ما يكون بيذاكر في الكلية

ويعدين ييجي يقولك

ما هو الكتاب بقى بيقول كده


اقول : من كان شيخه كتابه كان خطأه أكثر من صوابه


اعتقد ان هذه القاعدة صحيحة في زماننا هذا فى اغلب الامور

يعنى لازم تتلقى العلم على ايد شيخ ومُربى

مش تقضيها نت وتقولى مقتنع بالكلام طب ما ممكن جداااا اللى انت مقتنع بيه ده غلط

لو سمحت .......لو سمحتِ

ماتخدش الدين بعقلك .......ماتحمكش عقلك فى امور الدين وماحدش يفهم غلط انا لا اقلل من قدر العقل فقد ميزنا الله سبحانه وتعالى به وكرم به بنى ادم

ولكن

والشيخ محمد حسان بيقول كام بيت بحبهم جدااا
اقراهم كده عشان تعرف مش اى حاجة تقتنع بيها تبقى صح


علم العليم وعقل العاقل اختلفا ** من ذا الذي منهما قد أحرز الشرفا
فقال العلم أنا أحرزت غايته ** وقال العقل أنا الرحمن بي عرفا
فأفصح العلم إفصاحا وقال له ** بأينا الرحمن في قرآنه اتصفا
فبان للعقل أن العلم سيده ** فقبل العقل رأس العلم وانصرفا

وانا من موقعى هذا بناشد كل الناس بلا استثناااااااء (وأكيد أنا معاكم والله وقبلكم كمان)

*** (((افهم الاول وبعدين اتكلم ))) ***

اطلب العلم الاول وافهم العلم وبعدين اتكلم

طيب ماسألتش نفسك قبل كده

هما ليه كل العلماء بيقولوا : لازم تطلب العلم وخاصة العلم الشرعى على ايد شيخ ومُربى ؟

ليه كلهم اجمعوا على كده ؟

وقالوا من كان شيخه كتابه كان خطأه أكثر من صوابه

ليه قالوا كده ؟

لان ممكن تقرا حاجة فى الظاهر لحضرتك بتوضح امر ما أما فى الحقيقة لها مدلول تانى خاااالص

فمين اللة هايفهمك الصواب الا الشيخ والمُربى ؟؟؟؟؟

وكلنا طبعا عارفين الحديث

روى أبو داوود في سننه من حديث جابر ابن عبد الله قال : "خرجنا في سفر فأصاب رجلا منا حجر فشجه في رأسه ثم احتلم فسأله أصحابه فقال هل تجدون لى رخصة في التيمم قالوا ما نجد لك رخصة وأنت تقدر على الماءفاغتسل فمات فلما قدمنا على رسول الله أخبر بذلك فقال قتلوه قتلهم الله إلا سألوا إذ لم يعلموا فإنما شفاء العي السؤال إنما كان يكفيه أن يتيمم ويعصر أو يعصب على جرحه بخرقة ثم يمسح عليها ويغسل سائر جسده فأخبر أن الجهل داء وأن شفاءه السؤال"

عارفين ده حصل ليه ؟؟ لانهم عارفين اه بس مش فاهمين العلم

حافظين يعني مش فاهمين

هات من الاخر الله يكرمك

الخلاصة يعنى

حاضر

العلم وحده لا يكفى ولكن لابد من فهم العلم جيداااااااااااااااااااااااااااا

افهم الاول وبعدين اتكلم

** عايزين ناس فاهمة الدين مش عالم حفيظة تحفظ وتسمع **

مش تحفظ وتسمع ؟!!

وتحرى الدقة فى الكلام اللى بتقوله لانه اما يكون حجة لك او عليك

وهاتتسأل عن كل حرف بتكتبه

وتذكر دائما هذه الاية وضعها نصب اعينك

( ما يلفظ من قول الا لديه رقيب عتيد )

انا لو قلتلك دلوقتى انت متراقب من امن الدولة مثلا مثلا يعنى

مش هاتعرف تتكلم الا بحساب ومش هاتتحرك الا بحساب

مش هاتتكلم فى التليفون حتى الا بحساب

وهاتاخد بالك من كل كلمة بتقولها

سبحان الله

ده كله عشان متراقب من بشر

فما بالك برب البشر ؟؟؟؟؟؟؟

ماتفرحش بكتر مواضيعك ممكن تكون حجة عليك مش لك



جعل كل ما نكتبه حجة لنا لا علينا وفى موازين حسناتنا

اراد الله بنا وبكم الخير

والله من وراء القصد