الأمن يسمح لإبراهيم حسن بدخول مباريات الزمالك

كثف مسؤولو نادي الزمالك اتصالاتهم خلال الأيام القليلة الماضية مع مسئولي الأمن لتقريب وجهات النظر بشأن منع دخول إبراهيم حسن المنسق العام للكرة بالزمالك أي إستاد لمتابعة مباريات الفريق حتى نهاية الموسم.

وكانت لجنة المسابقات بإتحاد الكرة قررت رفع الأمر إلي المدير التنفيذي للإتحاد لمخاطبة الجهات المعنية لمنع دخول إبراهيم حسن الإستاد في مباريات الزمالك بسبب بدر منه في مباراة فريقه الأخيرة أمام إتحاد الشرطة يوم الأربعاء بعد تعديه بالضرب علي محمد إبراهيم مدرب الشرطة.

وقال مصدر مقرب من إبراهيم حسن لمراسل Yallakora.com إن مسئولي الأمن وافقوا علي دخول المنسق العام للكرة بالزمالك الإستاد في مباريات الزمالك ولكن لن يسمح له بالتواجد في أرض الملعب كما حدث في مباراة الشرطة.

وكان حسن قد شن هجوماً لاذعاً علي المسئولين يوم الجمعة خلال تسجيل مع إحدى القنوات الفضائية وكان من المقرر إذاعة التقرير مساء يوم السبت إلا أن حسن طالب بعدم إذاعته خاصة وأنه تحدث خلاله بانفعال شديد علي أن تقوم القناة بعمل مداخلة هاتفية معه مساء السبت ليتحدث بنبرة عقلانية أكثر لتهدئة الأمور.

يذكر أن إبراهيم حسن صرح في وقت سابق لمراسل Yallakora.com أن سيتوجه لملعب المكس في الاسكندرية لحضور لقاء فريقه أمام حرس الحدود، وأنه سيحرر محضرا في قسم الشرطة في حال منعه من مشاهدة المباراة من المدرجات.

كوووووووووسه كووووووسه بس ناخد حقنا وده الاهم

ههه

Eng.Nour كتب:كوووووووووسه كووووووسه بس ناخد حقنا وده الاهم

ههه

وهو مع الكوسة بيكون حق

دا بيكون افترى وهبل ومرهمة ........... (( سورى يعنى فى الالفاظ الزملكاوية دى )

مش مشكله
احنا ساكتين مش عااااااااااااااجب فلازم بالدراااااع :P:P:P هههه

برضه بحبك يازمالك

والله انا مش شايف اى لازمه لوجود ابراهيم حسن ده فى ماتشات الزمالك دا هوة اختصاصه بعيد على ان يكون وجوده مهم قوى فى الماتشات ......باينى هوه منسق عام يعنى ملهاش لزمه الضجه اللى عاملينهه دى ولا لازم الهيصه دى ...........
مع انى شايف ان لو اللى عمله ابراهيم ده فى اى حته فى العالم فى الدوريات المحترمه مكنش واحد ذى ابراهيم ده اشتغل فى مجال الكورة اساسا ....
لكن للاسف على راى الدكتور هيه كوووووووووووووسه

فعلا الواد دا حله
يتسجن هو واخوه او يعتقل لانه خطر على الكرة والناس لانهم هيسببوا مشكله
اكيد فى ماتش القمه ابقوا قابلونى لو الماتش دا عدى على خير بسبب ولاد حسن

مش كدة برضو يا استاذ صلاح .عداك العيب والله وكلامك مظبوط ............
بس هنقول ايه بس فى الكوسه اللى موجودة دى ...............
اقولك حاجة من خبراتى المتواضعة فى الكورة ...........
هوة لازم اتحاد الكورة ميعملش حاجة باللذات عشان ماتش الاهلى والزمالك عشان لو الزمالك اتهزم كالعادة هيجيبوا السبب على اتحاد الكورة ويقولوا دا همة ساندوا الاهلى وجهم على الزمالك ويطلعوا منها قدام الجمهور الغلبان بتاعهم اللى صعبان علينه والله .............
فمن قصيرها مش هيعملوا حاجة علشان وجع الدماغ ...........كووووووووسه

Eng.Nour كتب:مش مشكله
احنا ساكتين مش عااااااااااااااجب فلازم بالدراااااع :P:P:P هههه

برضه بحبك يازمالك

طب معلشى .. كنتوا ساكتين أمتى

............

محمد مسعد أبو طه كتب:مع انى شايف ان لو اللى عمله ابراهيم ده فى اى حته فى العالم فى الدوريات
المحترمه مكنش واحد ذى ابراهيم ده اشتغل فى مجال الكورة اساسا ....
لكن للاسف على راى الدكتور هيه كوووووووووووووسه

لو سمحت يا أخ محمد
ما تغيرش أمثالى
أنا بقول

" لو نيلك يا مصر كان صلصلة ما كانش كفى كوسة الزمالك اللى فيكى "
ههه

صلاح مؤنس كتب:لو الماتش دا عدى على خير بسبب ولادحسن

احنا لازم نلم نفسنا ونبلغ على عم حسن .. علشان ولاده
وياريت لو نقول للعمدة هناك كمان

والله يا أستاذنا انت زى العسل ف تعليقاتك على الكورة دى
ربنا يبارك ف حضرتك يارب

ياجماعه بلاش تنسوووووووووووووو الناس ديه عملت ايه لمصر حسام وابراهيم

هما بس الحمئه وخداهم بس بيشجعو االلعيبه ع العب شيكابالا بيلعب كويس وناس كتير

وان شاء الله يا استاذ صلاح هيعدي ع خير
وكمان احنا مش هنقول الاتحاد هو السبب علشان اهلاوي ياجماعه اسالو اي حد زملكاوووووي انتو عايزين الدوري هيقولو لاءه واحنا اللي فيه ده كويس نبص لافريقيا والدوري السنه اللي جايه ان شاء الله والكاس

و للاهلي الدور مقدما

والله هو من حق ابراهيم حسن ان يدخل الاستاد ولكن كمشجع زملكاوي ..........
وكمان ابراهيم حسن ليس له اي صفة حيث انه موقوف 5 سنين من قبل اتحاد شمال افريقيا والفيفا لما بدر منه منذ ان كان ضمن جهاز النادي المصري عندما مارس هوايته في الخناق والبلطجة في مباراة المصري ومولودية بجاية الجزائري ..........
ولو تم ابلاغ الفيفا بعمله مع النادي الزمالك كمنسق عام للفريق سيتم معاقبته اي انه كما قلت من حقه ان يحضر اي مباراة كمشجع ..........
وان شاء الله الدوري للاهلي وموعدنا يوم الجمعة في لقاء القمة مع انها مش قمة يعني لان الزمالك فريق عادي جدا ..............
( نحن من نصنع النجوم ولاجلنا تلعب كرة القدم )

( الاهلي فوق الجميع )

ياجماعه بلاش تنسوووووووووووووو الناس ديه عملت ايه لمصر حسام وابراهيم

فعلا عملوا لمصر كتير عارفة ايه هي

سوء سمعة الكرة المصرية !!!!!

ههه مجهود رائع ياشباب ه
معلشى لانى مش بفهم فى الكورة قد كده وربنا يوفقك يا احمد ياجلال وتلعب فى المنتخب هههه

وربنا يوفقك يا احمد ياجلال وتلعب فى المنتخب

ربنا يخليك يا زيزو وانا منساش لما كنا بنلعب في بطا وانت كنت نجم الدفاع الاول .........فاكر

سوءووووووو سمعه مصر علشان في الزمالك بس هما الاهلاويه كده

لو حسام وابراهيم في الاهلي هيقولو عسل دلوقتي وحشين معلش يا اهلاويه خليها المره ده عليكو

وكمان احنا لو فريق عادي ميتحرقش دم الاهلاويه لدرجه واحنا مش معترضين اننا عادي ومتواضعين ومن التواضع الله رفعه

برضه بنحبك يازمالك

صحبك موهوب فى بنها بس لكن اى حتة تانية مينفعشى احترف ه
الا صحيح اصحابى بتوع المنشية عازمينى على مبارة الجمعة القادمة راكب ولا مش راكب ه

علي فكرة انا مش بحب اللاعب فلان او اللاعب فلان عشان هو في الاهلي لا انا بحبه لموهبته واحترامه لنفسه قبل احترامه لاي حد تاني وبعدين ابراهيم سعيد مثلا كان في الاهلي ومع كدة اكتر من اهلاوي كان بينتقده لسوء سلوكه كما الان عفروتو لاعب جيد لكني انتقده لغروره
فحسام اعجبني موقفه خلال مباراة الشرطة لكن انا بعتب علي تصرف علي ابراهيم لما بدر منه بعد المباراة
وكما فعل ايضا حازم امام خلال مباراة الدور الاول عندما هاجم كابتن منتخب مصر احمد حسن فهل هذا سلوك ؟ لا اعتقد انه مقبول
و

الا صحيح اصحابى بتوع المنشية عازمينى على مبارة الجمعة القادمة راكب ولا
مش راكب

يا باشا انا يشرفني اني العب معاك انا تحت امرك بس ابقي فكرني قبلها

لو حسام وابراهيم في الاهلي هيقولو عسل دلوقتي وحشين معلش يا اهلاويه خليها
المره ده عليك

والله حضرتك احنا اول من ننتقد اى حد تبع الاهلى لاننا لانريد ان يهتز كيان الاهلى العظيم بسبب اى شخص ينتمى اليه
نحن نقوم انفسنا قبل ان ننتقد الاخرين بل وفى بعض الاحيان يكون عندنا جلد الذات
ولو حضرتك فاكره ان الاهلى هو اللى طرد حسام وابراهيم من الاهلى لانهم ظنوا انفسهم فوق الاهلى وبالرغم من انهم كانو متألقين الا اننا الاخلاق فوق كل شئ

وبعدين حضرتك احنا حاليا نمدح حسام على ما فعله مع الزمالك ونحييه على موقفه فى محاوله التهدئه خلال المباراة الماضية ولكن ما فعله ابراهيم وصمه عار فى تاريخ الزمالك واعتقد انه هو الامتداد الطبيعى لمرتضى منصور اللى رفع الجذمه فى المقصورة الرئيسيه وسلملى على الزمالك

محمد الكومى كتب:وسلملى على الزمالك

يوصل يا كبير

تحب أقولها مين ؟

وصله لأوسه وهو عارف هيوصله لمين

اولا يا محمد انتو مش طردو حسام وابراهيم هما اللي سبوكو وكمان عفرتو اخلاقه وحشه جدااا وبرضه هيلعب ومع الاساسين في الفريق الاول

وثانيا انا بقا عايزين تسلملي ع احمد حسن الاناني جداااااااااااااااا

اولا يا محمد انتو مش طردو حسام وابراهيم هما اللي سبوكو وكمان عفرتو
اخلاقه وحشه جدااا وبرضه هيلعب ومع الاساسين في الفريق الاول

وثانيا
انا بقا عايزين تسلملي ع احمد حسن الاناني جداااااااااااااااا

يا فندم حضرتك غلطانه ........مش الاهلى اللى اللاعيبه اللى تسيبه عشان تلعب فى نادى تانى علشان الاهلى مفيش نادى ذيه فى مصر يعنى بالعقل مفيش لاعب عاوز يمشى من النادى الكبير علشان يلعب مع الصغيريين مع احترامى لاى نادى فى مصر سواء الزمالك او غيره......
اما بالنسبه لعفروتو دا لاعب لسه بيتربى مش معقول الاب اول ما ابنه يعمل حاجه غلط من اول مرة بيطرده من البيت لا بيستنى شويه عليه ولو كررها تانى بيطردة ولا رجعه له مرة تانيه......
واحمد حسن بقه بلاش نتكلم عنه لان مفيش واحد فى مصر قدم ليها ذى احمد حسن والانانيه بتاعته دى خارجه عن موضوعنا احنا بنتكلم عن الاخلاق والاحترام ولو كان على دول مفيش اتنين يختلغوا عن اخلاق واحترام احمد حسن ...........