أنا ليه أحرق أعصابي؟؟

أنا ليه أحرق أعصابي؟؟ وليه أصل ٍأفكر فيك ..؟؟
وليه أسهر على شأنك ..وأسهّر بالعنـا عينـي

أنا توّي فهمت الوضع .. وتوّه إتضـح خافيـك
مادام إنك تبي الفرقا ترى صعب أجبرك فيني !!

أنا ما عندي إستعداد أساير خطوتـك وأرضيـك.
وأضيّع عمري الباقي معك .. وأضيّـع سنينـي

هذاك اوّل .. أحبك وأعترف لك بالغـلا وأغليـك
توقعتـك معـي وافـي .. ولا تقـدر تخليـنـي

وبديتك على نفسي .. وعلى كل العـرب مغليـك
وعلى كيـفك تخيّرني .. وعلـى كيفـك تودينـي

هذاك اوّل .. ليا ضاقت عليّه طحت بيـن إيديـك
أحسب إني لقيت اللـي عـن همومـي ينسينـي

أبيع الناس من شأنك .. وكله لأجل ابـا أداريـك
أبيك .. ولا أبي غيرك .. مـن الدنيـا يسلينـي

أجي عاني .. وتجذبني لك الأشواق يـوم أجيـك
أحسب الشوق يلعبك مثـل ماهـو لعـب فينـي

أحسب إنك تبي قربي .. تحرّانـي متـى أتيـك
تحرى جيتي ..وإن غبت عنـك جيـت عانينـي

أحسب إنك تراعيني .. مثل ما قلبـي يراعيـك
حسبت إنك تصون العهـد .. مابينـك ومابينـي

حسافه .. ماحسبت إنك تخـون ولاتبـي مغليـك
حسافه كيف مـن دنيـاك .. تتركنـي وتلغينـي

مادام إن فيه غيري .. ب/ دنيتك جعل الله يهينك
ترى كل ٍ على كيفه .. وصعبـه أجبـرك فينـي

أنا ما عندي إستعداد أساير خطوتـك وأرضيـك
وأضيّع عمري الباقي معك .. وأضيّـع سنينـي

امنى ان اطلع على هذة الكتابات اخانا الكريم وان تشارك فى هذا الملتقى

هو شعر زى ما الاستاذ الفاضل صلاح مؤنس قال خليجى
هو عجبنى المعنى الا فيه حبيت انقلوا مش اكتر
لمروكم