منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
حملة " حقك من حقك " ... اعرف اللى ليك واللى عليك Support


2 مشترك

    حملة " حقك من حقك " ... اعرف اللى ليك واللى عليك

    avatar
    أحمد الله
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 6069
    العمر : 36
    تاريخ التسجيل : 17/04/2009
    مزاجي النهاردة : حملة " حقك من حقك " ... اعرف اللى ليك واللى عليك Pi-ca-18
    حملة " حقك من حقك " ... اعرف اللى ليك واللى عليك 30

    حملة " حقك من حقك " ... اعرف اللى ليك واللى عليك Empty حملة " حقك من حقك " ... اعرف اللى ليك واللى عليك

    مُساهمة من طرف أحمد الله 4/12/2009, 1:21 am

    السلام عليكم ورحمة الله وبركاته


    أعضائنا الكرام جتلى فكرة اننا نعرف بيها حقوقنا وواجبتنا فى البلد دى
    "" حملة حقك من حقك ""

    اهو حاجة تعرفنا بحقوقنا وكرامتنا
    وهنتكمل بلغة تفهمها كل الناس ... خاصة الشعب لأنهم أكتر ناس ضايع حقهم
    يعنى هنتكلم بلغة عادية نوصل بيها لكل الناس


    خصوصا اننا عارفيين أنها ضايعة شوية او اتنين أو تلاتة

    ف لازم نعرف حقوقنا وواجبتنا

    على الاقل علشان نصون كرامتنا ف بلدنا

    خصوصا فى التعامل مع الحكومة ( أمناء الشرطة والضباط ) .. وموظفى الحكومة والمرور وغيرها من المواقف

    .................

    طب ايه هى الفكرة
    هدفها اننا نخلي كل مواطن مصري يعرف حقه ..
    وأكيد بعد كده هنقول هياخده ازاي ... بس الأول يعرفه ..

    وكمان
    اننا اللى يعرف اى حاجة .. او حتى موقف يعرفنا بيه حقوقنا وواجبتنا ياريت يذكره

    ياريت الأخوة المحاميين يوعونا هنا ويساعدونا كمان


    واى حاجة جديد او توضيح هحاول اضيفه .!!
    وممكن نسأل وحد يدور لنا على الاجابات او يسأل محامين وغيرهم

    المهم اننا نتفاعل ونستفيد


    يارب
    وهحاول انا ابدأ


    avatar
    أحمد الله
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 6069
    العمر : 36
    تاريخ التسجيل : 17/04/2009
    مزاجي النهاردة : حملة " حقك من حقك " ... اعرف اللى ليك واللى عليك Pi-ca-18
    حملة " حقك من حقك " ... اعرف اللى ليك واللى عليك 30

    حملة " حقك من حقك " ... اعرف اللى ليك واللى عليك Empty رد: حملة " حقك من حقك " ... اعرف اللى ليك واللى عليك

    مُساهمة من طرف أحمد الله 4/12/2009, 1:34 am

    مجال حقوق الانسان مجال كبير أوي , وبيتضمن حاجات كتير أوي .. الحق في
    حياة كريمة والحق في السكن والحق في العلاج الآمن والحق في التعليم وغيره
    وغيره ...
    احنا اختارنا منه أهم جزئيتين وأبسط جزئيتين لأي مصري نتكلم عنهم ..
    اللي مفيش أي مواطن يقدر يعيش من غيرهم وكل حاجة علشانهم تهون ..
    اللي هم كرامة المواطن جوه مصر , وكرامته بره مصر ..
    ==================
    الجزء الأول : كرامتك في بلدك :
    ==================
    كتير مننا اتعرضوا لمواقف مع أفراد من الشرطة سواء كان أمين أو ظابط أو أيا كان ومعرفوش يتصرفوا فيها ازاي ..
    وسألوا نفسهم ياترى هو من حقه يضربني على قفايا ؟؟
    هل من حقه يفتشني ؟؟
    طيب من حقه يشتم ويشخط وينطر زي ما يكون اشتراني ؟؟
    هل من حقه ياخدني على القسم ؟؟
    طيب انا اتصرف معاه ازاي ؟؟


    بص
    يا سيدي ..هنتكلم دلوقت عن شوية مشاكل ونقول الحلول بتاعتها مع بعض , ولو
    قابلتك أي مشكلة مش موجودة في اللى احنا قولناه ابعتلنا (( وهنحاول نرد عليها .. وكمان اللى يعرف يرد يرد عليها ))

    --------------------------
    -------------------------------
    المشكلة الأولى : حد لابس ميري أو مدني ووقفك في الشارع :
    ---------------------------------------------------------
    طبعا أكيد معظمنا اتعرضنا للموقف ده ... في كمين أو غيره ...
    تلاقي واحد لابس ميري أو مدني يجي يقولك بطاقتك ..
    ويسألك رايح فين ؟؟ وجاي منين ؟؟ و ليه ؟؟ وعلشان ايه ؟؟
    ومش بعيد كمان يفتشك ... ومش بعيد كمان انه ياخدك على القسم بدون سبب واضح ويقولك اشتباه او تحري ...
    في
    الاول بس علشان تبقوا عارفين ... مابقاش فيه حاجة اسمها اشتباه ...
    الاشتباه ده اتلغى من سنة 93 وده بحكم من المحكمة الدستورية العليا ..

    طيب امتى بتوع الشرطة بيوقفوا حد ؟؟

    زي
    ما اتقال في القانون لما بيكون حط نفسه في موضع شك .. يعني ايه ... يعني
    مثلا واحد شايل تليفزيون وبيجري بيه وبيتلفت يمين وشمال .. ده اسمه موضع
    شك ... مثلا واحد واقف جنب عربية وعمال يتلفت .. واحد بيجري وعلى هدومه دم
    .. كده يعني ..


    ------------------
    حقك واللي من حقك :
    ------------------
    من
    حقك أي حد يوقفك في أي مكان كمين او غيره , وأيا كانت رتبته أو ايا كان
    لبسه ...انك تطلب منه يعرفك بنفسه الأول ... وهو اللي يثبت شخصيته الأول
    ... يعني لو قالك انا ظابط .. قوله لو سمحت كارنيهك ...
    هتقولي ماهو
    لابس ميري وفيه دبابير وحاجات كتير على كتفه ... ياعم انزل الوكالة هتلاقي
    بدل من دول على قفا من يشيل بدبابيرهم بنسورهم بسيوفهم ...
    ماتطلعلوش
    أي اثبات شخصية ليك غير لما هو يقولك هو مين الأول ويطلعلك اثبات شخصيته
    .. وبعدها من حقه انه يشوف بطاقتك أو اثبات شخصيتك ( بطاقة أو جواز سفر أو
    رخصة سواقة ) وبس مش اكتر من كده ...يعني مش من حقه يفتشك ولا ياخدك على
    القسم ولا يضربك ولا كل الكلام ده ...
    وخليك واثق من نفسك وانت بتقوله
    كده ... لأن ده حقك .. لو لقاك مهزوز أو خايف ... هيحس انه هو الأقوى
    ويبدأ يتعامل معاك بعنف ... لو حس انك مش خايف وعارف حقك ... هتلاقيه
    يعاملك باحترام غصب عنه ..

    طيب ياترى ده حقك فعلا بالقانون .. آه من حقك ...
    القانون
    بيقول في المادة 24 مكرر من قانون الاجراءات الجنائية واللي انضافت
    بالقانون رقم 174 لسنة 1998 ان لازم كل واحد من افراد الشرطة ايا كانت
    رتبته لازم يعرف نفسه للمواطنين ...

    طيب لو فرض بقى وخد البطاقة وما دهالكش ؟؟

    مش
    من حقه طبعا .. وساعتها من حقك تعمل ضده محضر كمان في أقرب قسم أو مركز
    ... وده برضه حقك بالقانون 143 لسنة 94 للاحوال المدنية وتحديدا في المادة
    50 ..

    طيب لو فرض وقالك تعالى معايا على القسم ؟؟

    اسأله ليه
    .. لو قالك اشتباه قوله الاشتباه اتلغى .. زي ما قولنا الاشتباه اتلغى
    فعلا من سنة 93 .. طيب لو قالك تحري .. قوله حتى لو تحري مش من حقك تاخدني
    القسم ... وده زي ما قالت المادة 362 من تعليمات النيابة ..

    طيب لو فرض بقى يا جميل و نسيت بطاقتك في البيت ؟؟

    شوف
    يا سيدي .. في الحالة دي هتروح القسم أو المركز معاه ... متخافش ... مش
    هيحبسك لأن مش من حقه يحبسك ... هتتصل بحد من اهلك او اصحابك يجيبلك
    بطاقتك أو إثبات شخصيتك ... أو ممكن حل تاني انك هتتعملك مخالفة وهتدفع
    مبلغ ما يقلش عن 100 جنيه وما يزيدش عن 200 جنيه .. يعني ما تخليش حد ينصب
    عليك في أكتر من كده ...
    وكمان مش من حقه في الحالة دي انه يحبسك ...
    وده برضه من حقك بالقانون زي ما قالت المادة 68 من القانون 143 لسنة 94 للاحوال المدنية ..



    يتبع ان شاء الله
    avatar
    أحمد الله
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 6069
    العمر : 36
    تاريخ التسجيل : 17/04/2009
    مزاجي النهاردة : حملة " حقك من حقك " ... اعرف اللى ليك واللى عليك Pi-ca-18
    حملة " حقك من حقك " ... اعرف اللى ليك واللى عليك 30

    حملة " حقك من حقك " ... اعرف اللى ليك واللى عليك Empty رد: حملة " حقك من حقك " ... اعرف اللى ليك واللى عليك

    مُساهمة من طرف أحمد الله 4/12/2009, 1:36 am

    كان فيه كتاب اسمه " عشان ما تضربش على قفاك "

    للمؤلف عمر عفيفي وهو ضابط سابق في وزارة الداخلية المصرية

    عمل الكتاب ده

    وتاني يوم طردوه من الوزاره

    على فكرة كتاب بسيط وسهل وجميل جدا ( انا بدور عليه ) اللى يعرف طريقة يبقى يدلنا عليه

    avatar
    أحمد الله
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 6069
    العمر : 36
    تاريخ التسجيل : 17/04/2009
    مزاجي النهاردة : حملة " حقك من حقك " ... اعرف اللى ليك واللى عليك Pi-ca-18
    حملة " حقك من حقك " ... اعرف اللى ليك واللى عليك 30

    حملة " حقك من حقك " ... اعرف اللى ليك واللى عليك Empty رد: حملة " حقك من حقك " ... اعرف اللى ليك واللى عليك

    مُساهمة من طرف أحمد الله 7/12/2009, 12:07 pm



    المشكلة التانية : لو أي حد عاوز يقبض عليك أو يفتشك في أي مكان انت فيه :
    --------------------------

    ---------------------------------------------
    لو
    أي حد كان لابس ميري او مدني أو ايا كان وحب يقبض عليك او يفتشك , سواء
    كنت ماشي في الشارع او كنت راكب ميكروباص او كنت حتى سايق عربيتك ..
    ياترى هل من حقه ان يفتش البنت ؟؟
    طيب والتفتيش الذاتي هل برضه من حقه ؟؟
    هل من حقه يفتش عربيتك ؟؟ شنطة العربية أو التابلوه أو أيا كان ؟؟
    طيب هل من حقه ان ياخدك القسم غصب عنك ؟؟
    طيب تعمل ايه لو ده حصل ؟؟

    ------------------
    حقك واللي من حقك :
    ------------------

    مش من حقه إلا اذا كان انت عليك حكم أو هربان من الجيش او الحاجات اللي ربنا يبعدك عنها دي ..
    وطبعا
    ده برضه حقك بالقانون والدستور ... زي ما قالت المادة 41 من الدستور ان
    مفيش حد من حقه يقبض عليك او يفتشك الا في حالتين .. اذا كنت حضرتك في
    حالة تلبس لا قدر الله ... او يكون معاه اذن من النيابة بالقبض او
    بالتفتيش ...غير كده لا من حقه يفتشك ولا ياخدك القسم ...

    طيب في حالة لو صمم يفتش بالعافية ؟؟

    مش
    من حقه ان يفتشك ... هو كده بيقلبك مش بيفتشك ... ولو كنتي بنت مش من حقه
    يفتش شنطتك ...وبالرغم من ده مش هتسيب حقك ...طلعله كل اللي في جيوبك
    دلوقت من غير ما تخلي حد يلمسك ... يعني ما تخلهوش يفتشك ذاتي ...
    ولو
    صمم برضه يفتش بنفسه .. ماتخليهوش يفتش اماكن حساسة عندك .. سواء كنت ولد
    او كنتي بنت .. وفي حالة البنات لازم علشان تتفتش البنت ..لازم بنت زيها
    اللى تفتشها .. وهم بيبعتوا اشارة باللاسلكي علشان يجيبوا مندبوة تفتش
    اوممكن هو ينادي لأي بنت من الشارع تفتشك ... في حالة عكس كده بقى ...ده
    اسمه هتك عرض ... سواء كنت ولد او بنت وحبوا يفتشوكم بطريقة مهينة ...
    والله بقى ده عرضكم وشرفكم ... واللي يتهاون في عرضه وشرفه يبقى ما
    يستاهلش يعيش ...
    بعد التفتيش اللي حصل ده بدون وجه حق ... اطلع مباشرة
    على اقرب قسم اعمل محضر باللي حصل .. لو ما رضوش ... اطلع على مديرية
    الامن واعمل محضر عند مفتش الداخلية ...أو في النيابة ...

    طيب لو انت راكب ميكروباص .. وحد نزلك وقالك افتشك ؟؟

    مش من حقه طبعا ... كل اللى من حقه انه ينزلك ويشوف بطاقتك ويبعت باللاسلكي اشارة يتحرى عنك ولو ما علكش أحكام يسيبك ...
    طيب لو انت سايق عربيتك ياترى من حقه يفتشها ؟؟
    لأ
    طبعا ... مفيش أي تفتيش في أي حال من الاحوال لازم يحصل إلا باذن تفتيش
    ... لا شنطة العربية ولا التابلوه ولا أي حاجة ... ولا حتى من حقه ينزلك
    لا انت ولا اللى معاك .. ولا اركن على جنب ولا كل الكلام ده ...لكن في وقت
    الكمين من حقه يركنك على جنب لمدة ما تزيدش مثلا عن نص ساعة .. بس برضه مش
    من حقه ينزلك ولا يفتشك ولا ينزل اللى معاك ولا يفتشهم ...

    طيب لو ما معكش رخصتك ؟؟

    مش
    من حقه برضه يفتش او ياخد اي اجراء غير انه يشوف رخصة العربية ويتأكد ان
    الاسم الى فيها هو اسمك وطبعا هيتأكد بأي تحقيق شخصية معاك ... وفي الحالة
    دي بيسحب منك رخصة العربية وبيديلك ايصال سحب لمدة أسبوع ..وبيسيبك

    طيب لو مامعكش لا رخصة عربية ولا اي حاجة تثبت انك صاحب العربية ؟؟

    ساعتها من حقهم انهم ياخدوا العربية للقسم لحد ما يتأكدوا انها مش مسروقة ..

    طيب لو فرض وفي أي حالة من الاحوال اللي فاتت سواء كنت في الشارع او راكب ميكروباص او سايق عربيتك حد صمم ياخدك القسم غصب عنك ؟؟

    دي
    هتحصل غالبا لو لقاك بتتكلم معاه وانت خايف ومهزوز .. ساعتها هيحس انك
    عامل عملة وخايف منه علشان كده ... وبعدين انت هتخاف منه ليه طالما انت في
    السليم ومفيش اى حاجة تخوفك ؟؟
    وعلى العموم لو صمم ياخدك .. ما تروحش
    على طول .. اساله الأول ليه ؟؟ وقوله ان مش من حقه .. وانه كده بيخالف
    القانون وانك هتعمل فيه محضر وكل ده اتكلم وانت هادي وبالراحة ... بشجاعة
    وبأدب في نفس الوقت... ولو خدك برضه ... ساعتها روح معاه من غير ما تقاوم
    ...

    واعمل الحاجات اللي هاقولك عليها دي :
    ========================
    1-
    حاول تعمل مكالمة تليفون في الطريق لأي حد من قرايبك قوله على مكانك , لو
    خدوا منك التليفون , نقيلك أي عسكري صغير كده بقى يكون باين عليه غلبان ,
    واديله الرقم وقوله يتصل بأهلك..احيانا بيبقى فيه عساكر غلبانين وولاد
    حلال .

    2- أول ما توصل القسم اطلب انك تقابل المأمور .
    قابلته
    قوله واحكيله على كل اللى حصل وان الظابط خدك بالعافية , وصمم انك تعمل
    محضر للظابط .. لو المأمور مارضاش أو ما قبلتش المأمور بعد ما تطلع على
    طول من القسم روح النيابة التابع ليها القسم او لمفتش الداخلية في مديرية
    الامن واعمل محضر هناك , وده من حقك بالقانون زي ما قالت المادة 280
    والمادة 282 من قانون العقوبات.

    ولو لا قدر الله وروحت معاهم
    وحبسوك حبس احتياطي مع ان ده مش من حقهم كمان ... لازم تبقى عارف ان مش من
    حقهم يحبسوك أكتر من 24 ساعة ودي المدة اللي من حقهم يحبسوك فيها .. وده
    كمان بس لو انت متهم بحاجة ... وفي خلال ااـ 24 ساعة دي بياخدوا أقوالك في
    محضر .. إما انهم يقولوا انك برئ فتروح .. أو لو ما قالوش انك برئ يبقى
    لازم تتعرض على النيابة فورااااا ... وطالب بحقك ان ما تفضلش أكتر من 24
    ساعة معاهم وانك تروح النيابة .. النيابة هتلاقيها ارحم منهم وهتلاقى
    وكلاء النيابة محترمين عنهم .

    بكده نكون وصلنا لنهاية الجزء الاول كرامتك في بلدك ...
    وباقيلنا الجزء التاني كرامتك بره بلدك ...
    bedomaster
    bedomaster
    هيئة الإشراف
    هيئة الإشراف


    النوع : ذكر
    عدد المشاركات : 1625
    العمر : 41
    تاريخ التسجيل : 15/08/2009
    الهواية : حملة " حقك من حقك " ... اعرف اللى ليك واللى عليك Swimmi10
    مزاجي النهاردة : حملة " حقك من حقك " ... اعرف اللى ليك واللى عليك Pi-ca-18

    حملة " حقك من حقك " ... اعرف اللى ليك واللى عليك Empty رد: حملة " حقك من حقك " ... اعرف اللى ليك واللى عليك

    مُساهمة من طرف bedomaster 7/12/2009, 2:33 pm


    بـــــــــــــــــــــــارك الله فيـــــــــــــــــــــــــــــك

      الوقت/التاريخ الآن هو 26/2/2024, 3:23 pm