المنتديات العامة 
من طرف 
هناك مميزات تميز المصريين فقط دون غيرهم ....؟
هذه المميزات لم تجدهاااااا عند اى شعب ثانى وهى كما يلى :
- ممكن يعدي التلاتين ولسه عايش مع أمه وأبوه وماعندهومش مشكلة
- بيفهم في الطب ويشخص المرض ويوصفلك الدواء وبيفهم في النقاشة والكهرب
او تصليح العربيات والطبيخ والسياسة والكورة وهو.................. أبيض ياورد
- بيحط الريموت كونترول في كيس بلاستيك كعادة فرعونية
- يقف يتكلم على الباب نص ساعة بعد إنتهاء الزيارة والسلام
- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم
سنين ومازال مُصِر على جمع المزيد
- ييجي بعد معاده بساعتين ويفتكر إن ده عادي
- لسه عنده إصرار إنه يتكلم بصوت عالي في التليفون لما تكون المكالمة دولية عشان
التاني يسمعه
- بيعتبر نفسه أفضل واحد في الشرا والفصال وبعد كده يكتشف إن الحاجة في المحل
اللي جنبه أرخص من غير فصال
- بيحتفظ بأكياس محلات اللبس والأحذية وورق الهدايا تحت مرتبة السرير لسنوات
ومابيستخدمهاش
- عنده صينية مكسرات متقسمة لتلات او أربع أقسام لزوم المزاج وعمره
ماإستخدمها
- بيشتري قبل الفطار في رمضان مواد إستهلاكية أصلا موجود عنده في البيت لسه
ماستخدمهاش
- بيشيل طابع البريد من على الظرف لو الختم ماكانش عليه
- بيفتكر إن أي حد بيشتغل في الخليج بيغرف فلوس من غير حساب
- لو ربنا كرمة و أشترى عربية جديدة فورا بيركب للكراسي فرش
طبعا غير الموبيل لازم يركبله وش جديد
- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه
برده بيتخانق ساعة دفع الحساب بحرارة شديدة على إنه هو اللي لازم يدفع
- لو شغال ف مكان ... تلاقيه بطلب البقشيش حتى لو ماعملش حاجة ... ويقولك حقى
- بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا
- بيكلف الشىء ف الفلانى فى تجهيزات الفرح ... ونص الحاجات دى مش بيستخدمها اثلا (( بس بقت شىء لازم ))
- لسه لحد دلوقتى بيفرق بين الجنيه الورق والجنيه المعدن
على فكره انا كمان مصرى و أفتخر أنى مصرى
بس ده واقع مش كده
علي الموضوع
