المنتديات العامة 
من طرف أنا كنت عايز احكيلكوا حكاية، حكاية اخين كانوا يد واحدة، كانوا بيحب بعض جدا و بيخافوا على بعض جدا. بس دلوقتي بقوا أعداء.
الاخين
دول واحدة اسمها مصر والتانية اسمها الجزائر. الاتنين مسلمين وعرب وكانوا
عايشين في بيت واحد كان بيت الخلافة الاسلامية اللي كان بيمتد من الصين
لحد الاندلس.
مكنش ساعتها في حاجة اسمها دولة مصر ودولة الجزائر ودولة الكويت.... كانوا كلهم اخوات ومدن في دولة الاسلام.
كان في عدو بيكرههم حاول كتير يفرقهم و يكرهم في بعض.
حاول
كتييييييييييييييييير، وللأسف في الآخر نجح وأسقط الخلافة الاسلامية و
دلوئتي بقت في دولة مصر و دولة المغرب و دولة السعودية الأخوات في الأول
مكنوش مصدقين وقالوا لازم نرجع لبعض لكن شوية شوية نسيوا انهم اخوات. و
بقيت انا مصري وانت جزائري انا ليا جيشي و شعبي وحدودي ولغتي وانت ليك
شعبك وجيشك ولغتك.
لكن في نفس الوقت فضلوا مرتبطين عاطفيا كان في حنين
بينهم. لما كان بيحصل لمصر حاجة كانت الجزائر بتقوم ولما كان بيحصل
للجزائر حاجة كانت مصر بتقوم لانهم عرب ومسلمين بس مبقوش اخوات خلاص.
شوية
شوية نفس العدو لعب في دماغ الاتنين و مصر بقت تقول انا فرعونية والجزائر
بقت تقول انا امازيغية يعني دلوئتي عايزين يبقوا مسلمين بس، مش عرب ولا
اخوات.
وفضلوا يبعدوا ويبعدوا عن بعض لحد ما جت اللي ما تتسمى
الكورة وفرقتهم خالص. أيوه الكورة فرقت الاختين عن بعض تماما بقت كل واحدة
تشتم في التانية و تتمنلها كل سوء ونسيوا انها كوووووووووووووووووووورة يا
جماعة دي كوووووووووووورة كووووورة
دي حكاية مصر والجزائر
يا
جماعة انا مصري و اتمنى ان مصر تكسب و لو كنت جزائري كنت هاتمنى ان
الجزائر تكسب. و لو مصر خسرت هاكون اول مشجعي الجزائر في كاس العالم.
يا جماعة لازم نفوق شوية، دي حرب علينا احنا الاتنين. وده اعلام موجه هو اللي بيحركنا و بيخلينا نكره بعض.
افتكروا
كده من فترة الاعلام بردة خلانا نكره الكويت مع انهم شعب محترم جدا و بردة
الاعلام وقع بين الجزائر والمغرب، ونفس الاعلام وقع بين قطر والسعودية.
لازم نفوق ونعرف اننا اخوات ونرجع اخوات تاني نخاف على بعض ونحب بعض.
هما قسوما الدولة الاسلامية لدويلات، و جم قسموا فلسطين و حاليا بيقسموا في العراق وبكرة الدور جاي.
يعني
لو قسموا مصر لمصر الشرقية ومصر الغربية ده هايبقى معناه اننا هانكره بعض
ونحارب بعض؟؟؟؟ طبعا انتوا بتقولوا لا. لكن أنا بقولكوا اه هانكره بعض
وهانحارب بعض ونشتم بعض لان ده اللي بيحصل بين مصر والجزائر.
ياريت
يا جماعة نسامح بعض ولو في عضو جزائري غلط في المصريين يا ريت نسامحه
وياريت لو في عضو مصري غلط في الجزائر ياريت نسامحه بردة .
لازم نعذر بعض ونعرف ان في ناس بتاخدها الحماسة والغيرة و مبيخدوش بالهم باللي بين السطور.
احنا دايما بنسمع كلمة ............ (اصلي مبحبش أشتم)الفلوس اللي تخلي الاخوات يكرهوا بعض، و انا بقول:
......................الكو
انا عارف ان في ناس كتير هتضايق من الكلام ده وهيقولو ده حصل وحصل وحصل
انا هاختم كلامي بالدعاء الجميل ده
اللهم أصلح ذات بين مصر والجزائر
