قصة حقيقة رومانسية تبين وجود الحب الحقيقى .....

السلام عليكم

بمسى على احلى أعضاء واحلى مشرفين النهارده ياشباب هتكتب بكل صدق عن قصة حقيقة جميلة من وجهة

نظرى من باب الدردشة مع أحلى ناس مع أنى أنا تعبان فعلا عندى شوية برد انما ايه عموله وعمال

أشرب ليمون زى ما قلى الدكتور عبد الله لما الواحد خلاص... وقررت عدم الاستسلام للبرد والدردشة

معاكم ...

المهم القصة دى حقيقيه فعلا لان بطلها واحد زميلى اسمه منصور كلية الهندسة الالكترونيه عمل ايه

منصور عمل اللى شباب كتير ماقدرشى يعمله ..طبعا هتقولى عمل ايه هتقولى بيطلع الاول كل سنة

بتقدير امتياز ..هقولك لاه ..هتقولى هيكون بطل شعبى مثلا فى الكلية وعامل فيه روميو ....

هقولك لاه أمال ايه زهتنقنا ...ما أنت اللى مستعجل لاه .

-حقق أول حلم من حياته أنت عارف ايه هو اول حاجة حب زيه زينا بالضبط ..وايه

يعنى ما عملشى حاجة جديدة ...لاه عمل مفأجاة بالنسبة لاصحابه خطب البنت اللى بيحبها وعلى

فكرة هى معاه فى نفس القسم ...هاه ايه رأيك ...تبعا هتتعجب دا لسه طالب تب ازاى صعبة شوية صح ....

- هقولك انا هاخمن ازاى بس فبل ما اخمن.. ياسلام كل ما أروح الكلية أليقهم مع بعض بيرسموا

مستقبلهم لحظة بلحظة أنا ساعات بحس بيقولوا ايه؟؟ظ ممكن يكونوا بيقولوا االمادة كذا صعبة أوى

عايزين نذكرها كويس علشان التقدير...ممكن شوية حب كلام رومانسى ...كلام فى المستقبل والتفكير

مثلا هيجيبوا كام ولد وهيسموهم ايه ...أنتنين مخطوبين مين قدهم ..... نرجع تانى

- ازاى دا حصل حسبها لاعضاء منتدانا الجميل التخمين معاى مع ملاحظة أنه مش غنى ولا حاجة

انسان زى انا بالضبط على قد حاله ...كان صحبى بس بعد ماخطب ما بقاش يشوف غيرها..

أنا مستنى المشاركة الجميلة ...عايز أعرف ايه رايكم بصراحة؟

وهل من الممكن تعمل زيه ؟ وعايز تخمن معاى مش معنى هو ليه مايكنشى أنت أوأنا؟؟؟

اوعدنا يارب ....ويارب كل واحد يتجوز اللى يحيبه ..؟

ياجماعة.... بقلم / أسامة عبد العزيز

يا جماعة على مروركم الجميل ..اللى رجعنى تانى عن فكرة حذف الموضوع لانه ماكانشى فيه حد رد عليه ..وبالتالى ممكن يكون

موضوع مش جاد للنقاش ..أو مش اوان عرضه دلوقتى .. ليك يادكتور أحمد .. ليك يادكتور عبدالله حضرتك أثرت مشكلة جامدة

جدا ...

ياجماعة صدقونى دى مش اوتار الليل ولا كلام من عالم الخيال دى قضية حبيت أمزج فيها الحب وازاى تكون نهايته الحقيقية ..وهى الجواز

وهرد على رودكم الجميلة ...بعد ماأتغدى قصدى أفطر .....

أحمد الله كتب:بالرغم من انى مقل فى الدخول على مواضيع أوتار الليل الرومانسية دى
انا فكرت ان الموضوع دا زيهم من العنوان طبعا ... بس طلع غيرهم

فعلا قضية تحتاج للنقاش

يا دكتور على معرفة ذلك وانى الهدف مش أنا والنجوم وهواك ....

***
طبعا مش كل المواضيع كده
لكن فى منها مواضيع بتكون هادية وجميلة وهادفة ومفيدة فعلا .. ومجال للحوار

(( نفسى ألاقى الموضوع اللى قولتك عليه .... عمال أقلب وادور ومش عارف الاقيه
المشكلة ان ناسى الاسم ))

الموضوع ليقته وان شاء الله هرد عليه..


مش هنسلم من القر بقى



صدقنى والله بأتمنى لهم الخير ويا رب عمرهم ما يختلفوا ويوصوا بأحلامك الى أبعد الحدود...


وهنا يحضرنى قول الشاعر
"" قعدت الراجل بميت ست .. بس لو جت الست .. يغووور الراجل.

لاه طبعا أنت فهمت غلط أنا قلت ابعد أحسن لعدم الاحراج ما بينهم .وفيه علاقة بس فى حدود الزمالة...


************
بص يا أس نجى بقى للجد

طلعة منك عسل...يا سلام عليك يا دكتور بتفكرنى دايما بأيام شبابى ..أيام ؟؟؟؟

الكحاية دى بتختلف من مكان لمكان .. ومن مجتمع لمجتمع ( داخل مصر بروو )
من بلد لبلد يعنى

يعنى ف نااس بتجوز ولادها بدرى .. حتى قبل ما يتخرجوا
وانا ليا زمايل كتيييييير فى مناطق مختلفة نفس الحوار كده

عادات بقى يا هندسة ؟

لحظة يا دكتور انا معاك فى ده فى ناس بتجوز ولادها بدرى ...هل دا مبداعندهم دون النظر

الا الحالة المادية ...على ما اعتقد صعب شوية ...عايزين يفرحوا بيهم بس أكيد كل الاباء عايزين

يفرحوا بعيالهم ..صح أو ممكن يكون الجواز هناك رخيص عن عندنا ...ازاى ...دى مشكلة الواحد

عايز يتكلم فيه بشىء من التفصيل..ودا هدفى الاساسى من الموضوع من خلال الردود بنعمل موضوع

مفيد بيناقش مشاكل الشباب.....


مين منا مش يحب يعيش نفس القصة ... اللى طبعا بتعتبر أيام الخطوبة دى أجمل الأيام ... زى ما بيقولوا عنها ورد الزواج

تمام كلام جميل ..

طبعا تكون سعيد وفى كامل نشوتك لما تلاقى انسانة ومش اى انسانة ( دى زوجة المستقبل ) جنبك
تشيل عنك وانت تشيل عنها .... تخطوطوا سوا زى ما انت بتقول
تعيشوا وتشدوا ادين بعض فى المذاكر ... وحاجات كتييييييييييييير طبعا

طبعا لو اتكلمنا كتيير عن الفترة دى مش هنعرف نغطيها ونعبر عنها كويس

واضح الى نفسك تخطب شاور بس ...ومالكشى دعوة ..

بس المشكلة انك تكون مقرر الزواج للزواج والمسئولية
وعارف يعنى ايه زواج ويعنى ايه مسئولية

مش من أجل المتعة اللى من وراء المصاحبة
يعنى تكون على قدر المسئولية وعارف قدر نفسك قدام خطيبتك ... تعرف تحميها وتآمنها
مش معجب بحكاية الخروج والكلام وخلاص

أكيد اللى اتكلمت عليه ما قدر دا كويس هو عارف بعد ما يتخرج هايعمل ايه ..وزى ما قالت

انسان زى زينا بيبى مستقبله..وطبعا البنت قدرت ده كان ممكن تتختار عريس جاهز صح تب اشمعنى

اخترته هو...؟؟؟؟؟؟؟

طب ممكن نتخيل كده طالب عايز يخطب ؟
يعمل ايه ؟
هيروح يقول لوالده مثلا انا عايزك تخطبلى .......... مثلا يعنى
مش عارف


ممكن اخمن لو كان أب ديمقراطى هيتناقش معاك ويفهم وجهة نظرك وانت وشطرتك ...

امال لو كان أب من نوع تانى ..ربنا يستر على هايحصل معاك ...احنا هنسمع أصوات بس وهاندعى

أزمة وهاتعدى ..يا رب خففها يا رب رب رب ..

طيب ...

طب ايه رأيك .. سمعت الأستاذ مصطفى حسنى ( كان عندنا فى الكلية ساعتها )
لما سألته طالبة وقالتله انا بحب واحد وعايزه ادعى انه يكون ليا
ادعى واقول اسمه يعنى ..!!

قاله أحسن تدعى وتقول كده
اللهم ان كان خيرا ليا فوفقنى اليه .. اللهم قدر لي الخير

دعوة جميلة بس لازم يعمل هو حاجة ...مش يبلطج فى الخط ويقول يارب ...


*****

عاشلنا قلمك يا أخويا
[/color] [/center]

ربنا يخليك يا دكتور ....

عبدالله السعيد كتب:نفس الموضوع حاصل مع واحد صاحبي في الكليه من دجوى برده خطب اللي بيحبها وتقريبا نفس الحوار اللي اتكلمت عليها يا اسامه ..

بس الموضوع دا له ميزه وعيب ..

الميزه انه فعلا بيبقى شبه استقر على الانسانه دي وخلاص لا هيبص هنا ولا هنا ..

تمام جيت على الجرح ربنا يستر وما نبص هنا ولا هنا ..ان شاء الله بالحسابات المنطقية هخطب

على 2020....ربنا ييستر هانت ..كله عشر سنين بس..

والعيب لتوقيت ممكن يبقى صعب يوفق بين دا ودا وجايز يتعطل شويه وممكن يكون حمل عليه ماديا لان الخطوبه دلوقتي بقت مكلفه جدا وكل يوم ببدعه جديده ودي تقول خطيبي جابلي وتغيظ التانيه وطبعا مخهم صغير اوي وبيبصوا جدا للحاجات دي ..

ايه ده وده مش فاهم تقصد ايه ...أمال من ناحية الخطوبة دا مابقتشى خطوبة دى بقت خراب واضح

على الخاطب ..ده مشكلة جامدة جدا ...مع أنها فترة جميلة بس عيوبه كتير زى ماحضرتك وضحت...

وبردك مش كل الناس ...ومش كل البنات ...
الموضوع بيبقى محير فعلا ..

وفي الاخر كل شيء نصيب يا هندسه زي ما احمد قال ..

يا رب يكون نصيبنا كما نتمناه نحن ..وليس كما يتمناه الاخرين.. لمروكم يا جماعة..