المنتديات العامة 
من طرف Eng.sanoo 2/11/2009, 11:41 amحمرا يا دنيا حمرااااااااا
الفالنتاين أو عيد الحب حالة من اللون الأحمر التي تجتاح مصر مرتين في
العام .الدباديب تتصدر واجهات
المحال -أم أي حاجة بـ 2.5- بس طبعا الكلام دا في أي وقت تاني غير
الفالنتاين فتجد الدبدوب اذي لا يتعدى ثمنه في الأوقات العادية الـ15 ج
تجده بـ40ج وماله؟ كله في سبيل الحب، الشنط والبلوزات والتي شيرتات
والورود كلها حمراء، حمرااء، حمرااااء
حب ولاّ رغبة في الحب ولاّ مواكبة للحب ولاّ إيييييييه؟
كل هذا جميل ومفيهوش حاجة غلط ولكن يبقى عدد من الأسئلة طالما احترت أنا
شخصيا في تقديم إجابة قاطعة لها وهي: هل حالة الرومانسية التي يغوص فيها
الشباب في عيد الحب بفعل.. الحب.. ولاّ عيد الحب... ولاّ الرغبة في
الحب... ولاّ الحرمان من الحب... ولاّ إييييه؟
]كلها أسئلة ضاعت إجاباتها... هل الفالنتاين إحساس عام بالرومانسية يجتاح مشاعر الناس بصرف النظر عن حالتهم الاجتماعية... يعني –حالة حب– على طريقة "هاني سلامة"..
فرّة وبتيجي للناس، أم أنه يتلمس الوتر الحساس عند الجنسين ممن لم يجد
شريك فالنتاينه فبيحبّ على نفسه ويحاول تعويض هذا الجزء المفقود من خلال رومانسية أحاديةالاتجاه –
أم أنه ومن الآخر كده تقليعة وموضة زي تى شرتات"عمرو دياب" في كل كليب جديد ليه، وزي أغاني"محمد منير" التي تجتاح ألبوماته شوارع العاصمة وضواحيها كل عام، وذلك من
أجل مجاراة المحيطين ومشاركتهم اللون الأحمر وإذا كان كذلك
ليه فالنتاين أصلا؟ وليه فالنتاينين؟
هذه علامة استفهام واحدة لسؤالين مجتمعين ليه فالنتاين أصلا؟ ولي هفالنتاينين؟ رومانسية ماشي، حب وتسبيل وكلام من دا، مفيش مانع.. طب والفلوس وضعها إيه؟ كما سبق وأن ذكرت من معلوماتي الاستخباراتية أن سعرالدبدوب اليتيم لا يقل عن 40 ج وطبعا الولد مش هيجيب دبدوب صغير وإلا يبان بخيل قدام الجو بتاعه فبيجيب الوسط على الأقل يعني العملية مش بتقلّ عن 70ج... طب ليه؟ طب ما تقول لها كلمتين حلوين وخلاص إيه لازمة المصاريف؟....
واشمعنا دباديب ما هو مش قانون؟...
نأتي للسؤال الثاني والأهم: ليه 2 فالنتاين هل على اعتارأن الحب لازم له دور تاني اللي ما يحبّش في فبراير يحبّ في نوفمبر؟طيب ليه نوفمبر بالذات إشمعنى؟
طيب هل فيه بلاد تانية بخلاف مصر بتحتفل بهذا الفالنتاين؟...
الإجابة لا.
هل تحتفل -أو تحتفلين بأحدهما دون الآخر أم تحتفل بكلاهما؟ طب وليه أصلا خاصة وإن أغلبية الشعب المصري حالته المادية يعني -إحنا عارفين بقى- طيب هيحصل إيه لو اتفقنا ما
نحتفلش بيه إيه اللي هيجرى؟
هل الرومانسية هتفضل موجودة والحب سيظل موجودا
أم أن الفلوس ضرورة لإشعال فتيل الحب؟.......
لو كنت فالنتايني أو فالنتاينية إدّينا رأيك.
علي الاضافه
علي الاضافه
