الغاز حسابيه يلا خش وحل بسرعه

أعتقد انى قولت الحل فى الموضوع دا يا أستاذ محمد .. بس الفكرة ما وصلتكمش
نقول تانى

ثلاثه دخلو محل عشان يشترو كاسيت سليم
سالواللى شغال قى المحل قالولو بكام الكاسيت دا قالهم ب30جنيه
المهم اخذو الكاسيت بعد شويه جه صحب المحل بيسال اللى شغال عندا قالو ان بعيت كاست ب30جنيه
قالو لا الكاسيت دا ب25 بس انتا رجع5جنيه للثلاث اشخاص
عمل ايه بقى هو ضرب 2جنيه فى جيبه ورجع لكل واحد فيهم جنيه
اصبح كل واحد دفع 9جنيه يبقى 3*9=27 والاثنين جنيه اللى مع البايع يبقى 29 جنيه

فين الجنيه الى ناقص بتاع الثلاثين جنيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

اللى يعرف الحل يقول مستنى رودودكم

الغلط فى الحساب اللى موجود فى المسألة .... معايا براحة وانا أحاول أوصلهلكم

بص يا سيدى ... احنا لما جينا نحسب الفلوس اللى اندفعت
قولنا
27 ( كل واحد دافع منهم 9 ) + 2 جنيه (اللى ضربهم فى جيبه )
طب نيجى نفك ال27 نشوف اتعمل بيها ايه هما كمان
على اساس انهم مفكرين انهم دفعوها للكاسيت

يبقى
كان
27 + 2 .......( لما نفك ال27 جنيه )
يبقى

25 ( تمن الكاسيت ) + 2 ( اللى البائع ضربهم فى جيبه ) + 2 ( جنيه اللى بائع ضربهم )

يبقى انت كده حسبت ال2 جنيه اللى البائع ضربهم فى جيبه مرتين ........ ومن هنا بقى الغلط

يبقى لما تيجى تحسب تانى ....ز بمنتهى السهولة
27 ( اللى هما 25 ج للكاسيت + 2 ج اللى بائع ضربهم فى جيبه ) + 3 ( اللى رجعتلهم )

تحسب يعنى اللى دفعوه واللى رجعلهم
لأن هما كمان معاهم 3 جنيه من ال30 انت مش حسبتهم


فهمنى يا محمد باشا

ياعم محمد بالرغم من انك زى ما قولت عملت عمليات حسابية مالهاش علاقة ببعض لمجرد مبرر أننا عايز نوصل لل30 جنيه

ماشى يا سيدى .. بالرغم من ان دا غلط رياضياً بس هكون معاك ونشوف الأخر

المهم .... برضو عندى رأى انها الغلط فى الى حسب المسألة نفسها ... ومش معنى ان الموجه اقتنع بيها وفكر فيها .. ان المسألة مسلم بيها
ومش معنى ان فى حل الأستاذ الموجه اتقنع بيه .. يبقى هو الحل الأوحد

نشوف كلام حضرتك

عموما تعالى تعالى نشوف احنا عايزين نوصل ل30 حنيه بعد العمليه الحسابيه صح
يعنى دا على افتراض ان العملية صحيح يعنى ؟
يعنى على افتراض ان كل المعطيات والناتج من المعطيات هو سليم ؟

طب هفضل معاك مع اعتراضى على كلمة بعد العملية دى

دعنا نتفق ان لو على التمن الحقيقى للكاسيت اللى هو 25 جنيه يبقى نصيب الفرد 25 /3 يبقى 8 وتلت
يعنى التمن الفعلى اللى كل واحد دفعه هو 8وتلت ... علشان يكون مجموع مادفع فى الكاسيت هو 25
تمام .. معلشى لو كنت بكرر .............. خليك معايا ( ياريت بدون النظارة )

نرجع للخمسة جنيه سيبك من 2 جنيه اللى العامل اخدهم اوك
أوك يا برووف

هو
كده يبقى كل واحد خد جنيه
تقصد ان كل واحد رجعله جنيه من اللى دفعه .. والجنيه اللى رجعه دا من أصله ال30 ........ يارب يكون انت تمام معايا ؟

نجمعه على نصيبه اللى هو 8 وتلت
يعنى نجمع اللى اندفع الفعلى فى الكاست ال25 جنيه ( اللى هما 8وتلت ) + الفلوس اللى رجعت من الكاست ( اللى هم ال3 جنيه )

لاننا مش عايزين
نوصل لنصيب الفرد احنا عايزين نوصل ل30 جنيه
أنا فاهم حضرتك تقصد ايه ......... ومعاك

وال3 جنيه دى من ال30 جنيه
يبقى لازم نجمع مش نطرح وكده يبقى نصيب الواحد 9 وتلت ولا ايه يادكتور
معاك يا فندم وفاهم حضرتك أوى كمان
تقصد ان نصيب كل فرد هو 9وتلت ( 8وتلت دفعهم للتمن الفعلى للكاست + 1 جنيه اللى رجعله )

اما
بالنسبة للعملية الحسابية فهى تحتوى على قوانين ريا ضية لاشك فيها من حيث
عملية الضرب
او الجمع حضرتك تقول كده لو عملت عمليات متناقضة زى قسمت
والمفرض اضرب وهكذ

مع انى مش عارف الكلمتين اللى فوق دول ... حاسس انى فاهمهم بس مش عارف هما مكتوبين صح ولا لأ

بس معاك يا أستاذنا

المهم أننا وصلنا إلى 9وتلت نصيب كل فرد فى الكاست ( الدافع والمردود ) ... يبقى المجموع 28 ..... وبعدين نجمع عليهم ال2 اللى راجل أخدهم فى جيبه
يبقى المجموع 30

أنت عارف يا كومى انت عملت ايه
انت جيبت ال27 ... وفكتهم تانى إلى 25 و 2 ( دا غير ال3 اللى رجعوا )
ويعدين قسمت ال25 على ال3 ... وقسمت ال3جنيه على التلاتة
وبعدين لميت الفلوس تانى .. وحطيت عليهم ال2 جنيه

طب بذمتك السطر اللى بالأزرق دا لازمته ايه بقى ... يعنى جبت فلوس ووزعتها على الناس ويعدين لميتها تانى ( انا اقصد بالعمليات الحسابية ... مش فى الحقيقة )
يابنى من انا وصلت لدى بمنتهىىىىىىىىىىىىىى السهولة خالص .... وارجع لكلامى وانت تعرف
و ... كلامى بيقنعنى بحلى
لأن أنا اصلا مش فى موضوع شك من الحل ...... بس انا بحاول اوصلك الغلط اللى فى المسئلة نفسها


طب تعالى بقى اثبتلك ان فى غلط فى المسألة ولا لأ ؟

احنا لما جينا نحسب الفلوس
وبراحة لأننا هنحسب دفع ورجعوا ...... وهنا لازم العمليات الحسابية تكون تمام ومضبوط لأننا مش بنلم فلوس والسلام .................... هنتكلم بأصول رياضية يا أستاذنا
ماشى

احنا لما قولنا ( فى المسألة ... مش الحل ) ان كل واحد دفع 9
لأن كل واحد رجعله 1 جنيه ........................ يبقى كل واحد مفكر نفسه دفع 9 جنيه
وال9 جنيه دى ( راح منها 8وتلت كتمت للكاسيت .. والثلثين راحوا لجيب البائع اللى ضربهم فى جيبه )
تمام ... أنت معايا

يعنى لما تيجى تحسب الفلوس .. راحت فين
هتحسب ال9 جنيه ( اللى فيهم الثلثين اللى انضربوا فى جيب البائع من كل واحد __ علشان يكون انضرب فى جيبه 2 جنيه ) ..... نقول 9 فى 3 = 27

يعنى ال27 دول ....... ( عبارة عن تمن الكاسيت الفعلى + اللى البائع ضربهم فى جيبه )

يبقى لما نعوز نجمع ال30 جنيه
نجمع ال27 ( خد بالك من السطر الللى بالأحمر فوق ) أجمع عليهم تانى ال2 جنيه كمان مرة = علشان يبقى المجموع 29
دا الغلط يا استاذ محمد

وأوعى تقولى يا أحمد احنا بنجمع ال30 جنيه مش مهم العميات الحسابية
اه .. انا وافقت واحنا ينجمعهم بعد حل المسألة ومشيت معاك خطوة بخطوة
لأن فى المسألة نفسها تقولى مش مهم احنا جمعنا ايه على ايه ؟
لا يا أستاذ محمد ؟
ماتعديش الغلط وبعديها تقولى مش مهم العمليات الحسابية ......... بالرغم من كون مافيش حاجة فى الرياضة اسمها مش مهم العمليات الحسابية ( ليها مبررات أكيد )


(( ولو مش مصدقنى ........... اطبع كلامى ووديه للأستاذ أحمد حبيبى ومعلمى فى الرياضة بدون ما تحكى اى حاجة ولا تكون جنبه وسيبه هو يحكم )

تاكد انك وصلت للحل
لذلك فهل توافق على اعتماد الحلين كطريقة حل ام لك وجهة نظر اخرى
ولا عزاء للعباقرة فى المنتدى

وليه ياعم ... ما نسيب اللى يعزى يعزى


وهو كذلك يا أخ محمد .......

1-ما هو الشيئ الدي كلما زاد نقص

2-ما هي اطول اية في القران الكريم

وشايفه ان التحليل اللى طرحه د/ احمد مقنع جدا
ومقتنعه برده ان مش كل الناس بتقتنع بسهوله
أهو ............. ماجبتش انا حاجة من عندى
طلع هناك من يؤيدنى
ليكى يا بيست

دى رياضيات بحتة دى ولا بطة

دا فى من الألغاز اللفظية دى كتييييييييييييييييييييييييييييير
اللى فوق دول بس اللى عرفتهم لوحدى ...... وباقى Google عارفهم

وكمان ازى يقتنعو انهم دفعو 9 وتلت ده مش صح نهائى
لا ... هو مش يقصد انهم دفعوا 9 وتلت ... يمكن يكون اللفظ اتقال غلط أو يكون وصل لحضرتك غلط
هو يقصد انه عايز يعرف فين ال30 جنيه ........... فلفلها لفطة طويلة شوية
فقال أن كل واحد نصيبه من ال30 هيكون 9 وتلت ... بحيث يكون 8وتلت دفعهم للكاسيت و1 جنيه رجعله
فهمان قصدى !!

انم الجماعة التلاتة دول ........... مقتنعين باى حاجة المهم انهم يسمعوا الست أم نانسى على الكاسيت وخلاص


ولما هما يرجع ليهم 3 جنيه يبقى معنى كده انهم دفعو 28 جنيه طب ازااااااااااااااااااااااااااااى
ده مش صح خالص

ما انا علقت وقولت ان فى الحته دى هما فاشلين فعلا فى الرياضيات ....... الظاهر كانوا منازل وهما فى الاعدادية

وكده ان شاء الله يكون فى هديه : )

يعنى أعتبر دا وعد .......... واستنى انا الهدية
يارب تكون حاجة تُأكل أو كثيرٌ من المال

كنت هنزل لغز.............
لكن مش هنزله الا لما الناس تقتنع اولا ان المسأله مطروحه غلط
والحل بتاع 9وتلت ده مش صح
طب وبالنسبة للأُريدى مقتنع ... يستنى اللغز

على فكرة احنا كنا اتكلمنا فى الموضوع دا قبل كده ... وكانت وجهة نظرى بردوو كده
هتلاقى الحاجات دى فى الصفحات اللى قبل كده من نفس الموضوع

ودى بداية اللغز والكلام فيه
الغاز حسابيه يلا خش وحل بسرعه