عيزك تحشش وتفضل مطنش..!!

            ده كلام  الكبييييييير  (احمد فؤاد نجم)

يا شعبي حبيبي يا روحي يا بيبي يا حاطك في جيبى يا إبن الحلال

يا شعبي يا شاطر يا جابر الخواطر يا ساكن مقابر وصابر وعال

يا واكل سمومك يابايع هدومك ياحامل هموم وشايل جبال

يا شعبي اللي نايم وسارح وهايم وفي الفقر عايم وحاله دا حال

أحبك محشش مفرفش مطنش ودايخ مدروخ وآخر إنسطال

أحبك مكبر دماغك مخدر ممشي أمورك كده باتكال

وأحب اللى ينصب وأحب اللى يكدب وأحب اللي ينهب ويسرق تلال وأحب اللى

شايف وعارف وخايف وبالع لسانه وكاتم ما قال

وأحب اللي قافل عيونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يانس وأحب اللي بائس وأحب اللي محبط وشايف محال

واحبك تسافر وتبعد، تهاجر وتبعت فلوسك دولار أو ريال

واحبك تطبل تهلل تهبل عشان لعبة كوره وفيلم ومقال

واحبك تايد تعضد تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغللي مخك وتفتح جدال

وتبدأ تشاكل وتعمل مشاكل وتنكس مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها ها جيبك .. لا يمكن أسيبك وراح تبقى عبرة وتصبح مثال



هابهدل جنابك وأذل اللي جابك وهيكون عذابك دا فوق الإحتمال

وأمرمط سعادتك وأهزأ سيادتك وأخللي كرامتك في حالة هزال

وتلبس قضية وتصبح رزية وباقي حياتك تعيش في إنعزال


هتقبل هاحبك.. هترفض هلبك هتطلع هتنزل هاجيبلك جماااال

واضح ان الحشيش كان مضروب ومحطوط عليه حنة وبرشام
لا بس بجد حلو التوبيك

sanoo كتب:

واضح ان الحشيش كان مضروب ومحطوط عليه حنة وبرشام
لا بس بجد حلو التوبيك

متشكر كتير .كتير لمروروك..نورتى التوبيك
بس انت مين قلك ان الحشيش كان مش أصلى

بقولك كان عليه حنة وبرشام تقولى اصلى

تقبل مرورى