المنتديات العامة 
من طرف Eng.sanoo 28/9/2009, 9:56 amصبح ..صبح..!!:
(ميا مسا علي احلي نسا....).........(.مسا التماسي يا ورد قاعد عالكراسي ..!)......(الو....يا جمييل نظرة...!!)........(.احلي واحدة فيكو انتو التلاتة ...اللي لابسة جزمة حمرا...).....(هو القمر بيطلع بالنهار ولا ايه ........)
(يا أنسة...حاسبي يا أنسة العربية اللي وراكي بتمشي...!!).......( يخربيت النحلة اللي جابت العسل دة كله..)....( بجد بجد أنا متكهرب الحقيني ..قبل ما امووت...)....!!!
دي كانت باقة جميلة منتقاه بعناية الحقيقة من ارشيف المعاكسات اللي حبايبنا اللي فاكرين نفسهم بالصلاة عالنبي ذئاب نسا......وان اي بنت مهما كانت جميلة عمرها ما تقدر تقاوم البقين دول ...!!
طب والنعمة يا شيخ..انا ها ذممك.....لا معلش ماتقاومش ...انا قلت هاذممك..!!..(نزل ايدك بس واسمع الكلام..!)..وخليني اذممك...!!!................... .بذمتك .......بذممممتك...........لو انت بنت
معلش يا سيدي تقمص خمس دقايق ان انت بنت ...هه...خلاص ؟...تقمصت.؟!!...........وخليك بنت حلوة ...ايوة ابتسمي بقي كدا والبسي لبس شيك وامشي في الشارع...!!!
و امشي كدا وامشي وبعدين تلاقي شاب حلو كدا من بتوع الجيم ...(مش كل بتوع الجيم انا قصدي النوعية اللي بيجيبولها المكن بتاع الحديد برة الجيم عشان ما بيعرفوش يخشو من باب الجيم ..!!).
هؤلاء الرفاق اللي بيضربو الحقن عشان يبقو فيلة..واسياد قشطات...( جمع سيد قشطة يا مواطن..!) وفأجة ..تلاقي السيد قشطة دة بيبتسم ابتسامة من بتاعة الجيم دي ..!! ويقوللك انتي كلمة من دول (مشيها انتي بقي .احنا اتفقنا ..!)
..
اية ياااعم البديهات الجامدة دي ي ي يااااعم ...!!!!)............ولا يقوللك واحدة من العبارات السكر اللي فوق ...لما يقوللك :_(الووه.. يا جميل نظرة) مش بذمتك بتحس بغيظ كدا ..و نفسك تحطه جوة قفص الاسود وتسيبه هناك لغاية
ما يبان هيكله العظمي ..؟!!
في اية يا جدعاان....انا بجد بشوف ساعات البنات في عينيهم غيظ ممكن يولع في الكرة الارضية تلات مرات...لا وربنا بجد يعني .......انا اتغظتلهم الحقيقة......!!..قال الو يا جميل نظرة...!!!!....
من الاخر تلات حاجات انا هقولهم و اتكل علي الله .....
تعالى بقى جنبى هنا وركز معايا
أولا.....: الغباء...........!!!
وحياتك يا شيخ ما تبقي غبي ...!!!
واحد بيعاكس علي طريقة بوحه ...: سمع سمع يا عم الحاج......تلاقي البوب حافظله كلمتين سكر زيه وبيقولهم بغض النظر عن اي حاجة....مثلا تلاقيه شايف واحدة لابسة نضارة كعب كباية ..ويمكن كباية كاملة كمان ..!
وتلاقية يقولها ..تصدقي بالله ...انا عمري ماشفت عيون زي دي ......!!!( صباح البتنجان يا ريس ...امال لو كانت زبيدة ثروت كنت اتصرفت ازاي ...)...
او مثلا تلاقيه بيتمشي جنب واحدة كيلو كامل من الامتار ( مايعادل تلات محطات مترو يا اكس لانس )...عشان يقوللها في الاخر ..؟: رجلي وجعتني اوي ..مش نقف بقي نتكلم حبتين ..؟!....( وابعد ياااا مواطن..عن اي حاجة قابلة للكسر في بيتكو منعا للخسائر..!!).............فأرجو ك يا شيخ والنبي يعني ..لتبقي جنتل كدا وتفهم ..لاما تورينا عرضها ..كتافك يعني ..!!!
ثانيا ......: الغباء ...!!!!!!!
ودي تاني صفة معانا النهاردة....بعد ال...غباء !!!!!
ايوة يا اكسلانس ..مانا هافهمك .....من حيث الغباء :...في الدنيا نوعين ...(ركز في دي جامدة..!)..
غباء نظري...وغباء...عملي..!!
الغباء النظري احنا اتكلمنا خلاص عليه ...اما العملي فتلاقي البوب ماشي كدا...وفجأة ,,تلاقية بيمد ايده ماسك ايدها ...!!..اهو دة نموذج غباء عملي ..او يرمي نفسة في طريقها كأنه بيعدي الشارع ...!!( صباح الفل ..!)
او يفرقع جنبها مثلا صواريخ من الصفرا المعفنة دي..(ده لو في عيد ..اما لو مش في عيد فده مش غبي وبس
.ده
متحدي للاعاقة ..!!)...
لو راكب موتوسيكل (صينى طبعااااا) ممكن يعمل نفسو في رالي السيارات ويحاول يعدي من جنبها ويبقي خلاص هيدوسها ..
ممكن تبقي معدية جنبك كدا .وبعدين بسلامتك ..تعمل حبة حركات بنسميها (التشنج الاارادي في المعاكسة..!)..زي :..انك تسقف مرة واحد تعلن عن وجودك في حياتها..(صباح الفل.!)
..انك تصفر بصوت عالي تعمللها ثقب أوزون في ودنها..( صباح القسوة..!)...انك تنادي علي حد مش موجود ..(ودي ما شفتش اغبي منها الحقيقة..!!)...وهكذا من دة غباء ..فنداء الي اصحاب الغباء العملي ....: قضوها نظري احسن (عور أخف من عمي ..!!)..!!
ثالثا وآخيرا ..: الحول ...!!
ايوة الحول يعني عنيك فجأة تشوف البنت ومن كتر جمالها يجيلك حولان في عينيك وتبقي شبة القرد الكولومبي ( كل قرود كولومبيا حولانين .!)...وتفوتلك حبة حاجات كدا ممكن يا اما توديك المستشفي ..!!..لأما القسم ..(حيث الشعب في خدمة الشرطة!)...لأما ..تروح النار لو كنت كويس والجنة اذا كنت وحش ( تموت يعني من الاخر ..!)..
علي فكرة لو انت لسة متقمص دور البنت زي ماقلتلك ....؟..: عايز اقوللك كلمة.في ودنك يا حلوة ..
يخربيت النحلة اللي جابت العسل ده كله ...........!!!
__________________
ياريس على الكلام الحلو دة
