منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
Lightbulb حزيــنة يــا مصــر ... يــا أرضـ الهـــرم .. Support


4 مشترك

    Lightbulb حزيــنة يــا مصــر ... يــا أرضـ الهـــرم ..

    Eng.sanoo
    Eng.sanoo
     
     


    النوع : ذكر
    عدد المشاركات : 357
    العمر : 36
    تاريخ التسجيل : 08/05/2009
    مزاجي النهاردة : Lightbulb حزيــنة يــا مصــر ... يــا أرضـ الهـــرم .. Pi-ca-18

    Lightbulb حزيــنة يــا مصــر ... يــا أرضـ الهـــرم .. Empty Lightbulb حزيــنة يــا مصــر ... يــا أرضـ الهـــرم ..

    مُساهمة من طرف Eng.sanoo 27/9/2009, 3:22 pm




    السلام عليكم و رحمة الله و بركاته







    اعتذر عن الأطالة فى الموضوع

    لكن أرجو من الجميع قرأته لآخره





    سأبدأ الموضوع
    الموضوع بكلمة قالها الطالب بلال دياب اثناء الكلمه التي كان يلقها رئيس
    الوزراء احمد نظيف في جامعة القاهره بمناسبة مئوية الجامعه







    مصر حزينه ياريس



    وقال الطالب
    لنظيف: الجامعة زي الفل والعملية التعليمية زي الفل ورغيف العيش
    والديمقراطية موجودة والحديد موجود، طيب مصر حزينة ليه يا ريس؟ والشباب
    معتقلين ليه من يوم 6 أبريل؟


    افرج عن مصر يا ريس.. افرج عن مصر يا ريس !!!





    بجد مصر حزينه ومش حزينه وبس دي مصر ضيعه

    مصر بتبكي دموع وبتنزف دم علي ابنائها بجد ياجماعه احنا مش في مصر مش هي
    دي مصر الي كنت بسمع عنها واي كان جدي بيحكيلي عنها مصر الحضاره مصر
    التاريخ مصر النيل مصر الاهرامات مصر الفراعنه مصر 6 اكتوبر دلوقتي مبقتش
    مصر كان طموحي وانا صغير اطلع مثلا طيار او اطلع مهندس او حتي دكتور كان
    املي كبير في الدنيا وده كان امل كثير من المصريين دلوقتي ايه هو طموح
    الشعب المصري ممكن حد يجوبني ؟؟ امل الشعب دلوقتي او معظمه انهم يلاقوا
    رغيف العيش انا بجد بشوف كل يوم مهازل بتحصل للناس في افران العيش






    مصر صعبان عليها ولادها

    اللي نفسهم و مش قادرين

    ولادها المتكتفين

    مصر صعبان عليها ولادها اللي بدأوا يكرهوها

    مصر صعبان عليها حالها

    يا ترى هى دي مصر ؟

    و يترى لسه بنحب مصر ؟



    مصر مش هى النظام و الحكومة و الناس اللي بتشتم فيها





    أمال مين هى مصر؟؟





    ده سؤال نساله واحنا اللي نجاوب عليه .. وبعد ما نجاوب نقدر نحدد احنا بنكره مصر ولا بنحبها





    مصر مش هي الحكومة ولا الريس ولا الاحزاب ولاالناس اللي معاها فلوس كثير وعيزه تجيب اكتر ..






    مصر هي الصحيان بدري و الشمس لسة بتفتح عنيها و النور بيتسرسب من الشيش و اذعة القران الكريم

    طلعة من الرديو ..





    هي عربية الفول اللي الناس ملمومين عليها و بياكلو بمزاج قوي في احلى اصطباحة ، كبايه الشاي بالحليب على قهوه بلدي الساعه 7 الصبح .





    و الواد اللي سايق عجلة وشايل طولة العيش الساخن اللي لسة طالع من الفرن ورحته بتلعب في نخشيشك ..





    وعم سعيد بيفتح الدكان و بيرش ميه قدامه وبردضه اذاعة القران الكريم شغاله عنده و " في بقعة من بقاع الارض طاهرة "





    و البنت ام
    مريله كحلي اللي منير وجهين شفوها وهي رايحة المدرسة و العيال الصغيره الي
    شنطة المدرسه قاطمه ضهرهم وهم متكتفين جوا المريله البني ام زراير من ورا ( بقوا يلبسوا قمصان دلوقتي ) وبرضه بيجروا ورا بعض و عملين دوشه و تحية العلم .






    مصر هي
    الاتنين الشباب الاصحاب قوي اللي ماشين ع الكورنيش في عز الشتا ومستخبيين
    جوه الهدوم التقيله و بقهم بيطلع بخار م السقعة بس واحد فيهم مطلع ايده م
    الجاكت و ماسك السيجارة .






    مصر هي الرجاله الكبار اللي قعدين يفتكروا ايام زمان الحلوة ويضحكوا ضحكه ترج النجم على راى الابنودي

    و ام امين بتاعة الخضار الى قعدة ع النصيه من و انا في ابتدائي .





    و الشارع الفاضي باليل اللي مية الشتا بتلمع عليه و عسكري المرور الواقف ف الشارع من زمان قوي .

    مصر هي كل البيوت اللي فتحة على بعضها و بتحب بعضها من غير مصلحة .





    كل فرح عديت عليه ودخلت بركت و انت مش عارف اسم العريس و كل عزا دخلته وعملت الواجب فيه مع انك عمرك ما شوفت اللي مات .





    مصر هي
    كبايه الشاي بالنعناع و انت لابس الجلبيه الصيفي و قاعد في البلكونه مع
    نسمه بتهفهف بعد ما اكلت اكله محشي من ايد الولدة و بنفسها وحليت بشقتين
    بطيخ ساقعين في عزالصيف .






    مصر سيد درويش وشد الحزام على وسطك و ام كلثوم بالليل وعبد الحليم لما تحب و منيب و ام العيال العشرية و منير وهو بيصرخ





    ( يا مصر و انتي الحبيبه .. انتي اغترابي و شقايا





    ونتي الجراح الرهيبه .. و انتي الي عندك دوايا )





    مصر هي " مولاي اني ببابك قد بسط يدي " الي عايش بيها النقشبندي لحد دلوقتي وصوت محمد رفعت بيقرا قبل الفطار ف رمضان و الشيخ الشعراوي اللي بتزعل اول ميقول ( و الى لقاء قادم ان شاء الله )





    مصر
    الابنودي وصلاح جهين و فؤاد نجم و الشيخ امام و فروق جويده و هيكل فهمي
    هويدى و الشيخ الغزالي فى صلاة العيد و كل الناس الي بتصلي ورا محمد جبريل
    في دعوة الحق و باقي الناس الي ورا الشيخ حاتم في التهجد في القائد
    ابراهيم وعبد الوهاب مطاوع ف اهرام الجمعة و كركتير احمد رجب .






    مصر و ريحة الكبدة و امك بتعملها عشان تفطر اول يومالعيد بعد م تخلص دبح .





    و الصيدين الي وقفين على البحر صيف شتا بينغشو السمك ..





    و سواق التكس اللي بتركب معاه وبيحكيلك عن مشكله مع انك عمرك مشفته قبل كدة ولا هاتشوفه بعد كده

    و الواد علي الي بيعدي عم جرجس الشارع وهو خايف عليه من العربيات و الست الي بتفاصل مع بتاع الخضار علي شلن زياده في الطماطم





    مصر السفر و السهر و الشقا و العشق و المعشوق





    مصر الي عمنا بيرم قال عنها






    " بلدنا دي زي الرصيف ... وسخ وعيز يتكنس

    فيه ناس بتعرق ع الرغيف ... وناس بتعرق م التنس "





    هي دى مصر و اللي ما شفهاش كده و ماشفش فيها كل ده ممكن ميحبهاش





    بس اللي شاف ده و محبهاش لازم يراجع نفسه





    ينسى الناس اللي تاعبه و تاعبه البلد و يفتكر البلد نفسها

    عبدالله الكومى
    عبدالله الكومى
    صاحب مكان
    صاحب مكان


    النوع : ذكر
    عدد المشاركات : 2604
    العمر : 31
    تاريخ التسجيل : 22/07/2009
    مزاجي النهاردة : Lightbulb حزيــنة يــا مصــر ... يــا أرضـ الهـــرم .. Pi-ca-53

    Lightbulb حزيــنة يــا مصــر ... يــا أرضـ الهـــرم .. Empty رد: Lightbulb حزيــنة يــا مصــر ... يــا أرضـ الهـــرم ..

    مُساهمة من طرف عبدالله الكومى 27/9/2009, 4:13 pm

    هى دى فعلا مصر .Embarassed يا بشمهندس على هذا الموضوع الرائع
    avatar
    أحمد الله
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 6069
    العمر : 36
    تاريخ التسجيل : 17/04/2009
    مزاجي النهاردة : Lightbulb حزيــنة يــا مصــر ... يــا أرضـ الهـــرم .. Pi-ca-18
    Lightbulb حزيــنة يــا مصــر ... يــا أرضـ الهـــرم .. 30

    Lightbulb حزيــنة يــا مصــر ... يــا أرضـ الهـــرم .. Empty رد: Lightbulb حزيــنة يــا مصــر ... يــا أرضـ الهـــرم ..

    مُساهمة من طرف أحمد الله 27/9/2009, 4:34 pm

    شكلك مش هتجيبها لبر اليومين دول

    وأكيد عبد العزيز هيجى ينصحك دلوقتى ؟

    .................
    حزينى يا مصر .... ليه وايه السبب
    ما الدنيا عال العال وكله تمام وراضيين





    [size=16]" بلدنا دي زي الرصيف ... وسخ وعيز يتكنس [/size]

    [size=16]فيه ناس بتعرق ع الرغيف ... وناس بتعرق م التنس "[/size]

    حلوة اوى دى يا هندسة

    هابى داى فو يو
    زيدان العرب
    زيدان العرب
    عضو فعال جدا


    النوع : ذكر
    عدد المشاركات : 80
    العمر : 35
    تاريخ التسجيل : 29/08/2009
    مزاجي النهاردة : Lightbulb حزيــنة يــا مصــر ... يــا أرضـ الهـــرم .. Pi-ca-10

    Lightbulb حزيــنة يــا مصــر ... يــا أرضـ الهـــرم .. Empty رد: Lightbulb حزيــنة يــا مصــر ... يــا أرضـ الهـــرم ..

    مُساهمة من طرف زيدان العرب 27/9/2009, 4:46 pm

    [quote="أحمد الله"][center]شكلك مش هتجيبها لبر اليومين دول [quote]
    صح يادكتور شكلنا هنزوره بعيش وحلاوة



    .................
    [quote] يا مصر .... ليه وايه السبب
    ما الدنيا عال العال وكله تمام [quote]
    والمواصلات فاضية والتعليم مجانى والشغل كتير وكلنا مبسوطين
    Eng.sanoo
    Eng.sanoo
     
     


    النوع : ذكر
    عدد المشاركات : 357
    العمر : 36
    تاريخ التسجيل : 08/05/2009
    مزاجي النهاردة : Lightbulb حزيــنة يــا مصــر ... يــا أرضـ الهـــرم .. Pi-ca-18

    Lightbulb حزيــنة يــا مصــر ... يــا أرضـ الهـــرم .. Empty رد: Lightbulb حزيــنة يــا مصــر ... يــا أرضـ الهـــرم ..

    مُساهمة من طرف Eng.sanoo 27/9/2009, 9:17 pm

    تسلم يا دووووك انت وزيدان .....نورتواالتوبك بجد

    ومتشكر يا زيدان عى العيش والحلاوه انا كده مطمن

      الوقت/التاريخ الآن هو 26/2/2024, 3:55 pm