من فضلك....خلي بالك

قال رسول الله سلم "لكل داء دواء وأصل الداء البردة"أي السمنة
هي دي دلوقتي اصبحت مشكلةناس كتير ظهور الكرش وزيادة في الوزن مع ان الرسول الكريم امرنا بالاعتدال في كل شئ وطبعا الاكل اهم حاجة
طيب تعالوا نشوف دلوقتي ايه هي اضرار الوزن الزائد واضرار الكرش طبعا اللي بقي في ناس فرحانة بيه جدا وفي ناس مضايقهم جدا
اولا : مشاكل صحية لان البروز اللي في البطن مش هيضر البطن لوحدها ده كمان بيكون اكثر ضرارا علي منطقة الظهر من الخلف "الجزء السفلي من الظهر" وده غالبا اللي بيسبب التعب في هذه النطقة غالبا
ثانيا:اوصانا رسولنا الكريم بالاعتدالية يعني ثلث لطعامك وثلث لشرابك وثلث لنفسك دلوقتي اغلب الناس بتعمل اربع اثلاث لطعامهم ووالنبي انا مش قادر اتحرك بعد الاكل ولا قادر اتنفس يعني عايز اشرب كوباية شاي علشان اعرف انام شوية ...وهو ده الخطر الحقيقي لان بكده المعدة مش هتقدر تشوف شغلها علشان تهضم الاكل كويس وتاني حاجة ان العضلات هيحصل لها نوع من الارتخاء نتيجة الاكل الزائد وغير كده اللي وراه حاجة مش هيعرف يشتغل طالما هو ملي بطنه بالشكل ده
ثالثا: ودي اهم نقطة ان اللي عايز يعمل تخسيس او ينزل في وزنه يخلي باله من حاجتين مهمين جدا ان لازم الجسم يحرق سعرات حرارية طول اليوم اكتر من السعرا ت اللي هياخدها من الاكل طول اليوم بمعني اني لو حبيت اجري شوية الصبح علي البحراو في ملعب الكرة وحرقت مثلا 500سعر حراري ممكن بعده بشوية حبيت اكل شيكولاته فيها 700 سعر حراري يبقي بالشكل ده انا بضحك علي نفسي وتاني حاجة لازم اخلي بالي منها اني لو حبيت انزل وزني لازم العب رياضة مع النظام الغذائي لان لو وزني نزل من غير ما العب رياضة اكيد جسمي هيكون في ترهلات كتير في الجسم وهيكون شكلي وحش جداولو لعبت رياضة بس مش هينفع لان الموضوع عبارة عن نسبة وتناسب بين السعرات الحرارية اللي هتدخل جسمي وبين السعرات اللي هحرقها اثناء المجهود البدني
رابعا :مش عايز اضحك علي نفسي واقول لو عايز اخس مش هاكل مكرونة ولا ارز ولا بيض ولا سمك ولا ولحوم ولا اي حاجة وطبعا تقليل الاكل مش هو ده الصح انما طبعا تقنين الاكل يعني لازم اشوف جسمي محتاج قد ايه بروتنيات ومحتاج قد ايه فيتمينات واللي احنا بنعمله هنا اننا بنعمل عملية حشو للمعدة فقط وده اللي بيفرقنا عن الشعوب المتحضرة
خامسا :لازم العب رياضة وده هيكون كويس لي طول حياتي علشان الرياضة هتديني ثقة بالنفس وكمان هقدر اخرج كل الطاقة اللي جواياي في الرياضة وان شاء الله بعد عمر طويل بتفرق الانسان اللي بيلعب رياضة عن اللي ما بيلعبشي وبعدين دلوقتي ممكن نلاقي شباب كتير بمجرد صعود بعض درجات من السلم مثلا لا يستطيع التنفس وده عيب قوي للشباب اللي المفروض ان كلهم طاقة وحيوية ونشاط
اتمني من الله ان اكون قد وفقت في اعطاء نبذة بسيطة عن فكرة التخسيس ونسأل الله من فضله ان ينفعنا بما علمنا ويوفق اخواني لما يحبه ويرضاه