إمــــيـــاي الحــــبــــيـــبة
من طرف Eng.sanoo 24/9/2009, 8:31 pmلو شاطر... تعرف تعيش فى مصر بـ 1000 جنيه ! ! !
البيان
مصروف يومي
مصروف أسبوعي
مصروف شهري
ملاحظات
عيش بلدي
1 جنيه فى اليوم
فى الشهر 30 جندى
بس لازم تلحق دورك فى طابور الفرن وتلحق شغلك فى نفس الوقت ربنا معاك
حليب
فى اليوم 4 جنيه
شهريا120
عدد واحد لتر يومياً ويارب ميطلعش بودرة سيراميك ويكفى العيال
الفطار و الوجبه الرئيسية
فوووووول
8 جنيه اسبوعيا
30 شهريا
كيلو فول اسبوعيا يعنى 125 جرام يوميا رضا و
جبنة بيضاء اهى حاجه جمب الفول و من نفسنا بردو
20 اسبوعيا
80 شهريا
كيلو في الأسبوع 125 جرام يوميا .. يا معلم انت عايش
بيض و ما ادراك ما البيض
اسبوعيا 5 جنيه
شهريا 20 جندى
عبارة عن 10 بيضات فى الاسبوع يعنى لو اربع افراد يبقى بيضه ونص يوميا للاربعة
بيضه و نص محدش يحفففف
خضار لزوم السلطه او لو حبيت تنوع فى الأكل
اسبوعيا 10 جنيه
شهريا 40 جنيه
عبارة عن صنف واحد بس + كيلو طماطم + لمونه وحزمة جرجير اسبوعي
و اللمونه ابئه اقسمها نصين نص يوم السبت و النص التانى استخدمو يوم الأربه و مترميش القشر عشان يمكن نحتاجو
فواكهه مع انها نوع من انواع الترفيه اللى ملوش لزمه و دلع على الفاضى بس قلت يمكن فيه ناس نفسها هفتها على الفكها لزوم مرقعه
5 جنيه اسبوعيا
20 جنيه شهريا
عبارة عن كيلو برتقال أو قشر موز مرة اسبوعيا علشان العيال تفتكر اسمة
شاى
10فى الشهر
لزوم الكيف اللى بيذل والضيوف الرزلين زز وحسبتنا كده يا جماعه عدد 4 كوب شاى يوميا مش اكتر عشان حتيجى على اخر الشهر و مش حتلاقى الكيف بتاعك
سكر لزووم الشاى
4 جنيه اسبوعيا
16 شهريا
عدد واحد كيلو اسبوعيا مش بقولكم الكييف يذل وضيوف معندهمش دم
ارز
4 اسبوعيا
16 شهريا
عدد واحد كيلو اسبوعيا للعائلة كلها يعنى 125جرام يوميا متوسط الفرد 40 جرام ز****دو حسبنها بالجرام عشان الرجييم
زيت
10 جنيه اسبوعيا
ج 40 شهريا
لتر اسبوعيا علشان تشرب بق على الريق يزيت معدتك 000 يستعمل كبديل للخضروات
مكرونه
8 جندى اسبوعيا
32 جندى شهريا
عبارة عن عدد 4 كيس 400 جرام اسبوعيا 0000 خلى العيال تنبسط
دجاج مصاب بألفلونزا الطيور هوا بيتباع كده دجاج مصاب
جنيه اسبوعيا 20
جنيه شهريا 80
عدد واحد دجاجة اسبوعيا للعائله و اظن معقول لو محدش عندو برد او فى حد فى الأسره نافس
لحمه
فاكرنهااا
35 جنيه فى الويييك
120 فى الشهر
عدد واحد كيلو لحم اسبوعيا لزوم صنف الخضار واللمونه وحزمة الجرجير 000 الف هنا
بقوليات
10 فى الشهر
عبارة عن كيلو واحد بس شهريا ونقى اللى بتحبه براحتك ( عدس - لوبيا - فاصوليا )
توابل
10 جنيه فى الشهر مع انها بردو رفاهيه
عبارة عن دقيق + ملح + كمون + فلفل + كسبرة + وممكن تديها خل براحتك
صابون
10 جنيه فى الشهر
عبارة عن صابونه واحدة للحمام + صابون مواعين + مسحوق للملابس ( النظافة عموما )
مواصلات
2 جنيه يوميا ده لو مش رايح فى حته غير الشغل او الكليه
60 جنيه شهريا
بعد طابور الفرن تركب أتوبيس الهيئة ذهاب وعودة وبهدله وفرهده لفرد واحد يوميا
حلاق للرجال فقط
10 جنيه شهريا
عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )
مدرسة
10 ج اسبوعيا
40 شهريا
عبارة عن مصروفات المدرسة + مصروف العيال اليومى + كراسات واقلام وجلاد 00ألخ
دكتور لا قدر الله حد جتلو ازمة فلوس على الصدر
30
نمرض بالدور طبعا عدد اربع افراد مرة واحدة للفرد كل 4 اشهر وربنا يستر
ادوية
50
أكيد طبعا العلاج بالدور وربنا يستر واتنين ميمرضوش فى وقت واحد تبقى كارثه
تليفون
10
اشتراك الهيئة هنرد بس ومش هنتكلم معدش ينفع كلام
مياة
10
للاسف لازم نشرب مياة ملوسة بالمجارى
غاز
5
غاز طبيعى الله فى عون اللى عنده انابيب ( 10 جنيه للانبوبه ) وممكن تطلع فاضيةنور ياعنى كهربا و حنقول الحد الأدنى
20 جنيه فى الشهر من غير مايضيفو الزباله
لمواكبة التطور غساله ملهاش مسحوق - تلاجة فاضية - بوتجاز يستخدم مرة كل اسبوع
قمامة
10
اجبارى طبعا ومن الواضح ان العشة دى مفيهاش اكل اساس يبقى القمامة هتيجى منين
بواب
ده اوبشن مش لئى حد بيعانى منو ممكن يتقال عليه كماليات
15
مهو من حقه يعيش هو كمان لو عشر شقق يبقى 150 جنية شهريا خليه يهيس
صيانة عماره او بيت حسب بقه
30
لاصلاح الاجهزة بالدور غساله - سخان - بوتجاز - مروحه - تلاجة - سباكة - لمبات انارة الخ
ملابس
100
عبارة عن الصيفى والشتوى داخلى وخارجى واحذية وشربت وكلونات واتصرف بقى
الاجمالى
1081
اكيد اللى هيخليك تعرف تعمل الكلام اللى فوق ده هيخليك تتصرف وتضغط مصروفاتك شويه علشان تبقى الحسبة 1000 جنية اقولك متمرضش ومتخدش ادوية وشيل 80 جنية معلش ربنا يقويك وينصرك على من يعاديك ويكفيك شر المرض
ايجار الشقة طبعا قانون جديد وللاسف ملهوش قانون كل واحد وبخته ومش هنحسبها كل واحد يقعد عند امه وبالمناسبة
عيد الام ربنا يخليها ويديها الصحه
0
كل سنة وهى طيبة
عيد الكحك
مضر وملهوش لزمة
0
كل سنة وانتم طيبين
عيد اللحمة
مضر وملهوش لزمة
0
كل سنة وانتم طيبين
حلاوة المولد
السكر مضر وملهوش لزمة
0
كل سنة وانتم طيبين
ورمضان كريم وخيره كتير
أخ خ خ نسيت احسب زكاة الفطر بس مش عارف هدفع ولا هأخد ؟
عموما هقولكم على قائمة الممنوعات والمحظورات 000 متقربوش منها علشان تعرفو تتنيلو وتكملو الشهر
ممنوع عنك الحلاوة والمربى والعسل والزبدة وكافة انواع الجبن عدا ماذكر فى التعيين ( الجبنه البيضا )
المعلبات تونه بلوبيف لانشون سالمون فول وطبعا البسطرمة والزيتون والمخللات ممنوووووووووووووووع
اوعى قلبك يحن لعيل من العيال وتجيبله كيس حاجة حلوة او زجاجة مياة غازية ونايتى عسلية بسكوت شيكولاته اياك ومنتجات العيال الصغيرين حتى لو حليب بالفواكهه او لبانه وجيلى كولا وهو يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل
احظر اللحوم بانواعها البفتيك والاستيك والرقبة والموزة واللوزة كله كلام فاضى خليك فى تعيينك الاسبوعى
ومتنساش ان البانية والفليه من الممنوعات ومتقربش ومتمشيش فى الشارع جنبك كنتاكى وهاردييز وهاربيز وتكه ومؤمن وكوك دور واياك من السندوتشات عموما زى الطعمية والبطاطس والبذنجان الحجات الحلوة دى مش مطلوبه تعملك حموضهوهتحتاج فوار واحنا منعناه مع الدوا وطبعا مش محتاج اقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ
خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بانواعها يالعربى انت زى العصفورة تاكل عيش ودنيبة رز وتشرب ميه عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد
اهم حاجة مترحش لدكتور متجبش مدرس ولا ادوية واياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم
طبيعى انك مش هتقرب من الفواكهة خالص البرقوق المنجو البطيخ الفراوله الكيوى الخوخ العنب التفاح حتى الكاكا والحرنكش والنبأ والقصب والدوم والتوت ممنوع سيادتك
وطبعا معجون الاسنان والحلاقة والشامبو والبلسم كلها رفهيات ملكش فيها زى البصل والتوم والبطاطس كلها اساسيات ملكش فيها برضه ومتنساش تقول الموضوع لكل اللي تعرفهم هما اكيد زيك محتاجين شوية نظام مش اكتر هما غلابة وفكرهم يقولو لعيالهم لو شافو مسلسل فى التليفزيون مليان بهرجه ان دى قصص خياليه كانت فى العصور القديمة فترة من الزمن و ان الواقع زى ماهما شايفيين حتى الاعلانات حاولو تفهموهم انها مجرد الوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوربا كلها وان الحجات دى علشان لما الناس دى يجو عندنا يلاقو منها ويعرفو يعيشو هى مش لينا دى ليهم هما اصحاب البلد ولازم ينبسطو
