المنتديات العامة 
من طرف Eng.sanoo 14/9/2009, 3:59 pmبسم الله الرحمن الرحيم
السلام عليكم ورحمة الله وبركاته
السلام عليكم ورحمة الله وبركاته
كنت قاعد بتناقش مع ناس في احوال البلد واللي بيجرا
فأتقال قدامي رأي خلاني أقف وأفكر فيه
والرأي ده هو ان ع الرغم من كل المصاعب اللي احنا فيها الا اننا من اغنى دول العالم
وطبعا للوهلة الأولى الرأي ده مرفوض تماما
لكن بصراحة لما ابتديت أفكر لقيت الكلام منطقي جدا
ماهو لما تيجي تمشي في شوارع القاهرة تلاقي كمية عربيات أكتر م البني آدمين
يبقى أكيد الكلام ده مظبوط
لما تبص في كل بيت تلاقي من أكبرهم لأصغرهم معاه موبيل
يبقى أكيد الكلام ده مظبوط
وسيبك بقى من مظاهر الترف الموجوده في مصر
ده فيه حاجة كمان خطيرة جدا
طبعا كلنا بنسمع عن المجاعات المنتشرة في دول كتيرة والحروب وغيرها
لكن تعالى نبص لينا كده
بلد بقالها أكتر من 100 سنه بتتسرق وتتنهب
ومع ذلك لسه الناس عايشين
هما زي الميتين اه بس لسه عايشين
بياكلوا بالعافيه اه بس بيلاقوا الأكل وبياكلوا برده
ودايما في وقت الشدة بنقول محدش بيموت م الجوع
بس يا ترى الكلام ده مظبوط ؟؟؟؟؟
ولو كان مظبوط
تفتكروا لحد امتى هنفضل على كده؟؟؟؟؟
لحد امتا البلد دي هنفضل نسرق منها وهي تطلعلنا خير كمان وكمان عشان نسرقه ؟؟؟؟؟
وهل يا ترى لما نفضل نسرق هيجي علينا اليوم اللي نبقى فيه زي الصومال او غيرها ؟؟؟؟؟
أتمنى ان الناس تتفاعل وتشاركني الرأي
وكل سنه وانتم طيبين
رمضان كريم every body
