المنتديات العامة 
من طرف بو يوسف 7/12/2012, 3:03 am مصــر متقسمة
ايووه
انتو فاكرين انها اتقسمت بعد الاعلان الدستوري
لا
مصر متقسمة من يوم 11 فبراير يوم تنحي مبارك
طبعا ده شيء خطير بس الاخطر منه ان الانقسام مش طفيف
يعني مفيش قلة رايحة لراي واغلبية رايحة لرأي تاني
بمعــــنى
الناس اللي بتحب البرادعي كتير اوي
والناس اللي بتحب حمدين كتير اوي
والناس اللي بتحب مبارك كتير اوي
والناس اللي بتحب ابو اسماعيل كتير اوي
والناس اللي بتحب مرسي كتير اوي
والناس اللي بتحب ابو الفتوح كتير اوي
..الـــــــــخ
لاحظو كلمة كتيييير اوي يعني القوى متساوية
معندناش اقلية في حاجة يا جماعه
اي طرف من دول ممكن يتحد مع طرف تاني حتى لو مخالف ليه فالراي
في سبيل اسقاط طرف تالت او لهدف معين مشترك وبعد كده التحالف يتفك
تيجو نشوف الموضوع ده على ارض الواقع
قبل ما تشوفو جاوبوني على السؤال ده
ايه هي مهمة اي حزب في العالم؟؟؟
الإجابة: الوصول للسلطة
جمييل يعني كل الاحزاب الموجوده دي هدفها الطبيعي هو الوصول للسلطة
لان ده الهدف من انشاء اي حزب في الدنيا
نرجع للواقع
فاكرين اللي الأحزاب عملته مع حسني مبارك سنة 2011؟
الاحزاب اتحالفت ضده كلها
ليه؟
لأن هدفها واحد زي ما قلتلكم (الوصول للسلطة)
مشي مبارك
جه محمد مرسي بانتخابات
وبغض النظر عن اسباب الهوجة اللي حاصلة اللي مش هندخل في تفاصيلها فالموضوع ده
لاني باخد من الواقع واقولكو
احنا رايحين فين
دلوقتي برضه الاحزاب كلها ضده
وفوقيهم مين ؟
الناس اللي فوق اول الموضوع اللي قلتلكو انصارهم كتير وقواهم متساوية
كل دول دلوقتي هدفهم واحد بما فيهم انصار مبارك
ومش معنى كده ان في تحالف بين الـ(فلول) والناس اللي عملت ثورة 25 يناير
لا ابدا
بس الناس دي كلها قدرها انها تجتمع مع بعض ممكن حتى وهما ميعرفوش لان هدفهم دلوقتي واحد
الشيء الكارثي
اننا مع مرور الوقت وسنة بعد سنة بيزيد العنف بيننا
يعني دلوقتي احنا ممكن نفاجئ ان كل مجموعه من دول بدأت يعمل جيش شعبي
والبوادر اعتقد واضحة
طيب خلاص مرسي مشي
ودي خطوة مش هتكون سهلة لسببين
الجيش مش هياخدها تاني لانه خد درس قوي جدا من المرحلة الانتقالية
نائب الرئيس مش هياخدها لانه رافض اصلا من دلوقتي يكون نائب رئيس
تعالو نكون متفائلين
ونقول الجيش هياخدها لان ده دوره وواجبه
هنفضل نلف حوالين الدستور والمشاكل كلها تتبلور عليه
وتظهر خلافات على تشكيل اللجنة التأسيسية
وحتى لو تم انتخاب اعضائها باستفتاء
ممكن تحصل اعتراضات كبيره على النصوص وانسحابات زي ما حاصل دلوقتي
وبعدين يطلع الناس تقول الهتاف المشهور
يسقط يسقط حكم العسكر
ده طبعا بخلاص الاقتصاد اللي لسه هيفضل يتدهور
واحداث العنف اللي لسه هتحصل
طيب ندعو لانتخابات رئاسية
ويجيلنا تاني رئيس جديد غير محمد مرسي
شوية ولازم يظهر خلاف
ولعبة الانتقام تبدأ تشتغل والتحالفات تبدأ تشتغل
مثلا لو البرادعي جه
الحرية والعدالة والنور والبناء والتنمية والوسط والاسلاميين هيعترضو
هينزل معاهم انصار مبارك
وهنبدأ برضه نشتغل في جو الميليشيات بقه بس على أوسع
بعد ما كل طرف فيهم يعرف ان لازمه جيش شعبي يدافع بيه عن نفسه
ووالله هيعملوه في وقت قياسي لان المناخ العام مساعد
السلاح موجود فكل حتة
معدات حربية كاملة بتتهرب من ليبيا
وتلاقي العالم دي طايحة فالبلد وناسية الشعب الحقيقي
وكل شوية طرف فيهم يعلن سيطرته على منطقة من مصر
وطرف تاني يعلن تحريرها من فلان
واوعو حد يقولي الجيشباضحك
الجيش مش هيقدر عليكو لسبب
انه كمان هيتفكك زيه زيكو وبسرعه رهيبة برضو
الشرطة مش وقعت كلها يوم 28 يناير؟ طيب مالجيش برضه لو حصل كده في مصر هيقع
وكمان هينشق على نفسه يعني تلاقي مثلا ناس فالجيش تنضم للاسلاميين
وناس فالجيش تنضم لحمدين
وناس تنضم لعمرو موسى ومش هيبقى فيه جيش نهائي
الفكرة مش فكرة اسقاط نظام
الفكرة اكبر من كده بكتير
عارفين اقوى تلت جيوش في المنطقة العربية هما ايه؟؟؟
1-مصر
2-ليبيا (جيشها اتدمر بالكامل من الناتو)
3-سوريا (جيشها بيتدمر حاليا )
4-دول الخليج (جيوشها محاصرة بقواعد امريكية على اراضيها)
مع احترامي لكل الدول العربية باقي الجيوش غير الاربعه دول كأنهم ملهمش وجود
يبقى مين الجيش الاقوى على مستوى العرب واللي لسه متماسك ؟؟
الجيش المصري
شوفو العالم فيه كام دولة .. احنا جيشنا رقم 13 على مستوى العالم يعني اقوى من دول اوروبية كمان
المطلوب ان الجيش ده يضعف لانه متعدي حدوده يعني اقوى مما هو لازم يكون عليه كجيش عربي
شوية بشوية تلاقي التقسيم داخل وهو بوادره موجوده من دلوقتي وفي فئات كتير معبعبة وعلى راسهم النوبيين (الجنوب) والسوايسة والبورسعيدية ( القنال) بعد كده المسلمين والمسيحين كل فئة تعمل لها دولة طبعا كده سينا وقناة السويس بح
إسألو نفسكو الاسئلة دي
ليه الثورات قامت في البلاد دي بالذات
مصر-ليبيا-سوريا
وسابت الانظمة الخليجية الملكية هتعرفو الاجابة
مصر ليبيا سوريا اقوى تلت جيوش عربية
الخليج كله مرشق قواعد عسكرية اجنبية وبتروله بياخدوه بخس هيعوزو منه ايه تاني
حد هيقولي معنى كلامك ان الثورات دي صناعه امريكية ؟؟
لا
الثورات دي اتوظفت وبتتوظف لخدمة الغرب
بمعنى
دلوقتي محمد مرسي رئيس مصر
والراجل ده مرشح الاخوان زي ما احنا عارفين
ومصر بلد مختلطة مسلمين على مسيحيين
تخيلو لو تحت حكم مرسي
حصل تفجير لكنيسة باوامر امريكية؟؟
اوبا
ده هيحصل فوضى اكتر من لو كان التفجير ده حصل ايام مبارك
صح ولا لا
لان مرسي تبع جماعه اسلامية اما مبارك لا
يبقى هما هنا هيوظفو الوضع ليهم ولا لا؟
احنا ممكن نستخدم من غير ما نعرف
لا وكمان ممكن اللي يستخدمنا يبقى بعيد عننا اوووي بس بيحركنا بصوباع رجلة الصغير
اوعو تفكرو ان ده بيحصل لشطارتهم
ابدااااااا
ده بيحصل وهيحصل لخيابتنا احنا
نسينا ان بلدنا خربااانه وبنجري ورا تفاهات
اوعو تفتكرو اننا هنبقى بلد متقدمة من غير شغل
في مصر الناس بتتعب اه بس في هيافة والله مش فشغل ينفعنا
مشكلتنا اننا اتضحك علينا ايام الثورة
ايوة انضحك علينا و
اتقالنا اننا على طول بعد سنة هنبقى دولة عظمى
ودخل الفرد هيكون 10000 جنيه
وهيجيلنا مليارات مسروقة
ومش هيبقى عندنا بطالة
وهنعمل بحث علمي
...الخ لغاية كل الحاجات اللي انتو عارفينها دي
في حين ان ده مش صح
احنا بننتج اه
بس محتاجين اكتر من اللي بننتجه 20 مرة
وبعد الثورة ما خلصت لقينا مفيش حاجة من دي اتحققت
قعدنا نضرب اخماس في اسداس
ومخنا اتجنن وكل واحد رمى اللوم على التانس مع ان محدش فينا غلط
وبدأت السياسة تسيطر علينا وتبقى همنا الشاغل
ونندمج فيها كلنا اكتر
ونخش في صراعتها بصدر مفتوح
ونتصادم ونتعارك
تيجو نبص حوالينا ..
تعالو
بصو كده
مش احنا بقينا اسوأ من ايام مبارك؟؟؟
مظبوط
وهنفضل كده بعد ما مرسي يمشي
هنفضل ننزل ننزل ننزل
وبعد ما يجي رئيس غيره
نقول ده ايام مرسي كانت احسن
هو في ايه
معقول مش عارفين ايه اللي بينزلنا لتحت
بنسمع كتير ونحلم ونعيش
وبعدين نتلهي فحاجات جانبية
احنا اكبر دولة عربية من حيث عدد السكان
ودي حاجة جميلة
بس اكتر دولة فقيرة
نرجع لمموضوعنا الاصلي وخلاصته
اننا داخلين على طريق اسود اسود اسود بدون مبالغة
الكل الدم بيجري في عروقعه ويجز على سنانه ويجري على التاني
ويوم عن يوم المسافة بينهم هتقل لحد ما يتلاقو وجها لوجه
مصر بتضيع يا ساده من زمان مش من دلوقتي
واحنا بنستخدم من غير ما نحس
احنا فعلا داخلين على مرحلة سودا
كل الظروف مهيئة ومرتبة لكده
ربنا يحفظ مصر وكل المصريين[/size]
[/size]
[/color]
ايووه
انتو فاكرين انها اتقسمت بعد الاعلان الدستوري
لا
مصر متقسمة من يوم 11 فبراير يوم تنحي مبارك
طبعا ده شيء خطير بس الاخطر منه ان الانقسام مش طفيف
يعني مفيش قلة رايحة لراي واغلبية رايحة لرأي تاني
بمعــــنى
الناس اللي بتحب البرادعي كتير اوي
والناس اللي بتحب حمدين كتير اوي
والناس اللي بتحب مبارك كتير اوي
والناس اللي بتحب ابو اسماعيل كتير اوي
والناس اللي بتحب مرسي كتير اوي
والناس اللي بتحب ابو الفتوح كتير اوي
..الـــــــــخ
لاحظو كلمة كتيييير اوي يعني القوى متساوية
معندناش اقلية في حاجة يا جماعه
اي طرف من دول ممكن يتحد مع طرف تاني حتى لو مخالف ليه فالراي
في سبيل اسقاط طرف تالت او لهدف معين مشترك وبعد كده التحالف يتفك
تيجو نشوف الموضوع ده على ارض الواقع
قبل ما تشوفو جاوبوني على السؤال ده
ايه هي مهمة اي حزب في العالم؟؟؟
الإجابة: الوصول للسلطة
جمييل يعني كل الاحزاب الموجوده دي هدفها الطبيعي هو الوصول للسلطة
لان ده الهدف من انشاء اي حزب في الدنيا
نرجع للواقع
فاكرين اللي الأحزاب عملته مع حسني مبارك سنة 2011؟
الاحزاب اتحالفت ضده كلها
ليه؟
لأن هدفها واحد زي ما قلتلكم (الوصول للسلطة)
مشي مبارك
جه محمد مرسي بانتخابات
وبغض النظر عن اسباب الهوجة اللي حاصلة اللي مش هندخل في تفاصيلها فالموضوع ده
لاني باخد من الواقع واقولكو
احنا رايحين فين
دلوقتي برضه الاحزاب كلها ضده
وفوقيهم مين ؟
الناس اللي فوق اول الموضوع اللي قلتلكو انصارهم كتير وقواهم متساوية
كل دول دلوقتي هدفهم واحد بما فيهم انصار مبارك
ومش معنى كده ان في تحالف بين الـ(فلول) والناس اللي عملت ثورة 25 يناير
لا ابدا
بس الناس دي كلها قدرها انها تجتمع مع بعض ممكن حتى وهما ميعرفوش لان هدفهم دلوقتي واحد
الشيء الكارثي
اننا مع مرور الوقت وسنة بعد سنة بيزيد العنف بيننا
يعني دلوقتي احنا ممكن نفاجئ ان كل مجموعه من دول بدأت يعمل جيش شعبي
والبوادر اعتقد واضحة
طيب خلاص مرسي مشي
ودي خطوة مش هتكون سهلة لسببين
الجيش مش هياخدها تاني لانه خد درس قوي جدا من المرحلة الانتقالية
نائب الرئيس مش هياخدها لانه رافض اصلا من دلوقتي يكون نائب رئيس
تعالو نكون متفائلين
ونقول الجيش هياخدها لان ده دوره وواجبه
هنفضل نلف حوالين الدستور والمشاكل كلها تتبلور عليه
وتظهر خلافات على تشكيل اللجنة التأسيسية
وحتى لو تم انتخاب اعضائها باستفتاء
ممكن تحصل اعتراضات كبيره على النصوص وانسحابات زي ما حاصل دلوقتي
وبعدين يطلع الناس تقول الهتاف المشهور
يسقط يسقط حكم العسكر
ده طبعا بخلاص الاقتصاد اللي لسه هيفضل يتدهور
واحداث العنف اللي لسه هتحصل
طيب ندعو لانتخابات رئاسية
ويجيلنا تاني رئيس جديد غير محمد مرسي
شوية ولازم يظهر خلاف
ولعبة الانتقام تبدأ تشتغل والتحالفات تبدأ تشتغل
مثلا لو البرادعي جه
الحرية والعدالة والنور والبناء والتنمية والوسط والاسلاميين هيعترضو
هينزل معاهم انصار مبارك
وهنبدأ برضه نشتغل في جو الميليشيات بقه بس على أوسع
بعد ما كل طرف فيهم يعرف ان لازمه جيش شعبي يدافع بيه عن نفسه
ووالله هيعملوه في وقت قياسي لان المناخ العام مساعد
السلاح موجود فكل حتة
معدات حربية كاملة بتتهرب من ليبيا
وتلاقي العالم دي طايحة فالبلد وناسية الشعب الحقيقي
وكل شوية طرف فيهم يعلن سيطرته على منطقة من مصر
وطرف تاني يعلن تحريرها من فلان
واوعو حد يقولي الجيشباضحك
الجيش مش هيقدر عليكو لسبب
انه كمان هيتفكك زيه زيكو وبسرعه رهيبة برضو
الشرطة مش وقعت كلها يوم 28 يناير؟ طيب مالجيش برضه لو حصل كده في مصر هيقع
وكمان هينشق على نفسه يعني تلاقي مثلا ناس فالجيش تنضم للاسلاميين
وناس فالجيش تنضم لحمدين
وناس تنضم لعمرو موسى ومش هيبقى فيه جيش نهائي
الفكرة مش فكرة اسقاط نظام
الفكرة اكبر من كده بكتير
عارفين اقوى تلت جيوش في المنطقة العربية هما ايه؟؟؟
1-مصر
2-ليبيا (جيشها اتدمر بالكامل من الناتو)
3-سوريا (جيشها بيتدمر حاليا )
4-دول الخليج (جيوشها محاصرة بقواعد امريكية على اراضيها)
مع احترامي لكل الدول العربية باقي الجيوش غير الاربعه دول كأنهم ملهمش وجود
يبقى مين الجيش الاقوى على مستوى العرب واللي لسه متماسك ؟؟
الجيش المصري
شوفو العالم فيه كام دولة .. احنا جيشنا رقم 13 على مستوى العالم يعني اقوى من دول اوروبية كمان
المطلوب ان الجيش ده يضعف لانه متعدي حدوده يعني اقوى مما هو لازم يكون عليه كجيش عربي
شوية بشوية تلاقي التقسيم داخل وهو بوادره موجوده من دلوقتي وفي فئات كتير معبعبة وعلى راسهم النوبيين (الجنوب) والسوايسة والبورسعيدية ( القنال) بعد كده المسلمين والمسيحين كل فئة تعمل لها دولة طبعا كده سينا وقناة السويس بح
إسألو نفسكو الاسئلة دي
ليه الثورات قامت في البلاد دي بالذات
مصر-ليبيا-سوريا
وسابت الانظمة الخليجية الملكية هتعرفو الاجابة
مصر ليبيا سوريا اقوى تلت جيوش عربية
الخليج كله مرشق قواعد عسكرية اجنبية وبتروله بياخدوه بخس هيعوزو منه ايه تاني
حد هيقولي معنى كلامك ان الثورات دي صناعه امريكية ؟؟
لا
الثورات دي اتوظفت وبتتوظف لخدمة الغرب
بمعنى
دلوقتي محمد مرسي رئيس مصر
والراجل ده مرشح الاخوان زي ما احنا عارفين
ومصر بلد مختلطة مسلمين على مسيحيين
تخيلو لو تحت حكم مرسي
حصل تفجير لكنيسة باوامر امريكية؟؟
اوبا
ده هيحصل فوضى اكتر من لو كان التفجير ده حصل ايام مبارك
صح ولا لا
لان مرسي تبع جماعه اسلامية اما مبارك لا
يبقى هما هنا هيوظفو الوضع ليهم ولا لا؟
احنا ممكن نستخدم من غير ما نعرف
لا وكمان ممكن اللي يستخدمنا يبقى بعيد عننا اوووي بس بيحركنا بصوباع رجلة الصغير
اوعو تفكرو ان ده بيحصل لشطارتهم
ابدااااااا
ده بيحصل وهيحصل لخيابتنا احنا
نسينا ان بلدنا خربااانه وبنجري ورا تفاهات
اوعو تفتكرو اننا هنبقى بلد متقدمة من غير شغل
في مصر الناس بتتعب اه بس في هيافة والله مش فشغل ينفعنا
مشكلتنا اننا اتضحك علينا ايام الثورة
ايوة انضحك علينا و
اتقالنا اننا على طول بعد سنة هنبقى دولة عظمى
ودخل الفرد هيكون 10000 جنيه
وهيجيلنا مليارات مسروقة
ومش هيبقى عندنا بطالة
وهنعمل بحث علمي
...الخ لغاية كل الحاجات اللي انتو عارفينها دي
في حين ان ده مش صح
احنا بننتج اه
بس محتاجين اكتر من اللي بننتجه 20 مرة
وبعد الثورة ما خلصت لقينا مفيش حاجة من دي اتحققت
قعدنا نضرب اخماس في اسداس
ومخنا اتجنن وكل واحد رمى اللوم على التانس مع ان محدش فينا غلط
وبدأت السياسة تسيطر علينا وتبقى همنا الشاغل
ونندمج فيها كلنا اكتر
ونخش في صراعتها بصدر مفتوح
ونتصادم ونتعارك
تيجو نبص حوالينا ..
تعالو
بصو كده
مش احنا بقينا اسوأ من ايام مبارك؟؟؟
مظبوط
وهنفضل كده بعد ما مرسي يمشي
هنفضل ننزل ننزل ننزل
وبعد ما يجي رئيس غيره
نقول ده ايام مرسي كانت احسن
هو في ايه
معقول مش عارفين ايه اللي بينزلنا لتحت
بنسمع كتير ونحلم ونعيش
وبعدين نتلهي فحاجات جانبية
احنا اكبر دولة عربية من حيث عدد السكان
ودي حاجة جميلة
بس اكتر دولة فقيرة
نرجع لمموضوعنا الاصلي وخلاصته
اننا داخلين على طريق اسود اسود اسود بدون مبالغة
الكل الدم بيجري في عروقعه ويجز على سنانه ويجري على التاني
ويوم عن يوم المسافة بينهم هتقل لحد ما يتلاقو وجها لوجه
مصر بتضيع يا ساده من زمان مش من دلوقتي
واحنا بنستخدم من غير ما نحس
احنا فعلا داخلين على مرحلة سودا
كل الظروف مهيئة ومرتبة لكده
ربنا يحفظ مصر وكل المصريين[/size]
[/size]
[/color]
