ناقصنى حتة

أنا كل ماوزن
الاقى لسه ناقصلى حته

احط حته
تقل حته

واجيب قميص
تضيع جاكتة

واعيشلى ساعة
يفوتنى ستة

وكل ماوزن الاقى ناقص
أقول بناقص لو هيا حته
اتارى لسه ولسه باقى
سنين وحته

وحاجات تسبنى
وحاجات تاخدنى
لحاجات تخبط فى كل حته

وأقول هنفرح
فى يوم هنفرح
ويوم ما نفرح
على الله يفضل
فى القلب حته
الشاعر على سلامة
معرفشى ليه
معرفش ليه تنّحت للدنيا كده
فجأة لقيتني مسكون بالملل
لا عندي رغبة في البكا ولا في الكلام ولا عارف أنام
ولا حتى بسأل إيه ده إيه و أخرتها إيه و إيه العمل
و أخاف أقول لأي حد
أحسن يقوم يقلبها جد
حد صاحبي ينزعج
يمد إيده في قلبه من باب الكرم
عشان يشاركني في ألم
أو يستلفلي من لئيم حبّة أمل
حالة كده .. معرفش إيه

حالة كده ملهاش معالم
ساعات تزورني في الربيع .. في الحر .. و في عز الشتا
و تجيب حاجات لا فيها روح ولا ميتة
لكني برجع منّها بعد السكات .. فاهم شوية في اللي فات
حاسس أوي بحزن الصحاب .. محظوظ أنا
ساعات أشاور ينفتحلي ألف باب
لكنّي بغلط في الحساب
معرفش ليه
على سسسسسسسسسسسسسسسسسسسسسسسسسسسسسسسسسسسسسلامة