الصالون الأدبي
من طرف عبدالله الكومى 26/8/2009, 11:58 amكان يا ما كان
ومايحلاش الكلام إلا بالصلاة على النبي
عليه الصلاة والسلام
كان في اثنين شباب راحوا البحر بليل يعدو يتعشو على الشاطئ .
وهم قاعدين
بياكلو جتهم عجوز كبيره في السن وقعدت تلقط الأكل المنثور على الأرض وتأكل.
قالولها انت جعانة ؟؟ قالت انا هنا من الصبح وماكلتش حاجة
ابني كان معايا وقالي هسيبك شوية وهاجي آخدك كمان شوية والكلام دا كان الصبح
المهم جابوا لها عشاء وتعشت. وبعد ما تأخر الوقت شالوا حاجتهم وحسوا الشباب إن الوقت متأخر والجو بدا يبرد وماينفعش يسيبو العجوزة على الشاطئ لوحدها بليل
سألها واحد من الشباب معاك رقم موبايل ابنك نتصل بيه علشان يجي ياخدك ؟؟
قالت العجوز أيوة هو اداني ورقة وقالي خليها معاكي
. ولما طلعت الورقه تتوقعوا كان مكتوب فيها ايه؟؟؟؟؟
مكتوب ( من يجد هذه المرأه يآخذها لدار العجزه)
انصعقوا الشباب من المكتوب في الورقة وفضلو ساعة يترجوها تمشي معاهم. ويحاولو معاها إنهم يوصلوها أي مكان هي عايزاه.
.وكانت تقول ابني جاي ياخدني وأنا هستناه .
هي مستنياه زي ما وعدها
ما تعرفش المسكينة ان ابنها تنكر لها ورماها في الوقت الي هي فيه محتاجه له.
المهم راحوا الشباب وسابوها على أمل إن ابنها هيجي ياخدها حسب وعده لها. فيه واحد من الشباب قعد يتقلب السرير مش جايله نوم من التفكير في مصير العجوز المسكينه وقام من سريره غير لبسه وركب العربية وراح للشاطئ.
ولما وصل. شاف الاسعاف والشرطة والناس مجتمعين ودخل بينهم
شاف العجوزة قد فارقت الحياه
ولما سألهم عن سبب وفاه قاله واحد من الوقفين أنا لقيتها قاعدة لوحدها ماسكة راسها
ولما سألتها فيكي ايه؟؟
(قالتلي( راسي بتوجعني وقلقانة عل ابني خايفة يكون حصله حاجة
وشوية وأغمى عليها
اترفع الضغط عليها من خوفها على ابنها
.........................................................................
ماتت من خوفها على ابنها
ماتت وهي مستنية ابنها يوفي بوعده ويجي ياخدها
أنا معنديش تعليق بصراحة القصة بتنطق بإلي فيها
كل الي اقدر أقوله
يا رب نعيش ونموت والدينا راضيين علينا
قولو آمين
