المنتديات الإجتماعية
من طرف فى ناس بتحب الاجابة باللغة العامية البسيطة
قولت نعمل ( كشك صغير طبى هنا ) .. مش هنقول عيادة مرة واحدة
ويكون شعارنا
نسأل ونستشير ........... ونتعلم كمان
______________________
لو فى حد بينزفر من أنفه ( مناخير عند بعض الناس ) ... سواء كان النزف دا لوحده أو ناتج عن خبطة قوية
فى عادات كتييييييييير غلط ف الموضوع دا .. والصح ما يعرفهوش غير القليل
طب تعمل ايه ياللى أنفك بتنزف ؟
أول حاجة ياريت تعملها قبل وقف النزف نفسه .............. انك تقيس الضغط
وبعدين تحاول توقف النزف كالآتى ( وفى كل الحالات الراس تميل للامام وليس للوراء )
تضغط على الأنف باليد عادى لفترة بصوابعك ............. ممكن النزيف يوقف
لو ما وقفش ... ممكن تحط قطعة ثلج على الجبين لفترة
لو ما وقفش .. ممكن تجيب حقنة للنزف من الصيدلية ( قوله كده ) واكسرها على قطنة وحطها ف أنفك
ولو نزفت كمية كبير أوى ولقيت نفسك بيغمى عليك وبتدوخ .. ممكن تروح المستشفى يتعلقلك محلول أو نقل دم على حسب
وفى الأخر استشير دكتور بردوو عن الوضع
و
(( معلشى .. دا سؤال اتسالت النهارده وكتبته على الطاير .. قولت أفيد واستفيد لو حد قابله حاجة زى كده .. ولو حد عنده تعليق اكون شاكر انه يفيدنا كلنا ))
_______________
نسيت أقول ( او قولت ) ان مع النزيف ما تميلش الراس لورا زى ما أغلب الناس تعمل .. بالعكس ميل الراس للأمام
لأن
مع تميل الراس للخلف بيخلى الدم يرجع لورا وهيدخل يا اما فى الرئة ويعملك
مشاكل .. يااما يدخل فى المعدة وبردوو هيعملك مشاكل ( ممكن ترجع دم )
وساعتها الدكتور هيكون صعب عليه يعرف ان الدم اللى انت رجعته دا جاى من
الأنف وهيفكره جاى من الجهاز الهضمى
+++++++++++++++++++
طب ليه الاحسن ف الاول خالص انك تقيس الضغط ( قبل وقف النزف نفسه )
لأن
أغلب الاسباب اللى بتؤدى إلى النزيف ف الانف وأخطرهم هو ضغط الدم المرتفع
.... ودا يعمل نزيف داخلى ويخرج عن طريق الانف ( ممكن )
وفى الحالة دى انت سديت الطريق اللى الدم لقاه ف سكته علشان يخرج من المخ
ويخف من جوه ... دا غير انك بوقف الدم اللى نازل تكون أخفيت العلامة اللى
ظهرت اللى تبين ان فى نزيف داخلى
________________
From My facebook
