محمود سيف ضيف أستديو شوو وتحليل لقاء فريق ك عبدالصادق وك مختار شابوب

ونروح بسرعة لضيفنا الجميل محمود سيف ..



بسم الله الرحمن الرحيم
كل سنه وانتم طيبين
ورمضان كريم عليكم وع الامه الاسلاميه كلها


يانجم اية رأيك فى المباراة بصفة عامة ورأيك فى فريق عبد الصادق مراد بصفة خاصة ونفس الوضع فريق مختار شابوب ..؟؟؟

فريق عبد الصادق فريق حلو جدا
عبد الصادق زى ما حضرتك تفضلت وقلت حسام حسن
يعنى حماس بلا حدود ومجهود غير عادى واصرار ع المكسب ولعب لصفاره الحكم ولاخر نفس
كمان معاه النجم مسعد دانس ( ابو عزه) مكوك ومن احسن اللعيبه اللى انا لعبت معاهم ومجهوده وافر وفيه ميزه مش موجوده كتير انه بيعرف يسلم ويستلم
سعيد مستواه حلو ولعيب نشيط وكمان مميز ف العاب الهوا
سامى شعبان ظهر بمستوى جامد ع الرغم من ابتعاده عن الملاعب منذ فتره كبيره
علاء حمدى لعيب ممتاز بس مكنش موفق ف اللقاء وواضح انه وزنه زايد شويه ( الحال من بعضه يعنى ) بس اكيد هيجى مع الماتشات
احمد رمضان لاعب كويس جدا ولازم عبد الصادق يحط عينه عليه ف الماتشات اللى جايه
احمد السيد مدافع قوى بس للاسف مجاش الماتش لعل المانع يكون خير
محمد السيد كان مستواه سئ ف الماتش ده اوى فيه احسن ان شاء الله ولازم كان يخد نفسه بره وينزل تانى

مختار الديب
مختار مدافع جامد جدا خبره كبيره اوى مشاركات دوليه لا عدد لها وذكى وبيعرف يكسب هو لو افتقد عنصر السرعه فبيعرف يعوضه بالخبره واذكاب
دوره رمضان عنده زى الدورى للاهلى كده ( بطولته المحببه )
اسلام جلال قاعده اطلاق صواريخ متحركه رجيله تقيله وكمان مستواه عالى اوى واحرز لوحده هدفين
محمد شعبان ظهر هو الاخر بمستوى عالى اوى واحرز هدفين واحد منهم من احلى اهداف الدوره ان لم يكن احلاها حتى الان
وسيم لاعب مجتد وعمل اللى عليه ف الملعب وصاحب احلى تمريره ف الماتش اللى جه منها الهدف التالت الجميل
هيثم الحلوانى مظهرش بمستواه المعروف لسه فورمه المباريات
تامر التمرى ظهر بمستوى حلو واجهض العديد من الفرص لفريق عبد الصادق وخاصه ف الشوط التانى
يوسف عواد البحير لعب ماتش كويس وحافظ ع تقدم فريقه
فايز مش هقدر احكم عليه لانه ما اخدتش فرصته لسه بس هو لعيب كويس وربنا يوفقه ف الماتشات اللى جايه



رأيك فى حكم اللقاء كابتن حمدى زهران ؟؟

حمدى حكم محترم وصارم ف قراراته وانا شايف ان الماتش كان كويس تحكيمياومكنتش فيه الاخطاء القاتله زى ما بيقولوا

مين اسوء لاعب بفريق عبد الصادق .. وبرضة فريق مختار شابوب ؟؟؟

ومين الاحسن فى كل فريق ؟؟

نبدا بالاحسن طبعا
محمد شعبان ف فريق مختار
مسعد دانس ف فريق عبد الصادق
مش هنقول الاسوء
هنقول اللى مكنش موفق ف المباراه
محمد السيد ف فريق عبد الصادق
وبصراحه فريق مختار مكنش فيه حد مش موفق بل كل الفريق كان 10 ع 10

مين من رأيك كان النقطة الفاصلة فى فوز فريق مختار شابوب بالمباراة .؟؟

الهدف الرابع لان كان خلاص مسعد هيتعادل النتيجه 3 / 2 وقربنا
لكن المدفعجى ابو جلال اطلق رصاصه الرحمه وخلص الماتش بالجون ده واحبط الفريق المنافس

لو سعيد كان لعب فى فريق عبد الصادق من اول المباراة كانت النتيجة هبقى ليها شكل تانى .. ولا انت اية رأيك؟؟

الماتش بلغه الكوره كده اتخطف
لما يدخل فيك 3 اهداف ف اول ربع ساعه تقريبا
بيبقى صعب اوى ترجع وتعوض
وحتى سعيد مكنش ف مستواه المعروف

ياترى الغييرات اللى كان عند عبد الصادق كانت ممكن ساعدة على تغيير اللقاء ومسفدش منها ولا فعلا مهما كان يعمل هو دة أخر الفريق؟؟؟

انا بس بخد ع عبد الصادق عدم تغييره للكابتن محمد السيد كان لازم يغير لانه مكنش موفق خالص والكوره مش مطاوعاه وده كان واضح
كمان كان مجهوده قليل وكان لازم يخرجه او حتى يريحه وينزله تانى

اية رأيك فى مسوى كابتن محمد السيد ؟؟

كان مستواه سئ ف الماتش ده
وده عادى جدا مكنش يومه زى ما بنقول ف الكوره
بس ان شاء الله هيجى مع الماتشات وهيرجع لفرمته العاليه

كان
في برة فى فريق عبد الصادق أحمد محمد السيد .. وأحمد رمضان عواد .. اية
تأثيرهم لو نزلوا المباراة مع العلم ان احمد رمضان نزل بس فى الاخر ولا
يلحق يعمل حاجة ؟؟؟ طيب لو نزلوا بدرى كان ممكن ولا انت اية رأيك؟؟؟

احمد السيد مجاش الماتش اصلا
احمد رمضان نزل ولعب كويس بس كان محتاج ينزل بدرى شويه




رأيك فى ادارة كابتن مختار شابوب لفريقة .. وكذلك عبد الصادق ؟؟

مختار خبره جامده وبيعرف يكسب ( اهلاوى)
عبد الصادق اخطأ ف التغييرات ( ما انت قلت حسام حسن ) لا وزملكاوى كمان ه انا بهزر طبعا
هى دى الكوره فايز ونقوله وخاسر ونقوله هارد لك

هاااااااا اية النظام فى المجموعة دى شايف فية فرق مرشحة للدورة ولا صعب .. ولا انت ترشح حد من فريقين النهاردة ؟؟

لسه بدرى اوووووووووى يا سيد عمرى
لسه ف 15 نقطه ف الملعب
واتمنى التوفيق لكل الفرق




اخيرااا ..

أكتب رأيك فى مجموعة الشباب بالفريق ..

تامر التمرى ..........لعب كويس جدا ويخد 7 ع 10 ........................

علاء حلاوة .......... مظهرش بمتواه ويخد 6 ع 10 ....................

فايز ......... مقدرش احكم عليه لانه ملحق يلعب ......................

سامى شعبان ......لعب حلو جدا ويخد 7 ع 10 .......................

سعيد .......مكنش ف مستواه ويخد 7 ع 10 ........................

هيثم الحلوانى .....بردو لسه مستواه مظهرش ويخد 6 ع 10 ....................

قبل ما اختم مع حضرتك
احب اقول
ان الدوره بتحلو يوم عن يوم
وان السنه دى الدورى هتبقى جامده اوى
كل الفرق متكافأه تقريبا
وكل الفرق ممكن تفوز بالدوره
منقدرش نقول فريق احسن من فريق
ومن هنا هتيجى المتعه والاثاره والتشويق

مع ستيديو شو التحليلى
مش هتقدر تغمض عينيك
واوعى اوعى تغير المحطه
وشيل ايدك من ع الريموت كنترول
لاننا نختلف عن الاخرين

وكل سنه وحضراتكم طيبين
ورمضاااااااان كريييييييييييييم

ياسلام .. ياسلام ..

الله عليك تسلم ايديك ..

خلصت فيك كل الكلام والله

___________

تحليك ولا اروع للاعبين .. ومين يعرف يعمل كدة غيرك .. ما نت كل يوم معاهم..

بس فين تحليل الماش مقولتش رأيك فى المباراة ؟؟

بصراحة انت كدة الفرصة بقت صعبة على المحللين اللى جايين ,,

استنى ياحودة لسة بدرى وجايلك ماتشات كتير يانجم..