المنتديات العامة 
من طرف عبدالله الكومى 24/8/2009, 12:34 pm مصر يا أخوانا مشهورة بالأهرامات وأبو الهول ، والقلعة . ده بره ، لكن جوه فهيه مشهورة بينا إحنا يا معشر الموظفين بالأتوبيسات . أتوبيسات في غاية النضافة ، وفي غاية الأحترام لآدمية المواطن ، الكراسي بتاعتها فل الفل ، والأرض نضيفة . والكمسري خلوق ، والسواق مؤدب ومتمكن في السواقة بهدوء . لا الكمسري قليل الأدب وبيشتم فيك ، ولا السواق بيسوق زي المجنون . بجد أنا بشفق علي الدول الأوربية التي حرمت من نعمة وجود أتوبيسات فيها زي أتوبيسات مصر . وفي النهاية احب أقول إني مبسوط جدا جدا بالمواصلات ، وبأنادي بتعميم تجربتنا الرائدة في الأتوبيس لجميع دول العالم ، وعلي راسهم أمريكا ، خلينا نشمت شوية إحممم قصدي نفرح إننا قدرنا نخدم البشرية . استمري يا مصر في التقدم دائما ، ويابناتك يا هولندا ويا أتوبيساتك يا مصر |
