منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
الشاعر احمد يوسف (الفجر فين) Support


3 مشترك

    الشاعر احمد يوسف (الفجر فين)

    صلاح محمد حسانين
    صلاح محمد حسانين
    المدير العام


    النوع : ذكر
    عدد المشاركات : 6402
    العمر : 60
    تاريخ التسجيل : 28/06/2009
    المهنة : الشاعر احمد يوسف (الفجر فين) Profes10
    البلد : الشاعر احمد يوسف (الفجر فين) 3dflag10
    الهواية : الشاعر احمد يوسف (الفجر فين) Writin10
    مزاجي النهاردة : الشاعر احمد يوسف (الفجر فين) Pi-ca-10

    الشاعر احمد يوسف (الفجر فين) Empty الشاعر احمد يوسف (الفجر فين)

    مُساهمة من طرف صلاح محمد حسانين 22/7/2011, 10:57 am

    (والله زمان)
    والله
    زمان...
    يافجر كان قادر..
    يشق قضبان الألم
    ويهد سور الليل اللى
    انبنى
    على جثة الحلم التاريخ
    والله زمان...
    يافجر كان قادر يعيش

    رغم العذاب المر..
    فى دروب الشقا
    ويكتب شعاع الشمس
    ف جناح
    النهار اللى انكسر
    كلمة لقى ..!
    والله زمان...
    يافجر حل المساله
    فى الاندلس
    فينك يافجر من التاريخ
    اللى اندفن بين العسس
    وف كل
    لحظه بنكتشف له الف أب
    لكن يافجر ..!
    ما لاقينا أب يكون شجاع ويقول
    لنا
    مين اللى باع حطين؟
    مين اللى عاش م العمر فوق الميت سنه
    واتوضى
    فى فلسطين؟
    مين اللى باع بغداد؟
    مين اللى خان الضاد؟
    مين اللى
    سور على العروبه
    الف سور..
    وحدود تباعد فى اللقى؟
    مين اللى قال
    على القلعه
    بنية حمام..
    وحكم عليه بالانعذال
    والنقر ف جدار
    الصدى؟
    فينك يافجر وفين حدود المساله؟
    المسأله..
    ان القلم نفس
    القلم
    لما كتب حدوتة بهيه والعاشق ياسين
    وما خافش م الخوف..
    وعزف
    رغم الوهن
    غنوة نعيمه والشاطر حسن!
    أصبح فى زمان الغربه..
    جوه
    أحضان الوطن
    مطعون بينزف م الألم
    والحبر تحت المقصله
    حالف
    ليكتب فى الكفن
    غنوة شجن ..!
    والله زمان..
    يافجر كان قادر يثور
    لما
    يشوفنى ودمعتى
    ورموش عنيا الدبلانين
    تايهين ف خوف الانكسار
    والحلم
    فينا بينشنق
    ذى صوت الضى ف سنين الحصار
    والله زمان..
    يافجر كان
    مجنون
    وعاشق خضار الطين
    اللى عدا ألف ميل
    واختار يعيش..
    على
    كف ست الحسن
    والقلب الاصيل ..
    فينك يافجر الشقيانين؟
    تمسح
    دموع المجروحين اللى اتنست
    لما انطعن حلم الهلالى بصمتنا
    والحب
    أصبح مستحيل..!
    فاكر أنا ..
    عمرى اللى عدا
    فوق الميت سنه
    حاضنين
    سؤال
    مجروح وخايف على العيال
    فاكر أنا ..
    صوتك ياخال
    ومعششه
    فى البال
    حكاويك عن الطين اللى كان قادر
    يدفى كل ثانيه
    ألف
    نطفه فى الحشا
    ويداوى جرح العمر
    بدموع العرق
    فاكر أنا..
    ضيك
    ياقمح المجروحين
    لما تشقشق ف الغسق
    وفاكر أنا وقت الأدان
    وانت
    بتحل من وسطك
    حذام الهم والشوق والوهن
    تتسرسب الحبات ..
    أجرى
    وألضم عقدهم
    وأسال سؤال ..
    كل أطفال المدن
    ايه دا ياخال؟
    وألقى
    الجواب ..
    رغم جهلى باسرار الذمن
    ف اربع جسور على جبهتك
    حاضنين
    ما بينهم ..
    كل أسرار الشجن
    وتلف بينا ..
    دنيا التغير والعدم
    وأشوف
    بنفس العين
    بس مش نفس النظر
    ابنك يا خال ..!
    لكن ايديه ناعمين
    وجيوبه
    بتسرسب عناد رمل وزلط
    لونهم بلون الكدب فى هذا الذمن
    نطق اللسان
    المحنى
    من طول الطريق
    فينك ياخال ؟
    أتارينى ناسى انك سافرت
    وسبتنى
    عايش بااحايل فى الصدى
    اسير التمنى وغنوتى
    موال ألم ..
    حالف
    ليكتب شكوته..
    مهما اشتكى
    جرح ألندى...!
    ايمرى شووو
    ايمرى شووو
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 1549
    العمر : 41
    تاريخ التسجيل : 26/02/2009
    المهنة : الشاعر احمد يوسف (الفجر فين) Profes10
    البلد : الشاعر احمد يوسف (الفجر فين) 3dflag10
    الهواية : الشاعر احمد يوسف (الفجر فين) Sports10
    مزاجي النهاردة : الشاعر احمد يوسف (الفجر فين) Pi-ca-38
    الشاعر احمد يوسف (الفجر فين) Sport-1

    الشاعر احمد يوسف (الفجر فين) Empty رد: الشاعر احمد يوسف (الفجر فين)

    مُساهمة من طرف ايمرى شووو 26/8/2011, 3:11 am

    ابداع بمعنى الكلمة .. برافو .. فعلا كلامك جاى ع الوجع
    طارق جوده محمد
    طارق جوده محمد
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 2973
    العمر : 59
    تاريخ التسجيل : 01/07/2009
    مزاجي النهاردة : الشاعر احمد يوسف (الفجر فين) Pi-ca-20
    الشاعر احمد يوسف (الفجر فين) 1oooyty76

    الشاعر احمد يوسف (الفجر فين) Empty رد: الشاعر احمد يوسف (الفجر فين)

    مُساهمة من طرف طارق جوده محمد 26/8/2011, 5:16 am

    استاذ احمد يوسف


    لا أجد أبجدية في العالم تصف روعة كلماتك



    أو تعبر عن عمق إحساسك

    سلمت أناملك بكل ما خطت من حروف

    وبكل ما نسجت من تعابير رقيقة
    الكلمة الجميلة ليست سهماً ... لكنها تخرق القلب
    Embarassed

      الوقت/التاريخ الآن هو 29/3/2024, 8:24 am