منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
الراحل جاهين ام نزار المعلون قول استاذ صلاح Support


    الراحل جاهين ام نزار المعلون قول استاذ صلاح

    طارق جوده محمد
    طارق جوده محمد
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 2973
    العمر : 58
    تاريخ التسجيل : 01/07/2009
    مزاجي النهاردة : الراحل جاهين ام نزار المعلون قول استاذ صلاح Pi-ca-20
    الراحل جاهين ام نزار المعلون قول استاذ صلاح 1oooyty76

    عام الراحل جاهين ام نزار المعلون قول استاذ صلاح

    مُساهمة من طرف طارق جوده محمد 8/6/2011, 8:09 pm

    إيه اللي لما تقطعه بتصنعه
    ولما تيجي تصنعه تقطعه؟
    وده لغز‮..‬حله الصح هو‮: ‬التاريخ
    وفيه لغز جوه اللغز‮..‬مين يسمعه؟
    عجبي




    يا حمرة ياللي جاية تتمخطر
    في النيل وطرح النخل لسه اخضر
    ما تمدي حبة يا دما شابة‮ ‬
    قالت لي عمر النيل ما يتأخر
    عجبي



    حنش انضرب هلك وديله انترك
    فرك حرك شفناه نصبنا الشرك
    وقع رجع ساب ديل أوديل لديل
    فكرك يا ديل الديل ح نأخرك؟
    عجبي



    ثبت هلال رمضان ومشيوا المواكب
    من بعد ما حداشر هلال أدوا واجب
    باصوم في لتناشر وباشعر في كل عام‮ ‬
    ببطني‮..‬حته من نظام الكواكب
    عجبي



    دايره‮.. ‬ودايره ودايره من‮ ‬غير كلال
    وكل شيء له رجعة يابن الحلال
    يتوفي جدك‮.. ‬تولده حرمتك
    زي القمر ما يعود في هيئة هلال
    عجبي‮!‬




    ليه يرسموك يا حب قلب انطعن
    بسهم دامع دم طول الزمن
    قالوا البشر‮: ‬من حبنا في الحياه
    بنسبق الموت بالبكا والشجن
    عجبي



    كم واد وبت اتقابلوا عبر السنين
    كم همسة همسوها ولمسة حنين
    من فجر عمر الكون لحدي أنا‮ ‬
    كم بوسة لزمت‮ ..‬لجل ما أصبح جنين
    عجبي



    زمان زمان قال ياما قال الشديد
    يا حرب مرحب بك لابس لك حديد
    فارس طرق باب فكري رديت رأيت
    عضمه القديم في قلب درعه الجديد
    عجبي




    غطس وقب الموج نهود بمبي
    من ألف جمالات ما يعلم بي
    جيت من قرار البحرده‮ .. ‬أعلم
    قالوا لي موجتين،‮ ‬واترموا جنبي
    عجبي




    فوق تحت ورا قدام يمين شمال
    في الجو‮.. ‬تحت المية‮...‬ع الرمال
    طلب الكمال يحرم من الممكن
    والممكنات تحرم من الكمال
    عجبي





    حابس ضناه بين ضلوعه
    يابس ومولود بجوعه
    قاعد ما بيعملش حاجه
    لابس هدوم مش بتوعه
    عجبي




    النوم قيود والجسم مغلول بها
    غلاب‮ ‬غلب ع العين يا‮ ‬غلبها
    فيه ناس بتشكي قلة النوم وأنا
    باشكي الدقايق اللي باغفل بها
    عجبي‮!‬



    آن الآوان ورميت علي الشط هلب
    ورسيت أن من بعد توهان وغلب
    شفتك يا إنسان مهما تنهان عظيم
    والكلب مهما تكرمه برضه ****
    عجبي‮!‬





    أنا عيني شافت ساعة رملية
    تنام تقوم ترتد مملية
    ولقيتها ح تعيش عمر طال أو قصر
    وح تنكسر‮.. ‬تشبه تمام ليا
    عجبي‮!‬



    اسكت علي أمريكا واللي أصابها
    في ثلاثة م الرواد أعز شبابها
    قال لي باخاف من خنجري وأنا شايله
    دي القوة يا ما بتجني علي أصحابها
    عجبي‮!‬




    معاتيه في تيه العشق هايمين هيام
    رايحين وجايين وفي الشوارع نيام
    الحب حلم وبس‮.. ‬وإلا بصحيح
    والدنيا حلوة وشمس‮.. ‬والأغيام
    عجبي‮!‬





    فاتح عينيا للخطر ع الآخر
    قدرت أشوف وسط المحيط الزاخر
    وسط الظلام والضنك بارق أمل
    بيبص للأهوال ويضحك ساخر
    عجبي‮!‬




    أمي قالت لي كون رحيم القلب
    لا تشد ديل قطة ولا تهين ****
    بس النهارده قالت لي خد سونكي
    واجعل دما الصهيوني تشلب‮ ‬شلب
    عجبي‮!‬



    معاتيه في تيه العشق هايمين هيام
    رايحين وجايين وفي الشوارع نيام
    الحب حلم وبس‮.. ‬وإلا بصحيح
    والدنيا حلوة وشمس‮.. ‬والأغيام
    عجبي‮!‬




    نحلة عسل ضربتني إبرة عسل
    صبحت عاشق يذكروه في المثل
    وضربني دبور سم ضربة زبان
    من الحنان والحب قلبي اتغسل
    عجبي‮!‬

      الوقت/التاريخ الآن هو 28/1/2023, 9:04 pm