المنتديات العامة 
من طرف masry4ever 29/3/2011, 10:38 pm
هذا
المقطع من الشعر الحلبنتيشي كنت اقرأه قبل 25 يناير فأضحك اما الان فأقرأه و اتعجب
الجحش قال للحمار
يابا اديني الحنطور
ياباإنت سنّك كبر
و وَجَب عليّا الدور
كَـحّ الحمار كَـحة
فزعِت لها الركاب
مش يابني بالصحة
ده كل شئ بحساب
و سواقة الحنطور
محتاجة حدّ حكيم
و إنت عينيك فارغة
همّك على البرسيم
قوللي تسوق إزاي
و التبن مالي عينيك
ده حتى حبل اللجام
واسع يا إبني عليك
إعقل و بطّل طمع
لا تسخّن الركاب
ماتجيش يا واد جنبهم
لا تبقى ليلة هباب
دول صنف ناس جبّار
قادر مالوهش أمان
يبان عليهم وَهَن
لكنهم فرسان
يابا دا نومهم تِقِل
و بقالُه يابا سنين
كل البشر صحصحوا
و لسه دول نايمين
يا جحش بطّل هبل
و بلاش تعيش مغرور
رُكابنا مش أغبيا
ولا عضمهم مكسور
بُكرة حيصحولك
و يزلزلوا الحنطور
و تلاقي في .....ك
تمانين خازوق محشور
طبعا من روائع احمد
فؤاد نجم
