منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
تعالى نفتح صفحة جديدة Support


+7
مهندس جودة ربيع عياد
engineer
مصطفي الجندي
صلاح محمد حسانين
ابراهيم عثمان
جودة
mohamed 96
11 مشترك

    تعالى نفتح صفحة جديدة

    mohamed 96
    mohamed 96
    عضو جديد
    عضو جديد


    النوع : ذكر
    عدد المشاركات : 8
    العمر : 28
    تاريخ التسجيل : 04/03/2011
    المهنة : تعالى نفتح صفحة جديدة Unknow10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Unknow11
    مزاجي النهاردة : تعالى نفتح صفحة جديدة Pi-ca-10

    للأهمية تعالى نفتح صفحة جديدة

    مُساهمة من طرف mohamed 96 5/3/2011, 12:07 am

    بسم الله الرحمن الرحيم

    اولا انا اشترك هنا معاكو لسبب واحد وهو

    لانى حسيت بجد انى فعلا لازم تكون مدرسة

    امياى الحديثة بنبن مش فى الصورة اللى هى فيها دلوقتى دى .

    ثانيا عشان احاول على الاقل اوضح لحضارتكم الجدل المثار فى الايام اللى فاتت دى على المظاهرة واللى حصل ده.


    وانا بأسف لانى هتكلم بالعامية بس لازم يكون كلامى كدة لاننا خلاص زهقنا من الكلام بتاع الخطابات والكلام بتاع

    لازم نغير المدرسة والكلام اللى لسة لحد دلوقتى مجبش نتيجة واللى شكله اصلامش هيجيب

    (او ممكن اكون مش واخد بالى انى لازم اتكلم كدة لانى من مدرسة الاعدادى ودى لازم تكون طريقة اى حد فيها Very Happyههه )

    وقبل ماابدأ الموضوع انا عايز اقول لمعظم أعضاء المنتدى مش لازم اللى يكتب موضوع او يكون مشترك يكون داخل باسمه

    زى ما الأستاذ محمد الكومى بيقول وانى ده مش قلة ثقة فى نفسه او غيره بس ده ممكن نعتبره مثلا انه مش بيحب يكون ظاهر ادام

    الناس او لسة شخصيته مانضجتش اوغيره او كسوف يعنى مش لازم اى حد يشترك فى اى منتدى يعرفوا هو

    مين وكدة ودى اكتر نقطة انا منتقد المنتدى الجميل ده فيها وعشان كدة انا مشترك بأسمى عشان مايكونش فيه اى نقد ليا

    اسف انى طولت عليكوا المهم انا احب اوضح ليسيادتكم انا كان يومى عامل ازاى من اول ماخرجت من بيتى وكنت فى طريقى

    الى المدرسة وده كان فى يوم الاربعاء الموافق 2_3 _2011

    انا وصلت ادام مدخل المدرسة حوالى الساعة 11.15لاقيت كام واحد كدة بيقول ده فيه مظاهرة جوة _

    وطبعا ده انا كنت سامع عنه امبارح انى فيه شوية طلبة من الصف الثانى عايزين يعملوا مظاهرة عشان عايزين نيجى الصبح

    وفعلا جولى عرضوا عليا انى اكون معاهم بكرة واساعدهم وكدة واحب أذكر انهم

    كانوا حوالى تلاتة اربعة مش اكتر وطلاب يعنى عمرهم مايكونى منساقين من احد بس هما

    مجرد انهم حاسوا انهم عايزين يحاسنوا من مستواهم العلمى وانهم شايفين اننا لو جينا الصبح هيكون احسن لينا

    انا كان رد فعلى لما قالولى _قولتلهم معلش مش هقدر اكون معاكم _وخلاص مشوا وانتهى الموضوع.

    بس احب اوضح لحضراتكم انا ليه قولت كدة لانى كنت شايف انا وكتير من زمايلى انى مشكلة الصبح او الظهر

    دى مش العائق او المشكلة الكبرى عندنا او

    ده الشىء الأولى وكنت شايف اننا لو عاملنا مظاهرة نطالب فيا بتطهير المدرسة من

    المدرسين والشخصيات الفاسدة داخل المدرسة ده يكون احسن 1000مرة من موضوع الصبح والظهر اللى احنا نسينا

    فيه انى اصلا الناس الكفء ممكن يشتغلوا فى اى وقت وتحت اى ظروف وفى اليوم ده برده اللى هو 1_3

    الاستاذ سلامة طلع فى الطابور وقال انى سمعت انى فيه بعض الطلبة عايزين يعملوا مظاهرة بكرة وانا احب اقولهم انى

    انشاء الله فيه قرار جاى يوم الأحد القادم هيحدد احنا هنروح امتى وارجوا انكم تأجلوا اى حاجة انتوا عايزين تعملوها

    لحد ما اللجنة تحدد_ مع انى عايز اوضح انى والله ما بروح درس عند الاستاذ سلامة ولاغيره بس مجرد انى

    بسرد الاحداث مش اكتر_ نيجى بقى ليوم المعركة زى مالبعض بيقول Very HappyVery Happy


    انا زى ماقولت اول ماوصلت المدرسة لاقيت بعض الطلبة واقفين ادام الباب ومعاهم يفط واعدين يهتفوا وحاجات غريبة ادامى وفيه

    غفر ومنظهر انا مكنتش متوقعه وقفت بعيد اتفرج انا واصدقائى وكان اللى بتظاهروا دول حوالى عشرين طالب مش اكتر بس كان

    فى عدد غفر كتير انا معرفش ليه كانوا الغفر مديين للموضوع اكتر من حجمه ولما رفعت نظرى والقيت نظرة على المدرسة

    لاقيت مدرسين الابتدائى واقفين فى الطرق وكان فيه ناس بتصور غريبة كدة

    المهم شوية بعض المدرسين خرجوا قالو يلا خشوا رفضوا الطلبة فى بداية الامر

    بس بعد مادارت مناقشة دارت بين الطلاب والاستاذ عماد على ما اتذكر واستغرقت هذه المناقشات وقت طويل جدا جدا

    حيث استمرت لمدة كبيرة جدا وهى ربع دقيقة Very Happyهههه

    وده يدل انى اصلا الى كانو عاملين المظاهرة دول ناس مش عارفين هما عايزين ايه اهه شوية كتبوا يفط الله اعلى واعلم

    اذا كان حد اقلهم اعملوا ده ام كان ده من نفسهم ام انسياق ورا حد انا اصدى على العشرين طالب اللى ذكرتهم وكان

    معاهم بعض الطلبة اللى ميعرفوش اى حاجة وزى ماانتوا عارفين انى مصر كلها بتموت فى الهيصة Very Happyه

    دخلنا المدرسة ووقف كل فصل فى ماكانوا كالمعتاد والاستاذ اسلام حاول يشغل الطابور بس مارضيش حد يشتغل وبجد

    اول مرة اشوف المدرسة دى من وقت مادخلتها مجتمعين على شىء واحد Very Happyههه

    المهم المدرسين قالوا اشتغلوا ماحدش راضى ودهطبعا لا اولى ولا تالتة اعدادى فاهمين فيه حاجة ولا عارفين فيه ايه

    المهم احب اذكر حاضراتكم انى الابتدائى لسة جوا ومعرفش ليه منزلش وده اللى ادى انى يخلى الطلبة فاكرين

    انى الابتدائى خايفين منهم مع العلم انى مكنش لدى اىطالب النية انه هيئزوا اخواتهم بتوع الابتدائى او مدرستوا

    الى درستلوا او استاذه اللى بيحبوا

    ( اه صحيح عايز انبه حضرتكم اننا عادى ناس عندنا برده شعور اه احنا اعدادى بس ساعات كدة بنحس اه امال ايه Very Happyهههه)

    والوقت ده ماكنش فيه ولاشكاير زلط ولاى كلام من اللى اتذكر ده خالص

    انا عايز اقول لسيادتكم حاجة انى بجد والله عمر ماكان الطلبة وانا واحد منهم

    نفسهم يكونوا فى الموقف ده او انى اكون اعد بكتب زى دلوقتى موضوع زى ده واننا

    نفسنا نكون احسن ناس فى البلد وانى عيب لما بنات تكون احسن مننا واننا فينا ناس

    الحمد الله مستواهم احسن من الف بنت مع احترامى للجميع وانى عندنا مواهب كتير وانى عندنا عقول ناضجة كتييييييير

    واسألوا الاستاذ صلاح هو اكتر واحد عارف لانوا درس لجيل مننا

    المهم نكمل

    الابتدائى نزل وكان خارج معرفش مرة واحدة لقييت تانية بدأت بالجرى بره المدرسة وطبعا وراها كل المدرسة هيصة بقى

    زى ما انتوا عارفين Very Happy وبجد والله معرف هل ده كان باشارة ام عادى كدة من الطلبة بس انا ماشوفتش اى مدرس قال حاجة

    هو يمكن يكون فى حد قال بس انا عن نفسى والله ماشوفت اى حاجة ولا حد قالى حتى ..

    ولقيت كام طالب من اللى اصلا مش فاهمين اى حاجة اهه اعد يحدف تراب فى الجو وبتاع بس يعنى اتنين تلاتة كدة

    ووالله المدرسين بتعوعنا والله ضربوهم وقالوا ليهم اسكتوا عيب وده كان ادامى وبعدين لما

    مدرسين الابتدائى شافوا المنظرد ده زعلوا وكان ده حقهم وشوفت مدرسين الابتدائى بيزعقوا وبيقول للمدرسين

    بتوعنا انتوا اللى خرجتوهم عيب عيب

    وبعد النضال مابينهم مشى كل الابتدائى بس بجد والله لاشوفنا حد اتعور ولاغيره ومعظم الابتدائى اخواتنا او قرايبنا

    وعمر محد يضرب حد اصغر منه ده حراااااااااااااام يعنى

    المهم داخلنا ووصل شخص محترم ايضا قالولنا انى ده مدير التعليم الاعدادى جاى يشوف ايه مطالبكم طبعا كله صاح وكدة

    وقال لينا عايزين ايه ومعرفش يفهم حاجة من الدوشة والمايك بتاعنا اللى يعصب

    اى حد ومعرفش ليه مافكروش يغيروه مع انه بعمل طنين بيسمع بلتان Very HappyVery Happyه

    وبعدين اقترحوا ان كل فصل يبعت مندوب عنه ودى كانت فكرة رائعة احيى الانسان اللى اقتراحها

    وفعلا راح عن كل فصل واحد وانا كنت عن فصلى وبصفتى امين اتحاد الطلبة ودخلنا ودخل ماعانا كام مدرس كدة ومدير التعليم

    اللى هما بيقولوا عليه مع اننا منعرفش هل ده هو ولا مش هو زى مالبعض قالى بعد كدة انه موجه عادى وكان فى شخصية بجد

    افخر انى فيه فى القرية شخص زيها وحزين انى ماكنتش اعرف الشخصية الجميلة دى وكنت اول مرة اشوفها

    وده كان شخص اول مرة اشوفه وكنت انا وكتير من الموجودين منعرفش الانسان العظيم ده وكان موجود ايضا موجود

    الاستاذ مجدى الليثى عضو مجلس الاباء وولى امر وحضر من الطلاب على مااتذكر كل من (امام ايمن _ محمد مهدى _ محمد على _

    احمد سعد ابو المكارم_فادى صلاح _ احمدشهوان _ صلاح صلاح _ السيد محمد _ نادر _ ابراهيم شعبان _ احمد رجب_انس ياسر_ يوسف رأفت )

    دول اللى انا فاكرهم بس كان فيه ناس كتير تانى موجودين .

    وبدأ الكلام الانسان الواعى الذى تحدثت عنه واللى عرفت بعد كدة انه اسمه أ_ موسى جبروسأل ممكن تعرضوا مشاكلكم وقام عدد من

    الطلبة برفع ايديهم وكان الأختيار عليا وقومت اتكلمت والمهم انى متكلمتش عن موضوع الصبح والظهرده بس اتكلمت عن كل حاجة

    وده طبعا بعد ماعرفت نفسى ادام كل الناس وقولت انى امين الاتحاد اللى هو اصلا متعملهوش اجتماع واحد الى الان وده احد

    الحاجات اللى اتكلمت فيها واتكلمت فى موضوع مدة الفسحة ودورات المياه والاثاث وغيره واتكلمت برده فى موضوع الصبح والظهر

    مع انى الحكاية مش فارقة معايا واحب اوضح انى والدى وكيل فى المرسة الابتدائى وانى فى مصلحت بيتى انى نفضل الظهر زى

    مااحنا بس انا بصفتى امين اتحاد الطلبة كنت لازم اتكلم بلسان كل طلبة المدرسة واكون مع الاغلبية سواء كنت مقتنع ام لا

    وهقول كل شىء اتكلمت فيه بس مش دلوقتى هيجى دوره فى كلامى فى الاخر لانى هعرض ليكم ورق اول اجتماع مجلس اتحاد الطلبة

    هيتم يوم الاحد واللى هيكون فيه كل مطالبنا وكان فعلا الاستاذ موسى حكيم فى رده وقال الحقية ادام كل الناس منهم المدير

    وكل الحاضرين وقال انا بقول انى كل المنظومة فى الاعدادى فاسدة وادام مدير الادارة وانا شخصيا ليست

    تخصنى هذه المشكلة بشىء بس انا جاى بصفتى ابن من ابناء القرية

    ورد على كل شىء طرحناه وقنعنا بوجهت نظره اللى كانت زى وجهت نظرى انى العيب مش الصبح العيب فينا احنا لااننا

    مش عايزين نغير من نفسنا قالى انت يامحمد لو اجتمعت كل مدة انت ومجلس الاتحاد وتناقش الامور الى مش عجباكوا كان احسن

    من اللى انتوا عاملينوا ده وموضوع الصبح والظهر وانا رديت وقولت حاولت كذا مرة وروحت لكذا وكذا ولا حد سأل فيا قالى

    خلاص كل حاجة اتغيرت ابدأ من جديد تانى وانا معاك واللى يعرضك تعالىقولى فى البيت وقال انت معاك ناس من اكفأ الاخصائيين

    الاجتماعيين على مستوى الجمهورية وهما الاستاذ طارق والاستاذ ياسر والاستاذ عماد وقال ادامهم لازم تجتمعوا معاهم ويقوموا بدورهم

    لانى دور اتحاد الطلبة اهم شىء وده اللى هيخلينا نحل المشاكل وانا معاكوا ولو كانت المشكلة انكم تيجوا الصبح حاضر

    هتيجوا بس توعدونى انكم هتتغيروا وفعلا وعدوه المدرسين بده_ وفعلاده حصل والاستاذ طارق جابلى يوم الخميس الى فات ورقة

    بمواعيد الاجتماعات بتتاعتنا_ارجع اكمل الاجتماع وقالى الاستاذ موسى فى الاجتماع اعرض كل حاجة عايزنا واللى زمايلك قالوها

    دلوقتى ولو متنفذتش هبقى فيه كلام تانى وده فعلا اللى اتفقناعليه انا ومجلس الاتحاد والمدرسة انى لو اى طلب متنفذ احنا

    هنعمل مظاهرة بس المرة دى باقالة هيئة التدريس بأكملها وده اللى قالوا الاستاذ موسى كمان وقال انى لما الاستاذ يخرج بره

    البلد ويغرم (جوز جنيهات) بنفس اللفظ اللى حضرته قالو هيعرف وقتها انه كان فى نعمة المفروض كان صانها

    وفعلا احنا اهه جينا الصبح وانشاء الله اوعد كل المنتدى بالنيابة عن المدرسة وزمايلى انى انشاء الله المدرسة دى هتتغير

    وان متغيرتش لينا هتتغير للبعدنا وهنحاول نعلم اللى اصغر مننا انهم مايسكتوش عن الحق زى ماسكتنا كتير وانهم يحاربوا

    كل فساد وانا اتفقت مع الاستاذ طارق اننا هنشرك معانا ناس فى مجلس اتحاد الطلبة جداد لانى الموجودين ليسوا على المستوى

    كفء لنتعدى المرحلة المقبلة وانهم دخلوا لمجرد انه امين لفصله ومختارلانه بيكتبش اسم زميله اللى اختاره اثناء عدم وجود

    مدرس فى الفصل وانشاء الله هيبقى فى ناس من المتمزين فكريا داخل المجلس وهقول فى اخر الموضوع على الورق والطلبات

    اللى احنا مجهزنا لاول اجتماع

    المهم هنتنقل لموضوع تانى

    وهو مدرسة البنات انا للاسف غابت عنى مجموعة من الاحداث وقت ماكنا فى الاجتماع انا اتحكالى انهم واحنا جوة فيه مدرسين

    وغفر ضربوهم فجيريو ا ومعرفش ليه هما راحوا مدرسة البنات بس احب اوضح انى الى خبط بالطوب دول ناس كانوا راجعين من الصناعة

    وكان ده وقت خروجهم ولاقوا انى فيه ناس كتير فقالوا يلا اهه اى حاجةهيصة Very Happyهه

    وعايز اقول لكل الناس فى بلدنا الحبيبة انى كل ثورة او مظاهرة ليها عيوبها زى ماليها فوائد اننا مانحكمش على الطلبة

    كلهم لمجرد انى قلة كانو من العايدين فى تالتة ومن الصناعة كان ليهم دور سلبى وهمجى وزى ماكان فى ثورة الشباب فوائد

    كان فيه اضرار وتخريب زى اللى حصل فى المتحف المصرى


    انا بس بوصل اللى حصل واسف على اسلوب كلامى وبجد والله انا عايز اقول لكل امياى انى اى حد عمل شغب فى يوم الاربعاء انى دول

    كانوا قلة لا تمثل اى جزء مننا وانشاء الله المستقبل احسن وياريت تكملواجميلكوا وتتنتظروا علينا الترم ده بس ونشوف النتيجة

    واننا اتفقنا واحنا بعض الطلبة اننا ننفذ كل حرف وعدت بيه ودول الاسماء الللى معانا واللى هيسعدوا فى تقديم المشاكل وحتى

    لو جه الامر اننا نساعد العمال فى النظافة هنساعد


    1 : محمد مهدى عبد العظيم

    2 : محمد بهى أحمد

    3 : محمد على مهدى

    4 : احمد جمال موسى

    5 : كريم مجدى السيد

    6 : محمد ماهر عبد العظيم

    7 : محمد ربيع عبدالمرضى

    8 : محمد عبدالوهاب الجندى

    9 : احمد جمال مهدى

    10 : خالد وحيد

    11 : امام ايمن امام

    12 : فادى صلاح

    13 : انس ياسر

    14 : أحمد حامد عبدالسميع

    15 : ابراهيم شعبان سويلم

    وانشاء الله هنحاول نزود عددنا لحد مانوصل لكل طلاب المدرسة والله الموفق

    اه وعايز اوضح شىء ويدل اننا بدأنا فعلا نشتغل

    مصاريف الصيانة التى اتت للمدرسة لم ينفذ بها اى شى كما يقولو لنا ولكن كل شىء جدد فى المدرسة كان من مدرسة الابتدائى زى تركيب 6

    لمبات فى جميع الفصول تجديد المقاعد دهان بعض المناطق داخل المدرسة تركيب 15 لمبة فروسينت داخل معمل العلوم وتجديد المعمل

    ده كله الابتدائى عمله بالفلوس اللى جتله طيب فين فلوس الاعدادى اللى جاية للصيانة

    واحب اوضح انهم قالوا لينا يوم الخميس انهم خفضوا سعر الكتب الى 11 جنيه من 15 مع العلم اننا دفعنا فى الترم الاول 25 جنيه

    زى مدرسة البنات والترم ده فيه ناس دفعت 15 مع انى البنات استلموا ب10ومعنى انهم خفضوا اسعار الكتب انى اصلا كان فيه سرقة

    اصل مش معقول هتنزل من 15 الى 11 طيب اللى 4 جنيه لازمتهم ايه من الاول وكانوا رايحين لمين ؟

    وياريت الاعضاء يساعدونا اذا احتجنا مساعدة عشان نعدى المحنة الى المدرسة فيها دى

    انا هقول كام ملحوظة قبل ما انهى موضوعى :

    1 : انا حكيت من وقت ماوصلت المدرسة ومعرفش هل حدث اى شىء قبل ماجيئى ام لا وبجداناحكيت بكل صراحة وعايزين نلقى المساعدة من حضراتكم

    2 : ياريت الكل يعرف انى لا المدرسين ولا الادارة هما محور التعليم ولكن التلميذ هو الاساس فى المقام الاول

    وزى ما انتوا حاولتوا احنا كمان جه دورنا نحاول ونغر اللى احنا فيه بأدينا

    3 : وبعتذر بالنيابة عن جميع زملائى الى مدرسة البنات وبجد احنا اسفين على الى حصل ده

    نشكر عمدة القرية الذى حضر معنا واهتم بينا وحضر ايضا يوم الخميس مع الاستاذ الجليل المحترم الاستاذ جميل مدير

    التعليم الابتدائى الذى القى كلمة مليئة بالمعانى اثرت فينا وقال (انكم لم تقوموا بثورة او الذى انتم فيه الان ليس نصر

    ولكن انت طردت اخوك الصغير وجيت مكانه ) وكلام كثير مليىء بالحكمة

    وبجد احنا هنحافظ على مدرستنا وانها انشاء الله هتكون احسن وارقى مدرسة فى ادارة طوخ

    وده رابط فيديو اثناء المظاهرات ودخول العمدة الى المدرسة
    http://www.herosh.com/download/7680553/______.mp4.htmlتعالى نفتح صفحة جديدة >[img]
    تعالى نفتح صفحة جديدة 643190932">


    عدل سابقا من قبل mohamed 96 في 5/3/2011, 1:49 pm عدل 3 مرات
    avatar
    جودة
    مشرف روابط العاملين بالخارج


    النوع : ذكر
    عدد المشاركات : 789
    العمر : 42
    تاريخ التسجيل : 14/06/2009
    تعالى نفتح صفحة جديدة Creative_writer

    للأهمية رد: تعالى نفتح صفحة جديدة

    مُساهمة من طرف جودة 5/3/2011, 1:16 am

    هناك بعض الملاحظات على الموضوع يا استاذ محمد لو سمحت.

    1- انك قلت إن أستاذ سلامة قال ما تعملوش ثورة،،يعني أستاذ سلامة كان عارف إن فيه شيء مدبر من قبل كده،، ولا أيه يا أستاذنا.

    2- حالة العصيان ال انت بتقول عليها دي ،، تعني أيضا ان ده كان شيء مدبر سواء بقى بعلم سلامة أو غيره ،، بس فيه واحد أو

    أكثر قال للطلبة ما تشتغلوش ما المدرس في الطابور.

    3- لماذا تقسم انك لا تأخذ درس خصوص عند السيد سلامة،، هل هذه قاعدة لا يجب الخروج عليها؟ ولا ليه انت بتقسم يعني.

    موضوع ان الطلبة يتركوا الطابور و يخرجوا يضربوا و يقذفوا بالتراب (( من ادراك ان احدى مدرسات ابتدائي ليست أمك أو

    خالتك أو عمتك)) يدل أيضا بما لا يدع مجالا للشك وجود ترتيب و خطة مسبقة من الليل لعمل هذا التهريج الغير مسئول.

    فيه نصيحة بس انا هاقولها ليك ممكن تستفيد بيها لو أردت ،، بالتأكيد المدرس و الإدارة جزء مهم جدا بل الجزء الأكبر تأثيرا في

    العملية التعليمية ،، و كم من طالب تسرب من التعليم بسبب سوء ادارة مدرسته ،، فلو أردتم التغيير حقا ،،

    لا تتجهوا لتنظيف الحوش ،، دي مش شغلتك أنت شغلت يا حبيب إنك طالب و فيه واحد بينظف ليك الحوش و الفصل

    و لو تسترت عليه ها تساعده على الفساد. هو بياخد مرتب على كده.

    لكن مهمتك إنك تبلغ عن المدرس ال بيجبرك على الدروس الخصوصية،، و عن المدير ال ما بيدومش في معاده،، وعن الوكيل ال بيسيبك

    و يروح الغيط ،، وعن الفراش ال ما بيشفش شغله صح.

    دي وظيفة كل طالب إنه يحرص على اداء مهمته الوحيده و الأساسية في الفترة دي و هي التعلم ،، و يحارب أي حد بيحول بينه

    و بين حقه ده،، أو بيكرهه في التعليم من الأساس,

    ووظيفة اتحاد الطلبة أو رئيس اتحاد الطلبة زي ما حضرتك قلت إنه يكون رقيب على المنظومة كلها من إدارة او مدرسين أو عمال و يبلغ

    مجلس الأباء بأي تقصير يصير في هذه المنظومة ،، ولو لم يتخذ مجلس الأباء موقف يصعد اتحاد الطلبة موقفه إلى الإدارة التعليمية ،، مش

    تقولي تكنس انت مهمتك انت و زميلك أقوى و انبل من كده بكتير (( مع كامل احترامي لكل عامل مدرسة بامياي )) مهمتك إن الطلبة انتخبوك

    لتدافع عن حقوقهم و توصلها لمجلس الأباء و إلى الإدارة أو الوزارة إن لزم الأمر.


    الموضوع محتاج شفافيه أكثر لأن واضح جدا من كلام الشاهد الأستاذ محمد إن فيه حد مدبر الموضوع من الأول للآخر،، لو الطلبة نفسهم عايزين

    فعلا يتغيروا زي ما صرح الأستاذ محمد و كل الأفاضل ال 15 ال ذكرهم يجب كشف الحقيقة و عدم الخوف أو الخجل.من اجل مستقبل أفضل لهذه

    المدرسة تحديدا التي اصبحت رمزا للفساد التعليمي بالبلد.و هذا رأيي الشخصي . وEmbarassed.
    avatar
    ابراهيم عثمان
    مشرف قسم إمياي الحبيبة
    مشرف قسم إمياي الحبيبة


    النوع : ذكر
    عدد المشاركات : 864
    العمر : 55
    تاريخ التسجيل : 10/11/2010
    المهنة : تعالى نفتح صفحة جديدة Unknow10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Unknow11
    مزاجي النهاردة : تعالى نفتح صفحة جديدة Pi-ca-51
    تعالى نفتح صفحة جديدة 30

    للأهمية رد: تعالى نفتح صفحة جديدة

    مُساهمة من طرف ابراهيم عثمان 5/3/2011, 5:09 am

    اخى العزيز

    الاحظ بأنك لست من كتبت ذلك فهو مكتوب بواسطة االمدرسين الذين ساهموا بفكرهم فى تلك الاحداث

    فنحن لم نشاهد تلك الاحداث فى ايام دراستنا بالاعدادى او الثانوى ولم يتم اجبارنا على الدروس الخصوصية

    واذا كنت لا تستطيع ان تقوم بواجبات امين اتحاد الطلاب فاترك تلك المسؤلية لمن يستطيع القيام بها

    وانا مع اخى جودة فيما قال بواجب الاخذ بنصيحته

    واذا كان هناك مدرسين فاسدين فيجب عليكم محاربتهم بكافة الوسائل وعندكم من الاشخاص من يستطيع مساعدتكم فى ذلك

    نتمنى ان نراكم من الطلاب المتفوقين لتكونوا مثالا للجميع ولتكونوا مستقبل زاهر نفتخر بكم دائما

    لكم تحياتى
    صلاح محمد حسانين
    صلاح محمد حسانين
    المدير العام


    النوع : ذكر
    عدد المشاركات : 6402
    العمر : 60
    تاريخ التسجيل : 28/06/2009
    المهنة : تعالى نفتح صفحة جديدة Profes10
    البلد : تعالى نفتح صفحة جديدة 3dflag10
    الهواية : تعالى نفتح صفحة جديدة Writin10
    مزاجي النهاردة : تعالى نفتح صفحة جديدة Pi-ca-10

    للأهمية رد: تعالى نفتح صفحة جديدة

    مُساهمة من طرف صلاح محمد حسانين 5/3/2011, 6:47 am

    السلام عليكم ورحمة الله
    الابن العزيز الغالى الاستاذ محمد
    كم سعدت بما كتبته وهذا ينم انك اكيد انسان كويس ومحترم ومن اسرة فاضله نأتى الى صلب الموضوع
    انى اختلف مع الاستاذ جودة والاستاذ ابراهيم عثمان فى ان ما حدث امرا مشين او معيب لا انه امر جميل ان تعبر عن مطالبك وهذه اول مكاسب الثورة ولكن هناك خطوات يجب ان تكون قد انجزتها قبل التظاهر وهى طرق الابواب الشرعيه للرأى بمعنى انك رئيس اتحاد الطلبه لابد ان تكون مطالبكم مدونه فى محاضر اجتماعات مجلس الطلبه واننها لم تجد استجابة من ادارة المدرسة فى هذا الوقت يحق لك ان تنتقل الى سقف اخر اعلى من اتحاد الطلبه وهو مخاطبة الادارة التعليميه بهذا الخصوص وان لم يستجب لك يتم مخاطبة الجهات المسئوله رسميا بخطاب توضح فيه نيتكم فى الوقوف لو نصف ساعه بالطابور وعدم استخدام حتى الفاظ تسىء الى اصحاب القرار
    وقفة حضارية بمنتهى الرقى ثم تصعدوا الى فصولكم وتجدوا فى تحصيل علومكم وتتركوا فرصة للادارة بتوصيل رغباتكم وان لم يستجاب لهم ولكم يتم الخروج الى الشارع باسلوب متحضر
    نأتى لامر اخر لا يجب ان تدافع عن معلم ان كان متهما بالتحريض فأنت لا تعلم النوايا وذكرت انك لست من طلاب دروسه ومع انى اقول لو كان له دور فى التحريض ليس عيبا ان ينمى عند طلابه طرق التعبير عن الراى بأسلوب راق الاستاذ سلامه رجل محترم بصرف النظر عن موقفه من المنتدى وانه يعتبره وسيلة هجوم عليه وهذا مخالف تماما للحقيقه واننا بكل تأكيد نبتغى ان تكون مدرسة امياى الاعدادية للبنين اول مدرسة فى التصنيف على مستوى الجمهورية وهذا شرف لنا وله
    ونحترم كل الاخوه المعلمين والاداره بالمدرسه ونعلم مدى حرصهم على مستقبل اولادنا ولكن هناك دائما فئة تلوث نقاء الاخرين وهى ظاهرة وواضحة والكل يعلمها وانا اؤكد انهم ليسوا من المعلمين
    يبقى دور الطلبه فى التحدى وتحويل دائما محطات الظلام الى نور وتحويل المعوقات الى دافع للرقى
    وكما ذكرت اعرف الكثير من ابنائى الطلبة واعلم انهم غاية فى الذكاء وانهم رموز جيدة وعقليات رائعه وكانوا دائما فى مقدمة الترتيب بل يتعدى مستواهم الكثيرات من الطالبات فى المدرسة الاخرى وانى لشديد الحزن لما وصلوا اليه من رضوخ واسثسلام انهم اقل من الطالبات فى المستوى لا والف لا اعلم انكم قادرين على تحقيق نتائج مبهرة تعلى منكم وانا على ثقة انكم سيكون لكم كلمة فى الترم الثانى فى كشوف التفوق
    ولسوف اعلنها على بنر المنتدى انكم جيل يحق لامياى باسرها ان تفخر به
    وانا هنا اقدم اعتذارا لاى معلم زج بأسمه دون التحقق من دوره فى حدوث الامر وهذا حقه لاننا لسنا فى عداء مع احد نحب الجميع وابناء بلد واحد ويهمنا جميعا مستقبل الابناء

    وفقكم الله وجعلكم ممن يستمعون القول فيتبعون احسنه
    وكم انا فخور بكم تقدموا للامام اريد ثورة ثورة ولكن ثورة علميه ومنافسة شريفه ورقى بالذات واحترام للكبير والمعلم فأنتم خير الابناء لخير البلاد
    mohamed 96
    mohamed 96
    عضو جديد
    عضو جديد


    النوع : ذكر
    عدد المشاركات : 8
    العمر : 28
    تاريخ التسجيل : 04/03/2011
    المهنة : تعالى نفتح صفحة جديدة Unknow10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Unknow11
    مزاجي النهاردة : تعالى نفتح صفحة جديدة Pi-ca-10

    للأهمية رد: تعالى نفتح صفحة جديدة

    مُساهمة من طرف mohamed 96 5/3/2011, 10:10 am

    Embarassedجزيلا لاعضاء المحترمين أ)جودة أ)ابراهيم عتمان أ) صلاح محمد حسانين
    الذين تشرفت بردهم على موضوعى

    اولا انا هرد على كلام الاستاذ المحمترم جودة
    هل انا مجبور على كتابة هذا الموضوع لا ابدا بس مجرد انى سرت احداث الى حصل هل معنى ده انى متفق مع اللى كتبته فى الرأى
    وثانيا وانى جاى ابلغ سيادتكم برسالة ووعد اتقنا عليه كلنا ونستفيد من توجهاتكم
    ثانية اكيد الاستاذ سلامة عارف بصفته قريب من الطلاب سواء فى المدرسة او فى الدروس فأكيد هو عارف ومش معنى انه هو اتكلم هيبقى هو اللى محرض وقايل
    وبرده هرجع اقول الله اعلم ممكن فعلا يكون هو قال او غيره قالوا بس انا والله معرف انا بقول اللى حصل
    ثانيا اكيد مش قاعدة انى اروح عند اى مدرس بس انا قسمت عشان عارف انى فيه ناس هتطلع بعدى ترد عليا وتقولى انى كلامى على لسان اخارين وانى مدفوع من حد مع انى والله ابدا
    وكمان هل حضارتكم مش شايفين انى طالب الاعدادى ممكن يعمل شىء من نفسه ياريت نحط الاحتمال ده عندنا لانى طالب الاعدادى مش صغير وممكن
    بفكر واحد بس ينساق وراه المدرسة كلهم لانى زى مافيه 10بيفكروا فيه بقيت المدرسة 150طالب مع الهيصة وخلاص بس انا بجد مش عارف اللى حصل ده بتفكير طالب ولامدرس ولامين ؟
    واحب اقول للاستاذ جودة انى هاخد بنصيحة حضرتك الحكيمة دى وانا فعلا كات كتبت الموضوع مش لمجرد انى عايزنكم تقولوا ليا Embarassed او كلمة ثناء بس عشان اخد من حضراتكم توجهات ممكن اكون انا مش شايفها وحكاية اننا مش احنا اللى ننظف دى اول شىء استفدنابيه من المنتدى المحترم ده وفعلا احنا بدل ماهنظف هنطالب بعمل الفراشين واداء عملهم على اكمل وجه
    وعايز اقول للاستاذ جودة يارت اكون زى ابن حضرتك الصغير وتدينى الشرف ده ومافيش داعى للالقاب وبلاش كلمة استاذ دى
    وكمان احنا فعلا انشاء الله هنقوم بعملنا كمجلس طلاب على اكمل وجه .وEmbarassed على مروركم
    وهكمل ردى على مرور الاعضاء أ)ابراهيم وأ)صلاح
    وياريت لواى عضو عنده نصيحة يقولها لاننا فى امس الحاجة لنصيحته دى

    mohamed 96
    mohamed 96
    عضو جديد
    عضو جديد


    النوع : ذكر
    عدد المشاركات : 8
    العمر : 28
    تاريخ التسجيل : 04/03/2011
    المهنة : تعالى نفتح صفحة جديدة Unknow10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Unknow11
    مزاجي النهاردة : تعالى نفتح صفحة جديدة Pi-ca-10

    للأهمية رد: تعالى نفتح صفحة جديدة

    مُساهمة من طرف mohamed 96 5/3/2011, 10:27 am

    ارد تانى على كلام الاستاذ ابراهيم
    لا استاذ ابراهيم ده كلامى ومش كلامى لوحدى ده كلام على لسان بعض الطلاب ولو حضرتك كنت تعرفنى ماكنتش قولت الكلام ده لانى لابخاف من حد ولاتبع حد ولا بكتب كلام غصب عنى
    ثانيا انت كدة احبطتنى انا شخصيامن قبل ما ابدأ عملى بس ازاى انا مش بقوم بواجبى من غير ما يكون لينا اى اجتماعات لمجلس الاتحاد على فكرة اول اجتماع لسة يوم الاحد وده اول اجتماع من تلت سنين ده اول اجتماع لسة
    وياريت تتمهل فى حكمك علينا لو حضرتك شوفت اننا ماغيرناش احنا من غير ماتقول هنتخلى على دورنا كمجلس اتحاد طلبة
    وانا فعلا استاذ ابراهيم هاخد بنصايح الاستاذ جودة
    وEmbarassed على مرور حضرتك
    ونقدك البناء ليا
    mohamed 96
    mohamed 96
    عضو جديد
    عضو جديد


    النوع : ذكر
    عدد المشاركات : 8
    العمر : 28
    تاريخ التسجيل : 04/03/2011
    المهنة : تعالى نفتح صفحة جديدة Unknow10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Unknow11
    مزاجي النهاردة : تعالى نفتح صفحة جديدة Pi-ca-10

    للأهمية رد: تعالى نفتح صفحة جديدة

    مُساهمة من طرف mohamed 96 5/3/2011, 10:39 am

    وأرد على مرور استاذنا الجليل أ)صلاح
    بس يا أ)صلاح أدون فى محاضر اجتماعات مجلس الاتحاد ازاى من غير مايكون فيه اصلا اجتماعات
    بس انشاء الله الكلام ده هيتعمل من الان
    واقول لحضرتك اننا هنسير على الخطوات اللى حضرتك ذكرتهم وهنسير بخطوات رسمية لحل مشاكلنا
    وبالنسبة لنقطة الاستاذ سلامة انا مدفعتش عنهلا ولا نقدته انا قولت اللى حصل مش اكتر
    Embarassed Embarassed Embarassed
    على ثنائك علينا ومدحك فينا وانشاء الله هنكون عند حسن ظن حضرتك
    وياربت نشوف اقتراحات تانية وردود من باقى الاعضاء
    مصطفي الجندي
    مصطفي الجندي
    مشرف المنتديات التعليمية
    مشرف المنتديات التعليمية


    النوع : ذكر
    عدد المشاركات : 2535
    العمر : 36
    تاريخ التسجيل : 29/06/2009
    المهنة : تعالى نفتح صفحة جديدة Fisher10
    البلد : تعالى نفتح صفحة جديدة 3dflag10
    الهواية : تعالى نفتح صفحة جديدة Travel10
    مزاجي النهاردة : تعالى نفتح صفحة جديدة Pi-ca-20
    تعالى نفتح صفحة جديدة 3h210

    للأهمية رد: تعالى نفتح صفحة جديدة

    مُساهمة من طرف مصطفي الجندي 5/3/2011, 1:06 pm

    انا مش مقتنع
    بس ممكن؟
    علامات استفهام كتير حول الموضوع
    اتمني الافضل
    ولكن هل من الممكن ان يكون هذا الموضوع اجنده مرتبه؟
    حتي ثورة الطلاب اقتحمتها الاجندات وهذا يقين مني بذلك
    وEmbarassed
    engineer
    engineer
    عضو مؤسس
    عضو مؤسس


    النوع : ذكر
    عدد المشاركات : 925
    العمر : 45
    تاريخ التسجيل : 06/09/2009
    المهنة : تعالى نفتح صفحة جديدة Engine10
    البلد : تعالى نفتح صفحة جديدة 3dflag23
    مزاجي النهاردة : تعالى نفتح صفحة جديدة Pi-ca-10

    للأهمية رد: تعالى نفتح صفحة جديدة

    مُساهمة من طرف engineer 5/3/2011, 2:10 pm

    الأخ الفاضل ا / محمد بارك الله فيك

    لكم أنا سعيد بوجود رجل مثلك عنده من النضج الفكرى ما يفرح القلب وعنده من الجرأة ما إفتقدناه ونحن صغار وفى سنك ولكن أخى الفاضل لى اليك نصيحة أرجو أن تتقبلها من أخيك الأكبر :
    *إن كان كلامك دفاعا عن حق وإبطالا لباطل فحياك الله يا أخى الكريم وبارك الله فيك وفى والديك
    *وإن كان غير ذلك فحرى بك أن تترك ذلك الأمر ولتعود نفسك على الصدق .
    وفى الحالتين أخى الكريم تعود أن تترك الفتن وأن تنأى بنفسك النقية التى لم تصبها أدران الدنيا عن مواضع الشبهات والفتن والملمات
    أخى الفاضل صاحب العقل الكبير والفكر المستنير لكم كنت أنتقد نفسى وأنا فى مثل سنك أننى كنت ممن يضرب بهم المثل فى الخجل والعزلة عن الناس لأبعد حد (كانوا بيقولولى يا براوى!!)
    وبالطبع هذا فيه من النقص الكثير ولكن عندما كبرت وجربت بنفسى الزج بها فى مواضع الشك والريبة ندمت كثيرا وكنت أبرر ذلك بالرجولة وحب طرح الرأى وخلافه ممن يصيب الشباب ممن هم فى مثل سنك .
    ووددت لو ظللت خجولا كما كنت أفضل من أن أضع نفسى فى موضع لست له بأهل بل ولا أهلى لهذا الموضع بأهل .
    أقول ذلك أخى الكريم الفاضل ولست بناقد للموضوع المكتوب فى ذاته -فالأمر كما قلت أنا أنه يرجع اليك.
    ولكن أقول ذلك لما أخشاه من أن تكون يا أخى العزيز (وأنا أظنك من أصحاب الفكر الواعى والعقل الناضج)فيما بعد أداة تتحرك لتصنع ولو مشكلة واحدة تظل عليها نادما أبدا
    يا عزيزى وأخى الأصغر عجبت لطلبك من الآخرين أن يردوا عليك لو كان لديهم إستفسارات ،
    كان من الواجب أن تطرح هذا الموضوع الذى أرى أنه أخذ أكثر من حجمه - وأنا أقصد ما أقول وتكتفى بذلك فلقد بينت الموقف تبيينا واضحا .(وللمشكلات رجال يقومون بحلها )
    أريدك أخى أن تولى الدراسة اهتمامك الأعظم والأكبر فبها ترضى الوالدين وبالتالى ترضى الله عز وجل
    وأنصحك بذلك القانون ما حييت : درء المفاسد أولى من جلب المصالح
    وأن تختار أخف الضريين وأعظم المصلحتين
    ولا أتمنى أبدا أن يظهر فى بلدنا جيل من الأولاد كلما أراد يسيرا قام بمظاهرة !!!!!!!!!!!!
    وأذكرك بقول حبيبك المصطفى صلى الله عليه وسلم (الحلال بين والحرام بين وبينهما أمور مشتبهات فمن إتقى الشبهات فقد إستبرأ لدينه وعرضه ومن وقع فى الشبهات وقع فى الحرام كالراعى يحوم حول الحمى يوشك أن يقع فيه )أو كما قال صلى الله عليه وسلم
    أسأل الله تعالى أن يبارك فيك وأن ينفع بك الإسلام والمسلمين وأن يجنبك الفتن ما ظهر منها وما بطن
    مهندس جودة ربيع عياد
    مهندس جودة ربيع عياد
    الشخصيات الهامة
    الشخصيات الهامة


    النوع : ذكر
    عدد المشاركات : 382
    العمر : 45
    تاريخ التسجيل : 19/09/2010
    المهنة : تعالى نفتح صفحة جديدة Engine10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Travel10
    مزاجي النهاردة : تعالى نفتح صفحة جديدة Pi-ca-24
    تعالى نفتح صفحة جديدة 32

    للأهمية رد: تعالى نفتح صفحة جديدة

    مُساهمة من طرف مهندس جودة ربيع عياد 5/3/2011, 7:52 pm

    أخى محمد ..تقبل تحياتى...

    أنا فخور بك وبأسلوبك وبثقتك فى ذاتك...وهذا ليس بغريب على جيلك والأجيال القادمة...أن أستشعر هذا من طفلتى الصغيرة ذات الأربع سنوات..أشعر بأنها لديها ثقة فى نفسها ومبادرات تفوق توقعاتى وقنعاتى الشخصية..ولذلك متوقع من الأجيال القادمة الكثير والكثير...

    أعود بك من حيث بدأت حديثك..

    أستهللت موضوعك بأنك أشتركت معنا بالمنتدى من أجل سبب واحد..وهو الدفاع عن صورة مدرستك وتوضيح الصورة لنا..وأنا أختلف معك فى هذا الدافع من إشتراكك بالمنتدى..فإذا كنت هنا فقط للدفاع عنك وعن زملائك وعن مدرستك..نحن ليس من نمنحك هذا الشرف ونحن لن نساعدك فى توضيح الصورة..أنت وزملائك من تقوموا بإثبات ذلك لنا فى الأيام القادمة,,وبالإخص مع نتيجة نهاية العام..هنا سوف تثبتوا أنكم فعلا طالبتم بما يدفعكم للتفوق وتحسين الصورة وليس لمصالح أخر...

    أيضا بدأت حديثك وتبرأت من التحدث باللغة العربية وأحببت أن تتحدث بللغة العامية..هذا غير مبشر بالخير لطالب فى عمرك يريد أن يتحدث بلغة البسطاء..كيف عندما تصبح مستقبلا وزير أو دكتور جامعى أو مدرس أو محاضر..هل ستتعود على اللغة العامية وتدخل فيها مصتطلحات الشباب والروشنة !!!أرجوك تمسك وتعود على الحديث باللغة العربية حتى تستطتيع أمتلاك زمام اللغة وكنوزها..

    بخصوص نظافة المدرسة والمشاركة فيها ...قال أخى الفاضل الأستاذ جودة رأيه وهو صحيح..ولكن..كنت متوقع منك رد تحاورى وليس تصديق على الرأى..مثلا: كنت تؤيد رأيه بأن فعلا مهام النظافة من واجبات العمال والفراشين بالمدرسة..ولكن مهام الطلاب أيضا أن يحافظوا على نظافتهم ونظافة أماكن تواجدهم فليس دورك أن تنظف ما أفسده الأخرين ولكن دورك أن تمنع نفسك والأخرين من رمى المهملات فى غير أماكنها..وفى المحافظة على المظهر العام..



    أخيرا وحتى لا أطيل عليك...

    عبر عن رأيك وأحترم رأى الأخرين..وتظاهر وأرفض الظلم ..وأشترك فى حوارات مع جميع الفئات والأعمار..ولكن قبل ذلك قم بدورك الذى سخرت له..وهو أنك طالب بمرحلة دراسية وأمامك أهداف لابد من تحقيقها ...

    تقبل تحياتى وأرجو لك ولزملائك التوفيق....كم سأكون فخورا بكم لو سمعت ان من بينكم طالب له ترتيب على الجمهورية.سوف تضع أسرتك ومدرستك وقريتك فى منزلة إفتقدنها منذ زمن ..
    avatar
    أحمد الله
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 6069
    العمر : 36
    تاريخ التسجيل : 17/04/2009
    مزاجي النهاردة : تعالى نفتح صفحة جديدة Pi-ca-18
    تعالى نفتح صفحة جديدة 30

    للأهمية رد: تعالى نفتح صفحة جديدة

    مُساهمة من طرف أحمد الله 6/3/2011, 2:33 am

    السلام عليكم ورحمة الله وبركاته

    ازيك يا محمد .... يارب تكون تمام وكل مدرسة الاعدادى كويسيين

    سعدت جدا لقراءة موضوعك ( بغض النظر عن طوووله Very Happy ) .. بس بجد سعدت جدا لتواجدك بأسلوبك معانا على صفحات المنتدى

    وكمان فى الأول حابب أقول ان كلنا هنا حابيين كل الخير لمدرسة البنين ( وكلام فى سرك .. عايزنها أحسن من البنات ) وعارفين ان فيها طلبة متفوقين جدا كتييييييييير ...ولازم تكون ليهم الغلبة وفى الثانوى كمان ___ ماحدش يكره المنافسة فى التفوق

    ماتعرفش أد ايه فرحنا جدا لدرجات المدرسة ف الترم الاول .. وناس كتيير مننا هنأت الأستاذ مصباح ( بصفته قريب مننا ومن طلبة اعدادى ) على المستوى دا


    __________

    بالنسبة للموضوع

    بغض النظر عن أحقيتكم فى الفترة الصباحية ( وان كان زى ماقولت مش مهم أوى .. بس هتكون أحسن ) .. بس الطريقة فى المطالبة بيها أفتكر انها غلط

    حتى لو كانت زى ما الأستاذ صلاح قال ... انها ثورة _____ هل أسهل الطرق للمطالبة بالحق هى الثورة التى فى أغلب الاحوال لايمكن السيطرة علي غالبيتها أو معرفة آثارها

    لكن خطوة كويسة جدا انكوا توعدوا من أجل مستقبل أحسن وياريت تحاولوا تنفذوا دا

    وزى ما الأستاذ جودة قال ... مش وظيفتكم أنكم تنظفوا ولا تشرحوا ( علشان صاحب الوظيفة ما يكسلش ) بس ممكن تساعدوا


    وزى ما انت قولت ان اتحاد الطلبة لازم يشتغل ....

    اما موضوع الأزمة اللى حصلت فى اليوم اللى قولتوا عليه ...(( مش هكدبك ولا هكدب محمد الكومى ))

    بس ممكن نقول ان حقكم فعلا وصل ... بس لازم نصل اللى فات من أحداث

    ممكن تشكلوا وفد من الطلبة وتعتذروا ( مش هقول تتعتذروا .. ممكن نخليها تصفوا أموركم سوا وتهدوا الجو) لمدرسة الابتدائى ومدرسة البنات وتوضحوا موقفكم زى ما مدير الابتدائى جه اتكلم معاكم


    خلاصة .. علشان ما أطولش انا كمان ( Very Happy )

    اللى حصل حصل .. المهم اننا نصلح الضرر اللى فات ونصالح بعض ونتطور من مستوانا التعليم والضمير ونخلى بالنا من الفساد ( دا اللى ما نسكتش عليه )



    ...........

    مرة تانية .. مرحبا بيك معانا فى بيتك على النت
    mohamed 96
    mohamed 96
    عضو جديد
    عضو جديد


    النوع : ذكر
    عدد المشاركات : 8
    العمر : 28
    تاريخ التسجيل : 04/03/2011
    المهنة : تعالى نفتح صفحة جديدة Unknow10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Unknow11
    مزاجي النهاردة : تعالى نفتح صفحة جديدة Pi-ca-10

    للأهمية رد: تعالى نفتح صفحة جديدة

    مُساهمة من طرف mohamed 96 6/3/2011, 4:01 pm

    Embarassed للاعضاء الكرام الاستاذ مصطفى .الباش مهندس .والباش مهندس جودة .واحمدالله
    اممممممممم ارد الاول على الاستاذ مصطفى واقول لحضرته لكم ارائكم ولى اراء
    واختلاق الود لايفسد للود قضية بس حضرتك مش شاف انك مكبر الموضوع شوية انا شايف انى كلمة اجندات مرتبة كبيرة على حجم الموضوع وبرده احترم رأى حضرتك .

    وEmbarassed جدا على كلامengineer واكيد الكلام الحكيم هذا لايأتى الامن انسان فعلا ناضج الفكروذو عقلية نادرة
    وEmbarassed على نصايح حضرتك الغالية دى وانشأء الله احاول العمل بها واكيد طبعا الدراسة ورضا والديا عنى اهم من اى حاجة بس ده ميمنعش انى اشارك ويكون ليا دور اجابى وفعلا انا كلامى ابطال لباطل ودفاعا عن حق بس من وجهت نظرى المتوضعة انى اللى احنا فيه دى مشكلة مش لازم ابعد عنها لانى انا وزمايلى اصحاب المشكلة وليس للرجال الذين ذكرتهم حل مشاكلنا ولكن على كل انسان حل مشكلته بنفسه . ورغم ذلك بعون الله سنوصل بالمدرسة الى اعالى المراتب وبدون اى مشاكل
    ومرة تانية اشكر حضرتك على نصايحك

    وانا مقتنع جدا بالمقولة دى عندما تطلق لخيالك العنان كي ترسم الصورة التي تحبها في حياتك فإنك بذلك تستخدم قوة التفكير الإيجابي في تغيير واقعك الذي لا تريده
    mohamed 96
    mohamed 96
    عضو جديد
    عضو جديد


    النوع : ذكر
    عدد المشاركات : 8
    العمر : 28
    تاريخ التسجيل : 04/03/2011
    المهنة : تعالى نفتح صفحة جديدة Unknow10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Unknow11
    مزاجي النهاردة : تعالى نفتح صفحة جديدة Pi-ca-10

    للأهمية رد: تعالى نفتح صفحة جديدة

    مُساهمة من طرف mohamed 96 6/3/2011, 4:17 pm

    ارد دلوقتى على الباش مهندش جودة
    انشاء الله هنسبت لحضرتك بمنتيجتا وتحسن احوال المدرسة وانناهنكون عن حسن ظن حضرتك فينا
    وموضوع اللغة العامية دى كان لازم يبقى موجودة فى الموضوع ده غصب عنى الموضوع هو اللى فرض عليا هيئته ونصه وليس انا
    وحضرتك كدة هتزعل مدرسين العربى مننااحم احم (استاذ مصباح)Very HappyVery Happyه
    وكمان بس نبقى نكون دكاترة او مهندسين الاول ووقتها يحلها ربنا Very HappyVery Happy
    وبالنسبة للنقطة اللى بخصوص تصديقى على كلام الاستاذ جودة انا كان اصدى اقول اننا مش هنساعد زى ماقولت بس هنمنع نفسنا و غيرنا اننا نحافظ على المردسة ولو جت على نفسنا بس ده هيكون فى حد ذاته كويس برده
    وانشاء الله هنحقق ما رجوت مننا وشكر على مرور حضرتك
    mohamed 96
    mohamed 96
    عضو جديد
    عضو جديد


    النوع : ذكر
    عدد المشاركات : 8
    العمر : 28
    تاريخ التسجيل : 04/03/2011
    المهنة : تعالى نفتح صفحة جديدة Unknow10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Unknow11
    مزاجي النهاردة : تعالى نفتح صفحة جديدة Pi-ca-10

    للأهمية رد: تعالى نفتح صفحة جديدة

    مُساهمة من طرف mohamed 96 6/3/2011, 4:37 pm

    Embarassed جزيلا للعضو الواعى والمرح أحمد الله
    وحضرتك كلامك ده خالانى اقتبس منه فكرة ياريت تحوز على اعجاب الجميع وتقولولى ايه رأى حضاراتكم فيها
    احنا نحاول نجمع من كل طالب (ربع جنيه )ونقدمه لمدير المدرسة ليقدمة الى مدرسة الاعدادية بنات تعويضا من الطلبة عما فعل من تكسير فى الزجاج والشغب لتصليح الزجاج الذى كسر من اجل ان نأكد للجميع أن ماافسدناه بأيدينا سنصلحه بأدينا
    ياريت حضارتك تقدموا رأيكم فى هذه الفكرة العابرة
    صلاح محمد حسانين
    صلاح محمد حسانين
    المدير العام


    النوع : ذكر
    عدد المشاركات : 6402
    العمر : 60
    تاريخ التسجيل : 28/06/2009
    المهنة : تعالى نفتح صفحة جديدة Profes10
    البلد : تعالى نفتح صفحة جديدة 3dflag10
    الهواية : تعالى نفتح صفحة جديدة Writin10
    مزاجي النهاردة : تعالى نفتح صفحة جديدة Pi-ca-10

    للأهمية رد: تعالى نفتح صفحة جديدة

    مُساهمة من طرف صلاح محمد حسانين 6/3/2011, 6:37 pm

    الابن الغالى محمد
    اصلح ان شئت فى مدرستك واهتم بها ولا تصلح فى مدرسة اخرى لان اهلها اولى بها
    والاهم من اصلاح الزجاج صلاح الحلم والطموح والاصرار سيبك من جمع الاموال واهتم بدراستك ولا تشغل بالك فالوقت ضيق والامتحانات على الابواب
    mohamed 96
    mohamed 96
    عضو جديد
    عضو جديد


    النوع : ذكر
    عدد المشاركات : 8
    العمر : 28
    تاريخ التسجيل : 04/03/2011
    المهنة : تعالى نفتح صفحة جديدة Unknow10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Unknow11
    مزاجي النهاردة : تعالى نفتح صفحة جديدة Pi-ca-10

    للأهمية رد: تعالى نفتح صفحة جديدة

    مُساهمة من طرف mohamed 96 6/3/2011, 6:54 pm

    اكيد يااستاذ صلاح الدراسة فى المقام الاول وانا افعل ذلك تماما
    وافصل بن اوقات المذاكرة واوقات فراغى
    وEmbarassed
    جزيلا على نصيحة الاب لابنه
    masry4ever
    masry4ever
    عضو فعال جدا


    النوع : ذكر
    عدد المشاركات : 77
    العمر : 27
    تاريخ التسجيل : 26/06/2010
    المهنة : تعالى نفتح صفحة جديدة Studen10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Sports10
    مزاجي النهاردة : تعالى نفتح صفحة جديدة Pi-ca-24
    تعالى نفتح صفحة جديدة Wesaam11

    للأهمية رد: تعالى نفتح صفحة جديدة

    مُساهمة من طرف masry4ever 6/3/2011, 7:05 pm

    اشكر اخي وصديق عمري محمد علي كل الي قاله دا .. ودي بجد رسالتنا لكل الناس الي خدوا عنا فكره وحشه وبجد احنا بنحاول نغير دا بكل الطرق وسنعمل بصمت ان شاء الله
    الساجدة لربها
    الساجدة لربها
    عضو ماسي
    عضو ماسي


    النوع : انثى
    عدد المشاركات : 330
    العمر : 27
    تاريخ التسجيل : 16/12/2010
    المهنة : تعالى نفتح صفحة جديدة Unknow10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Unknow11
    مزاجي النهاردة : تعالى نفتح صفحة جديدة Pi-ca-21

    للأهمية رد: تعالى نفتح صفحة جديدة

    مُساهمة من طرف الساجدة لربها 17/3/2011, 9:52 pm

    احنا اكيد بنتمنى انى مدارس البلدكلها تبقى فى تقدم دائما سواء كان بنين او بنات وياريت منعملش اى مظاهر تبين اننا مش فاهمين اى حاجة وانا اتمنى التوفيق للجميع
    مملكة الحياة
    مملكة الحياة
    عضو مشارك
    عضو مشارك


    النوع : انثى
    عدد المشاركات : 12
    العمر : 28
    تاريخ التسجيل : 28/03/2011
    المهنة : تعالى نفتح صفحة جديدة Unknow10
    البلد : تعالى نفتح صفحة جديدة 3dflag23
    الهواية : تعالى نفتح صفحة جديدة Painti10
    مزاجي النهاردة : تعالى نفتح صفحة جديدة Pi-ca-52

    للأهمية رد: تعالى نفتح صفحة جديدة

    مُساهمة من طرف مملكة الحياة 5/4/2011, 2:02 am

    شىء جميل انك تنظف مدرتك وتحافظ عليها زى بيتك بظبط وانا بجد مبسوطه من الطالب محمد على انه مشتركشى فى المظاهره وده بيدل على انه فاهم وبتمنى انى كل الطلبه يمشوا بنصيحته الجميله دى وانا طالبه وهمشى بنصحتوا دى انشاء الله وهوصلها لزميلى لكى نستغلها فى حياتنا المدرسيه واتمنى له التوفيق وكل من اشتركى معه فى هذا الموضوع

      الوقت/التاريخ الآن هو 1/3/2024, 1:22 am