يعنى إيه كوكاكولا زيرو؟؟؟!!!

* يعني بنت تدوخ وتقع من البلكونة في سوهاج تبقي من شهداء

الثورة

في ميدان التحرير

* يعني واحد يموت وهو بيهاجم قسم مدينة نصر يبقي برده
من شهداء الثورة عشان المفروض الشرطة تسيبه يهاجم القسم
لان ده حقه كمواطن عنده كرامة

* يعني تكون ثورة جميلة بتطالب بالديموقراطية واحترام الراي الاخر
بس اي حد يعارض اي حاجة فيها يبقي في قائمة
العار و **** و عميل النظام وليه مصلحة مع نظام العهد البائد

* يعني اما نشوف ضابط شرطة في الشارع نتريق عليه ونتلم عليه
ونضربه و نبقي احنا الضحايا

* يعني واحد قضي اكتر من نص عمره ما بين السعودية ودبي وامريكا
ونفوضه يتكلم باسم الشعب

* يعني واحد اتمسك في قضية عبدة الشيطان و اتمسك في قضية مخدرات
في دبي و نعمله علينا زعيم

* يعني ثورة نصمم علي تسميتها شعبية تطالب بالديموقراطية
و الشعب 48% منه امي لا يعرف يقرا و لا يكتب
و 70% منه لا يعرف معني كلمة ديموقراطية و لا يعرف الفرق
بينها و بين الليبرالية و الاشتراكية
و الشيوعية ومع ذلك ثورة ناجحة ناجحة ناجحة

* يعني كل يوم جمعه فيه مظاهرة تريليونية و لازم يكون لها اسم
و لما الاسامي اللي في مصر كلها خلصت قلنا ناخد اسم من الجيران
و نسميها جمعه ليبيا

* يعني علم مصر بقي ثمنه اربع اضعاف

* يعني كل الشباب في الشوارع بتنظف عشان حسني مبارك هو اللي كان
بيقول لهم ارموا الزبالة في الشوارع

* يعني كل الناس بتقول دي بقت بلدنا من النهاردة و احنا اللي هنعمرها
و كل الناس قاعدة في شغلها فاتحة الفيس بوك عشان تعمل لايك
و تنشر صفحات و حملات تاييد ومعارضة

* يعني نص الشعب بيتهم النص التاني بانه خاين وعميل واجندة ودسيسة

* يعني فيه عدد لا بأس بيه من الناس دلوقت حتبدأ
تشتم فيا وتتهمني اني خاينه وعميله وباخد فلوس من حسني مبارك
رغم ان الثورة بتقول ديموقراطية واحترام الراي الاخر يا جماعة

* يعني المذيعين المصريين اللي كانوا بيستفيدوا من النظام فجأة
يشوفوا كل الفساد ويهاجموه بمنتها الضراوة ...
ايه الشفافية دي يا ولاد

* يعني شيخ من سنة 1963 في قطر ومعاه الجنسية القطرية
يدخل مصر ولا عمرو بن العاص في زمانه

 

اظن ان كاتبة هذا الموضوع أما كتبته لمغفلين و هي تعتقد فينا ذلك أو انها فقدت عقلها و صوابها قبل كتابته نتيجة ما تراه من فساد على كافة مستويات و اصعدة الحزب الفاسد.

ما هي العلاقة سيادة الفقيهه السياسية بين السياسة و التدين،، اعتقد ان شيخ الإسلام اوباما دائما ما يدعو للحرية و الديمقراطية.
ما هو ذنب هذا الشعب المعدم في ضابط شرطة حقير اطلق الرصاص بعد الثورة على سائق خرج ليكسب لقمة عيشه و يدفع الضرائب لهذا الضابط المعتوه. و ما هو ذنب شباب الثورة في مدير امن ادمن السلطة و التحكم فاخذ يصف شعب مصر الأبي الحر بانهم عبيد لأسيادهم من جهاز الشرطة الفاسد.يعني لو لم تحكمنا الشرطة بعقلية عفنه مثل هذه فلن يكون هناك حل من وجهة نظرك القاصرة.

نفس الذنب الذي يطلقه كل ضعاف النفوس على وائل غنيم ،، و اقسم بالله انني غير منتمي لأي فصيل سياسي ولا اعرف عن وائل غنيم الا ما يكتب عنه و لكني احترم فيه رغبته في التغيير (( كان في السجن و الناس بتموت )) يا سلام و كأن امه هي التي وضعته في السجن.
اسئلي نفسك أيها المتفذلكة من الذي منع الرجل عن دخول بلده لكل هذه المدة،، و ال هو كان عايش بره و نفى نفسه كده من تلقاء نفسه، مع أني ارفض كل افكار الأخوان المسلمين،، ولكن هذه حقيقة واقعة يا سيادة الكاتبة.الرجل لم يستطيع أن يدخل مصر إلا بعد سقوط النظام الذي نفاه و منعه من دخول مصر طيلة هذه المدة فهل هذا ذنبه أم ذنب النظام التي تدافعين عنه و كانك تكلمين اصنام لا يعون ما يقرأون.

معذرة محمد الكومي كلامي موجه فقط لكاتبة الموضوع و متاكد انك غير مقتنع مثلي بكثير من ما حوته هذه المادة من أباطيل و اكاذيب و تسفيه لعقول القراء. و .

اتفق تماما مع الاستاذ جوده فيما قاله.
ربما تكون صاحبه المقال ضاربه جوان بانجو او شئ من هذا القبيل.
فعلى حد علمى الشيخ القرضاوى تم نفيه من قبل السلطه الباليه.
ايضا لم اسمع او ارى اى شئ يدين وائل غنيم هذا او على الاقل ليس هناك
شئ مؤكد يدينه.
وعلى اى حال اتمنى ان يكتمل البناء السياسى والتشريعى
فى اقرب وقت ممكن .حتى تكمم افواه المساطيل.
تقبلو مرورى.[img][/img]