يلا كلنا نقف جنب مصر

نقف الآن في مصر
في مفترق طرق. ان كل الذين خرجوا في ثورة يناير كان لديهم امل اساسي إن مصر
تستعيد مكانتها ان تكون مصر.

ممكن تكون اشتركت
في الثورة ووقفت في واحد من ميادين مصر...او قد لا تكون...ممكن تكون قد كنت
مع التغير السلمي او التغيير السريع...ممكن تكون من الي بيعتذروا للرئيس السابق
دلقوتي....دي رؤيتك....و قد نختلف او نتفق فيها....و لكن إلي متأكد منه أن كلنا
بنحب البلد دي ..و ان كنا عايزين مصلحتها و نفسنا نشوفها في أعلى مكانه.

الحقيقية المقاله
دي هدفها الأساسي توضيح هي ايه إلي ممكن نعمله للإقتصاد المصري علشان مصر
تقدر تعدي الكبوة الي هي فيها و تنطلق لمكانتها 
الحقيقية .... نبتدي الأول احنا فين دلوقتي..... الأيام الي فاتت كانت ايام
صعبة على الأقتصاد المصري ده حقيقي... لكن مش كارثية....مصر كانت بتستعد للتحرك من
الأزمة الأقتصادية العالمية و دولقت نقدر نقول ان مصر مستعد تنطلق مش بس
تتحرك.... و لكن لازم كلنا نتكاتف علشان نحقق الحلم ده..... اوعى تفتكر ان ده دور
الدولة او الحكومة بس.... ده دورك انت كمان.

أزاي... كل واحد
فينا يقدر يحط مصر على الطريق و يقدر يساهم في بناء قوتها الإقتصادية..... يلا
نبتدي

ادعم الجنية المصري....الكثير مننا عنده بعض العملات الأجنبية ... تتراوح من مبالغ صغيرة
علشان تغطي تكاليف سفر او مدخرات بالدولار و اليورو ....ده الوقت الذي يجب ان نبدأ
فيه لتحويل المبالغ دي مهما صغرت للجنية المصري ....بالطريقة دي نقدر نرفع ثمن
الجنية المصري امام الدولار ...و نقطع الطريق على اي مضارب يعمل على تخفيض
قيمته...و هو ما يؤكد للمستثمرن الأجانب قوة الجنيه المصري ... و بالتالي استعادة
الثقة في الإقتصاد المصري

ادعم الإحتياطي النقدي المصري....الكثير من العاملين المصريين في الخارج
يقومون بتحوبل مدخراتهم من عملهم في الغربة في فصل الصيف او عند العودة إلى مصر في
الأجازة...و لكن مصر في حاجة لها الآن ....ارسالهم لتلك المدخرات الآن سوف
تدعم الإقتصاد المصري ...و يدعم القطاع المصرفي المصري...اتصل بأكبر عدد من
اصدقائك في الخارج فهمهم حاول إقناعهم.

اشتري المنتج المصري....عايزين نحاول كلنا اننا نشتري المنتجات المصرية...من جهة نعوض الشركات
المصرية عن الفترة السابقة التي شهدت تراجعا في الأعمال....و كمان ندي اشارة واضحة
للمستثمرين الذين وثقوا في الإقتصاد المصري اننا ندعمهم ....و من ناحية تانية نقلل
من شراء البضائع المستوردة الأمر الذي يقلل من الضغط على الجنية المصري و يزيد من
دعمه.

ادعم السياحة الداخلية......مما لاشك فيه ان الأحداث اثرت و بشكل كبير على السياحة في مصر و
المؤسسات السياحية تواجه صعوبات كبيرة... لازم نبتدي رحلات مكثفة للمواقع السياحية
في مصر علشان ندعم المنشآت السياحية و نساعد الشركات السياحية على الإحتفاظ
بالعمالة بتاعتها.

لازم نساعد بعض... الشعب المصري خير بطبيعته و لكن الظروف إلي بنمر بيها هي ظروف إسثنائية
...الأيام الي جاية غالبا ما ستشهد ارتفاع كبير في اسعار الأغذية في مصر كنتيجة
مباشرة لارتفاع الأسعار في العالم ...لازم نشتغل على دعم الطبقات الفقيرة في مصر
علشان نقدر نعدي المرحلة الجيا بسلام

ادعم البورصة المصرية.... البورصة هي كائن حساس يتأثر بسرعة بالأحداث الجارية...و هي في نفس الوقت
مرآة اقتصادية بيشوفها العالم كله ....يجب ان كلنا نعمل على دعم البورصة و لو
بمبالغ صغيرة...في طريقيتين ممكن تساهم في احد صناديق الإستثمار... و بعضها عمل
إعلانات في الجرايد او ممكن ان انت تفتح حساب في احد شركات السمسرة و تقوم بالشراء
بنفسك....إذا خدت الخيار الثاني ..فحاول ان مشترياتك تكون في الأسهم الي ليها
تأثير مباشر على المؤشر... عايزين في الجلسة الجاية المؤشر يعوض معظم خسائرة قبل
الثورة...ده حيدي اشارة هايله للمستثمرين الأجانب و يعيد جزء كبير من الثقة في
الإقتصاد القومي

لازم نتحرك بسرعة
على كل المجالات دي..... العالم كله عينه على مصر و على الإقتصاد المصري.... وكل
ما نرسل اشارات إيجابية سريعة عن كفاءة الإقتصاد المصري كلما كانت عودة
الإستثمارات الأجنبية و السياحة في مصر بشكل سريع يعيد له حيوته و يحط مصر
في مكانتها الصحيحة نمر اقتصادي على ضفاف النيل

التوقيع شباب بيحب مـصـــــــــــــــــــر