آآآآآآآآآآآه

يااااااااه ع الألم.. لو يوم تحس إنك يا بيه.. مضروب ألم.. نازل على صداغك.. شاكوش..استقبله.. متصدهوش.. علشان تفوق.. لازم هتاخد بالألم.. يا بلد زمامك من زمان فلتان كفاية نهب وذل.. بكفاية الهوان.. على فين طريقك يا بلد هيروح نادينا ياما.. وصوتنا م الندا.. مضبوح زيحى ستار الموت.. اللى عشش فوق حيطانك.. افتحى للشمس تدخل من بيبانك.. تمحى كتمة السنين.. اللى عدت واحنا فيكى.. مسجونين مخنوقين.. مكتومين.. إنتى فين؟؟!!!
إنتى فين يا بلدنا.. فوقى.. كتّفى اللى.. كتفوكى.. متسكتيش.. شعبك الغلبان يا أمى.. طلب يعيش.. اسمعينى.. اروى بحنانك سنينى.. الضمينى ف سنبلة قمحك.. اللى لوّنلى.. جبينى.. اسمعينى.. افتحيلى.. واطردى لك الوحوش.. اللى يبنى.. يا أهلاً بيه.. واللى بيكسر.. هيمشى.. مهنعوزوش.. بس قومى.. واصلبى يا بلدنا عودك.. مدى إيدك.. وارسمى الجاى.. فوق خدودى.. اغسلى الدم.. اللى سايل فوق ترابك.. واعلنى عودة صوابك.. بس من غير بلطجة.. اتجرحنا.. اندبحنا.. اتقصقص الريش من جناحنا واصطادونا فى مصيدة.. عذبتنا البلطجة يا شباب النيل.. يا زرعة أرضنا.. إحنا وياك يا شبابنا.. بقلبنا.. نفدى جيشنا بدمنا نفدى أرضك يا بلد شعبنا وجيشنا السند اسمحيلنا نداوى جرحك.. اسمحيلنا نروى زرعك.. اسمحيلنا.. واعذرينا.. بس إوعى.. تكتفينا.. ده احنا يا شبابنا المدد.. اسمحيلنا يا مصر نحمى.. نحمى أرضك.. للأبد


دكتورة
صيدلانية. رنا محمد الحداد ــ كوم حمادة ــ البحيرة


عن جريدة المصري اليوم 6/2/2011

الغالى أبو عبد الرحمن....

خلى بالك لسه قانون الطوارىء شغال..

محتاجينك...

تحياتى لك