منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
للكبار فقط ,,,,, ولسه ياما هانشوف Support


4 مشترك

    للكبار فقط ,,,,, ولسه ياما هانشوف

    مهندس عبدالله العمري
    مهندس عبدالله العمري
    عضو مجلس الحكماء
    عضو مجلس الحكماء


    النوع : ذكر
    عدد المشاركات : 801
    العمر : 59
    تاريخ التسجيل : 25/04/2010
    مزاجي النهاردة : للكبار فقط ,,,,, ولسه ياما هانشوف Pi-ca-10
    للكبار فقط ,,,,, ولسه ياما هانشوف Empty

    للكبار فقط ,,,,, ولسه ياما هانشوف Empty للكبار فقط ,,,,, ولسه ياما هانشوف

    مُساهمة من طرف مهندس عبدالله العمري 18/12/2010, 10:32 am

    ■ تساؤل قراته حول شائعات شطب وزير التعليم لدرس الجهاز التناسلى من منهج تالتة إعدادى، متمنيا أن يكون الخبر كاذبا وصادرا عن المتصحرين فكريا.. ملقيا اللوم على المجتمع الذى يعانى من ازدواجية.. يتكلم فى السر عن الجنس ليل نهار وعندما يخرج للعلن يدّعى الورع والتقوى والتعفف وعدم الفضول والرغبة.

    ■ .. أنا مع إزالة أى معلومات جنسية من مناهج الطلبة.. ومن أى مناهج.. يعنى ما حبوكش يعنى.. ما هى باقى المعلومات متشالة.. اشمعنى ده يعنى اللى حايفضل؟!

    ■ فى بلاد الكفرة والزنادقة والعالم اللى داخلة النار حدف دى.. مهما عملوا.. انشاالله يطلعوا القمر فى اليوم ميت مرة كأنهم راكبين أسانسير مجمع التحرير.. يقومون بتدريس مادة اسمها بيوبرتى عن أعراض سن البلوغ.. يجيبوا العيال بدءا من سن العاشرة.. العيال اللى دارسة تشريح من وهمّا فى بطن أمهم.. ويشرحولهم ويأهلوهم للأعراض التى ستظهر على أجسامهم.. وبيفصلوا فى الكورس ده الولاد عن البنات عشان يتم التدريس بحرية وراحة، بعيدا عن الإحراج.. وبيجيبوا الأهالى يشرحولهم حايدرّسوا لأولادهم إيه بالظبط بعد استئذانهم ولهم حرية الرفض والقبول.. وبيعملوا تسجيل فيديو للحصص عشان الأهالى تتأكد إن المدرسين قاموا بطرح المعلومات العلمية دون إضافة أى فليفور أو مكسبات طعم للمادة.. يعنى دون إضافة أى آراء أو انطباعات شخصية.. وعشان الواد والبنت يعرفوا إيه اللى فى جسمهم ده.. ويتعاملوا مع تغييراته إزاى.. ويحموه ويدافعوا عنه ويحصنوه من الأمراض والميكروبات إلخ.

    ■ إنما إحنا حاجة تانية.. إحنا المستنيرين المتعلمين المؤمنين الورعين المؤدبين المتقدمين علميا وتكنولوجيا.. ما ينفعش معانا الكلام الفاضى ده.. بقى إحنا بنقول صوت المرأة عورة نقوم نرسم حاجاتها على لوحات وتابلوهات وبلاوى من دى؟؟.. والمدرس يقعد يشاور بالعصاية كده على مواطن العفة عينى عينك قدام الصبيان.. دول قنابل موقوتة.. كل عيل من دول شايل بمبة جواه بتعمل تيك تيك تيك.. لو مالاقاش بنت يطلع فيها كبته بيتدور عالواد اللى جنبه.

    ■ إنت ما شفتش الشيخ الشاب القمور وهو لابس بنطلون جينز محزق وواقف بيلقى درس على قناة تليفزيونية وهو حاطط مانيكانات لابسه البودى والاسترتش تحت الحجاب.. وعمال يشاور على مواطن العفة ويتألم ويتأوه إنه مضطر يشاور ويركز بالعصاية عالحاجات ويشرح إن الحجاب ما يتلبسش عالحاجات دى؟؟.. ده كان برنامج مسلى جدا.. أرجو الاطلاع قبل ما نوجه دعوة ماجنة زى دى بتدريس الجهاز التناسلى.

    ■ إحنا أقصى علم ممكن ياخده الولد.. ومش حانتكلم عالبنات.. هو إنه يروح يسأل أبوه عما يقبع فى النصف الأسفل من جسمه.. فالأب يضرب لخمة ويشخط فيه ويقوله امشى خش على أودتك.. فالواد يدخل عشان يتعامل مع نفسه ويكتشف بقى العالم الغريب.. وينزل ياخد درس خصوصى عند البوابين والسواقين وأطفال الشوارع البالغين..

    ■ وبعدين يا أخى ربنا ما يجعلنا من قطاعين الأرزاق.. عايزين العيال تفهم؟؟.. أمال بيزنس الفتاوى ده يعيش على إيه؟؟.. دايرة الاستثمار والأموال التى تضخ بجنون فى البيزنس ده تروح فين؟؟.. نعيش إزاى إحنا من غير فتاوى إرضاع الكبير وحرمانية شراء الكوسة والخيار صحاح ووجوب تقطيعهم ترنشات قبل الدخول على بنات الأسرة.. مع جواز شراء الموز صحيحا عشان بيتفعص.. وحرمانية القعاد عالكراسى والجو ده؟؟.. إنت شكلك قابض م الموساد عشان تدمر اقتصاد البلد وتقضى عالمشروعات الاستثمارية والأموال التى تضخ فى القنوات التليفزيونية اللى رجعوها دى.. نعمل إيه إحنا بدون قضايا تحرش وهتك عرض واغتصاب المدرسين للطلبة والطالبات.

    ■ طب لما يدرسوا المادة دى للعيال يغتصبوهم إزاى بقى؟!.. والعيال لما يفهموا حايتحرشوا ببعض ويقطعوا أعضاء بعض إزاى؟!.. مش دى أرزاق للصحف اللى بتنشر والمحامين اللى بيترافعوا ورسوم المحاكم اللى بتتدفع؟.. ولما الناس تفهم نعمل إيه فى الخسارة الفادحة اللى حاتصيب دايرة التقاضى بأكملها؟!.. نُص قضايا الطلاق والخلع أسبابها خيبة جنسية وجهل وحمورية وعنطزة ذكورية.. نقفل بقى؟.. بلاش.. نسرح بلب وسودانى بدل ما كنا سارحين بقضية ختان الإناث ونازلين فتى ورغى ف كل حتة..

    ■ يعملوا إيه دكاترة الشقق والمستوصفات والعيادات المشبوهة اللى بيعملوا عمليات إجهاض وترقيع غشاء بكارة واللاذى منه.. مش كل دول ماحدش حايعبرهم لو العيال فهمت النيلة اللى شايلينها فى أجسامهم دى بيتعمل بيها إيه وما يتعملش إيه؟!.. نقفل الملاجئ بقى اللى مليانة عيال مولودة ومرمية تحت الكبارى بسبب إن البنات فهموا ووعيوا؟.. بتوع تجارة الأطفال يروحوا يعنى؟.. نبطل ننتج أطفال شوارع بقى؟.. دا إحنا بنتحدى العالم فى القدرة الإنتاجية لأطفال الشوارع.. وابتدينا نصدرهم حتى.. نقفل أوكار الدعارة اللى مزروعة فى الأبواب الخلفية للكافيهات؟!

    ■ نوقف النشاط الاستثمارى بتاع «اشحنلى وأعرضلك»؟.. نقضى على مواقع البورنو العربى اللى ملت النت ببنات محجبات ومنقبات مش فاهمين أى حاجة ومتساقين زى البهايم عشان يتصوروا وهما مش عارفين؟..

    ■ شركات الأدوية تجيب ضُرفها عشان بضاعة الأمراض التناسلية حاتبور؟.. عايزين الناس ما يجيلهاش إيدز وفيروس سى وباقى الليستة؟!

    ■ لما البنات تفهم.. الثقافة الذكورية المتعصبة والحَجْر والقهر والظلم وضيق الأفق والتعصب والغباوة ونفشة الصدر والفار اللى لابس بدلة أسد حاتنهار..

    ■ أنا هااقول حاجة أحسن.. بدل ما ننادى بتدريس الثقافة الجنسية، مطالبا بأن يتعرف الأولاد على نصفهم الأسفل.. ننادى بقطع النصف الأسفل ده من أصله.. ورميه فى الزبالة.. انشاالله لمدة ربع قرن بس.. تخيل نوع السلام الذى سنعيش فيه.. وكم الحناجر التى ستخرس.. والقنوات اللى حاتقفل.. والحمقة اللى حاتفش.. كأنك رميت مية ساقعة على براد بيغلى.. يمكن ساعتها نفوق لحقيقة إن الإنسان عنده نص فوقانى ويحمل داخل تجويف دماغه حاجة اسمها مخ مش طبق كشك ساقع.




    عدل سابقا من قبل مهندس عبدالله العمري في 18/12/2010, 5:35 pm عدل 1 مرات
    avatar
    ابراهيم عثمان
    مشرف قسم إمياي الحبيبة
    مشرف قسم إمياي الحبيبة


    النوع : ذكر
    عدد المشاركات : 864
    العمر : 55
    تاريخ التسجيل : 10/11/2010
    المهنة : للكبار فقط ,,,,, ولسه ياما هانشوف Unknow10
    البلد : للكبار فقط ,,,,, ولسه ياما هانشوف 3dflag23
    الهواية : للكبار فقط ,,,,, ولسه ياما هانشوف Unknow11
    مزاجي النهاردة : للكبار فقط ,,,,, ولسه ياما هانشوف Pi-ca-51
    للكبار فقط ,,,,, ولسه ياما هانشوف 30

    للكبار فقط ,,,,, ولسه ياما هانشوف Empty رد: للكبار فقط ,,,,, ولسه ياما هانشوف

    مُساهمة من طرف ابراهيم عثمان 18/12/2010, 12:16 pm

    مهندس عبدالله العمري كتب:■ تساؤل قراته حول شائعات شطب وزير التعليم لدرس الجهاز التناسلى من منهج تالتة إعدادى، متمنيا أن يكون الخبر كاذبا وصادرا عن المتصحرين فكريا.. ملقيا اللوم على المجتمع الذى يعانى من ازدواجية.. يتكلم فى السر عن الجنس ليل نهار وعندما يخرج للعلن يدّعى الورع والتقوى والتعفف وعدم الفضول والرغبة.

    تكلمنا فى كل الواضيع الهامه كثيرا وماكان ينقصنا غير الكلام عن الجنس وثقافته

    الا يعلم ذلك الشخص انهم لو تركوا بعض الرفاهية للشعب المصرى كيف سيكون حالهم بعد 5 سنوات

    ولم يعلم ايضا بأن الشعب اذا اعطوه جزء من حقه كيف سيزداد عددالسكان فى خلال سنة واحدة

    واظن انه لم يرى الازدحام الرهيب فى القاهرة الم يتسائل من اين جاء هذا العدد

    الاكيد ان عنده مشكلة فى هذا الشىء

    افضل شىء للشعب المصرى ترك كل شىء خلفه ومغادرة مصر نهائيا الى اى دوله اخرى

    Embarassed على الموضوع الجميل

    ابدعت فاأحسنت
    محمد الكومى
    محمد الكومى
    مشرف قسم إمياي الحبيبة
    مشرف قسم إمياي الحبيبة


    النوع : ذكر
    عدد المشاركات : 3681
    العمر : 35
    تاريخ التسجيل : 28/07/2009
    المهنة : للكبار فقط ,,,,, ولسه ياما هانشوف Profes10
    البلد : للكبار فقط ,,,,, ولسه ياما هانشوف 3dflag23
    مزاجي النهاردة : للكبار فقط ,,,,, ولسه ياما هانشوف Pi-ca-18
    للكبار فقط ,,,,, ولسه ياما هانشوف 30

    للكبار فقط ,,,,, ولسه ياما هانشوف Empty رد: للكبار فقط ,,,,, ولسه ياما هانشوف

    مُساهمة من طرف محمد الكومى 18/12/2010, 7:03 pm

    شوف يابشمهندس هو موضوع رائع وجرئ جدا
    قد نهاجم اذا تكلمنا فيه
    لكن حضرتك ذكرت الجانب الايجابى فى الثقافه الجنسيه
    لكن من الجانب الاخر من الممكن ان تفتح امام الطلبه معلومات لا تفيدهم لكن تضرهم
    والانسان بطبعه فضولى وبالتالى فلن بستكفى بالمعلومات التى تدرس له فى المدرسه وسوف يبحث عن معلومات اخرى اكثر وهذا اصبح ليس صعبا خصوصا فى عصر الفضائيات والانترنت
    يبقى بدل ما نحاول نبعد عن ضرر نكون نحن اعطينا لهم مفاتيح سيستخدمونها خطا خصوصا انهم فى مرحله المراهقه
    وفى مرحله المراهقه تتوقع ان يحدث فيها اى شئ مالم تكن التربيه والاخلاق التى تربى عليها الشخص كافيه لان تمنعه من فعل اى شئ خطأ
    اذن فالموضوع اولا واخيرا يقع على التربيه والاخلاق
    ولكن اذا كان الموضوع كذلك ففى دول اروربا يعلموهم الثقافه الجنسيه والنتيجه تجد بنات امهات وهن فى سن السادسه عشرة

    صلاح محمد حسانين
    صلاح محمد حسانين
    المدير العام


    النوع : ذكر
    عدد المشاركات : 6402
    العمر : 59
    تاريخ التسجيل : 28/06/2009
    المهنة : للكبار فقط ,,,,, ولسه ياما هانشوف Profes10
    البلد : للكبار فقط ,,,,, ولسه ياما هانشوف 3dflag10
    الهواية : للكبار فقط ,,,,, ولسه ياما هانشوف Writin10
    مزاجي النهاردة : للكبار فقط ,,,,, ولسه ياما هانشوف Pi-ca-10

    للكبار فقط ,,,,, ولسه ياما هانشوف Empty رد: للكبار فقط ,,,,, ولسه ياما هانشوف

    مُساهمة من طرف صلاح محمد حسانين 18/12/2010, 9:42 pm

    اولا التربية الجنسيه علم وديننا الحنيف حثنا الى ضرورة الاخذ بكل ما هو لا يتعارض مع الدين
    وانا هنا اقر ان التحدث فى هذا الامر قبل دخول العوامل المحتلة لفكر ابنائنا مثل الكمبيوتر ووسائل الاعلام الفضائى
    اعتقد ان تدريس هذا الجهاز عادى جدا ولكن كما اشار الباشمهندس دون ايجاءات من المدرس ودون السماح بالتهريج او الخجل المفتعل من البنات
    مهندس عبدالله العمري
    مهندس عبدالله العمري
    عضو مجلس الحكماء
    عضو مجلس الحكماء


    النوع : ذكر
    عدد المشاركات : 801
    العمر : 59
    تاريخ التسجيل : 25/04/2010
    مزاجي النهاردة : للكبار فقط ,,,,, ولسه ياما هانشوف Pi-ca-10
    للكبار فقط ,,,,, ولسه ياما هانشوف Empty

    للكبار فقط ,,,,, ولسه ياما هانشوف Empty رد: للكبار فقط ,,,,, ولسه ياما هانشوف

    مُساهمة من طرف مهندس عبدالله العمري 19/12/2010, 8:07 pm

    الاخوه الافاضل
    Embarassed علي مروركم بالموضوع .....وانا لم لتوقع مرور احد عليه ....لان ثقافتنا تمنعنا علي التحدث في مثل هده الاشياء مخافه كما قال الاستاد محمد علي شبابنا الجميل .... ولكن اوافق الاستاد صلاح ان يكون كل شئ يدرس من اساتده افاضل نري فيهم الصلاح .... والسؤال الي متي نترك الشباب يتعرفون علي هده الثقافه من مصادر غير شرعيه ...ان دينا الحنيف يعالج كل امور الحياه فلمادا نترك اولادنا فريسه لافكار الغرب والغريبه علي دينا ...ونتركهم وقد وقعوا باخطاء لاحول لهم ولا قوه... وخصوصا ان ماده الدين لاتاخد حقها في المدارس ويعتبرونها غير اساسيه ..سبحان الله ...وهم لايعلمون انه حل لكل مشاكلنا ومشاكل شبابنا
    تحياتي لكم

      الوقت/التاريخ الآن هو 29/5/2023, 12:27 am