الواسطه لسه شغاله

الواسطه لسه شغاله يا رجاُُُُلُُُه
                   والحاله هياها الحاله في كل مكان









لفندي قال والاسطي هيه الواسطه
                   في كل مركز ومحطه خاتم سليـمان









تشغلك وانت فراش كاتب بمعـاش
                   وتدخلك السيما ببلاش ويا الاخـوان









ايه اللي خلي الملعونه تصبح فيـنا
                   شريعه فوق شرع نبينا شرع القـرآن









طماع و عايز فوق حقه واسطه تزقه
                   لرئيس عمل فاتح بقه زى التعبان









والحق بين الاتنين ضايع وهو داالشايـع
                   مدير بيبلطج علي صايع عاطل كسـلان









ومدير شريف حيرته حيره وحوسته كبيـره
                   في مطلب الست منيره وخليل شعبان









يعفي ابنهم من الجهاديه والبلديـه
                   يجيب مخالفتها عليـــه وعلي الجيـــران









داء في الكنانه متمكن او متوطــن
                   وجرح ضارب ومعفن زى السرطـان