منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
الى رحمة الله المرحومه نانا Support


3 مشترك

    الى رحمة الله المرحومه نانا

    صلاح محمد حسانين
    صلاح محمد حسانين
    المدير العام


    النوع : ذكر
    عدد المشاركات : 6402
    العمر : 60
    تاريخ التسجيل : 28/06/2009
    المهنة : الى رحمة الله المرحومه نانا Profes10
    البلد : الى رحمة الله المرحومه نانا 3dflag10
    الهواية : الى رحمة الله المرحومه نانا Writin10
    مزاجي النهاردة : الى رحمة الله المرحومه نانا Pi-ca-10

    الى رحمة الله المرحومه نانا Empty الى رحمة الله المرحومه نانا

    مُساهمة من طرف صلاح محمد حسانين 21/10/2010, 9:09 pm

    و بنقولّه يا بحر
    ليه الموج فى عِز الهُوج ما بيخلِّصش
    و المِلح سَد وِدانك و دانَك لَجل ما تخلِّصش
    يا بحر كام ألف بِت زَغزَغت رِجليها
    و رَفعت عنها الحِجاب
    و لَزقت فُستانها بالعاني على ضَهرها
    و جَرحت رِجل الواد اللّي جِري في ضَهرها
    و عَملت مِلحَك دَوا
    و اللّي جِراحُه هوى مالهوش طبيب غيرَك

    طب ليه بِتِبْخَل عليّا
    مع إِنْ نــانــا صبيّة
    زَغزَغت رِجليها و رَفعت عَنها الحِجاب
    و لزقت فستانها بالعاني على ضهرها
    و دَبَحتِني في مَهرها و دفعتِلَك راضي
    خلّيتلي حبي قضيّة وعملتلي قاضي
    وكَويت بِملحَك جَرحي كِيف الدَّبْح
    مِن مِيتَى يا بحر الِجراح بتطيب بِحّبة مَلح
    و أنا أَصلي واخد ع الـوَجَع ..
    و أمَّا الجِـراح بِتْصيـب جَـدَع ..
    بيصِير وجَعْهَا بــــ مِيت وَجَع
    تعرف يا بحر الـ مِيت وَجَع !
    وَجَع اللي حَبّيتها وسابِتني
    وَجَّع اللى بعنِيها سَبِتني ..
    وَجَع اللي عَمَلِت مِنّي رَمل في قَعر جُوفَك رسَّبتني ..
    و تُسعُمِيت مِليُون وَجَع للذكرَيات ..
    أصْل المحبّة يا بحر مِش فَترة وتعَدّي
    دي عُمر شايِل صوت هِزاري و غُلب جَدّي ..
    فِكر طايِح يوم يِجيب و شهور يِوَدِّي ..
    و تُسعُمِيت مِليُون وَجَع ..
    عَدَد المحَارة و الوَدَع
    عَدَد الكلام مِن بين شَفَايِفها الجُمَال
    عَدَد الشَّماسي والكَراسي والبَنات ..
    عَدَد الرِّمال عَدَد المَطر يا أبو قَلب أقسى مِن الحَجَر ..
    كُل اللي فَاكرينَك بتجَمَّع للحَبَايِب شَملُهم ...
    عَالَم بَقَرْ
    ما أنا جِبتَهَالَك .. مِشْ جِبتَهَالَك ؟! ..
    شَهِّد الشّمس اللي لِسّة سَمارها فوق ضَهري تقُولَّك
    إِنّي يا بحر ائتَمَنتَك جِبتَهَالَك
    ولاّ ليه شَهِّد رِمَالَك
    عَلِّي صوتَك سَمَّع الرّمل اللي مَدبوح مِن قَساوتَك
    و اندَهُه و إِن كان يِجاوِب اسألُه
    فين قُصور الواد دَاهُه
    هيقُولولَك ما إنت يا بحر اللي هَدِّيتها
    وسَوِّيتها بِباقي الشَّط
    هيقُولولَك هُوَّ هُوَّ المُوج يا بحر
    زَي ما جَمَّع حَبايِب زَي ما كَسَّر قُصور
    بَس النُّوبَة دي يا بحر مُوجَك القَاسي كَسَرني
    هُوَّ أنا ناقِص كُسور
    لَو تِعَرّينى يا بَحر تِلْقَى جُوّايا بَنات مَالْها عَدَد
    ولا اتكَسَرتِش
    زَي ما تقُول جِسمي نَحَس مِن الحَريم وبَقيت وَتَـد ..
    بس النّوبَة دي ما انتَصَرتِش
    بَعتِرفلَك يا هَوَى البحر إِنّي مَغلوب النٌّوبَة دي
    بَس خَلّيك واعي دايمًا وافتِكِر مين اللي بادي
    ومِن اللّيلادي لا إِنتَ صاحبي ولا أعرِفَك
    إِيّاك تِشُوفني بِبِنتْ حِلوَة وتُطلُب إِنّي أعَرفَّك
    صَبرَك عَلَيّا
    و هـ اكشِفَك و هــ جرِسَك و هـ جَرِفَك و هـ جَوِفَك و هـ كَتِفَك
    كِيِفْ الذَلِيل
    مِن اللّيلادي سَماك يا بَحر هتِبقَى لِيل
    مِن اللّيلادِى هـ أطفِّي شَمسَك و أطمِس الدُّنيا ونَهَارها
    " نَـانَـا " مـاتِت
    بَس فاضِل لِسّة نارْها
    و العَزَا عالِق ما بِيني و بِينَك إنتَ
    والله مَا هَقبَل عَزاك
    قَبل ماخُد بإيدي
    تَـارهَـا !
    للشاعر هشام الجخ
    محمد الكومى
    محمد الكومى
    مشرف قسم إمياي الحبيبة
    مشرف قسم إمياي الحبيبة


    النوع : ذكر
    عدد المشاركات : 3681
    العمر : 36
    تاريخ التسجيل : 28/07/2009
    المهنة : الى رحمة الله المرحومه نانا Profes10
    البلد : الى رحمة الله المرحومه نانا 3dflag23
    مزاجي النهاردة : الى رحمة الله المرحومه نانا Pi-ca-18
    الى رحمة الله المرحومه نانا 30

    الى رحمة الله المرحومه نانا Empty رد: الى رحمة الله المرحومه نانا

    مُساهمة من طرف محمد الكومى 22/10/2010, 12:59 am

    بَعتِرفلَك يا هَوَى البحر إِنّي مَغلوب النٌّوبَة دي
    بَس خَلّيك واعي دايمًا وافتِكِر مين اللي بادي

    قصيده جميله جدا بحق
    وتكون اكثر جمالا عندما تسمعها من مؤلفها الشاعر اللى بلحبه جدا ومتابعه دايما هشام الجخ
    احمد عبد ربه
    احمد عبد ربه
    مشرف القسم الاسلامي
    مشرف القسم الاسلامي


    النوع : ذكر
    عدد المشاركات : 1189
    العمر : 34
    تاريخ التسجيل : 18/10/2009
    المهنة : الى رحمة الله المرحومه نانا Accoun10
    البلد : الى رحمة الله المرحومه نانا 3dflag10
    الهواية : الى رحمة الله المرحومه نانا Writin10
    مزاجي النهاردة : الى رحمة الله المرحومه نانا Pi-ca-14
    الى رحمة الله المرحومه نانا 11201029826

    الى رحمة الله المرحومه نانا Empty رد: الى رحمة الله المرحومه نانا

    مُساهمة من طرف احمد عبد ربه 22/10/2010, 1:20 am

    الله عليك يا استاذنا

    قصيدة رائعة جداااااا

    تحياتى لحضرتك

      الوقت/التاريخ الآن هو 15/6/2024, 10:45 am