عندي موضوع عاوز اناقشكم فيـه بجد

و الله يا أستاذ طارق صعب انك تحكم على الجيل و تقول انه فاشل بالعكس الظروف و الحياه هي اللي بتصنع الشباب و الناس و الجيل مظلوم و فعلا الزمان مش زي الأول في كل شيئ الحياة و العيشة و الذوق و التقاليد و الأصالة دا حتى الفن و قارن و تتخيل لني واحد زي سعد الصغير ناجح تتخيل اني أغنية بحبك يا حمار كانت في افتتاح المهرجان الثقافي لجامعة المنصورة من سنتين تخيل انا بقول جامعة المنصورةفين ثورة الشك و رباعيات الخيام و أغدا ألقاك كان الفلاح بيغني قصائد تقيلة و ما يكونش بيعرف يقرأأو يكتب ظالمين الجيل كتير لو لقى تعليم اظف و حياةأنظف و ثقافة أرقى صدقني كان هيبقى أرقى كتير لو وجد عناية و اهتمام كان هيطلع أعلى بكتير الظروف و الحياة و الاسفاف اللي احنا فيه هو اللي صنع دول و هو الي خلانا جيل نقدر نقول انه تافه مش بيفكر الا في البس و الموضة و الشياكة و الرقص و الغنا و كل ما هو هابط يا ريت بيدور على الأرقى كله من تعليم هابط و ثقافة هابطة و استعمار ثقافي موجه و خياة مهمشة و كما قال القائل :
نعيب زماننا و العيب فينا و ما لزماننا عيب سوانا
نسب ذا الزمان بغير ذنب و لو نطق الزمان لهجانا

لازم اخالف عباقرة المنتدى ودرة الفكر المتزن الاستاذ طارق واستاذنا محمد كفافى
ايقاع الحياة اختلف ولازم تختلف معه ايقاع حياة الافراد وبالتبعيه كل نمط سلوكى نابع من فرد مختلف فى التربيه وروافد الثقافه لازم يتغير هو الاخر
اما ان يصبح جامد
العالم باسره اختلف كل شىء حتى اللغات تداولها اختلف والفكر الاستعمارى بقى فكر ثقافى وفكرى مش محاربة واحتلال وقهر وعبوديه
اختلفت الامبراطوريه مش عايزين سعد الصغير وانوشكا ومروة تمتلك ناصية الطرب
دا طبيعى
حتى ممارسة العبادات اجد ان قوة النزعه الدينيه قويت وزادت بص للمساجد الان فى اى صلاة ما شاء الله ستجد انه تقارب صلاة جمعه فى الزمن العابر
لكل عصر له متطلباته وايقاع هذا العصر ايقاع سريع مفيش وقت اسمع ثلاث ساعات لام كلثوم اجوع واولادى يتشردوا
بلاها ام كلثوم
يا اخوانى لا تعيشوا على اطلال ماض هوى وسقط

نقدر نقول يا
أستاذ / صلاح اني ايقاع الحياة زاد بس ذوق الحياة هبط جدا و الذوق العام دي سمة العصر فما نعيبش على جيل نشأ على كده و ايه ذنبه