الى أين تتجه مصرنا الحبيبة

اخواني الكرام
السلام عليكم ورحمة الله وبركاته
وأنا موجود في السعودية كلما نزل لنا زميل لقضاء اجازته لمصر قال ان الحال لا يسعد لا عدو ولا حبيب .
تأملت فوجدت أن الحالة ضبابية بالنسبة لي وقد أكون مخطأ فالانتخابات الرئاسية لا نعرف من هو الرئيس القادم هل هو الرئيس مبارك أو ابنه جمال حملات اعلانية لجمال مبارك وحملات اعلانية مضادة لرئيس حزب الغد وحملة أخرى مناصرة لعمر سليمان ومظاهرات في الشوارع بسبب احتجاز كاميليا شحاتة في دولة العباسية (أقصد دولة شنودة ) وأقصد تآكل الدولة في مواجهة دولة وادي النطرون غلاء الأسعار أصبح بصورة جنونية الكل يشتكي .
الصورة ضبابية بل سوداوية نرجو منكم توضيح الحقيقة لأنكم موجودين في مصر وجزاكم الله خيراً

وانا ارى اخى الفاضل
لابد من العمل علي اعادة الحرية للمواطن المصري بعد ان سلبها
منه اصحاب النفوذ والذين سرقوه والذين نكلوا به وعذبوه

العمل الفوري علي اصلاح الاقتصاد المصري الذي خسف به
العملاء الارض وذلك عن طريق السعي من اجل تحقيق العدالة الاجتماعية
في بلدنا ومحاولة خلق طبقة وسطي تكون سائدة في المجتمع بدلا من اتساع
الهوة بين الطبقات وهذا امر يؤدي الي زيادة الحقد الطبقي ويضر بمستقبل مصرنا الغالية

العمل الجاد علي اقامة دولة عربية واحدة ذات منهج وحضارة اسلامية تساعدنا علي مواجهة الاخطار التي تحل ببلادنا وتساعدنا علي تحرير كل ارضنا المحتلة في فلسطين والعراق

تطبيق واقامة الحياة الديمقراطية السليمة بشقيها السياسي والاجتماعي

هذا كل ما تحتاجه بلادنا الان من اجل انقاذها من الورطة

منع إستراد أي شئ يشرب ويؤكل ويمكن أي شئ غير ما يتعلق بالتعليم

المياة ,,، الأرض

انضباط الشارع المصري…

ويتلخص هذا من خلال عدة قوانين صارمة تعيد الانضباط للشارع المصري
ومساعدته على تغير ثقافة (( الفهلوة البلطجة معلش وأنا مالي ))
إلي ثقافة وطنية تبعث الأمل في النفوس بغد أفضل ..وذلك من خلال تحريك المشاعر الوطنية بنفسه .. وجعل المواطن يشعر بأهمية دوره الوطني .. و أنه شريك حقيقي في هذه البلد

كلامك جميل فعلا أستاذ طارق بس انت مش شايف اني تحقيق ده صعب جدا ان لم يكن مستحيل تحقيق الحريه و العدالة سواء كانت الاجتماعية أو السياسية أمر صعب المنال في بلد تحكمت فيه طبقة معينة و الآخرون يلهثون وراء لقمة العيش و لا يجدونها الطبقية موجودة سواء شئنا أم أبينا و لن تتغير الأحوال إلا إذا تغيرنا و إن الله لا يغير ما بقوم حتى يغيروا ما بأنفسهم و من أعمالنا سلط علينا
فكيف نحقق العدل الاجتماعي و انت شايف تفاوت الأجور و المرتبات و انت يمكن تكون شغال في الحكومة و لك صاحب شغال مثلا في البترول أو غيره قارن بين مرتبك و مرتبه و قولي ايه النتيجة و انت بتعمل و تتعب و هو يعمل و يتعب فما الفرق بينك و بينه ؟؟؟؟؟
و قال طه حسين { العدل الاجتماعي هو أن نجعل الناس سواء أمام الثمرات التي قدر لهم أن يعيشوا عليها } هل ترى ذلك متحقق ؟ و إذا لم يكن فهل ترى تحقيقه سهل في هذه الأيام ؟؟؟؟
كيف يمكن لحكومة فقدت كل شيئ أن تسيطر على الدولة ؟؟ سيطرت على أولي الأمر الفساد و ارشوة و المحسوبية و الأهواء فهل ترى صلاح في كل تلك الأحوال ؟؟ اللهم إن كان ذلك من عند المولى عز و جل فقط أما غير ذلك فربنا يلطف بنا

فهل ترى صلاح في كل تلك الأحوال ؟؟ اللهم إن كان ذلك من عند المولى عز و جل فقط أما غير ذلك فربنا يلطف بنا

صلاح موجود يا استاذ محمد ايه اخباركم انت

و ربنا يخليك موجود على طول و أخبارك انت أيه و ايه رأيك فعلا في أحوال البلد دي يهمني أعرف رأيك بردوا و تقبل تحياتي و على دعابتك

كنت أشاهد أمس على قناة الجزيرة لقاء أحمد منصور مع الدكتور سليم العوا وأشار الى أن الانبا بيشوي سكرتير البابا قال ان المصريين ضيوف على الأقباط رغم أن المسلمين 96% والنصارى 4% أو 6 في المائة على أقصى تقدير ولوح بالاستشهاد حاجة غريبة أن الدولة كيف تسكت على هذا الرجل الذي يحاول نشر الطائفية في مصر لك الله ياسادات فبعد أحداث الزاوية الحمراء تم عزل البابا شنودة من منصبه نسأل الله السلامة في الدنيا والآخرة

الاخوه الافاضل
حقيقي جالي اكتئاب والله حرام عليكم تظلموا مصر والمصريين . وسؤالي المهم اريد من كل الزملاء ان يدكر كل واحد منا صوره حسنه او موقف ايجابي في مصر كما ركزتم انتم علي الجانب السلبي فان لم تجدوا عليكم الدهاب فورا وانا معكم الي دكتور نفسي لاننا في هده اللحظه قد نكون مرضنا ونحتاج فعلا الي العلاج . من منا لايري تلك الطفره في الاتصالات وشق الطرق الجديده ومحطات الطاقه وغيرها وتغطيه مد المياه الي كل نجوع مصر وتغطيه الصرف الصحي وبناء المدارس والمستشفبات في كل قريه قبل المدينه وخلق المناطق الصناعيه في كل محافظه من لايري اننا كنا من اوائل الدول التي حافظت علي نفسها من الوقوع في ظل الازمه الماليه التي احس بها العالم كله بل حققت مصر معدلات نمو قد لايشعر بها رجل الشارع العادي بسبب زياده السكان الرهيبه التي تقضي علي كل معدلات التنميه ولاتشعرك بالتحرك الي الامام انظروا الي الخير حولكم من الماكل والمشرب واسالوا ابائنا عن الحال قبل دلك سوف تجد الحال اكيد للاحسن انظروا الي حجم المدن الجديده التي تم انشائها ولولاها لغرقنا جميعا وانحشرنا في هدا الوادي الضيق ، انا لانكر ان هناك سلبيات كثيره ولاادافع عن الحكومه فلست ولااتمني ان اكون احد وزرائها لانك سوف تجد نفسك وانت مسؤل لن تستطيع فعل شئ والاسباب كثيره . كل منا ينظر الي الاشياء بطريقته واتمني ان نكون منصفين لان مصر المصريين تستحق منا الدفاع عنها فهي اجمل واغلي بقعه في العالم حبوا مصر تحبكم واعطوها تعطيكم وعظموها تعظمكم ولاتسيئوا لها فهي جميله تحب ابنائها وتحتضنهم في كل الظروف . معدره فانتم جميعا اهل لدلك
ولكم تحياتي

يا مهندس عبدالله أن أفهم تماما دافعك للكلام و لكنك تتحدث عن انجازات كانت رد فعل طبيعي للاستقرار و لو جبنا عيل صغير في ظل عدم الحروب و غيره لحقق تلك الانجازات و لكنك لا ترى حتى مع تنفيذ تلك المشروعات هناك سرقات كثيرة جدا من وراءها و هذه السرقات تعود على المواطن الفقير و للاسف الشديد فلا يكابد الشوق الا من يعانيه
تتحدث عن الرخاء و التطور و كأنك لا ترى أن كيلو الطماطم متوقع له أن يصل 9 جنيه و و ممكن اكتر و كل شيئ جايز يعني الموظف العادي ممكن يجيب بمرتبه طماطم بس دا طبعا ناهيك عن اللحمه اللي ممك بمرتبه يدوب يعدي من عند الجزار يشمها بس و ممكن يتخانق الجزار معاه
يا سيدي الفاضل انت بالفعل عشان تدور على جانب مضئ تبقى زي اللي بيدور على حبة خردل في كومة قش كبيرة جدا
و أزمة اقتصادية اللي حضرتك بتقول اننا عدينا منها و امال غالا الفاحش ده ايه و عدم سيطرة الحكومة على الأسعار و كان في برنامج ظهر فيه محمود محي الدين وزير الاستثمار و فضل يتكلم عن الرخاء و معدلات التنمية اللي حققته الدولة و براعة الحكومة في تفادي الأزمة الاقتصادية و غير ذلك و الله جه واحد من الطبقة العادية و فضل يضحك و قال بين اني الوزير جاي من كوكب تاني أو هو مش حاسس باللي احنا فيه أو بيضحك علينا و كأننا مش عايشين و دا أكبر استخفاف بعقول الناس
سيدي الفاضل المهندس عبدالله و سيادتك على ماأعرف مهندس معماري ما تشوف الغلا في مواد البناء و الحديد و الاسمنت و أحمد عز وعدم قدرة الدولة أو وزير الصناعة في السيطرة عليه و ازاي هو ما رضيش يمرر قانون الاحتكار في مجلس الشعب
فعلا الدوله و لن أكون مبالغا في ذلك ان قلت أن الدوله أصبحت مثل ثوب مهلهل ممزق من كل ناحية و الاصلاح صعب و لن تجد جانب مضئ نستطيع الحديث كثيرا عنه الا ممكن ومضات تظهر على استحياء و كأنها تخجل أن تظهر في وسط ذلك الخضم من الفساد
سيدي على مستوى البلد دول بعد ما رصفوا الأسفلت أي كلام حتى حفروه تاني
احنا البلد الوحيد التي تسفلت الطرق عشان تحفرها تاني و تسفلت عشان تحفر و هكذا
ان الدولة تحتاج معجزة الهية لكي تنتشل مما هي فيه من الفساد

خالي الكريم عبدالله
السلام عليكم ورحمة الله وبركاته
والله هذا كلام حقيقي كلما نزل الى مصر مصري يعزي نفسه حتى قال لي أحدهم اذا استطعت أن تكتب وصيتك أن تموت في السعودية فافعل فضحكت وقلته حرام عليك مصر جميلة قال لي بسي انزل واجلس فيها لمدة ستة أشهر وأعطني النتيجة وآخر قال الناس اتغيرت أخلاقهم كتير أخلاقيات لا تمت للدين بصلةالكل ملهي في لقمة العيش وترك أولاده يربيهم الشارع والتلفزيون.
الحالة السياسية مزرية الى الآن لا نعرف من سيحكم البلد في الأيام القادة وان شعور المواطن البسيط أن جمال مبارك هو الخليفة المنتظر .
النصارى تتعاظم قوتهم وتتأكل الدولة أمامامهم أنظر مثلاً قضية وفاء قسطنين وماري وكامليا شحاته اختطفت الكنيسة من الدولة هيبتها أليس من الأجدر أن تطلق سراح الثلاثة أسيرات داخل الكنسية ويعطوا لهم الحرية في اختيار الدين انظر الى المظاهرات ؟ كلنا نقول أن الحاكم جاء ليلبي طلبات الشعب والشعب عاوز الحرية واطلاق السجينات من دولة العباسية (أقصد الكنسية) في انفلات كنسي غير مسئول لابد من محاسبة كل من يريد نشر الطائفية وتقبلوا تحياتي

السلام عليكم ورحمة الله وبركاته
ابى الاستاذ حسانين كل الا حضرتك ذكرته
صح اوى الحال لا يصر لا عدو ولا حبيب .
فعلا الاسعار مش عارف مين الا غلى الاسعار كده؟؟؟؟
بجد حاجة زادة عنحدها اوى ؟؟؟؟؟؟؟؟؟؟
باختصار البلد قول عليها يلا السلامة؟؟؟؟؟؟؟؟؟
ابى للاهتمامك لاحوالنا رغم حضرتك بعيد
ربنا يرجعك بالسلامة ابى.....

الاخوه الافاضل
دعونا نتفق فكل منا ينظر للامور من وجهه نظره وانا لاختلف معكم فيما دكرتموه ولاشك لحظه انكم تريدون مصر دوما للافضل ولكن من وجهه نظري ان نتبني دوما النظره المتفائله وندكر الانجازات ومعها السلبيات اما ان يكون كل شئ امامنا سئ تماما مثل صحف المعارضه تجدها تبحث عن السلبيات فقط ولانحد ابدا من يري الايجابيات تري دلك في كل جلسه او اجتماع او حوار لدرجه تحعل البعض يعظم الصغائر من الاعمال واحيانا يخترع من الموضوعات المثيره لانجاح برامجه مثل بعض برامج القنوات الخاصه مثلا او تحد من يستغل ويتاجر بمشاكل الناس حبا في الظهور مثل احزاب المعارضه ولكني اكاد اجزم انه لايوجد من يدكر كلمه طيبه في حق هده البلد . والسؤال الي هده الدرجه كرهناها ام كرهنا انفسنا ودول العالم كله بها الفقراء والسرقات والرشاوي بل اكثر منا بكثير ولكننا لانجد منهم من يكره بلده مثلنا لدرجه ان احدهم اراد ان يدفن خارجها ونسي انه تربي فيها ونسي انه دهب يبحث عن حفنه م الدولارات التي يدفع فيها دمه وحياته ويتحمل من اجلها المهانه احيانا ارجوكم راجعوا انفسكم ودعونا نناقش السلبيات والايجابيات ونبحث عن الحلول كما دكر بعضها الاستاد طارق دعونا نكون ايجابين وكل منا لايستسلم للواقع ونقاوم الفساد ولانرضي بالظلم ونبلغ عنه الجهات المسؤله ويساعد كل منا الاخر من موقعه دعونا نبدا بانفسنا لمقاومه الظلم ومساعده المحتاج وليسال كل منا نفسه سؤال واحد ومحدد مادا قدم من موقف ايجابي لبلده علي العام ولاهله في قريته علي الخاص وكم موقفا تبناه وحاول ولم يياس وماهي النتيجه اعتقد اننا لو حاولنا كل في تخصصه وكل في موقعه سوف تجدوا مصر اعظم دوله
ولكم تحياتي

في اعتقادي أن الكلام جميل لكن الواقع مؤلم فوالله ما رأيت مصري يشكر في الوضع الآن الكل يشتكي إلى الله من الوضع الراهن وتقبلوا تحياتي

باش مهندس
تحياتى لك ةلكل الاعضاء
سؤال
هل يوجد فى مصر معارضة حقيقية
انا مدرس تاريخ وها اقول لك حصة من الحصص

عنوان الدرس: الوطنيه
حيّا التلاميذ العَلم مرددين بصوت واحد
تحيا مصر تحيا مصر تحيا مصر
انفض طابور الصباح وحمل التلاميذ شنطهم وفى صفوف منظمه ذهبوا لفصولهم
بدأت الحصة الأولي
دخل المعلم الفصل
وقف التلاميذ لتحية الأستاذ
فقال الأستاذ لهم أجلسوا
وكتب الأستاذ على السبوره
الدرس الأول
الوطنيه
والتفت الأستاذ لتلاميذه وسأل سؤال؟
مين يعرف يقولى مين هما نواب البرلمان؟
فرفع "حاتم" يده: أنا أنا
فقال الأستاذ : قل يا "حاتم":
فقال "حاتم" نواب البرلمان يا أستاذ:
نواب علاج
نواب قروض
نواب وظائف
فرفع "رامي" يده وقال: يا أستاذ نواب البرلمان هم:
نواب نائمون
نواب غائبون
فرفع "زكريا" يده وقال: يا أستاذ نواب البرلمان هم:
نواب معينون
ونواب موظفون
فنظر الأستاذ إلى "مصطفى" فى أخر الصف فى الفصل وقال له:
يا "مصطفى" ألا تشارك زماليك
فقال "مصطفى" يا أستاذ
عنوان الدرس هو الوطنيه
وهؤلاء نواب ليسوا وطنيون
فقال الأستاذ "لمصطفى" انت الوحيد إللي فاهم
ودق جرس الحصه وخرج المدرس لتبدأ حصه جديده
الاجابة هى
لا يوجد\ معارضة حقيقية فى مصر
المعارضة الوفية التى هى جزء من الديمقراطية الحقيقية
هلى الاقلية المعارضة التى على استعداد للخضوع لراى الاغلبية لمصلحة الوطن
هذا هو التعريف القاونى للمعارضة الوفية
باش نهمدس
انا لست معارض ةللحزب الوطنى حسنات حديثه لا انكرها ولكن

كى يكون هناك معارضه حقيقيه فلابد ان يكون هناك ديمقراطيه
حقيقيه وكرامه حقيقيه للشعب فليس كل من طالب بحقه فى الحريه
والكرامه معارض لان هذا هو المبدأ الاول للمواطنه

مايحيرنى فعلا ، هو أنه يوجد معارضة فى مصر فعلا ،
ولكنها ليست فاعلة أو مؤثرة ، وكيف تكون فاعلة أو مؤثرة ،
وهى بعيدة عن المشاركة فى الحكم ، ولعقود عديدة

و لك

رائع استاذ طارق و تحياتي لك

ربنا معاكم .. كلكم .. بجد خنقتونا .. ودمرتونا .. الواحد بجد جالة احباط من كل حاجة .. وبقيت اكرة ادخل المواضيع اللى الاقى العنوان فيها يخص مصر او حتى الحزب الوطنى بجد الناس غريبة مفيش اى امل فى اى اى حاجة .. طيب وانا اية ذنببى شاب لسة بقول ياهادى فى الحياة لية ادخل مواضيع الاقى كل الماس بتقول خراب ودمار وعمالة تصرح بالعقل اكيد هيجيلى اكتئاب من العيشة واللى عيشينها .. ومن كل حاجة حتى منكم .. بجد الواحد كرة اى حاجة ممكن تتقال عن مصر وعن احوال مصر .. مش عارف اروح فين كل الدنيا بتكرة مصر حتى المصريين نفسهم كرهوا مصر وتقولولى انكم بتكتبوا الكلام دة من نبع حبكم فى مصر .. والله انتم بتنافقوا نفسكم .. انتم شمتانين فى مصر خليتوا الواحد نفسة يهاجر يسبلكم البلد باللى فيها وعيشوا انتم بقا فيها .. بجد حرام عليكم النظرة السودة دى .. طيب لو هيا فعلا سودة اوووى كدة لية منكتبش احنا عن الابيض ولا بجد كلنا ما بنصدق المصيبة تحصل وتكتر السكاكين .. صدقونى قتلتم بكلامكن عن مصر جيل كامل هو جيلى والجيل اللى بعد .. انا صعبان عليا الجيل اللى جاى هيعمل لما يكبر ويلاقى برضة ناس زيكم يعقدوة فى العيشة وفة حاجة اسمها مصر .. الله يسامحكم كلكم

[size=18]يا استاذ (ايمرى شووو)لا يستحق الموضوع هذا الغضب منك سيدى الفاضل فأن الاختلاف فى الرأى لا يفسد فى الود قضيه وما ننكرش ان مصر اصبحت اسوأ بكثير عن ايام عبد الناصر والسادات و انا معك فى ان كده ممكن جيل بحاله يدمر من الكلام الجامد اوى ده ولكن مصر فيها خير والله بس فيييييييييين؟؟!!
واكيد كل واحد رد على هذا الموضوع ده اكيد شاف له على الاقل يوم حلو ارجوكم لا تنظروا الى نصف الكوب الفارغ وبأيدينا ان نصلح بلدنا من منا لا يحب بلده اجمل واسمى البلاد وارقى شعوب البلاد كلها ولكن التشاؤم يسيطر علينا لان الواحد اذا اراد التغير لا يجد الا الهجوم من الاخرين وبالذات (اعداء النجاح)او الى مش عايزين البلد دى تتغير للاحسن فيجب ان نتفائل شويه والله لو بقينا يد واحده لنصبح اقوى واسمى وارق شعوب العالم كله ولكن التفرقه وعدم الوحده دى ورانا ورانا زى ما تكون بتجرى فى دمنا والله بس هنعمل ايه وانا من هنا بدعو كل شخص على المنتدى بذكر الحاجات الى عايزها تتغير ويعطى لها حل منطقى وليس خيالى لان احنا الى هنغير بلدنا مش هيجى واحد من بره مصر هو الى هيغير مصر.
وارجوا ان كلامى ما يكنش ضايق حد.
لكم منى جزيل الشكر على اهتمامكم لتغير مصر الى الافضل .

حبيبي عمري
تحياتي اليك
تعرف يا عمري أنا في السعودية من 16 سنة ونفسي أنزل مصر أعمل أي شئ وأعيش عيشة مستورة زهقت من السعودية واللي فيها كل زملائي اللي نزلوا مصر رجعوا تاني واللي عمل مشروع فشل من كثرة الضرائب والرشوة المنتشرة بشكل فظيع والله يا عمري نفسي أنزل مصر وأستقر فيها هى دي بلدي مصر ولكن ما الحل من وجهة نظرك أنت ؟ نتكلم عن الحياة الوردية ونضحك على أنفسنا ولا ايه انت لسة غير مسئول لما تتجوز ويبقى لك عيال يمكن النظرة تتغير عندك وربنا يرزقك
تعرف يا عمري بنتي سلمى قالت في يوم من الأيام يارب تنزل نهائي علشان نعيش في مصر ولادي نفسهم ينزلوا مصر ففي كل أجازة أولادي سعداء ونفسهم ما يرجعوش للسعودية مرة ثانية وأنا عن نفسي عاوز أبر والدي عمره الآن 74 سنة ربنا يعطيه طول العمر صدقني الحياة هنا مملةبطريقة غريبةالمعاملة غير اسلامية فو الله أملنا في الله كبير في تكون مصر أم الدنيا كما كانت من قبل

اوعى تزعل مني ياعمري والدنيا لسة بخير وكوني أنتقد بعض التصرفات فلإني بحب مصر تكون احسن دولة تعرف يا عمري أنا مرة جيت أنزل مصر رحت المطار في الظهران سألني عسكري وضحك تعرف قال ايه قالي بالحرف الواحد ان المصريين بيجوا في السعودية ويربوا لحيتهم وعند النزول يحلقوا لحيتهم يعني اللحية أكل عيش في السعودية وأنا أعذر بعض المصريين الذين يحلقون لحاهم لإن الأمن شديد في مصر رغم أن مصر اسلامية وانت عارف بيعملوا ايه في الملتحين انظر مثلاً النقاب في مصر محارب من الجهات الرسمية في الجامعات وفي الشوارع تضييق عليهم في كل مكان رغم صورأحكام قضائية بدخول الجامعة وضربت الجهات التنفيذية الأحكام عرض الحائط أنا عاوز ماتزعلشي مني والله بأتمنى أن يكون جيلكم أفضل من جيلنا وجيل أولادي أوفضل من جيلنا وجيلكم نتمنى للانسان المصري أن يكون له عزة في كل مكان أينما ذهب وتقبل تحياتي

يا جدعان مش عاوزين نلبس ثوب الوطنية الزائف و نضحك على نفسنا بدعوى بنحب مصر و مصر هي أمي و دا كلام جميل جدا بس اللي يقال دا واقع و حقيقة و سيبك من التفاؤل انت لو مالكش واسطة هتموت بالفعل و الله كلنا بنحب بلدنا و المزايدة على النقطة دي مش حلو بس في حقائق و أرقام و حوادث و كلام كتير و ليه نضحك على بعض بس دا الواقع مصر زمان مش دلوقتي و دا مش لأننا ما بنحبش مصر لا بنحبها بس خليكوا واقعيين و مش عاوزين ندفن راسنا في الرمال

والله ا ليكم كلكم وعارف ان مصر دى احسن حاجة موجودة فى الدنيا بس مش عارف لية حاسس ان كل الناس كرهت مصر اجى اتكلم مع حد يقولى شغل اية وزفت اية انسى .. وتروح لحد تانى يقولك ياعم الدنيا خربانة وكل حاجة باظت وخراب البيوت داقق فى كل مكان .. والواسطة مالية البلد .... انا كرهت الروح الانهزامية والاتكالية دى .. البلد بايظة ياجماعة طيب متبوظ البلد الاهم اننا كمان مش نبوظ زيها والله الشغل مالى الدنيا انا هتكلم على المكان اللى انا شغال فية .. (شرم الشيخ ) والله البلد دى مليانة شغل لكل الناس ولكل الطبقات .. بس الشباب هو اللى عايز يشتغل بهوات وأساتذة وملوك مالة الشغل العادى اللى موجود .. ايوة الواحد ممكن يتخنق من الشغلانة وانة فعلا طموحة اعلى من كدة بكتير زيى مثلا اكيد انا طموحى اكبر من الشغلانة اللى انا فيها .. بس صدقونى والله سمعت نصيحة من حد قريب من قلبى اوى  ان مالة الشغل الصغير مسيرة فى يوم هيكبر ويبقى تمام ومن يوميها و انا اقتنعت وكبرت اووى على الاقل فى نظر نفسى .. و الواحد مستريح فى شغلة واكيد الخير كلة عن ربنا والرزق برضة عند ربنا .. و كلة هيبقى تمام .. مش عارف لية الشباب رافض اى شغل وان لازم الشاب يشتغل شغل معين .. ويا سلام لو كان الشغل دة الواحد يكون فية بية ... طيب هقولكم انا فى يوم واحد جالى ثلاثة شباب زى الورد وحبايبى و اشتغلوا التلاتة ..بس للاسف مكملوش لانهم نظروا للشغل بطريقة تانية بأن الجو متعب والدنيا مش حلوة .. طيب نعمل اية فى الجو نكيفة مثلا ولا نعمل اية .. ما الالاف شغالين فى نفس الجو ولا بيشتكوا حتى .. مش عارف ..المصيبة بقى ان لما تيجى تعمم الموضوع دة على الشباب كلة تلاقى ان الشباب مش عايز يشتغل وحجتة ان الشغل مش مناسب طيب تعمل اية تقعد جمب الحيطة وتقعد تسب فى العيشة واللى عيشينها وفى مصر واليوم اللى الواحد اتولد فية فى مصر .. طيب ما فيها اية اشتغل انت وطور نفسك .. ولا مستنى الميرى .. انسى دة مش زمن الميرى وبعدين شغل الميرى دة بيعلم الكسل ومفيش انتاج ولا عمرك هتكبر ابداا .. هو دة اللى خانقنى الكل بقا يقول ينعل ام مصر .. طيب ومصر ذنبها اية .. ابتدى من نفسك من جواك .. فيها اية البلد بايظة عادى البلد كنت ابوظ من كدة زمان ايام الحروب وكان الشباب بيشتغل والبلد خرجت من القمقم دة وبقينا فى 2010 لية هنفضل ميتين جوانا لازم نخرج ونحارب الفقر ونحارب الكسل نشتغل اى اى حاجة ورزقى ورزقك على الله .. بلاش نطبطل على النعمة .. وبلاش نقعد ونسمع اللى بيقول مصر دى بلد خربانة ونهللة ونقولة ايوة دى بلد خربانة ..  المفروض ااقولة خربانة خربانة المهم انى مخربش زيها وانا لو اشتغلت ورضيت بأى شغل مسيرى هكبر فى شغلى ومش هحس بحاجة .. ياجماعة والله حرام الواحد اتخنق من كل حاجة سيبونا نحلم حتى 

كده تبقي عمري
اوعي حاجه تهزمك واوعي تتضعف لان الله خلقك وسخر كل شئ ليك والضعف مننا نحن البشر وكل ضعيف يلقي باللوم علي الاخر وعلي البلد والفساد نستطيع مقاومته لانهم ايضا بشر وهم دوما اضعف منك لانك علي صواب واجتهد في كل شئ واضرب الارض في كل مكان والامثله حولك كثيره ويستطيع حسانين ان يحكي لك صبره وسعيه وايضا كل الزملاء الافاضل المشاركين في الموضوع اري انهم امثله ممتازه من الكفاح
ولكم تحياتي