لييييييييييييييييييييييييييييييييييييييه

السلام عليكم ورحمة الله وبركاته

اختكو ف الله تستودعكم بالا راجعة

ده كان عنوان موضوع فى الشكاوى للعضوة الكريمه
best flower rose
وتقريبا جيت اعلق عليه لقيته اتمسح للاسف
بس انا فاكرة الكلام اللى هى قالته

والله كانت بتشكر فى المنتدى كتير بس شكلها كده مكنش عاجبها بعض الحاجات اللى برده مش عجبتنى
كانت كاتبة
اخوانى فى الله اعضاء المنتدى .....
بقدم اسفى الشديد لتواجدى بينكم
من الواضح ان حضراتكم مجموعه واحدة
وحاجة كده مينفعش الواحد يتدخل بينهم

وانا هقول زيها بالظبط

بكرر اسفى لانى تطفلت ودخلت منتدى كنت معبتراه احد واسائل اللى استفدت منها وبالخصوص مواضيع استاذ حسانين جزاه الله عنا كل خير ويرزقه الجنه

كنت حاسه انى هكون اصحاب وهتعرف على ناس كويسين بجد
ومن الناس اللى ليها منى كل الاحترام والتقدير الاستاذ أحمد الله
وبشكره على احترام اراء الاخرين اللى ناس كتير مش بتحترمها

ده بجانب انى كنت هتعرف على صديقات جدد على المنتدى منهم الصراحة الاخت الكريمه اللى حبيت مواضيعها اوى وحسيت انها تقيه
الاخت best flower rose

والاخت قمر الليل من الناس العزيزة عليا اوى اللى اتعرفت عليها ع المنتدى و انج نور

وخسارة ملحتقتش اتعرف على باقى الناس

وقالت كمان

لكن خلاص هنسحب من المنتدى اللى اعتبرته وانا بسجل... كتابى اللى هلاقى فيه كل المعلومات اللى معرفهاش
وكان نفسى اقدر افيدكم ولو بالقليل

بس ياريت تعملو زى ما الاخت كانت كاتبه بكلام ربنا اللى بيقول (ولا تجسسوا ولا يغتب بعضكم بعضا ايحب احدكم ان ياكل لحم اخيه ميتا)

صدق الله العظيم



ومش عارفه ليه فى حد مسح الموضوع اللى best flower rose كانت كتباه بستغرب بصراحة

وهنسجب من المنتدى انا كمان بلا راجعة

و لكل واحد احترم رأى وكل واحد احترم كلامى له احترامى

اختكم فى الله
.................

بشكر حضرتك يا استاذ صلاح بجد

وكده فعلا كلام اختى بيست كان صح ان فعلا فى ناس هنا ع المنتدى لها كل الاحترام
واكيد منهم حضرتك

لكن فى ناس على المنتدى مش بتحترم أراء ناس

لكن هعتذر للمرة التانيه وخلاص فعلا هنسحب

ايه بس اللى زعلك مننا وعلى فكره احنا بجد اسره واحده وبنرحب بكل الموجودين فى المنتدى

وياريت لو فى اى حاجه احنا كلنا جمبك

وعلى فكره ها تعرفى اننا كلنامعاكى من الموضوع ده لاننا ما بنزعلش حد وبنخاف على كل اللى فى المنتدى

وبجد انتى فى بيتك على النت

تقبلى مرورى وارجعى فى القرار

وها اكرر انتى فى بيتك والموضوع ده ها يبين ليكى اننا معاكى وانتى فى بيتك

ممكن هيه اللي تتكلم هيه موجوده علي المنتدي ولا انتي المتحدث الرسمي ليها

وبعدين انتوا اللي عملتوا في نفسكم كده وفعلا زي مانتي قولتي كلنا واحد وبعدين انتي طالما بتقولي كده وهتخرجي من المنتدي ابقي خدي بالك من ردودك الاول انتي ياما هنتيني وبعدين انا عرفت ان العضو شمس النهار ملوش علاقه ببست وده من خلال موضوع مش بتاع جواز وليه دلوقتي طلعتي تبعهم حاولوا تراسلوا الاداره وهما يحلوا ليكم مشاكلكم مش اي حد عنده مشكله يكتب وخلاص وانا والله لولا رد الاستاذ صلاح لكنت حذفت الموضوع وان شاء الله هينحذف مش عايزين ننشر غسيلتا الوسخ ادام الناس وكل واحد يعرف هوه مين وبيتعامل مع مين وميهنش الناس المحترمه ويشوف نفسه الاول هوه صح ولا غلط ولا احنا بس عوزين نعمل فرقعه علي الفاضي
كل واحد ممكن يتحكم في نفسه ويمنع نفسه انه يغلط او يغلط ومحدش يحس بيه
فبجد عيب كده وشوفي ردودك ياشمس النهار الاول وشوفي مين اللي يزعل

دا بقت حاجه غريبه كل اللي عنده مشكله يكتبها علي العام

مش كفايه ولا مش عايز اتكلم ان كان فيه ناس هتزعل بسبب الحوارات دي

حرام عليكم وكفايه كده واظن صحبتك بتعرف تكتب وفيه حاجه اسمها اتصل بنا كانت مشكلتها ممكن تتحل علي الخاص اوتراسل الاداره بمشكلتها والاداره هتحلها
وانت قولتم اننا ايد واحده طيب هتستريحوا لوفرقتونا عن بعض وكل واحد يعمل اللي يعمله
ياجماعه فوقوا

والله ياريت منتكلمش في الوضوع ده كتير عشان بس منغلطش في حد وهنزعل ناس كتير مننا

فياريت نسكت عشان لو الواحد فتح مش هيسكت

روحوا شوفوا الفارس والاستاذ صلاح والاستاذ طارق وجوده ومحمد احمد وسلامه سيف عاملين ايه واتحنا لسه بنتخانق

عشان اريحك هنزعل من بعض ومنكلمشي بعض تاني وانتوا هتستريحوا

انا فاهم كل حاجه فمبلاش نقلب احسن

اما اقوم اصلي العشا احسن ما اغلط في حد

مش هقول فعلا غير بجد انا اد ايه كنت مبسوطه هنا ع المنتدى
واد ايه كنت بستفيد وصدقنى يا مستر مصطفى انا مقصدش حد بعينه وربنا اللى يعلم

وفعلا محدش ضايقنى من اعضاء المنتدى شخصيا
وليكم منى جميعا كل التقدير والاحترام

وحاشا لله وربنا هيسامحنى على اللى بقوله ده
والله انا مكنتش اقصد جد بعينه
يمكن فى حاجت معجبتنيش اه

لكن كاعضاء محدش ضايقنى بجد

وبشكر استاذ صلاح على رده

وبقول لشمس ان المنتدى هنا هى هتستفيد منه كتير زى ما انا استفدت منه كتير

وربى شاهد على اللى بقوله ده
وهحلف تانى انى عاجبنى ترابطكم ويارب تفضلو كده دايما يارب
وبعتذر لو كنت ضايقت حد بكلامى من غير ما اقصد بجد

ويا مستر مصطفى بجد بكرر والله ما اقصد اللى حضرتك قلته ده نهائى ورنا شاهد على اللى بقوله دلوقتى
: ((((((((((((((((((((((((((((((((((((((

خلي قرار الانسحاب هوه ال last resort ليكي

وعايزين نعرف هتدخلي تاني ولا مش هتدخلي ولوحد كان زعلك اعتبرينا اخواتك الصغيرين

يعني متزعليش من حد ورتبي اوراقك وعايزك متنسحبيش اوك

مصطفي الجندي كتب:خلي قرار الانسحاب هوه ال last resort ليكي

وعايزين نعرف هتدخلي تاني ولا مش هتدخلي ولوحد كان زعلك اعتبرينا اخواتك الصغيرين

يعني متزعليش من حد ورتبي اوراقك وعايزك متنسحبيش اوك

اذا حضرتك تقصدنى بالكلام
فانا فعلا بحاول افكر كويس

وصدقنى مش زعلانه اطلاقا من حد على المنتدى

وان شاء الله حضراتكم جميعا اخواتى فى الله وربنا اعلم بذلك : )

وبقول لشمس لو كنت بتقصدها هى

يارب تدخل تانى تشوف الكلام ده عشانتعرف بجد انها بين ناس كويسين فعلا

وليكم جميعا كل الاحترام والتقدير
وربنا يديم المحبه والمودة بينكم جميعا

علي فكره ياروز كلامي ليكي انتي

ومش عايزك تزعلي وان شاء الله هنحاول نراجع اوراقنا احنا كمان

و لذوقك وفين شمس مش هيه اللي كاتبه الموضوع ولا شعللت النار وخرجت ولا ممكن يكون ليها اسم تاني داخله بيه

مرة تانيه بشكرك وانتي فعلا بين احسن ناس

حاسس ان فيه عنف في الكلام

يا جماعة اللي يرد ميردش في نفس لحظة قراءته للمشاركة

ممكن يروح يرد على موضوع تاني ويرجع والله هيلاقي كلام تاني خالص بيكتبه غير اللي كان في نيته

انا مجربها كتير

اما بالنسبة للموضوع اللي مفتوح فانا طبعا مش فاهم حاجة >>>>>>>> كالعادة

ه المهم ان فيه خناقة وانا بحب اتفرج ه

خالص يا استاذ عصام مفيش اى حاجة ان شاء الله : )

ومستر مصطفى متشكرة لذوق حضرتك : )

وفينك يا شمس ..............!!!!!؟؟؟

ياريت نهدى ونقل الموضوع مش ناقصه فرجه ولا ايه يا عم عصام
ه

والله ياجماعه اللى بيحصل ده حسد
واضح اننا محسودين
عايزين نبخر المنتدى هههه
مش عارف ايه اللى كان بيحصل النهارده الواحد كان من اقل الكلمه كان بيحدف كلام زى الطوب

وطبعاكلنا عارفين ان الخناقات هى اللى بتزيد الموده بين الاعضاء

اخوانى يجب ان يكون لنا فى رسول الله صلـّى الله عليه وسلـّم وصحبه الكرام ثمّ الصالحين من أمـّتنا أسوة حسنة فلنقتدي بهذه الأسوة الحسنة ولنتمسّك بهديه صلـّى الله عليه وسلـّم بالتـّعامل مع إخواننا ولنضع نصب أعيننا قول الله تعالى :

(وَلْيَعْفُوا وَلْيَصْفَحُوا أَلا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ )

(وَلَمَنْ صَبَرَ وَغَفَرَ إِنَّ ذَلِكَ لَمِنْ عَزْمِ الْأُمُورِ) (الشورى:43)

(فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظّاً غَلِيظَ الْقَلْبِ لَانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ) (آل عمران:159)

( فَاعْفُ عَنْهُمْ وَاصْفَحْ إِنَّ اللَّهَ يُحِبُّ الْمُحْسِنِينَ) (المائدة:13)


وآيات أخرى كثيرة بالإضافة للآية الكريمه

(إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ) (الحجرات:10)


ولنتذكـّر دائما وأبدا قول الله تعالى مخبرا عن يوسف عليه السلام

(...... مِنْ بَعْدِ أَنْ نَزَغَ الشَّيْطَانُ بَيْنِي وَبَيْنَ إِخْوَتِي إِنَّ رَبِّي لَطِيفٌ لِمَا يَشَاءُ إِنَّهُ هُوَ الْعَلِيمُ الْحَكِيمُ) (يوسف:100)

نعم إن وضعنا نصب أعيننا هذه الآيات وسيرة الحبيب صلـّى الله عليه وسلـّم وفعل أصحابه رضوان الله عليهم ثمّ الصالحين من أمـّتنا لفز*****اللهمّ وفـّق كلّ المتخاصمين للحبّ فيك والعودة إليك والصفح عن إخوانهم