مجرد اقتراح

السلام عليكم ورحمة الله وبركاته

اعزائي واخواتي اولاد قرية امياي الحبية انا علاء رمضان خريج كلية الالسن قسم اللغة الايطالية
 
واشتغلت من قبل في شركة سياحة كنت بها مرشد سياحي ايطالي ....وفي الوقت الحالي اعمل في شركة اتصالات وعملي هو خدمة عملاء دولية سواء للايطالية او الانجليزية..

اني عندي اقتراح واري انه سيفيد بلدتتنا ...الجميع يعلم ان في الوقت الحالي اللغة الايطالية اصبحت من اللغات القوية والمطلوبة ففي سوق العمل المصري سواء في السياحة او الترجمة او شركات خدمة العملاء او شركات البترول ...الخ

انا عندي اقتراح انا بفكر ان انزل اللغة الايطالية في الثانوية العامة :

 بمعني ان الجميع يعلم ان كل الطلاب في الثانوية العامة  لهم الحق في الاختيار في الثانوية العامة بين الاربعة لغات الاوروبية وهم

 1-اللغة الفرنسية
او
2-اللغة الايطالية
او
3-اللغة الالمانية
او
4-اللغة الاسبانية

ولكن هذا يرجع الي رغبة الطلاب والي توافر او وجود مدرس المادة ...فكان لا يوجد الا مدرس للغة الفرنسية فكان لزاما علي الطلاب باختيار اللغة الفرنسية...ولصراحة في الوقت الحالي اصبحت اللغة الفرنسية غير مطلوبة في سوق العمل واصبحت امتحانتها صعبة لكثرت الطلاب بها ...
وانني بقترح علي اعضاء هذا المنتدي الذي في الوقت الحالي اصبح كهمزة الوصل بين افراد البلدة ..انني قررت ان افتتح قسم اللغ الايطالية بمدرسة الثانوية العامة من اجل ان تكون مدرستنا  متعددة اللغات وهذا لسهولة وبساطة واهمية اللغ الايطالية


افيدوني بالرد...وانتظر ردكم

أهلا ومرحبا بك فى منتدى الجبابرة منتدى شباب إمياى أ/ علاء رمضان البوجرى

بالنسبة للاقتراح حتى يؤتى بنتائج إيجابية يتم كالآتى
تقوم إدارة المدرسة بمخاطبة الجهات المسئولة من أجل إدراج اللغة الإيطالية للتدريس فى المدرسة لتقوم الجهات المسئولة بتوفير ما تحتاج إليه المدرسة من كتب ومعلمين ووسائل تعليمية ويكون ذلك من خلال طلب مقدم من أولياء الأمور وموقع منهم على أن يوقع فيه عدد كبير من أولياء الأمور يزيد عن مائة
أو يتوجه أولياء الأمور بهذا الطلب إلى مديرية التربية والتعليم ومعهم مجلس الآباء والمعلمين بالمدرسة ويقابلوا وكيل الوزارة ويناقشوه فى هذا الأمر



مدرسة بلتان الثانوية بنات بها لغتان الفرنسية والألمانية أما إمياى فلا يوجد بها إلا الفرنسية وهى لغة سهلة وليست صعبة كما تقول كما أن امتحاناتها سهلة حتى تجذب الطلاب إليها وهذا ما لاحظناه خلال الأعوام الماضية فى ارتفاع درجات اللغة الفرنسية مقارنة بأى لغة حتى وإن كانت اللغة العربية

دمت بخير

بصراحه انا كطالبه دلوقتى بقول ان اللغه الفرنسيه خلاص بقى الكل بيتعلمها يعنى مبقتش اللغه الى تميز شخص فا احنا فعلا عاوزين قسم للالمانى تكون لغه مختلفه ويبقى القسمين مطلوبين ونتعلم الى نحبه للاننا بس جربنا فرنساوى فا عاوزين نجرب الايطالى فا بقول يعنى معنى كلامى ان الكل بقى بيتعلم فرنساوى فا دى مش لغه تميز شخص اما لو فى مثلا النص فرنساوى والنص ايطالى فالاتنين فى مجال العمل مطلوبين ولا ايه

الاقتراح جميل جدا

بس ياتري اللغة الايطالية هتكون مع الفرنساوي ولا هنختار بينهم؟؟؟؟

لو كانت اضافية ...يبقي احنا عاوزينها اكييييييييييييد

السلام عليكم ورحمة الله
ا للاخوة الكرام علي الرد الجميل والاهتمام بالموضوع...
انا بالفعل يا استاذ مصباح انا رحت للمدرسة وكلمت الاستاذ هاني مدير المدرسة وهو مش ممانع خالص ...بس قالي الطلاب الهم عاوزين اللغة اكتبلي اساميهم في ورقة واعملك طلب وتوديه الادارة ..وكمان يا جماعة انا اكتشفت ان فيه توجيه ايطالي في طوخ لان مدرسة ميت كنانة الثانوية  وفي مدارس تانية في طوخ بالفعل فيها ايطالي ...والاستاز هااني قالي كمان متحملش همك هنظبطلك الحصص مع الشغل بتاعك ...
بس المشكلة عندنا في البلد كل ما اتكلم مع اي طالب ..احس ان هو بيبص تحت رجله بمعني ..اليقولي انا اخترت فرنساوي وخلاص بدأت الدروس ...واليقولي مش عاوز اسيب اصحابي وعاوز اروح معاهم الدرس ..بيحسسني ان انا هدرسله في مدرسة تانية ...انا والله مش عاوز حاجة من الموضوع ده الا ان انمي البلد باللغة دي لانها بصراحة مطلوبة بكثرة في السوق العمل ...وانا شغال بيها كويس جداا و مرتبي فيها يفوق مرتب ستة بحالها من الشغل في التربية والتعليم..
يا جماعة كل شركات القرية الذكية وكل شركات الاستثمار والمصانع والسياحة والاتصالت طالبة ايطالي ...يعني خلاص الفرنساوي مش شغال وكمان صعب ...انما اللغة الايطالية من اسهل اللغات الاوربية ..مين النهارده بيشوف اي فيلم سواء اوربي او مصري ولازم تلاقي فيه اسم بلد زي ايطاليا ..
وكمان للاخت ايمي حابب اقولها ان الاختيار بين الايطالي او الفرنسي بمعني انك بتحتاجي لغة من الاتنين ...
وكمان انا قولت للطلبة تعالوا حصة اوضح ليكم مباديء الايطالي عشان تقدروا تحكموا بينها وبين الفرنساوي ...بس للاسف مفيش فايدة ..
علي العموم ا علي وقتكم وانا بصراحة كنت بتمني اني اعمل حاجة كويسة للبلد بس للاسف مفيش فايدة كله بيستسهل وبيخاف ...
وا جزيلاا لكل الاخوات علي الرد الجميل ..

استاذي العزيز

بالنسبة لينا كبنات يعني مش معقول هنكون بنفكر في دراسة اللغات عشان الشغل

بالعكس دي مجرد مادة ترفيهية _انا شايفاها كده _انا بحب جدا اللغات ونفسي ادخل السن بس طبعا البيت مش راضي خالص وضد الفكرة دي

حضرتك بتكلم فلاحين يعني كل همهم التعليم يخلص ونشتغل اي شغلة ما يهمهمش بقي اذا كانت تحتاج لغات ولا لا

انا ماعنديش مانع لو في ايطالي في المدرسة من حكاية الدراسة

بس المشكلة بقي انها مش هتنفعني

يعني هدرسها كنوع من باب العلم بالشيئ

و لمجهودات حضرتك في انك ترتقي بالبلد لكن للاسف محدش هنظر ليك من الزاوية دي

تقبل رأيي